瘋狂小面 (佳德商業大廈)

營業中

休息中

唔係第一次嚟食呢間嘢，因為一個人食晚餐就咁入呢間嘢食個麵都唔會覺得好核突，岩哂我，而且佢同公司唔係離太遠。今次叫咗一個白湯牛肉麵，之前我食過嘅係蕃茄湯同辣湯，佢白湯有啲似係豬骨湯咁，係好飲嘅，唔係嗰種好淡嘅湯。因為食完去做運動，所以加咗隻鹵蛋添d 蛋白質！想讚下隻鹵蛋，係好明顯煮到入味同有香氣嘅，非常唔錯(因為尋晚去食打邊爐，隻鹵水蛋好令我失望)。跟餐叫咗個烏梅汁，仲有拍青瓜。佢個拍青瓜呢係蒜泥青瓜，然後蒜泥非常多，鍾意食蒜嘅會好鍾意。