瘋狂小面 (佳德商業大廈)

營業中

休息中

瘋狂小面瘋狂小面裝修走中國風，在不少細節上加入中式元素，木屏風同收銀櫃都充滿懷舊氣息.🌀瘋狂擔擔面呢款擔擔麵係乾撈麵，配以豬肉碎、青瓜絲、花生同特製辣油，加辣嘅辣度，辣得嚟唔嗆喉，帶有麻香麵質煙韌彈牙，麵條亦非常掛汁，盡吸辣椒油嘅香味🌶想食特豐富啲可以再加配料，我就加咗肥腸，佢地嘅肥腸口感較爽，而且唔會成口肥膏咁，罪惡感減半🤭.🌀蒜泥青瓜青瓜沾上切成蓉嘅蒜泥，混合麻油、香醋，清新開胃.🌀四川冰粉冰粉係每次食川菜最期待嘅甜品，滑溜嘅冰粉配有花生、提子乾、山楂、酒糟、黑白芝麻，口感豐富.🌀烏梅汁跟餐飲品都唔馬虎，甜度適中，解辣又解膩

係OpenRice見到中環新開左一間正宗重慶麵館，屋企行落去大概四五個字，April May呢兩個月份閑閑地食左兩三次，每次都三百零蚊左右，甚至三百零蚊食到水煮魚喎，中環有呢種價錢嘅舖頭仔簡直係恩物。不過啲Staff有少少Hea，同埋每次係OpenRice Booking都唔幫我confirm要我重複申訴先記得幫我confirm返除左呢種問題其他一切Perfect佢地面嘅質感非常好，唔知係我食得辣食得麻定點，覺得辣度啱啱好可能唔正宗哈哈哈哈哈哈哈哈哈哈(just joking)中辣加麻都唔算話好辣，辣度頗為適合香港人(maybe only me)裝修算有考思但Leung Leung地必食擔擔麵超平超抵食鱸魚沸騰鍋每日限量嘅高湯蒸蛋，由於放假或夜晚收工先去淨係食到過一次糖水好似叫重慶冰粉定叫咩，係小面套餐最後一環，唔算太甜收尾啱啱好

今日收工係中環食埋飯先返歸，黎左樓上餐館瘋狂小面，呢度主打傳統重慶小麵。瘋狂小面主打麵餐，有三款組合做三個價錢：麵+飲品=$83麵+飲品+小吃/甜品=$93麵+飲品+小吃+甜品=$103另設加一。飲品同小吃都可以加錢升級。另外可以再加料。麵可以揀乾撈麵或者湯麵，仲可以揀麻度同辣度。自己剔紙就可以，然後交比服務員。今日一支公，叫左一碗番茄牛肉麵加料。番茄牛肉麵加煎蛋加豌豆加酸菜呢度既番茄牛肉麵係我既至愛之一。首先，飲一口番茄湯，湯底超正，帶有天然番茄甜味。個湯好熱，熱到出煙，番茄湯配大量芫荽蔥好夾。另有5塊超薄切牛肉，仲有2條菜心苗。餐廳寫明用新鮮水麵，今次麵條整得好出色，彈牙之餘又滑溜，感覺非常健康，份量多，食極都有，溫度好熱。另外加左一隻煎蛋$9，豌豆$9同酸菜$8就更加豐富。煎蛋煎得皮脆，入面就全熟，一啖蛋一啖番茄湯好夾。豌豆夠滑溜又食到粒粒豆。酸菜又鹹又酸。如假包換，清哂。熱檸水（跟餐）簡單叫左杯熱檸水。檸檬兩片，夠哂酸度。都算係幾養生既一餐。今晚坐面對隔板既位置，好有私隱度。

這一家店裝修漂亮有特色，味道也不錯，在香港區域好像找不到類似的有賣豌雜麵的地方。但是這家店價格偏貴。近兩次點了外賣的，第一次飲品放錯了，第二次花生全部是糊了黑色的… 有點失望，感覺不值這個價錢。如果有另外一間碗雜麵餐廳，可能不會來這一家。希望店家有所改進調整。

