瘋狂小面 (佳德商業大廈)

營業中

休息中

超耐無黎瘋狂小面食野。呢間瘋狂小面係位於中環既一間樓上餐館。餐廳走中國風，主打傳統重慶小麵，主要做麵餐，三款組合三個價錢，分別係麵+飲品既$83，麵+飲品+小吃/甜品既$93，同麵+飲品+小吃+甜品既$103，設加一，價錢比大半年前黎略為加左價。另外可以再加料。飲品同小吃都可以加錢升級。麵可以揀乾撈麵或者湯麵，仲可以揀麻度同辣度。實在係太多野揀，自己剔紙就可以。餐廳都有提供缽缽雞、四川冰粉等正宗四川菜。今晚我地每人叫左一個麵餐。瘋狂豌雜麵我鍾意呢款中式拉麵係有咬口既。叫左走辣，味道都好好，拉麵味道調得唔錯，每條麵都沾有醬汁，夠味，而拉麵本身係熱既。配料有滑溜好似薯蓉既豌豆蓉同埋調好味既肉碎，仲有兩條菜心。上面仲加左花生米、青蔥同榨菜等，提供唔同既口感。番茄牛肉麵估唔到四川餐館都有番茄牛肉麵食。番茄湯底超正，帶有天然番茄甜味，好開胃！牛肉超薄切有5塊，都嫩既，仲有兩條菜心，上面仲加左大量青蔥同香茜增强味道層次。涼拌木耳 （跟餐）餐牌寫住有兩隻辣椒，真係好辣。木耳份量唔少，仲伴有辣椒。鐘水餃 跟餐+$32 另加一鐘水餃一客六件，細細隻，不過塊皮好滑又夠薄，餡應該係豬肉碎，食落只係少少辣，其

餐廳有四類食品，分別係A瘋狂小面、B瘋狂飲品、C瘋狂小食以及D瘋狂甜品。套餐共有三個選擇：1️⃣A+B（$78）；2️⃣A+B+C/D（$88）；3️⃣A+B+C+D（$98），怕會太辣所以叫左Set 2，叫齊飲品（烏梅汁）同甜品（冰粉）準備打大佬👊🏻👊🏻👊🏻。味道唔錯，不過價錢偏貴，仲要加一，唔想等位食辣野可以久久黎一次。另外呢度只收現金，記得㩒定錢先上黎，咪食霸王餐呀🤣。🌖瘋狂大排麵湯底惹味但真係幾辣，飲第一啖湯底已經嗆一嗆喉，飲第二啖之後隊左半杯烏梅汁，所以我都係放棄左個湯底。好彩個麵又唔會太辣，唔係真係叫多幾杯野飲都唔掂🙈；以為「大排」係豬排但原來係排骨，兩件一字骨之外仲有多件豬軟骨，肉嘅質感適中，夾起仲係完整一整件，未去到筷子一夾就散，但又唔會太韌太鞋。🌖成粉老冰粉冰粉上有五種topping：提子乾、花生、酒糟、山楂同芝麻。其中花生、芝麻同提子乾質感同冰粉嘅差異較大，我就偏好切碎左嘅山楂片多啲，因為已經開始變軟兼溶溶地，可以大口大口咕嚕咕嚕咁吞曬落肚。-

呢間餐廳裝修好有中國風 有特色 今日放工行過就決定同同事一齊試下套餐可以揀一款小食，麵食同埋飲品要左瘋狂牛肉麵套餐同瘋狂肥腸麵套餐 個湯底又唔同辣度 可以揀視乎返自己食到幾辣去揀小食我同朋友分別揀咗棒棒雞同埋泡椒鳳爪 棒棒雞類似口水雞咁 夠惹味開胃 鳳爪個皮夠晒膠 辣辣地 好味道主角牛肉麵用紅燒方法去煮 夠曬香又夠淋個湯底夠濃味 好好食同事個肥腸麵 肥膠就真係夠曬肥 嗰啲腸仲要夠晒入味 係邪惡啲但耐唔耐都okay飲品我哋就揀咗啲烏梅汁同埋羅漢果冬瓜茶 酸酸地嘅烏梅解下辣都幾好飲 羅漢果冬瓜茶無想像中咁甜啱啱好

