瘋狂小面 (佳德商業大廈)

營業中

休息中

朋友介紹中環有間好道地嘅麻辣小麵，我咁鍾意食辣，當然要試下。我叫咗個A+B+C+D套餐，可以試晒麵、小食、飲品、甜品！好滿足🥰瘋狂碗雜面呢款係廚師推介，而且我未聽過、未試過，當然要叫嚟試下！佢比麻辣小麵多咗用碗豆同雜醬做主料。 麵嘅表面有一層綿軟嘅碗豆同雜醬，撈好之後，會見到麵條掛滿碗豆蓉同醬汁，食落又麻又辣，又有碗豆同醬汁嘅香味，味道好豐富，又多層次，必試！鐘水餃水餃望落好辣，實際食落冇咁辣。呢個水餃同之前食嘅水餃比較唔同，水餃皮好煙韌，食落好特別，一定要試下！成都老冰粉呢個係解辣必食。食落好透明嘅啫喱，好滑，仲有配搭花生、芝麻、酒釀、提子乾等，唔會好甜，但因為有好多配料，食落味道好豐富！

瘋狂小面Crazy Noodles中環士丹利街66-72號佳德商業大廈1樓想食辣又得自己一個人時, 又可以發揮任意點架精神, 呢間瘋狂小面是唔錯架選擇, 中午我都會同同事來食野, LUNCH TIME 迫滿唔小內地來香港工作架人, 聽到他們是說國語, 像是老鄉聚集的一個食堂。能隨性按口味心水剔食物。瘋狂大排面，大排是排骨，煮得入味，個湯仍都濃郁。蒜蓉青瓜做前菜。羅漢果冬瓜茶新津解渴，成都老冰粉涼沉沉，成個人解放舒服。

天氣涼涼地，突然想食辣，然後來了這間正宗川菜面店，來瘋狂辣一下。叫了一個套餐：瘋狂小面+瘋狂飲品+瘋狂小吃+瘋狂甜品 $103 （加一後$113）🍜 瘋狂小面-瘋狂肥腸面 （紅湯少麻少辣）湯底好似好紅，但不只是辣油的味道，好有香料味，應該有炒過香料後放辣椒煮成。店用的小面是新鮮水煮，不是經油炸的，食得較健康一點。肥腸洗得好乾淨，有咬口，而且用滷水煮過夠入味。個人不抗拒食肥腸，但外面有些肥腸會感覺肥同有羶味，但這間餐廳的肥腸不會這種感覺，看出有人手刮走內壁脂肪，减少油膩感同羶味。🍹烏梅汁烏梅濃厚酸香，食完辣野解辣一流。🥢泡淑鳳爪雞皮爽口，而且泡淑辣味辣得過癮，喜歡辣的朋友要試試。🧊成都老冰粉冰粉晶瑩通透，嫩滑香甜，面層灑滿黑白芝麻、炸花生、提子乾和山楂餅，撈勻冰粉一齊食夠晒層次，又是解辣一物。

今天中午發生的事。到了餐廳門口，主動scan了安心出行，跟一個矮個細眼的侍應說要兩位，沒想到他說我沒有scan安心出行，我說有，你剛才應該也看見了，他開始不高興了，開始刁難我們，我說你這種態度怎麼可以，他居然趕我們走！我說可以讓你的上司出來一下嗎？他開始大發雷霆，態度無比囂張，也沒有去找經理，我們是來吃飯的，不是來受氣的，我們打算離開，他竟然攔住我們，說是不是怕了？瘋了一樣叫囂，好像要打人一樣，幸好裡面出來了個阿姐，不停的勸說，我們才得以脫身離開。 這輩子真的都沒見過這麼猖狂囂張的侍應，我們是來吃飯的，不是來受辱的！各位一定要記得這個矮個細眼的男侍應！千萬千萬不要再去這家餐廳了！簡直是恐怖😱😱！！

