瘋狂小面 (佳德商業大廈)

營業中

休息中

蕃茄牛肉麵，跟左個小食同紅肉柚子蜜。牛肉係好香既牛𦟌，切得薄薄一片，炆得好香好入味。佢隻麵好特別，唔係坊間果啲粗麵或者幼麵，反正有啲似出前一丁咁既曲麵，係幾有咬口既。同濃郁既蕃茄湯都幾夾。本身小食想叫高湯蒸蛋，可惜賣晒，下次再試下。另一碗係瘋狂豌雜麵，見到呢碗麵既名幾特別，就點黎試下，原來係有豌豆蓉和肉醬既撈麵，豌豆蓉口感好棉又有豆香，將豌豆蓉和肉醬同麵撈埋甘食，肉醬既鹹香、豌豆蓉既豆香，令麵既味道好豐富。

瘋狂小面位於中環地帶， 地理位置十分方便， 雖然唔係地舖不過位於一樓， 上去亦都冇難度。 十分欣賞佢行中式風格， 成間店舖 帶點古色風， 十分有特色。瘋狂燒白面， 佢有紅湯同白湯， 紅湯係辣，白湯係唔辣，因為唔食得辣，所以叫咗白湯， 湯鮮甜美味， 佢嘅面係新鮮水麵， 冇油炸過十分健康， 燒白肉十分好食， 係五花肉， 另外加九蚊要咗鹵蛋，鹵蛋亦都好入味。瘋狂牛肉面， 呢個叫咗紅湯， 佢嘅牛肉彈牙有咬口， 唔會太淋但係絕對唔韌， 配埋麻辣湯底，簡直一流， 不過係小辣， 初時覺得唔算辣，但食到底，就開始越嚟越辣。蒜泥青瓜， 蒜泥配青瓜，味道一流。泡椒鳳爪， 鳳爪十分入味。成都老冰粉， 食完辣野食呢個，絕對可以解辣， 冰粉配黃糖另外仲帶少少芝麻香同提子乾， 絕對係完美配搭。烏梅汁， 唔會太甜， 飲一杯即時解辣消暑。Zero無糖可樂， 罐裝飲品嚟講佢都夠凍。

佢地既套餐係視乎配搭而有唔同價錢，我地叫左以下食物：🍜瘋狂碗雜麵套餐 $8️⃣3️⃣我既組合係麵+小食😌所以平少少。估唔到豌豆會整到好似薯蓉咁，第一次食好有趣。味道係可以既，但肉燥同d豆睇落都係糊狀物，睇落似嬰兒餐（笑 麵條係幼麵，比較失望係唔夠辣🍜酸辣粉套餐$9️⃣3️⃣呢間店雖然係成都開過黎，隔離位曾經係成都食過酸辣粉，佢話呢碗完全係香港口味，酸辣味太mild~而木薯粉既口感幾彈牙～呢個餐仲有烏梅汁同小食。烏梅汁我覺得甜左少少🤏但隔離位話可以接受🥢小食：棒棒雞&涼拌木耳我真係大鄉里，以為棒棒雞應該係條狀物（？）或者係串燒咁，原來油浸既。舊雞比較鞋。相對黎講，我比較喜涼拌木耳。欣賞佢用辣粉調味而唔係辣油～過江龍既餐店黎講，我地會預期佢既口味比較貼近四川，可惜呢度食唔到。

最近中環街市翻新後，好多人都專誠黎到打卡，之後又可以行下樓梯街，一舉兩得。之但係，行完一日，又好想搵番一個地方坐定定食番一餐，唔駛企係街市入面覓食可以有咩選擇呢? 我會贈你一句:柳暗花明又一『川』，講緊既係當你願意花力氣行十幾級樓梯入去搭LIFT上1樓之後，你就會見到一間好有風味同特色既隱世『川』式麵店。 一入去，你會發現整間舖頭既裝修都好有中國風，特別欣賞既係佢牆身用左灰磚牆紙，營造中國街頭感覺，配合番古式燈罩，的確好有係中國街頭食碗小麵既風味。 今次我地2個人黎到，1人叫左1個麵餐，麵餐有分A+B 或 A+B+C /D 或 A+B+C+D，另外佢仲有好多細項可以選擇，例如加料 / 加麵 / 加(少)辣 / 加(少)麻 / 走乜走物，仲有白湯岩D唔食辣既，都幾貼心，岩晒個人份量同口味，豐儉由人。 我地1個叫左A+B+C ，1個叫左A+B+C+D，其中一碗加左麵同辣，結果，叫到成枱都係野食，好豐富，哈哈哈 招牌豌雜麵 少辣(4星) 豌雜麵，係一碗撈麵。香濃既肉燥加上炸黃豆同花生，的確一絕。好辣之人可以再加辣，因為少辣左略嫌唔夠喉(後悔...)。麵底用上拉麵，彈牙煙韌，撈完之後好掛汁