即使出到嚟中環都想食返川菜，搵咗間食擔擔麵嘅試下，食多啲辣野🤪主菜叫咗一個撈麵同一個湯麵，我就叫咗瘋狂擔擔面，上面有大量麻辣肉醬同花生，將啲麵好快咁撈埋一齊就食得，勁方便。我唔算好食得辣，所以只係敢叫小麻小辣。個麵硬度適中，擔擔面醬香麻惹味，唔會一面死鹹，搞到我勁快就清咗碗麵。阿媽叫咗瘋狂大排麵，湯底濃郁，辣度適中，大排骨醃得好入味，啲麵連埋湯汁飲落去好爽。小食幾推薦泡椒鳳爪，香辣勁道十足，不過唔食得辣嘅人就唔好叫。另一個加錢試吓佢嘅棒棒雞，佢個香料既辣同湯麵個隻好唔同，層次感再出啲。食完啲比較重口味嘅嘢，一定要嗌啲甜品refresh下，四川冰粉應該係一個唔錯嘅選擇，個texture 幾似日本蒟蒻咁，透明滑嘟嘟咁，上面再加黑糖漿同果乾一齊食，十分解辣🙃

今日係中環發現左間成都四川瘋狂麵店，位於士丹利街嘅樓上舖，店內寬敞，裝修走瘋狂路線，但坐得舒適。小辣瘋狂牛肉麵，牛肉好淋應該炆煮 咗好耐，有點像台灣式牛肉大大件好入味😋瘋狂滿雜麵，有肉碎，花生，青瓜絲同其他配料，食落清新有惹味😋😋套餐可選擇小菜有涼拌木耳，棒棒雞，鹵水蛋，蒜泥青瓜。飲品有烏梅汁，味道開胃有可以解辣，酸甜度都適中，唔錯。還可以選擇甜品有紅棗銀耳湯同成都老冰粉，清甜冰凍，很適合夏天同配辣野😋😋

之前在中環工作時，一直都很想食「瘋狂小面」，奈何午市實在太過繁忙，只好改天再找個機會。週末剛好又在餐館附近工作完，那就可以順道嚐嚐了。餐館的裝潢帶點四川風味，個人認為靠牆的坐位比起窗邊位置更加有氣息。瘋狂小面的餐紙簡單直接，視乎你想要的配搭，要添加小食／飲品等等。⟳ 1. 瘋狂大排麵（加肥腸少辣）瘋狂大排麵是源用了四川的滷水風味再加上川式香料，用慢火燜製豬肉大排，令到肉質做到厚身而入口鬆軟。除了大排之外，當然還要額外再加配肥腸，餐館將肥腸處理得非常之好，容易入口。少辣的湯底對我來說辣度剛好，不會嗆口，即使不太食辣的亦不用害怕。⟳ 2. 瘋狂牛肉麵（多麻）瘋狂牛肉麵就用上美國牛腱肉，切得大小適中，餐館以紅燒的方法來烹調，食得出牛肉一定經過一定時間來燉煮。牛肉因而軟而不爛，口感十足。我覺得湯底多麻會更加惹味，會不知不覺間飲掉一碗湯。⟳ 3. 涼伴木耳小食就點了涼伴木耳來開開胃，清新一下。⟳ 4. 成都老冰粉最後就一定要嚐嚐成都老冰粉。食完一碗辣麵之後，再嚐一口冰粉，清甜及冰凍的感覺馬上湧入，非常舒適。⟳ 5. 凍檸茶、紅肉柚子兩杯餐飲，可以叫餐館少甜／少冰的。瘋狂小面在平日午市實在大受歡迎

唔係第一次嚟食呢間嘢，因為一個人食晚餐就咁入呢間嘢食個麵都唔會覺得好核突，岩哂我，而且佢同公司唔係離太遠。今次叫咗一個白湯牛肉麵，之前我食過嘅係蕃茄湯同辣湯，佢白湯有啲似係豬骨湯咁，係好飲嘅，唔係嗰種好淡嘅湯。因為食完去做運動，所以加咗隻鹵蛋添d 蛋白質！想讚下隻鹵蛋，係好明顯煮到入味同有香氣嘅，非常唔錯(因為尋晚去食打邊爐，隻鹵水蛋好令我失望)。跟餐叫咗個烏梅汁，仲有拍青瓜。佢個拍青瓜呢係蒜泥青瓜，然後蒜泥非常多，鍾意食蒜嘅會好鍾意。