有時候我都喜歡一個人周圍去、一個人行吓街、睇吓嘢、食吓嘢，享受一下自己嘅時間，近年興叫 Me Time 。今日趁放假又無約人，一於 Me Time 一下，先去咗尖沙咀、然後港島半天遊，順便周圍覓食。喜歡食濃味同辣嘅我，今晚決定試吓呢間「瘋狂小面」有幾瘋狂。餐廳位於佳德商業大廈一樓，裝修充滿中國色彩，而且地方寬躺。一人套餐組合有多款自選，主食提供多種干撈面或湯面可選，然後可只配飲品；又可再加配小食或甜品；或者可全選四項，視乎個人喜好及食量選擇。難得放假，當然要瘋狂一下，一於要齊四款組合。麵選了干撈面「瘋狂豌雜面」自選了正常麻和少辣程度；飲品選烏梅汁；小食試吓個「鐘水餃」（加$32）；甜品是「成都老冰粉」。「瘋狂豌雜面」有豌豆蓉及雜䓤姜蒜醬，有辣有麻有花生香，重口味但很正。店舖採用新鮮水麵，果然麵質很靚。餐飲品「烏梅汁」，其實即是酸梅湯，甜甜酸酸，開胃得嚟又有益。小食決定加錢試吓佢個「鐘水餃」，因為覺得個名好得意。水餃皮彈肉饀特別，配埋濃香麻辣汁，一口一粒，好好味！甜品係「成都老冰粉」，入口清甜冰凍，有芝麻花生酒米香。食埋就十分完滿了。順便一提，餐廳有提供「花臉啤酒」，買一送一。另外仲有多

前排同朋友去開中環做嘢，諗住喺附近食個午餐，見到唔少人都推介呢一間位於中環嘅四川菜，環境都幾闊落，價錢合理，今次叫咗幾款嘢食😙味道都唔錯㗎💜_瘋狂擔擔麵套餐：有冇人同小編一樣鍾意食擔擔麵呢？食落好有麻醬香，小辣，好麻，幾惹味，另外仲有肉碎，花生同青瓜做配菜，口感更加豐富瘋狂大排面套餐：幾大碗，好多辣油食落幾辣，如果食唔到咁辣可以落單寫小辣小麻✨紅棗銀耳湯：唔會好甜，比較清淡，易入口成都老冰粉：有好多料，有芝麻花生杞子，好難得仲有米酒，口感豐富，食完辣野食返一碗透心涼

今次嚟同朋友點了一個A+B+C+D套餐，每份$103再加一，喺中環食晚餐嚟講包主食小食飲品甜品算幾抵食!瘋狂肥腸麵 (少辣多麻)勁鍾意呢度啲麵既辣度同麻度可以分開調配，啱晒唔食得太辣但又好鍾意麻既人!麵煮得剛好，保留咬口又掛到湯，肥腸洗得乾淨，唔會太有肥膩感，十分滿意!瘋狂擔擔麵 (BB辣)更唔食得辣既朋友點的擔擔麵是撈麵，雖然沒有湯，但擔擔肉醬的濕潤度剛好，不會過分油膩或乾，BB辣度亦剛好~小食高湯蒸蛋(另加$18)  棒棒雞(另加$32) 蒸蛋調味剛好，口感幼滑，十分抵食，棒棒雞係類似無骨口水雞，雞肉不鞋，少許麻辣十分惹味!甜品成都老冰粉毫無懸念必叫的冰粉，食完辣麵再食簡直一絕，冰粉的微甜與花生等配料的咸香非常夾，大推點A-D全set套餐試晒所有嘢!

同朋友一齊喺中環，想簡單快趣食碗麵，朋友就即刻Google一下，見到呢間餐廳，口碑唔錯，距離我哋又唔係好遠，咁就決定一齊上去開餐😆朋友同我都係要咗 $83嘅「套餐組合」，我揀咗「蕃茄牛肉麵」，➕$32要升級小食「上湯素菜」，朋友就揀咗「酸辣粉」，➕$9 要「煎蛋」，飲品我哋兩個都要「熱檸水」😆「蕃茄🍅牛肉麵」嘅湯底橙紅色，幾濃郁，仲落咗大量芫荽蔥🍀；牛肉切薄片非常軟熟😋。「酸辣粉」有好多肉碎響面，亦同樣有大量芫荽蔥🍀，食落非常惹味兼開胃😋食完之後感覺 餐廳好似有啲啲印象，先記起原來好耐好耐之前我曾經嚟過😆