今日想食中菜，於是就嚟咗office附近嘅川菜麵館試下😉餐廳入面係中國風嘅裝修風格，幾有古典Style 😂野食方面有幾款combination: 1. 面+飲品 $782. 面+飲品+小食/甜品 $883. 面 + 飲品 + 小食 + 甜品 $98我地都叫左 $88套餐，但要注意❗️某啲小食同野飲要加錢架😉🔻#酸辣粉套餐 -正宗重慶酸辣粉-羅漢果冬瓜茶-燒椒茄子 🍆 （+$32）酸辣粉幾好食，薯粉非常煙韌同埋有口感❗️🤤今次嗌左小辣，雖然望落好似好辣😂😂但其實ok的，另外幾欣賞佢辣味唔會覆蓋過酸味，幾正宗🤤另外碟茄子一碟有幾舊，辣辣地又涼涼地，調味做得好惹味，幾開胃😋🔻#瘋狂牛肉麵套餐-瘋狂牛肉麵 （白湯 不辣）-冰糖雪梨汁 （+$6）-涼拌木耳湯底可以揀紅湯同白湯，朋友揀左唔辣，湯底唔會好油，幾濃味，而牛肉好腍好入味，麵質軟硬度啱啱好❗️份量都算幾多架☺️

#📍 瘋狂小面 (佳德商業大廈) (中環)中環士丹利街66-72號佳德商業大廈1樓🔸瘋狂牛肉麵+棒棒雞(+32)+成都老冰粉+飲品 $98🔸瘋狂大排麵+成都老冰粉+飲品 $88🍒點評時間餐廳係用套餐組合叫野食嘅$78套餐：主食、飲品$88套餐：主食、飲品、小食/甜品$98套餐：主食、小食、飲品、甜品麵食湯底叫左小麻小辣🌶湯底雖然都幾油但麻麻辣辣令人好想再飲🤣麵質口感彈牙幾有驚喜👍🏻牛肉同排骨都煮到好淋好好食😋小食棒棒雞上枱時嚇親 份量略嫌較少🙁類似口水雞嘅味道 不過比較上冇前者咁麻餐廳將雞肉切片 如果好似口水雞咁大舊啲口感會更好成都老冰粉配上花生、葡萄乾、芝麻等配料食落有多種層次👍🏻最後當然要食碗冰粉解解辣😆好味指數😋：⭐️⭐️⭐️⭐️抵食指數😛：⭐️⭐️⭐️服務指數⚜️：⭐️⭐️⭐️⭐️環境指數🧽：⭐️⭐️⭐️⭐️⭐️

喺中環見完客，同事話食個快dinner 再返公司，之前聽朋友講過士丹利街有間上樓餐廳食重慶麻辣拉麵好好食，search 下立即揾倒！餐廳裝潢有心思，中國風設計又型又企理！Menu 主打套麵食套餐，包括：A（拉麵）＋B（飲品）＋C（小食）＋D（甜品）嘅組合，自算配塔，豐儉由人，價錢大約$78-$116不等。🌶️瘋狂牛肉面🍜 $116 （加飲品同小食）除左湯底可以揀白湯或紅湯，仲可走揀辣味，麻味，走蔥芫茜、花生之類，我就點左紅湯少麻同普通辣，湯頭香味濃郁！少左麻但辣味依然勁香！牛肉鬆軟嫩滑，忟得入味而且咬落有韌度，最驚喜係麵質！餐牌寫”新鮮水麵”唔係浪得虛名，口感彈牙！一食愛上！🌶️瘋狂肥腸面🍜$78 （跟飲品）同事果碗係普通乜都唔加唔減，好明顯色澤上紅D，食落都係辣小小！用滷水煮過的大腸洗得好乾淨，食落有咬口，好香又入味！原味湯底更掛湯，湯頭麻度同辣度平均！好味！🌶️捧捧雞 +$32 一望落去辣油浸住以為好辣，其實係還可以接受嘅辣，雞肉有雞髀同雞胸等，細細碟嘅捧捧雞份量都好足！推介！  🧃飲品- 冰糖雪梨汁同酸酸甜甜嘅烏梅汁，兩款都清甜好味！啱哂飲完辣嘢飲！

《瘋狂惹味川菜🌶》———————————————-#瘋狂小面 🍜-早排同同事喺中環lunch，想食啲刺激重口嘅川菜，咁佢就推薦咗呢間樓上鋪餐廳，夠哂隱世🍴-小店提供多款自選套餐，可以唔同嘅主菜/小食/飲品/甜品嘅配搭任君選擇，又可以同同事一齊開心share😚-佢哋嘅擔擔麵同我哋平時食嘅有啲唔一樣，係撈麵嚟嘅，麵質富有彈性🍜 麵餅上面佈滿肉碎，帶點肥膏油香，配搭埋麻辣香味，夠晒衝擊🔥-同事食嘅大牌面份量十足，秘製湯底充滿胡椒香，肉排大大舊，炆得十分入味香濃😎 另外我哋加埋個棒棒雞，味道有啲似紅油抄手，但係變咗落手撕雞，幾有驚喜😜-食完辣野又點可以唔飲番杯飲品下火，我哋就揀咗冰糖雪梨汁同柑橘檸檬，最後仲心思思加咗個甜品，紅棗銀耳湯夠哂清熱潤喉😙-⭐ 參考價錢︰瘋狂擔擔面配冰糖雪梨汁：$84瘋狂大牌面配柑橘檸檬、棒棒雞、紅棗銀耳湯： $126🍌 抵deal 指數：7/10💰 人均消費：$120

