瘋狂小面 (佳德商業大廈)

營業中

休息中

呢間隱世川麵位於中環士丹利街，仲記得第一次去食，都搵左好耐🤭今日又黎翻兜先🤤先來就係瘋狂牛肉麵，追加左牛肚，由於我同朋友都唔係好食得辣，所以就帶咗BB辣同BB麻🤭個就好喜歡佢地既麵，麵質好爽好彈牙，同時又索晒湯嘅精華🍜叫咗一碗紅湯，第二碗梗係要返碗白湯啦😉呢款就係酸菜豬肚麵，另外追加左肥腸同酸菜，值得一提嘅係，呢度嘅酸菜好好食！成日都出街食，好似好唔健康咁，係咁意都叫番掂上湯素菜，自我感覺良好啲呀嘛！壓軸嘅係我最鍾意食既棒棒雞，雞件好嫩滑，如果同我一樣鍾意麻多個辣嘅朋友，就一定要試吓啦，棒棒雞嘅麻香味好重，邊個會抗拒到啊‼️