總係有啲時候好想食四川麻辣餐咁啱喺中環附近搵到😊見到食評唔錯就上去試吓叫咗酸辣粉套餐 然後額外加$32加咗棒棒雞跟住見到佢有推介呢一個四川成都特別小面瘋狂豌雜面套餐又係加咗$32轉夫妻肺片餐廳整體氣氛都好有去咗重慶四川嘅感覺😌酸辣粉我哋揀咗小辣因為唔食得太辣嘅我呢個辣到啱啱好而且配埋佢嘅香蔥芫荽同埋花生 好有風味瘋狂豌雜面每條拉麵都掛到豌豆蓉😊仲有花生青蔥同埋榨菜～小辣小麻辣味道都啱啱好唔會過辣，因為有時食到好大浸辣椒油嘅味，會一邊食一邊（咳）今次就冇呢個感覺啦👍🏻棒棒雞同埋夫妻肺片配埋麵食啱啱好女仔來講份量啱啱好，不過如果你好大食嘅話就可以嗌多一碗其他面試吓丫😊

瘋狂小面📍中環士丹利街66-72號佳德商業大廈1樓聽個名唔知有種莫名既感覺究竟佢有幾瘋狂🤣係咪即係啲野好辣咁解🙊佢地主打既係重慶小面❤️其實佢地係只尋香 不尋辣🤞🏻🤞🏻🤞🏻食過佢地既面會令你精神亢奮為之瘋狂🤪🤪🤪🤪試完之後都算得上係食過既四川野當中幾特別同味道係堅好！💁🏻‍♀️瘋狂肥腸面 威威味蕾：👅👅👅👅👅👅👅👅👅（👅10條脷仔最高分// 1條脷仔最低分）食面當然係要試湯底啦😍湯底香而不油 麻而不辣佢地係採用新鮮水面面質軟彈 好好咬口😎麻而不辣 完全食到食材既鮮味肥腸唔會瘋多脂肪 口感豐富有嚼勁佢地既肥都唔會有油膩感同羶味仲散發住淡淡濃濃的香葱味💁🏻‍♀️瘋狂燒白面 威威味蕾：👅👅👅👅👅👅👅👅👅（👅10條脷仔最高分// 1條脷仔最低分）燒白入口即化 咸香味濃五花肉用高油溫將油脂榨乾另外脂肪分布平均 絕對係肥而不膩加埋梅菜作配菜好有一種梅菜扣肉嘅感覺🤤💁🏻‍♀️ 鐘水餃 威威味蕾：👅👅👅👅👅👅👅（👅10條脷仔最高分// 1條脷仔最低分）水餃皮晶瑩剔透 咬落好煙韌 餡係用左鮮蝦同少量豬肉去包 好juicy 而且細細粒一口一粒 分量適宜甜得來有少少辣 口感好特別

好耐無食呢間四川麵，平時係街都唔覺有呢類鋪頭，去親中環都好想去食❣️瘋狂豌雜面+豬肚用豌豆同雜醬為主既乾撈麵，每條麵都沾滿醬汁，麵條彈牙，揀左BB 辣，唔會太辣食唔到，食落又會有少少麻，軟糯既豌豆同雜醬既香甜，真係令我一試再試❣️泡椒鳳爪越食越辣，辣味慢慢滲出黎，辣得好有層次，食得辣既朋友要試下❣️瘋狂肥腸面（白湯）大腸洗得好乾淨，食得好放心，用小火燜左3個鐘夠哂淋同入味❣️蒜泥青瓜一口青瓜蒜蓉味唔算好濃，仲食到原有既青瓜味❣️羅漢果冬瓜茶天氣涼涼地飲番杯暖下先，羅漢果味道未必個個岩，有冬瓜茶中和番就容易接受得多，唔會太甜❣️烏梅汁酸酸甜甜既烏梅汁，食辣野飲番杯唔錯❣️成都老冰粉黎呢度最鍾意食佢個冰粉，真係唔多地方可以食到，配料多多，加埋啫喱口感既冰粉，剛才既辣味全消