自從發現晚市都係可以叫套餐，兼且晚上人流比較少環境變相安靜，係難得可以同朋友好好傾偈既川菜餐廳。個人覺得必點是擔擔麵，呢度特別在於係乾撈的，不是平時外面奉湯上的，特製麻醬又夠麻辣，撈埋食簡直食多兩碗都唔夠。小食每人叫左一樣，記得要叫泡椒鳳爪，唔試會後悔，食完刺激到嫑嫑😂😂 朋友叫左鐘水餃，成都名菜黎架，辣辣甜甜個洗好惹味唔會特別辣，餃子係純肉有少少似燕餃比較彈牙口感。朋友叫左酸辣粉（酸辣粉關注組組員），講真黎左廿次都未叫過😐😐😐 點知又幾好，夠酸夠辣，薯粉好彈牙。港島可以講得出好食既酸辣粉真係冇幾間，個人覺得呢間完勝銅鑼灣的某店。—————————————————瘋狂小面 (佳德商業大廈) (中環)中環士丹利街66-72號佳德商業大廈1樓—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #lunch #dinner #foodstagram #

鍾意重慶麻辣既朋友必定要過黎呢間品嚐一碗小面💁🏻‍♂️ 蔥蒜醬醋辣椒調味既麻辣素麵 最著重調味既湯底吸唔吸引 呢間真係正宗好食辣味令人垂涎三尺、汗腺洞開👍🍜 瘋狂燒白面 （紅湯）Noodles with Pork Belly湯底可以選擇紅湯/白湯 紅湯就係滿滿既麻辣🌶️ 所謂「燒白」就係一道四川地方特色菜餚 實際其實係五花肉 而且好特別既係五花肉口感肥而不膩 咸鮮得黎帶種微甜 超級好食 再配上湯底花椒辣椒配搭得淋漓盡致😋🐓 泡椒鳳爪 Chicken Feet in Pickled Chili Sauce泡椒浸滿全隻鳳爪 非常入味 麻既味道較重 鍾意損骨既我鳳爪真係好好食🍨 成都老冰粉 Chengdu Jello糖漿＋黑白芝麻＋花生＋山渣＋提子乾等等當味覺仲有陣麻同辣既時候 結尾食一碗冰粉 即刻解麻解辣👍 甜甜地令人大快人心😁而且內在環境寬敞舒服

都明中環地區野食係偏貴，但呢間野真係無性價比可言，而且份量偏少，已經係加左小食，分別加左蒸蛋同鐘水餃 ，但食完完全唔飽，因為佢個面真係好細份，不過可能正宗小面真係咁細份 ，加面就要$10蚊，味道正正常常，但對比個價錢，5百幾個like真係overrated ，可能期望越大，失望越大。要左兩個套餐，分別係：豌雜面 + 羅漢果冬瓜茶 + 鐘水餃 (另加$32)燒白面 + 酸梅湯 + 蒸蛋 (另加$18) +冰粉豌雜面比較特別係豌雜面，出面應該比較少見，味道正常，啲豌豆蓉加肉碎撈埋味道唔錯，係幾惹味，但未至於驚艷。燒白面燒白面個湯食落似台灣啲牛肉麵湯，不過係辣版。燒白有6塊，諗身易入口，但非常薄切 。呢個價錢我寧願食台灣牛肉面。小食蒸蛋無特別，係個面多左層肉燥。鐘水餃有6隻，size同味道似魚皮餃，係ok嘅但鐘水餃要另加$32，成set A+B+C變左$125 ($93+$32)，但A+B係$83，姐係話$42先有6隻魚皮餃size嘅鐘水餃，真係好唔抵野飲甜品冰粉正路野，之前係尖沙咀烏蠅館食過都係差唔多。有山楂粒同青提子乾，重有啲酒糟，比較特別。個人覺得要甜品(D)好過小食(C)，因為見到唔

