番茄師兄

營業中

休息中

對蕃茄既喜愛已不能自拔，每次當想不到食咩就會簡蕃茄既菜式。知道新開了專門食蕃茄既餐廳，馬上就想去試試。好友食完第一次已強烈強烈地推介我一定要去食。好友大推後，加強我對番茄師兄的印象。某一日放工就去幫襯，今次，我們二人叫了滑一滑番茄濃湯烏冬見到已經十分吸引，聞起來就覺得好足料烹調的濃濃湯底，第一口就飲湯，已經知道沒有加茄膏煮的，用新鮮的蕃茄煮的。再下一口食滑蛋，口味是仍有蛋汁，並非完熟的炒蛋，連吃幾口。再食一口滑牛，牛肉質感是鬆化，煮的時間剛剛好。烏冬留待最後食，等烏冬多吸收蕃茄湯的精華，這烏冬是幼身的，口味彈牙。整體滑一滑是推介的。另外，叫了鮮炸腐皮墨魚蝦條，餐廳已經日早已經剪開，一分為二，方便同好友分享，非常貼心的行為。食落口，不會太油膩，口味脆脆的，推介。另外，叫了一貝子米線，海鮮為主食，有4隻大花蜆，2隻北海道刺身帶子，食落都啖啖肉，上枱賣相十分吸引。看得出廚師有用心時把開了口的蜆整齊地排列出來。這款看來是熱賣，未夠8點已經聽到賣完了。最後，叫了牛油炒雞脾菇，炒到金黃色和濃濃的牛油香傳到來，急不及待就馬上放入口。這小食是最後才上枱，看得到是即叫即炒，馬上就已經食完。我地分別叫了檸

深水埗係平民美食之地。番茄師兄位於既果條街同對面街已經美食店林立。旁邊的蘇媽蘇媽最為誇張，7點門口已經堆滿曬人。番茄師兄都頗受歡迎，7點幾已經坐滿人，需要門外等位。吾想等既朋友仔可以先打電話預約呀。餐廳環境用色鮮豔，以黃紅為主，切合番茄為主題。餐廳有五款主打番茄湯麵，款款都好吸引！仲有小食同自家制飲料。1. 滑一滑$48。入面有滑蛋，番茄同牛。椰菜可加$3。滑蛋香，牛肉吾熟得黎又好韌，個麵真係因為啲牛肉扣曬分。至於個湯，真心好濃。成個湯都係杰撻撻的，一啲都吾稀。佢濃得黎吾似係落罐頭既果隻甜番茄味，係既新鮮又帶點酸的番茄味。睇顏色都見到，係橙橙地色，而且吾係茄膏的鮮紅色。仲有好多番茄蓉添。最後飲埋個湯都吾覺得好味精好口渴。2. 沙嗲牛柏葉$28。普普通通的牛柏葉，沙嗲味係有既，但吾算入味，都仲見到白白地色既牛柏葉。不過用黎送麵食，都幾開胃。

我們兩大忙人終於有時間相聚，大家都在忙畫公司的圖，數晚加班至十時多，累透了。所以今天即使下雨，我們也要出來吃東西，盡訴多天的工作壓力。最好舒緩疲勞的方式當然是吃好東西，所以我們去了最美味的番茄專門店之一番茄師兄吃午餐，沒想到等候入座的人如此多，是以往的兩，三倍，我們目瞪口呆，幸好只是等待二十分鐘左右。我們太餓了，先吃點炸物小食飽嘴，炸得圓滾滾的鮮炸紫菜墨魚丸非常可口，且充滿丸汁，一咬就爆發。墨魚丸彈牙極致，裡頭紫菜增加脆度，香香的滋味讓朋友一吃難忘。鮮炸腐皮墨魚蝦條以腐皮包著墨魚肉和蝦肉再拿去油炸，酥炸的腐皮外層再加上彈性十足的墨魚，蝦肉內餡，作為餐前小食挺不錯的。相信任何人都會受不了78度慢煮沙嗲豬腩肉的誘惑，豬腩肉經慢煮後脂肪部份變得脆香，腩肉細嫩，沒有油膩感，肉汁鎖於肉中，配上濃香的沙嗲醬，教我們念念不忘。70度慢煮麻香瑞士汁雞中翼太好賣，一度賣光，下午茶時間才恢復供應，不過當時我們實在想吃麻香小食，故轉吃麻香瑞士汁牛筋肉碎。麻香瑞士汁牛筋肉碎絲絲嚼勁又帶柔嫩，甘甜的瑞士汁與開胃的麻香相互滲透牛筋肉碎裡，超棒的菜餚。番茄師兄的重點當然是番茄濃湯麵，熱呼呼，好喝的番茄湯麵，更是我們