瘋狂小面Crazy Noodles中環士丹利街66-72號佳德商業大廈1樓士丹利街是中環一個就腳又會多平民食肆架地方。3心兩意架人, 一次過點麵架餐最抵架。 有麵食一份, 小食同甜品和飲品。A+B+C/D $93 A+B+C+ D $103手拍青瓜唔辣架, 都幾多, 鹹香爽口。泡椒雞爪看似無殺傷力, 但辣勁十足, 一吃辣味在口中久久不散。瘋狂牛肉麵，肉粒吸著湯味道一絕，湯是白湯走辣走麻, 入面加了很多蔥同芫茜,飲落好夠味擔擔麵味道濃郁，肉醬撈上麵條，點bb麻辣,開胃。$9 加一隻煎蛋增加營養冰粉解辣, 真係又甜又滑架JELLY, 呢度加左酒糟,多了份淡淡酒香。環境好得意, 似客棧。

中環食辣好地方 經常中午來瘋狂小面都要等一陣，今日放工悶悶地想食下辣，竟然可以直入，坐得幾舒服，除了重慶小面之外，最愛就是酸辣粉和牛肉面，套餐價錢由80-100，已包含特色飲品如烏梅汁、羅漢果冬瓜茶。酸辣粉，配料勁豐富尤其是肉醬也不少，勁多芫茜好開心，最愛的薯粉煙煙韌韌，辣度可以因應口味調整，份量很足，食極都仲有。鐘水餃🥟 +$32平時好少地方可以食到成都有名小吃，汁醬是靈魂，有蒜泥超惹味，比起一般水餃的餃子皮更有薄，酸酸辣辣感覺真係會食上癮。高湯蒸蛋+18好滑溜，比起茶碗蒸的蛋味更濃，再加上蔥花、肉燥，食完覺得有少少唔夠喉，希望佢可以推出個加大嘅版本—————————————————瘋狂小面 (佳德商業大廈) (中環)中環士丹利街66-72號佳德商業大廈1樓—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography #foodgasm #lunch #中環美食 #打邊爐#雞煲#瘋狂小面___🥇Follow

又嚟到潮濕多雨嘅天氣，想袪濕自然就諗起川菜中環有間專食川麵嘅樓上餐廳，環境氛圍都唔錯$103有麵、飲品、小食同甜品，都算抵食，當然有啲items要加錢。麵有分紅湯白湯，唔食得辣可以嗌白湯，幾香胡椒味豬腸幾有誠意，𠝹開晒洗得乾乾淨淨，一啲都唔揦鮓食到辣當然要試紅湯啦，胃民嗌咗碗牛肉麵，大胃都只係偷啲嚟食辣得嚟都好有麻香，麵又夠口感，唔輸蝕畀拉麵㗎冇諗過川菜會有蒸蛋，係眾辣之中嘅一碗清泉，蛋都燉得幾滑溜，有啲肉醬喺上面，有碗白飯就好喇棒棒雞，應該就係口水雞，辣油微微刺激又香口，雞肉搣得好幼，幾易入口加幾蚊就有果汁飲吓，西柚汁解辣都ok喉涸嘅話，飲冰糖雪梨汁潤一潤個肺都得大胃唔夠喉，再加多支本地門神啤酒—雷公，果味幾出，泡泡幾滑次次食川菜，唔係食紅糖糍粑，就一定係食冰粉，感覺好舒服，甜甜地冰冰地，但面頭加咗芝麻同花生等鹹味食材，一啲都唔違和