間唔中又想食下麻辣野😛 今日黎開中環呢邊，估唔到樓上都有間食麻辣嘅麵小店。價錢屬於中高價 (中環嘛)，質素都好唔錯😋🍜 瘋狂燒白面套餐: 呢款係廚師推介，燒白面即係燒豬腩肉🐷 好彩佢切到好薄，唔會油膩，燒到好香。個麵係拉麵質地，索哂d湯都唔會太淋👍🏼🍜 酸辣粉套餐: 正宗嘅重慶酸辣粉，有齊d配料花生肉碎等等😋 好惹味🐔 棒棒雞: 我地仲加左個小食，其實即係口水雞黎。起哂骨，d辣油加埋芝麻，好香好入味，如果有多幾件就好啦😛Overall d野都算濃味，所以叫套餐包埋野飲就啱啱好👍🏼 我叫左可樂就要+$10，朋友個餐叫左烏梅汁，唔洗加錢，酸酸甜甜都好醒胃架🥤

呢個星期天氣開始變凍， lunch時間特別想食啲辣暖下身。 中環嘅lunch time周圍都好多人，呢間樓上舖都一樣。如果大家想食到嘅話，就要提早少少去拎位。今次試咗佢嘅瘋狂擔擔麵同埋瘋狂肥腸面。一碗麵加杯嘢飲就係$83+1，或者可以再加配小食同埋甜品。呢個價錢喺中環來講算係抵食性價比高本身唔係好食得辣， 第一次食都係叫咗BB辣同埋BB麻試吓先。 辣嘅程度比起譚x米線嘅10小辣來講冇咁辣，下次可以上一級小辣。瘋狂擔擔面嘅麵質夠爽，煮得啱啱好， 個炸醬味都好香好夠味，撈埋青瓜絲同埋蔥粒更加好食瘋狂肥腸面都好正，肥腸洗得乾淨， 味道唔錯但未夠入味，可以一試。跟餐叫咗杯紅肉柚子，食辣野飲果汁都好夾

之前都曾經嚟過呢間專食酸辣麵嘅餐廳，咁啱喺附近想食啲麻辣嘢，就諗起佢有不同的套餐組合，先選自己喜歡的面，然後選飲品、小食或者甜品瘋狂牛肉麵點了bb麻bb辣，所以麻辣的程度可接受，牛肉ok， 喜歡他的面底，是用新鮮水麵，口感特別話特別細緻瘋狂大排面點了白湯，即是走辣，但加麻，湯底應該是豬骨，幾香，不過略嫌多油了一點，豬排有三大件小食有很多特別的選擇，點了個名好得意的鐘水餃，細細粒但係餡料脹卜卜食得太辣食成都老冰粉就正啦嘢飲點了羅漢冬瓜茶和熱檸茶

難得準時收工，相約同事到附近的瘋狂小面食返餐，6點來到不用等位，大概7點開始滿座了。 瘋狂碗雜面套餐 $110 瘋狂豌雜面 (鹵蛋 +$9)選擇BB辣，走芫荽, 中式乾撈麵，麵質軟韌彈牙，配料放得認真工整。有軟滑的豌豆蓉、甜美的肉醬、惹味的花生、爽脆的榨菜，另加了鹵蛋作配料，質地略嚴實左少少。麵底有醬汁，撈勻後每條麵都沾滿醬汁，BB辣不太辣麻味香，麻香撲鼻口感豐富，好味道！ 蒸蛋 +$18每日限售15份，我們有幸仲點到，蛋質嫩滑，仲加埋肉燥味道更香。 瘋狂大排面套餐 $125瘋狂大排面同事怕辣照舊揀BB辣走芫荽，味道比乾撈麵辣，但辣度可接受，大排係排骨炆得好淋好入味，肉質鬆又唔會太鞋身。烏梅汁烏梅濃厚酸香，飲落順喉，解辣一流喔。 鐘水餃 +$32醬汁望落橙橙紅紅，心知不妙以為好辣，食落出奇地好味，一啲都唔辣，水餃皮煙韌，肉餡豐富。 成都老冰粉 +$10冰粉啫喱狀夠QQ，味道清甜，面層灑滿黑白芝麻，加了炸花生、提子乾和山楂餅，撈勻冰粉一齊食夠晒層次，值得一試！