深水埗一直最出名既就係一啲小店美食，我朋友一直係ig 有follow 呢間野既，一直都想黎，於是就去左試😋一去到已經7點半，雖然門口都有人等緊，但換枱率好高，等左5-10分鐘就入到去😍店舖面都頗乾淨，有格調，可惜係位置與位置既間隔比較少，傾計比較冇私隱，出入都麻煩，但都尚算可以接受。講返野食啦，今次叫左豚豚圓圓（$58），入面包括豬腩肉同豬頸肉☺️，再加左炒滑蛋同埋芝士（極度推介加蛋，因為配試蕃茄汁真係好美味！肉黎講都算份量幾足，豬頸肉特別有好感，可惜係豬腩肉有少少過多肥肉🤔不過整體配搭好好，係芝士有啲奇怪，因為係純粹放兩塊芝士入湯底，雖然個味係濃郁，但個賣相就冇咁好然後到小食，雞中翼有種麻辣瑞士雞翼既feel，可能我唔太好雞翼，唔太特別，反而雞髀菇有驚喜，頗彈牙，夠新鮮。每位食咁多都係$80幾，可惜既係份量唔太夠，同行既女性朋友都唔夠喉，可能要加大麵食會好啲

深水埗嘅食肆越開越多，已經發展到每條街都有新開嘅食肆，好似呢間蕃茄師兄，開張左幾個月，都有好多人介紹過，今晚終於去試吓。呢度嘅裝修都幾鮮明，紅白配搭，好有感覺。5點零鐘嚟到，都有六七成人客，證明都有唔少人幫襯，店員態度好好，馬上招呼我哋坐低。呢度主打番茄當然要點返一碗招牌番茄湯麵，一碗叫一貝子，即係有帶子加大蜆，另一碗叫犇犇有禮，可選配烏冬、拉麵、米線同上海麵。另外點咗兩款小食，炸魚片頭同沙爹牛栢葉。餐牌係用白板筆寫架，環保D~~~一貝子烏冬：有兩粒帶子煎香左嘅，另外仲有四隻大蜆，帶子用上刺身級嘅北海道原隻大號帶子，經略略輕煎過，增加香味，如果鍾意食刺身嘅朋友可能會略嫌太熟。另外湯底非常濃郁嘅蕃茄味食到有蕃茄肉，唔係用罐頭開嗰種，另外聽店員講湯底仲加入左牛肉去熬制，令到肉味同埋蕃茄嘅鮮味更加提升，所以呢個先係重點。烏冬用上到庭烏冬扁身，優點係入口比較滑犇犇有禮：一樣選擇咗烏冬底配番茄湯另外重點係新鮮崩沙腩，牛坑腩同牛面頰，餸料頗多，牛腩經過長時間炆煮，非常淋，絶對唔un，好好食炸魚片頭：大大嚿有成五六件新鮮炸起魚蛋又彈牙又香又好食。沙爹牛栢葉：份量都唔少㗎，沙嗲醬同街邊買嘅有少少分別，