今日番半日工，放工自己一個諗住是但食，但又唔想食魚蛋粉個類，揾揾下就揾到呢間都係食麵，但有特色嘅！😂(對自己好 DD嘛).裝修充滿中國風，主打重慶麵食，仲有其他重慶四川菜。叫咗個一人餐，包括A: 撈麵/湯麵B: 飲品C: 小吃D:甜品A+B:$83 ; A+B+C/D:$93 ; 全要就$103我咁大食梗係要哂啦！😂.🟥瘋狂碗雜麵🥢🟧為重慶式撈麵，麵條有嚼口彈牙 QQ的。拌有綿綿滑溜濃郁的碗豆蓉，及炸醬，撈一撈每條麵都能沾上醬料。加上花生米，葱及榨菜，有綿有脆雙重口感😋雖然我唔知重慶的地道口味係點，不過我覺得呢個好食😂.🟨小吃：泡椒鳳爪🟩鳳爪爽口，入口先辣後麻，十分惹味過癮！(提醒：本人食開3小辣，但呢個堅有 d辣😂) .🟦成都老冰粉🟪 冰粉係晶瑩剔透的啫喱，浸於桂花味糖水，味道清甜，配上提子乾，山楂碎及黑白芝麻及酒糟增添香氣，仲有花生，撈匀食有嚼口，可以食完濃味面清一清口腔，非常滿足的 ending☺.⬛飲品🥤⬜雖然見好多人叫烏梅汁(我好想飲😫) 但小妹咳到傻，只好點了熱羅漢果冬瓜茶。但值得一讚💯因為自家煲的味道，充滿羅漢果的甘香，又唔會太甜，暖暖飲一啖，喉嚨非常舒服😍而呢杯係可

星期六午餐去到中環想食麵，見openrice排第一位就試吓佢，點知去到門口見入面10個人都冇已打個突，結果照入去幫襯，叫咗個C餐$93有瘋狂牛肉麵、烏梅汁、鐘水餃要另加$32，碗麵份量勁細，麵身亦硬感覺未夠淋，湯底就好似五香肉丁咁嘅味，烏梅汁酸酸哋好細杯又唔凍，舊牛肉亦好鞋口！鐘水餃好細粒冇乜特別！食完埋單只可以俾現金，落單好似食車仔麵要自己寫紙仔，仲要收加一，憑咩？服務仲衰過譚仔，竟然要收加一服務費，何來有服務呢？！入均消費百三食樓下南記好過，真係唔明啲like點得返嚟？

之前喺中環返工嘅時候，聽過同事講呢間餐廳好好食，不過始終當時公司離呢度都有啲遠，所以一直都冇機會試。今日咁啱同舊同事喺中環行街，我就提議不如去食呢間餐廳，舊同事因為當時都讚過好味，就好快已經應承咗我啦。呢間餐廳要搭升降機上一樓，如果唔係呢位同事介紹，我都未必識黎呢度。到達餐廳之後，職員會畀我哋一人一張點菜紙，然後會有大餐牌，上面有圖片可以參考，呢度其實主要係食成都辣麵，平時食辣嘅米線就多，呢款麵都真係第一次食， 我就叫咗大排面，小辣小麻，朋友原本想叫燒白麵，不過已經冇曬，所以佢叫牛肉麵，另外我哋總共加咗個一份夫妻肺片。餐廳呢度選用新鮮水麵，口感非常彈牙，而且軟硬度適中，真係食得出係新鮮麵，值得一讚。而且麻辣度非常香口，亦都好惹味，食得非常滋味。我叫嘅大排面積係排骨，肉質好腍，好入味，有三塊大大塊，朋友叫嘅牛肉都有分畀我，同樣都係好淋，肉味好香。夫妻肺片有好多芫茜，啱曬我，呢個辣味同樣都好刺激，而且夠爽口，用料新鮮。瘋狂飲品方面我揀咗羅漢果冬瓜茶，唔使特別加錢，而且唔會過甜，幾好飲，亦都大大杯非常抵飲。喺中環食飯會好貴，如果唔想咁高消費可以選擇呢間餐廳，過下麻辣口癮。

在中环QRC100 附近二楼的疯狂小面。点了一份肥肠小面套餐，有肥肠4片，酸梅汤一杯，83hkd。 加了一份牛肉，15hkd, 收到3块一厘米见方的肉块。 最后还有加一，一共108。 整体感觉不如谭仔60元的套餐。以后不会来了。在中环QRC100 附近二楼的疯狂小面。点了一份肥肠小面套餐，有肥肠4片，酸梅汤一杯，83hkd。 加了一份牛肉，15hkd, 收到3块一厘米见方的肉块。 最后还有加一，一共108。 整体感觉不如谭仔60元的套餐。以后不会来了。