瘋狂小面 (佳德商業大廈)

營業中

休息中

今日一嘗瘋狂笑面幾人叫咗幾個套餐揀咗ABCD牛肉Bb辣麵雲耳青瓜鳳爪茄子冰粉雪梨茶辣味很正宗，唔係死辣，而且很香，麵質彈口雲耳，青瓜，鳳爪都好食，味道好重食完辣野食碗冰粉即時解辣雪梨茶夠滋潤

📍 瘋狂小面中環士丹利街66-72號佳德商業大廈1樓.🤤瘋狂肥腸面💰$78 (A 瘋狂小面 + B 瘋狂飲品).諗起就好笑我隻飯腳話想食平啲 然後揀咗呢間然後佢坐低一睇就發現 唔貴 但完全唔平.覺得食嘢唔應該太慳 唔係食緊千千聲一餐都尚可唔係搵得多 更加唔係有家底 亦無人養but隨時歡迎：.叔叔哥哥姨姨姐姐 我不想努力了💋.只係covid之後驚覺 人生苦短 及時行樂 #yolo無理由為咗唔知會唔會黎嘅聽日 去犧牲今日嘅自己再者 無旅行去嘅時節 無儲錢嘅理由銀紙同你啲青春一樣 放喺到只會貶值如果連飯都唔食好啲 咁我返工黎做乜？.講遠咗 講返個麵先高汁！今次係啲麵高質 佢啲麵質好好食 呢個texture有驚喜唔係平時食開嘅麵 婊子第一次食呢種質感味道#無期望就唔會失望或者係因為一開始就無expect佢有咩特別見佢sell麻辣 以為佢係傷心酸辣粉啲friend點知個麵底咁出色 真係抵讚

放假最好就係周圍去，最近天氣咁熱，當然要搵一間有冷氣嘅餐廳食飯。呢間餐廳其實招牌唔算起眼，係同事介紹我黎食先知有呢間樓上舖。.我唔敢食太辣，驚爛菊花，所以叫咗bb辣同bb麻。叫咗2個A+B+C set，同埋小食加錢轉夫妻肺片同滷水拼盤。.瘋狂牛肉麵麵底我幾鍾意，bb辣都啱啱好，牛肉一咬就開，唔痴牙。瘋狂肥腸麵肥腸無異味，如果會A個麵底預設份量多啲就好。夫妻肺片幾入味，最驚喜係佢個花生。滷水拼盤乾點呢個方式幾特別，有4款肉，不過我最後點晒夫妻肺片個汁黎食，哈哈。野飲我哋叫咗烏梅汁，酸酸地幾解辣。

中環人氣川菜 🌶呢間川菜嘅菜式係唔會有好多明顯辣椒/辣椒籽，辣味都係由紅油湯底滲出嚟，肥腸麵啲肥腸幾好食，呢款叫咗加辣，明顯比擔擔麵辣好多，辣到隔離嗰個啲汗滴到落條褲度，好似沖涼咁。（誇張咗😂）貴！講緊係加錢嘅「招牌棒棒雞」，完全唔值...... 蒜拍青瓜重好食。我覺得個擔擔拌麵嘅麵，食落唔錯嘅，幾煙韌，我嗌咗bb辣同bb麻，好似有啲唔夠喉，我諗大家可以嗌少辣同少麻，應該會正啲！😋 至於炸醬，我都係鍾意隔離橋香園米線啲炸醬多啲🙈🙈 甜品食咗冰粉，啲提子乾好澀，完全係敗筆。成餐最眼前一亮係杯冰糖雪梨汁，清甜解辣！

同男朋友行開中環醫肚，下午茶時段就去咗一間上樓嘅麵店。有卡位，地方都大，坐得幾舒服。點餐自己寫紙，有乾撈麵，而湯麵就有分紅湯（辣）同白湯（唔辣），紅湯再有分辣度，由 BB辣到加辣，麻辣都係有得揀嘅🤨 完全唔食辣嘅有蕃茄湯底。餸都有十種以上可以加。📌詳細/ 價錢可以睇 menu 瘋狂燒白麵套餐 燒白，其實係一道四川省地方特色菜餚。其實就有少少似日本嘅叉燒，半肥瘦嘅五花肉，口感唔錯，花椒麻香突出。瘋狂大排麵套餐 即係牛肋條咁，啖啖肉容易入口，加埋用四川滷水同香料燜製，配上紅湯湯底非常入味，我唔食得瘋太辣，所以只係點左 BB 辣同BB 麻都已經夠晒我食；份量好足，夠飽肚。小食有涼拌木耳，好辣，兩隻辣椒🌶️；蒜泥青瓜就唔辣，凍食夠晒消暑。