見佢近期上網咁紅 ， 過去試一試先等咗半個鐘都可以接受嘅老闆都好好人， 有禮貌叫咗一個大熱門 ( 70度慢煮嘅麻辣雞翼) 另外 叫左 一個 一個烏冬另一個係拉麵個湯底 好好飲呀又唔會太酸又唔會太甜好少食麵食到連啲湯都飲曬嘅我， 今次真係冇入錯舖， 外表係平平無奇， 但原來真係唔簡單， 食得出佢哋係好用心去煮佢嗰啲嘅牛都抆到好冧， 好入味~不過就叫咗一個柚子檸檬， 我好欣賞佢地用環保嘅樽， 不過我反而呢個飲品我就覺得麻麻地啦~ 暫時未係我想像中咁好飲兩個人埋單都係172蚊咋好平好合理好抵呀

主打番茄湯的餐廳不多，深水埗這間番茄師兄更是獨沽一味，主攻番茄湯底，能夠專心鑽研一件事，自然值得期待我們點了一碗犇犇有禮和鮮氣逼人，這裡的湯底用上大量番茄加上牛骨和騸牯牛腩熬煮而成，足料又鮮甜，味道相當濃厚，喝得岀的真材實料，入口啖啖茄蓉，我們都一滴不漏喝清光呢犇犇有禮有齊三種騸牯牛肉，分別是牛坑腩、崩沙腩和牛臉頰第一次聽說騸牯牛，選材如此刁鑽原來是因爲已閹割嘅牛隻活動量比一般牛少，所以脂肪多一點牛味更濃郁鮮氣逼人有新鮮鮑魚、新鮮大蝦和鮮製麻辣墨魚滑，超豪華的配料～海鮮的鮮味和番茄湯完美融合麻辣墨魚滑很過癮，非常滋味面條可選上海麵、米線、日式拉麵和烏冬，我選了日式拉麵，掛湯力一流，和番茄湯配撘不錯小食點了鮮炸腐皮墨魚蝦條，用上老字號學利魚蛋而制，爽滑彈牙我們來吃有下午茶優惠，送熱桂圓紅棗桑寄生茶，傳統養生之選，很適合女生喝呢。另一杯加了$6轉檸檬雪梨露，裡面有雪梨蓉的說，很清甜滋潤～

跨區來來深水埗，是吃東南亞午餐的，但龍太長，等得太久，又見呢間未開門已有人等（但開了門之後就不用等位）所以轉呔試下呢度。蕃茄湯味道似港式羅宋湯味，味道是可以的，但不是驚為天人那種。我叫了滑蛋+牛肉麵，滑蛋的確很滑，也很好吃。牛肉是牛肉，不是牛柳，不算滑也不算很鞋，其實牛肉是這樣的，除非用牛柳，否則不會太滑的（除非加鬆肉粉）。朋友吃了犇的那個（名字忘記了），牛面珠看似淋滑，很吸引；我吃了一塊牛腩，一口油，有些人會喜歡，我則怕怕。牛腩的話，我還是喜歡清湯腩。如果是街坊，呢度是一試無妨的，但我下次來深水埗，會堅持等東南亞菜。

