番茄師兄

營業中

休息中

每次經過門口都想入去試下, 今次終於食到啦😊😊男朋友叫左一碗"豚豚圓圓"拉麵, 同埋鮮炸腐皮墨魚蝦條。我就叫左牛筋肉碎烏冬, 檸檬雪梨露。我哋嚟到嘅時候原來係下午茶時間, 會有熱飲送, 睇返餐牌先見到原來下午茶會送一杯熱桂圓紅棗桑寄生茶或者信陽毛尖蜂蜜冷泡茶, 而我嗰杯雪梨露就唔包嘅, 要加多$6轉飲, 所以我哋就要多杯贈飲嘅桑寄生茶。雪梨露好夠熱, 好足料, 成杯都係滿滿嘅雪梨蓉, 淡淡嘅檸檬香, 但個人唔太中意太多渣嘅野飲😂桑寄生茶就比較淡味, 有幾粒圓肉,一粒去左核嘅紅棗, 啱晒女仔飲👍🏻鮮炸腐皮墨魚蝦條幾好食😋腐皮夠脆, 墨魚蝦條彈牙,爽口, 蘸埋泰式雞醬, 甜甜哋😋😋"豚豚圓圓"拉麵係豬頸肉+豬腩肉, 啲肉調味比較淡, 好似白烚豬肉咁, 豬頸肉爽口,但腩肉唔夠稔,男朋友形容似煲湯豬肉😂豬肉吸收唔到茄湯嘅味, 我哋都有啲失望。 拉麵就軟硬適中, 吸收到濃濃嘅蕃茄湯👍🏻👍🏻至於牛筋肉碎烏冬, 個烏冬係幼烏冬, 咬落有啲黏牙,下次都係揀返米線或者拉麵😂 牛筋肉碎就好重牛肉味, 都夠稔, 但唔知點解勁多骨, 我以為係普通粉麵舖嘅牛筋, suppose係唔會有骨, 肉碎更加唔會預期有碎

講到食蕃茄湯底嘅粉麵，好多連鎖快餐店都有，佢哋係用西式羅宋湯再加大量砂糖淆製而成， 如果要搵一啲真係用大量鮮蕃茄既番茄湯底都好困難，費時失事， 但味道真係爭好遠， 難得有間（番茄師兄）喺深水埗開咗，佢依然堅持用新鮮蕃茄湯底，給食客最好的用餐體驗。70度慢煮麻香瑞士汁雞中翼， 雞中翼唔會炆到好腍冇曬咬口，瑞士汁夠陳年，陳香。檸檬鮮梨露$18， 番茄師母配方，雪梨蓉佔成三分一！鮮氣迫人配日式拉麵$88，叫得就仙氣逼人，肯定有好多種唔同嘅海鮮，有鮑魚墨魚滑蜆肉同埋大蝦，值得一讚嘅一定係呢度嘅蕃茄湯底，酸度適中，甜度恰好，就咁飲曬啲湯都唔會覺得肥膩。 紫菜墨魚丸$24， 呢度用咗新鮮嘅墨魚打成墨魚丸，咬落去好香嘅鮮味，有啲彈牙。

一直有聽同事朋友推薦番茄師兄，要是喜歡番茄的朋友，會喜歡來這裡。 今次決定試試，點左個豬排麵，另外加椰菜，看上去好健康的午餐，味道方面還好，這次食烏冬，烏冬不錯，有咬口，似稻庭烏冬，感覺湯底加了很多茄膏，整體味道還好。

記得第一次嚟嘅時候餐廳剛開張，未有太多人識，抱住尋幽探祕嘅心食完一碗騸牯牛筋肉碎烏冬，足以被佢濃濃嘅蕃茄湯同真材實料吸引。之後睇到報道知道老闆好有心做好間餐廳，更加多咗嚟支持!呢度只有蕃茄湯底，酸度同甜度調配得好平衡，食得出係新鮮食材熬製，唔係搏命落茄膏嗰種。烏冬同滑蛋(+$5)都係我嘅例牌菜 - 稻庭烏冬煙韌得嚟又掛湯；滑蛋薄薄地，喺蕃茄湯裡面扮演住蛋花嘅角色，當然佢比平常嘅蛋花厚，所以個湯飲落更加有層次。最鍾意用嚟配搭呢幾款餸：鮮炸腐皮墨魚蝦條– 雖然係炸嘅，但唔會覺得好油膩，第一啖咬落去食到腐皮剛炸好嘅脆口同熱度，然後到墨魚滑嘅扎實口感，再嚟係裡面彈牙嘅蝦肉粒，加埋香甜嘅粟米同爽口嘅馬蹄，一碗裡面有三條，會有一種就算飽都想食曬嘅感覺田園風– 清淡之選，有粟米粒、雞髀菇、椰菜同蕃茄（相嗰碗走咗菇），蔬菜天然嘅甜味可以襯托出蕃茄湯最純粹嘅味道麻香瑞士汁雞中翼– 主調係滷水汁，後調係麻辣香，香多過辣。餐廳仲會供應兩款調味料，陣味都幾出，建議一開始用少少蕃茄湯開稀咗試下先：迷迭香–會令個湯瞬間變西式，略略掩蓋咗蕃茄嘅鮮甜麻之一滴–幾特別嘅麻辣汁，好麻好辣到有啲苦。個人覺得用湯溝稀咗先點食