份量真係唔算多2個人食268套餐食得嗰半成飽裝兩碗飯黎一碗16蚊 幾啖就爬完 唔知想點 啲嘢飲好似去超市買返黎再倒出黎俾你咁下次唔會再幫襯都唔知點解有咁多個like...

Sichuan restaurant in Central! Have been craving spicy food lately so decided to try out their 酸辣粉! They have lunch menu that ranges from $78-98. 酸辣粉 Prob my first time eating this but I think way too oily for me 🙈 still it’s very tasty especially because I love the texture of the noodle and the spiciness was just right 🤤 I guess it’s normal for ppl who is use to eating this but I just can’t keep thinking about how much oil is in the soup 😂瘋狂擔擔麵My friend ordered this and said was really good! Th

因為餐廳有好多好評的緣故，所以特登走來這裏午餐。這裏的午餐一杯飲品+一碗牛肉麵已經要$78但飲品並沒有很多選擇，另外三款都是熱的，只好點了一杯烏梅汁，來到竟然是常溫的牛肉麵的份量小得幾分鐘已經吃完，之後話要到其他店舖購買食物充飢，十分不划算另外點了一份棒棒雞（一份棒棒雞只是幾篇雞的切片，加幾粒雞粒，竟然要加32元，跟我們再食平上見到的照片實在有偏差，性價比實在太低了）最後結帳午餐還要收取+1服務費其實那裏午餐並沒有很多服務所以加一也是不值得我想我以後也不會再來這家餐廳

個size係人地岀面嘅一半都無個外賣盒喺上下兩層分開調完對面落個湯度都係唔過一半可想言知個份量真係少得恐怖叫咗個瘋狂牛肉麵加肥腸牛肉粒，係牛肉粉得幾舊肥腸得幾塊 仲要係切到好薄個隻啲蔥同芫茜多過啲餸湯麵又唔比匙羹你食完可以好似食下午茶餐咁不過公道啲咁講句，佢送個杯餐飲幾大杯杯烏梅汁同個湯差唔多大但個餐連嘢飲係92蚊外賣盒又收兩蚊咁嘅價錢，可以有其他更好嘅選擇仲要特登行上去各位，如果相上去食個午餐嘅話要慎重考慮

点了一份酸辣粉，少辣，但整个味道都不够味。我先生点的小面，比我的好吃点。但真的贵啊，一碗肥肠酸辣粉卖到98，惊到我。不如街边小店的酸辣粉好食又实惠，另外就是服务真的不好，两个服务员都是面无表情态度冷冷，建议老板重视下服务

個麵真係好油呀， 油到想嘔嘅感覺～～ 因為突然間想食麵然後喺屋企見到佢哋好多like， 感覺似係好傳統嘅中國麵食， 所以特登黎試下。 其實menu選擇好簡單唔係太多嘢揀， 佢哋有分紅湯白湯， 紅湯就係我食嗰個好油嘅辣湯， 主要配菜佢有肥腸， 排骨， 其實都係比較肥嘅餸。 我哋揀咗一個白肉， 即係炆五花腩， 本身想再叫一個豬肝麵不過佢話冇曬， 所以另外一個揀咗排骨， 食落似係豬軟骨。  其實佢個面係幾好食， 湯底味道都唔錯， 不過因為佢面則有種公仔麵 嘅感覺所以本身都油油地， 然後個湯就係好似大陸嗰種辣湯咁有成層油喺上面， 再加埋佢啲配菜全部都好油膩， 所以就算味道幾好， 都覺得食得好辛苦好油膩， 個胃好唔舒服。 另一樣嘢係我覺得佢哋都幾唔抵食， 面加嘢飲半身88蚊， 不過可樂要再加十蚊， 正常包埋嘢飲汽水呢啲都好基本， 不過佢地連汽水都要加10蚊， 另外小食都好細份， 仲要加一。 應該唔會再來第二次😂😂