自言係一個番茄控，香港好多有供應蕃茄湯底嘅餐廳都食過，傳統有勝香園、星座冰室，以及其他番茄西餐廳，每一間都有佢嘅獨特味道。而今次黎深水埗呢間蕃茄師兄，絕對係有另一番體會。其他餐廳嘅🍅番茄湯底偏向係人工嘅甜，或者佢哋落茄膏嗰個比例相對較多；至於番茄師兄，佢嘅湯底充滿香濃嘅蕃茄味，甜到並不及例如勝香園， 但係佢嘅質地濃稠，相信係用咗好多個番茄加埋肉類蛋白質，例如滲入咗湯底之中嘅牛骨精華，所烹調出嚟會發揮嘅作用。番茄專門店除咗重視番茄湯底嘅質素，番茄師兄更加係主打以特別嘅牛部位去製作佢嘅湯底同埋成為配菜。✔️犇犇有禮係佢哋嘅皇牌菜式。配料包括咗牛面頰，崩沙腩同牛坑腩， 當然仲有以蘆牯牛牛骨煲成嘅番茄湯底，真正牛魔王四重奏🐂重視番茄湯底質素嘅師兄都冇忽略配料嘅質素，三款嘅牛入口幾乎即溶，唔需要用大量嘅牙力去咬開肉類，而每款牛都帶有唔同嘅口感層次，同時滲入咗番茄濃湯嘅精華， 味道更上一層樓。所供應嘅各款小食，價錢唔貴，唔駛30蚊，但係完全感受到師兄嘅用心製作✔️78度慢煮麻香瑞士汁豬腩肉，對我嚟講係一個驚喜😍平時對於腩位部分從不入口嘅我因為怕肥騰騰，但係師兄整嘅豬腩肉，感覺唔肥膩，真正入口即溶。除咗

去到附近，見到有此家番茄店。我是番茄控，當然要試試。別人說那瑞士雞翼很好味可能給我太高期望我一是覺得十分咸。雞翼都算大只。👌🏻我叫滑一滑，牛肉都算可以，是滑牛肉。味道可以那犇犇有禮，那些牛腩真的很韌，咬也咬不開，建議可以切細件一點。👍🏻湯算濃郁。

我是番茄控，這天出深水埗買東西，想起可以去吃番茄湯米線，便走了過來。現在可直接畫在可擦的餐牌去點餐更環保，而且也多了蔬菜和加配項目。檸檬雪梨露 $18真材實料有不少雪梨蓉，味道清甜帶微酸，非常洋爽醒神。信陽毛尖蜂蜜冷泡茶 $18入口啖啖蜂蜜的香甜，茶味不太突出，但清清淡淡的也不錯。70度慢煮麻香瑞士汁雞中翼 $28雞翼算大件，入口啖啖瑞士汁的甜，雞肉口感嫩滑，之後會慢慢感受到麻麻的，還有很微的辣味，好像之前麻辣度強一點更好吃。滑一滑 $48 （椰菜 +$3）用了新鮮騸牯牛柳加頂級湖北雞蛋，牛肉口感不算嫩，但牛肉十足。炒蛋炒得很嫩滑，而且很重蛋香。番茄湯底每日用上牛骨牛腩熬製，再加上番茄及其他蔬菜煮成，味道鮮甜帶微微酸，而且還有番茄蓉，入口啖啖番茄香。配上口感有彈性的米線，真的不錯。豚豚圓圓 $58用上新鮮豬頸肉及豬腩肉，以慢煮方式烹調後再煎香，口感甘香油潤而不膩。如果想惹味刺激一點，強烈推介這裡的麻辣汁，加一點點已經讓整個番茄湯變得不一樣，舌尖麻麻的帶點辣，但不會很味精很鹹。鮮炸腐皮墨魚蝦條 $24上桌時剛炸起熱氣騰騰，貨源來自「學利魚蛋」已經是信心保證，外層腐皮口感香脆，內裡的墨魚蝦

閒唔時去深水埗LUNCH，都發現有好多選擇，不過多選擇得黎，同時黎食LUNCH人都好多，行過十間，其中八間都要排隊！同朋友其實無乜心水想食邊間，經過呢間蕃茄師兄見到難得唔洗等位，於是就入去試下！叫得蕃茄師兄，主打梗係蕃茄湯底，雖然都有其他唔係蕃茄既選擇，但我同朋友都一致要決定食蕃茄！我叫左個蕃茄牛肉滑蛋烏冬，另外再加錢叫左兩塊芝士。講返食評先，烏冬係讚岐烏冬，都算幾有誠意！鮮牛份量都算多，都幾嫩口，加埋滑蛋炒得好靚，半生熟仲有蛋漿流出黎，蛋配蕃茄簡直係PERFECTMATCH！不過湯底可能期望太高，蕃茄味比我想像中無咁濃。正當我地有ｄ失望之際，發現每張台上面枝「麻之一滴」既醬油，我地試下啦，將「麻之一滴」加落蕃茄湯底，湯底變左酸酸辣辣，好正！完全估唔到蕃茄同辣可以咁夾，完全將個湯底昇華左，我d朋友仲講笑話，呢間餐廳最好食，可能係枝「麻之一滴」！仲有個小建議，就係唔洗加芝士。兩塊薄薄既芝士，係味道上完全起唔到咩作用，加左好似無加咁，曬左錢。