呢間瘋狂小面一直都係我嘅lunch榜首，事關佢係港島區性價比極高，$78嘅set包一碗大大碗嘅面同一杯飲品，加$10仲可以配埋小食，主要係食辣野，啱哂我口味。今日lunch嚟到，兩個人都叫咗set，我係酸辣粉加煎蛋、大排，飲凍檸水，酸辣粉入面有花生、肉碎、炸菜、芹菜、芫茜，其實淨粉都有好多配料，又酸又辣，非常惹味，大排係豬肋骨，大大舊，好抵食。同事叫咗瘋狂豌雜面加煎蛋、肥腸，凍檸水，豌雜面係四川風味食物，上面有豌豆蓉、花生、肉碎、撈雜醬，撈勻晒好特別好好食，又麻又香辣，係出面好少見嘅菜式，非常值得一試。

內地大型連鎖店 四川地道小麵 尋香不尋辣事隔三年重訪，經過了漫長多事之秋後，有機會同老公二人黎拍拍拖，食碗麵。中環站行七分鐘，因為公司係附近覺得幾好行。提早到了仲去轉donki先入得餐廳。餐廳裝修很有中國風，主要係食面仲要係辣既，呢兩個都是我最愛。揀左大腸麵同牛肉麵，加配小食，應該很精美，唔係好飽果種感覺但係有種精緻既感受。欣賞佢果度麻香而唔會太辣 。位於中環區物價預左比其他區貴 。同餐廳內很多內地人，應該係內地出名既餐廳。

🌟瘋狂肥腸面 $114🌟本身好鐘意食豬腸，但平時會限制住自己少食，因為出面既豬腸整法點都會有啲肥膏，係是乎多定少，而呢度既整法正正係我想要既整法，就係清曬啲內在脂肪，好乾淨🤩辣度就揀咗紅湯少辣，對我嚟講剛剛好，唔過辣，因為得一餸關係，貪心少少再加多咗個大排 ($20)，肉質好軟腍，味道好入味👍🏻🤤🌟泡椒鳳爪 $10🌟小食就揀咗鳳爪，但老闆就話會偏辣，都決定要挑戰一下，又無講到咁辣喎，好彩姐😅🌟紅肉柚子 $6🌟怕太辣既關係就叫咗杯紅肉柚子，而且老闆聲稱無額外添加任何糖份，而且係新鮮製造的🤭🌟酸菜豬肚面套餐 $113🌟妹妹就揀咗酸菜豬肚麵，平時佢比我仲食得辣，奇怪點解會揀呢個，原來係生咗飛滋唔食得辣🤣唔怪之得啦😂好彩都有唔辣既麵揀姐，湯底係用咗四川酸菜湯，飲咗一啖都幾香濃，再加咗隻鹵蛋 ($9)☺️🌟涼拌木耳 +$10🌟小食就揀咗涼拌木耳，老闆都溫馨提示會偏辣，要有定心理準備，食落係偏麻既涼拌木耳，同爽口彈牙，食完都幾開胃，會令人食唔停口🤩🌟成都老冰粉 +$10🌟第一次食老冰粉，味道係鹹甜合併，都幾特別，裡面會有一大舊好似大菜糕既啫喱，鹹果邊係有花生🥜、白芝麻、杞子、酒糟等等既配料，下面就係

🌸中環美食🌸瘋狂小面🌶中環一帶為傳統商業區，當中不乏隱世小店美食，今晚想吃麻辣川菜，因此今天就到了一間主打傳統火辣川菜的隱世小店-「瘋狂小面」品嚐晚餐！小店裝修精緻而且五臟俱全，裝修風格極具傳統中式風格，以中式古代佈置為主調，而小店的服務員態度十分友善，他們都非常之清楚了解餐廳提供的食物❗️能夠向客人詳盡地介紹餐點❗️小店採用A主菜B飲品C小吃及D甜品供食客自己選擇，食客可自由選擇搭配不同食品組合：A+B $78A+B+C/D $88A+B*C+D $98我們今次只選擇了2個A+B+C+D的組合：1️⃣🌟瘋狂牛肉麵套餐配雜醬及紅湯 $107瘋狂牛肉麵配彈牙幼麵，份量十足，粒粒厚切牛肉粒肉質鮮嫩，口感不會韌，紅湯為小店秘製麻辣湯，味道麻辣適中，辣而不燥，有多款料如花生、芫茜等❗️美味指數：⭕⭕⭕⭕️❌賣相指數：⭕⭕⭕⭕️❌抵食指數：⭕⭕⭕⭕️⭕️2️⃣🌟瘋狂大排麵套餐配牛肚及白湯 $111大排麵份量十足，配以小店秘製的胡椒白湯，味道帶胡椒香，豬軟骨肉排味肉質鮮嫩，帶充滿骨膠原的軟骨，味道相當搭配❗️美味指數：⭕⭕⭕⭕️❌賣相指數：⭕⭕⭕⭕️❌抵食指數：⭕⭕⭕⭕️⭕️3️⃣🌟蒜泥青瓜 跟餐蒜泥青瓜配有濃郁蒜蓉，青瓜口感爽口，