已不是第一次來食，每次來都會必叫set, 經濟抵食款式多，次次來都鐘意揀一set 4 樣， 有齊小食，主食，飲品& 甜品，都只係$103。瘋狂大排面，每次來都必叫，來得呢到食，當然要食辣，就算食吾到好辣，都必定會揀BB辣/ 小辣解下辣癮 😉 湯底調味好濃，排骨大件得來又多肉，面同排骨都被濃濃既湯底籠罩着，好入味不過有少少偏鹹，但就岩曬重口味既我 😝另外都叫左瘋狂牛肉麵，牛肉肉質夠腍，個湯底無咁濃，較為適合無咁重口味人士👍🏻小食: 涼伴木耳 & 泡椒鳳爪泡椒鳳爪偏辣，嗜辣又食得辣既人不二之選甜品：成都老冰粉冰粉甜度岩岩好，食完辣野成身㷫辣辣，食返個冰粉降下溫，簡直係perfect match！

套餐組合: 主食+飲品+小食+甜品 ($108)瘋狂肥腸面+烏梅汁+蒜泥青瓜+成都老冰粉呢到既肥腸真係好乾淨又唔會好肥，原來餐廳用傳統川式嘅手法處理過，腸內嘅油脂係清除晒。🌶呢碗嗌咗少辣少麻，湯底有辣椒既辣勁又有花椒既麻爽，配埋大量既芫荽，好味！🍜仲有小面質地岩岩好，有些小似日式拉麵，唔會太林，又有啲掛湯。蒜泥青瓜有齊薑蔥蒜既辛香又爽脆，再酸小小就岩岩好！冰粉唔多地方食到，呢到仲有啲酒釀糯米係上面，冰凍甜甜，岩岩好解瘋狂小面既辣🙈蕃茄牛肉面+紅肉柚子汁(+$6)+泡椒鳳爪+紅棗銀耳湯蕃茄湯底好香濃，🍅湯底係用鮮番茄慢煮再炒香，所以個質感好厚實。牛肉用咗薄切牛𦟌，好軟林。泡椒鳳爪係幾彈牙，不過真係有啲辣，泡椒果種辛辣滲入咗啲鳳爪到。紅肉柚子汁好fresh好開胃又好解渴，冇想像中咁酸，幾推介。

收工趕住去上堂，快快手手係中環食埋個晚餐，就嚟到中環位於一樓既樓上舖食碗重慶小麵。涼拌木耳除左木耳之外，仲有唔少配料，木耳爽口之餘仲食到薑絲。瘋狂牛肉面食唔到辣既可以揀白湯，而紅湯則可揀唔同程度既辣，個人覺得BB級既麻辣就比較接近譚仔既中辣，湯底既辣得嚟帶點肉汁既鮮味，飲完一啖再帶點麻既後勁，夠哂惹味。牛肉面就採用牛腱子肉，即牛腿既肌肉部分，都燉煮得幾軟腍，食落幾有嚼勁。成都老冰粉配料有黑白芝麻、花生、提子乾等。啫喱般既口感，好清甜，解辣真係一流。烏梅汁常溫既烏海汁酸甜滋潤。

餐廳都幾闊落，而且裝修好有成都風味佢地嘅餐牌都幾精簡，主要都係套餐形式咁揀餐點～我就揀左個全餐（即係有晒麵食、飲品、小食同甜品）瘋狂肥腸麵因都唔係好想食辣嘅關係，我揀左白湯湯底飲落係有啲胡椒味，但又唔會好確喉，有啲似平時胡椒豬肚湯咁，幾過癮佢哋嘅豬腸洗得好乾淨，見到就算入面都冇晒啲污糟野同肥膏，所以食落完全唔怕臭！麵條方面，係比較幼身，口感似平時嘅日本拉麵，都幾好味金柑檸檬都幾大杯，味道就好似平時飲開某知名品牌嘅柑桔檸檬蒜泥青瓜餐廳將啲青瓜切到一口咬到嘅size，方便進食～紅棗銀耳湯個人好鍾意呢個！味道好清甜，飲落好舒服