今日去完深水埗整電腦..見到E間番茄師兄好似好正咁🤤所以就入左去食啦我地兩個人叫左好多野 💕叫左一個犇犇有禮...鮮氣逼人....沙嗲牛柏葉....麻香瑞士汁雞中翼...鮮炸腐皮墨魚蝦條...鮮炸紫菜墨魚丸.....牛腩好重牛味~好香好香番茄湯非常濃...甜甜酸酸好開胄👍👍大大碗有鮑魚 大蝦 墨魚滑 海鮮好生鮮不錯👍有淡淡紫菜味炸到好香好脆🤤🤤🤤🤤🤤正呀大大隻！入味！好吃喔😍😍😍😍😍😍

本人絕對係蕃茄狂迷 由一歲鐘意食蕃茄到而家。對蕃茄有份執著，亦都成日覺得以蕃茄做招來既餐廳好難做得好。因為佢地太倚賴味精同大量茄膏 。因為我想食真蕃茄做出黎既湯底！入到呢間餐廳 夜晚7點幾 無乜人 但門口隔離餐廳排晒長籠 。心諗 呢間野咁多笑面 冇理由咁小人架。坐底打開menu, 有幾款主打蕃茄麪，我揀左款牛肉。食左2啖我知點解咁少人 因為個湯底唔掂 唔夠濃 無乜蕃茄味 雖然好夠色 但我估計係落左好多茄膏。所以令到個麵都吸收唔到蕃茄既味道。 牛肉 感覺上 唔太新鮮 有好勁雪味 隻蛋就唔夠滑 。雞翼就冇特別。整體黎講我係覺得好難食

都說深水埗多平民美食，名店「合益泰小食」的腸粉、「新香園堅記」的蛋牛治和豬手麵、「公和」的豆類食品、飲品早已享負盛名，新加入人氣店舖行列的就有「蘇媽蘇媽馬來西亞茶餐室」的南洋美食和「文記車仔麵」的車仔麵，已先後成為顧客趨之若鶩的人龍名店，而就在「蘇媽蘇媽」舖位旁邊附近，也開了另一間堪稱為美食後起之秀的「番茄師兄」。我曾先後兩次到訪，吃了店中不少食品，都覺得水準不俗，值得推介。看店中電視機播放的餐廳廣告宣傳片，得知這餐廳的老闆曾在金融界工作，因為一次患病，病癒後才把心一橫，開了這間餐廳，以由騸牯牛腩、牛頸骨、鮮雞和大量新鮮番茄、蔬菜長時間熬成的鮮牛蕃茄濃湯為賣點，希望在飲食界闖出一番新天地。這晚光顧時，老闆也在這間以紅、橙、黃等溫暖色調為店中主色的餐廳裡親力親為招呼客人，友善有禮的老闆和服務態度甚佳的員工，讓我對這餐廳增添不少好感。先來兩瓶師兄凍飲，兩瓶特色飲品「檸檬雪梨露」（$18）和「信陽毛尖蜂蜜冷泡茶」（$18）都以印有番茄師兄字樣的高身塑膠瓶子盛載。老婆仔的「信陽毛尖蜂蜜冷泡茶」入口淡淡的，蜂蜜味道微弱，雖然都能解渴，但我就喜歡味道較出，飲品內有細細粒雪梨肉在裡面增加口感，微微帶