老婆今日想食辣嘢上openrice搵到呢間四川面館話題睇相已經流口水。 收工就上咗去食， 六點鐘上去得一枱客超靜，店員散慢好似唔係好想做。見到個缽缽雞串套餐好吸引， 但係再睇價錢就一啲都唔吸引， 可能之前喺深圳食過價錢真係好平， 呢嗰份量嘅性價比真係好低點了兩個套餐， 肉排加大腸白湯麵， 湯底唔錯幾好味，肉排和大腸味道都很好， 最鍾意嘅係佢超多蔥 大廈還有一個四川麻辣牛肉加肉排麵， 麻辣的湯底也做得不錯牛肉也很嫩滑。套餐跟了兩個小食我們點了蒜蓉青瓜，麻辣雲耳。其中一個套餐加了甜品， 唔記得咗叫咩名不過都幾好食。額外還追加了兩個小食口水雞和夫妻肺片，味倒是不錯的但是三十幾蚊份量超少得幾舊。 唔值

主食：瘋狂碗雜麵呢款係乾撈麵，配菜有肉醬、豆泥同埋蔥花！如果想食肉嘅朋友可以好似我哋咁加$20加一份大排😋本身見到有一大pat豆泥都好驚同個麵唔夾，點知食落出奇地好味，令到成個層次更加豐富🤭面底食辣亦都唔會話非常之乾身，夠晒味，個人覺得比湯麵更加好食👍🏻主食：瘋狂牛肉麵呢一款就係湯麵，可以揀紅湯或者白湯，辣度方面就冇得揀。本身都驚食落會太辣或者太油，好彩都唔係太辣，而且少少麻麻哋咁非常之開胃！😛牛肉方面都非常足料，食落似係平時食台灣牛肉麵嗰啲牛肉，唔會話好鞋而且都有牛味🤩小食：棒棒雞我哋加咗$32將份小食轉做棒棒雞。份量比想像中細，但係雞肉全部都係去骨，食落非常之方便😂而且個紅油好夠香同惹味！如果份量多返小小就perfect!

出發長洲前喺中環搵食上次同事介紹過話湯底唔錯所以特登黎試下佢個地點都少少難搵位於商廈嘅一樓上到去係傳統中式裝修畫左啲面譜喺牆上面餐牌主要係重慶嘅小麵有湯麵同干溜小麵可以自選辣度我地未試過呢度嘅辣所以好穩陣揀BB辣算瘋狂燒白麵限量品其實就好似將梅菜扣肉放上麵佢都有少少梅菜去調味當然佢就無咁鹹白肉肥瘦相間入口即融呢！湯底好香，入口爽麻唔太辣唔會死鹹果然唔錯！麵質都爽口，似幼身拉麵瘋狂牛肉麵佢用牛肉粒唔係牛肉片肉粒軟淋超入味～蒸蛋超級滑！本身蛋有少少調味淨食都得但面層再加左肉沫另一種口味食完辣又食返碗冰粉解下辣滑溜溜嘅冰粉嫩滑冰爽好適合夏天！再飲多杯羅漢果冬瓜茶就乜火都下晒啦～

瘋狂小面 (佳德商業大廈)地址: 中環士丹利街66-72號佳德商業大廈1樓電話: 23113905==================每日返屋企，經過中環扶手電梯，都會四圍留意有乜舖頭同餐廳，見到個招牌上網search 有好多好評，放日放工一個人去食$98 有abcd,即自選餸架麵,小食，飲品同糖水瘋狂大排面 加 肥腸，豬腸要中間仲有脂肪,食落好有咬口的。湯浮著一層紅色辣油，每夾一口麵斬會沾到辣油，有夠刺激的濃郁辣油湯羅漢果冬瓜茶就滋潤下火，健康當涼茶又可解辣涼拌木耳十分惹味，個汁辣香誘人。成都老冰粉這透明冰粉，有紅糖香架糖水，涼洗沉又是有助解辣，滑啲啲食一口直滑到胃。