瘋狂大排面🌟🌟🌟🌟雪梨汁🌟🌟冰粉🌟🌟🌟🌟瘋狂小面係一間樓上舖， 個舖位有少少隱蔽 ，你唔抬頭望下天空上嘅招牌都唔會留意到佢嘅存在。 入到去見到佢嘅擺設格局裝修，以為係五六十蚊左右就可以落樓， 點知攞起點餐嘅紙仔（ 冇錯，呢度點餐係需要自己用筆去紙仔落單嘅） ，一個set竟然要成九十蚊， 比想像中貴好多。 不過我抱住：（中環區鋪租貴啲嘅）嘅諗法 ，就冇哩會咁多，照落單試下。我點咗一個瘋狂大排面，飲品嗌咗一杯雪梨汁 ，甜品要咗一碗成都冰粉。呢度嘅食物質素令我喜出望外， 大牌麵湯底非常之紅，最初以為會係好油好辣， 但食落竟然冇嗰種令到個口腔好似裹住一層油嘅感覺， 湯底辣得嚟帶有麻香味，非常出色。 大排數量唔多，得三件。但係每一件都炆到好林非常之入味， 亦都係上乘之作。 麵條雖然浸住喺湯入面，但食落唔會過淋有咬口， 口感就好似雞絲涼麵嘅涼麵咁， 亦都深得我心。 雪梨汁普普通通冇乜特別。 冰粉整得幾好食， 配上提子乾花生， 口感非常之豐富。單係評論食物質素嚟講，瘋狂小面確實係非常之出色物超所值。

位於中環嘅瘋狂小面 係正宗嘅川菜館當中主打多款面食例如干撈麵類、湯麵類及酸辣粉等餐廳有套餐選擇可以只揀選面食(A)及飲品(B) $83或A+B+小食(C)/甜品(D) $93或ABCD全部　$103瘋狂肥腸麵 紅湯加辣加牛舌(+$13) 及鹵蛋(+$9)麵條煮得彈口 唔會太淋辣度適中 唔會過咸 超開胃加上頗入味嘅牛舌及肥腸愈食愈過癮蕃茄牛肉面自家製蕃茄湯底非常新鮮麵底吸咗蕃茄精華好入味牛肉都有好多片 加咗大排 (+$20) 一咬落去 骨肉分離肉質鮮嫩 瘋狂小吃揀咗蒜泥青瓜及泡椒鳳瓜 蒜泥青瓜超多蒜 又開胃又爽口泡椒鳳瓜唔會太辣 過下口癮 烏梅汁及羅漢果冬瓜菜解渴又清熱總括而言 套餐算份量頗多 飽肚又好味😋

呢度中國風嘅裝修，配搭木製桌椅，好有格調👍🏻麵食有紅湯和白湯，即係有辣有唔辣，仲有蕃茄湯添，迎合唔同人嘅口味瘋狂肥腸面套餐～本身自己唔係好食得辣，又想重少少🤏口味，就點咗紅湯BB辣和麻，一嚟到就聞到勁香，麵條索晒啲湯嘅味道，濃郁又入味，有少少似平時打邊爐嘅麻辣湯底，肥腸都處理得好乾淨、冇異味，味道都好好。小食蒜泥青瓜 cucumber～有大量嘅蒜蓉撈入青瓜，口感清脆又juicy。成都老冰粉～好似食緊Jelly，有酒渣、花生山楂片，同埋少少紅糖，微甜口味，食完成個口清新晒🥰

有小朋友陪我一齊食瘋狂小面，呢度係填紙落order，一份麵填一張紙，可以依照自己想食幾多，order幾大份套餐，我要左酸辣粉套餐一份正宗重慶酸辣粉，BB辣BB麻口味，連小朋友都食到，加$20嘅大排有三大件，即係我哋平時食嘅豬肉一字排骨，排骨入味，同香濃嘅酸辣湯底好夾，大量嘅蔥、芹菜、蒜、滷肉碎、炸花生，配上薯粉，啖啖都充滿口感👍🏻小食 蒸蛋～口感好似豆腐一樣咁滑溜，每日新鮮製造，限量供應，蒸蛋沒有過多的調味，中間有啲滷肉碎，混合一齊食已經夠味。