幫襯過幾次，食物味道唔錯，但係D餸越嚟越少，豬肚牛舌越切越薄，店員極度無禮貌，入門口個姐姐睇唔到我已經量咗體溫，叫我"你行過去再量一次比我睇下先啦" 悔氣到呢！另一個男店員一聲"喂" 示意你讓開比佢上菜！總括一句，食物幾好都無用，我建議唔想招呼客人不如改用 QR code落單跟住叫D客自己入廚房拎！

早排放假諗住近近地去中環行donki，不過肚餓唯有係附近搵間麵食～～～不過中環食嘢閒閒地都過百，見呢間樓上舖價錢唔算太貴就上去試下啦一開lift門已經聞到香噴噴嘅麻辣味，原来係主打成都麻辣麵食同串串鍋～唔知係咪假日關係，人流唔算多，所以有好多位比我哋揀！睇menu見有好多口味嘅湯麵或者干麵，不過天氣涼就揀咗兩個湯麵套餐醫肚暖胃啦～（btw唔食辣嘅朋友仔可以揀白湯）瘋狂肥腸面一聽個名就覺得好油膩哈哈，不過眼見呢間啲大腸整理得幾乾淨，唔會積聚太多肥膏，啱啱好！而且食得到事前有用鹵水汁煮過，好香！至於湯底，食BB辣嘅我就覺得辣度適中，偏重麻香味，夾埋麵食好入味！瘋狂燒白面未必個個都知咩係燒白，其實簡單嚟講係扣肉～難得有緊係要試吓啦！果然係推介，煮得腍身不特止，而且食落去一啲肥膩感都無，一流！而小食方面就叫咗蒜泥青瓜同棒棒雞，蒜泥青瓜味道清新，幫助解下辣～棒棒雞主要用紅油醃製，比起口水雞嘅麻香味較少～不過肉質鮮嫩兼無骨，啱晒懶人食呀！套餐仲會附有飲品同一款甜品，我哋就揀咗冰粉，食完辣再食返碗，爽呀！

今日早啲出街食晚飯，嚟到中環嘅瘋狂小麵😍.烏梅汁酸酸甜甜幾開胃.套餐78起就有麵有小菜！叫左碗瘋狂牛肉麵加蛋🥳 牛肉幾多仲要幾腍，麵係偏幼身嘅，幾掛湯⭐️ .另一碗叫左番茄煎蛋麵加酸菜😍 番茄湯都幾湯，係僱甜嘅，所以加左酸菜味道就會再豐富d😇 煎蛋就熟左d.不過味道ok🤩.叫左拍青瓜，爽口蒜味濃🤪.再加左份上湯浸菜心🥳清清地，入面仲有d雜菌😆.叫左一個冰粉🥳 唔會好甜而且口感好正，加上提子乾芝麻等等食就有層次d😎.#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

很久之前到過這家餐廳，事隔一段時間，在中環區想找家吃麻辣麵條的餐廳，價錢較親民的，腦海立刻浮過這家樓上的四川麵店。全部已經定好配料，牛或豬肉或是素食的；湯底也是，白湯及紅湯，抑或是拌麵。麻辣兩者是分開的，分別可額外加減麻度及辣度。大部份麵條都可瘋狂加添配料，由於我選擇的這個麵條是沒有任何配菜的，那就另再加了一隻滷水蛋及麵底，因為多加了麵條，所以也同樣多加一份碗豆蓉，以作拌麵用。特別喜歡這家餐廳採用的麵條，口感煙靭之餘，挺身又有嚼勁，所以很適合用來拌麵。這碗瘋狂碗雜麵，以碗豆蓉、雜醬、調了味的肉碎作為拌料，加上調味料及蔥花等，拌勻後就剛好了。加麻後的味道更惹味，有股讓人停不了口，不斷想吃下去的衝動。另配上小食，記得上次晚上來的時候，由於蒸蛋每日限量供應，經已售罄；是日中午過來，終於有供應了。蒸蛋上面鋪上調了味的肉碎雜醬，不用加醬油，已經夠味。蒸蛋無氣孔，火候控制得很好，蛋裡裡外外都十分光滑水嫩。