去深水埗覓食, 本身想食「蘇媽.蘇媽馬來西亞茶餐室」, 但係實在係太太太多人排隊🤯有緣先食, 今次試下隔兩個鋪位, 同樣多人推介嘅「蕃茄師兄」先🍅-✌🏻個人叫左2️⃣碗麵2️⃣個野飲1️⃣個小食~~-我超鐘意食蕃茄, 男友成日叫我蕃茄人, 到目前為止我都係覺得中環「勝香園」嘅蕃茄湯底最好味🍅🍅🍅「蕃茄師兄」嘅蕃茄湯底係蕃茄蓉, 幾杰下所以會掛麵, 係橙色唔係紅色😂味道唔錯, 中規中矩, 有蕃茄香味, 但我覺得太杰同偏甜🤔-💁🏻‍♀️犇犇有禮 日式拉麵有齊牛面頰、牛坑腩、崩沙腩🐮每樣試左少少, 牛面頰口感最好最林, 另外2樣都有d難咬, 但又未去到完全食唔到-💁🏻‍♀️滑蛋餐肉 烏冬 加芝士 滑蛋份量都幾多, 2塊餐肉都幾厚切👍🏻加🧀芝士味道好夾😋-💁🏻‍♀️70 度慢煮麻香瑞士汁雞中翼雞中翼肥美嫩滑個汁有麻香味, 但唔麻, 偏咸依個小食唔錯, 值得試‼️-💁🏻‍♀️檸檬雪梨露 & 信陽毛尖蜂蜜冷泡茶檸檬雪梨露好飲❗️鍾意佢香濃之餘唔會甜~~冷泡茶就偏淡口, 茶味唔重, 有少少蜂蜜味🐝-

深水埗開了一間番茄主題的湯面店，老闆說這裡賣點是用新鮮騸牯牛熬製的番茄湯底。犇犇有禮 (HKD78)，先嚐一口番茄湯頭，味道十分濃厚，呈半糊狀，立見湯底十分足料有水準。麵底我選了烏冬， 麵質很有嚼勁Q彈！牛腩份量也很足，有完整件塊，部分腍身，部分偏硬實。眼見身旁的食客都把湯頭給喝光了，當然我也不例外！另外推介78度慢煮沙爹豬腩肉 (HKD28)，脂肪豐富的豬腩肉，經慢煮後皮和肉融為一體，超軟嫩的，上面還有洋蔥丁粒，好滿足！我還點了70度慢煮麻辣瑞士汁雞翼 (HKD28)，味道甜甜辣辣的，是個不錯的小食，如果再麻辣一點會更讚喇！值得一試！

忙左成個星期終於有假放嚕🙇🏻‍♂️🤤周圍遊走既小肥當然趁放假儲足動力醫肚肚啦🐷😚適逢有朋友介紹呢間不錯吃既番茄主題麵店🤤🍅還掂Lunch Hour同隻豬黎醫肚搵下師兄啦🍅🤪位於深水埗基隆街既番茄師兄🍅喺深水埗A2出口行過黎亦算方便就腳😆呢度簡約既環境設計☺️但適逢週六繁忙時段空間會較為逼及多人等位🙇🏻‍♂️要黎食既朋友們記得預早少少時間等位啦🙇🏻‍♂️極級安格斯肥牛日式拉麵(另外加配炒滑蛋、雞脾菇、粟米粒)牛味濃郁既安格斯肥牛🐮🤤配以特式番茄湯底牛香中更帶出啖啖茄香之餘🍅🤤拉麵麵質軟硬度適中☺️🍜麵亦好掛湯吸收左唔少茄香湯底既精華😆🍅另外加配既餸菜亦使得更為豐富🤤當中炒滑蛋滑嫩Juicy既絕佳蛋香口感亦係無得輸🍳🤤70度慢煮麻香瑞士汁雞中翼肉質滑嫩既雞翼🤤🐔配合麻香瑞士汁經長時間慢火細炆使雞翼更為入味😋鮮炸魚片頭鮮炸紫菜墨魚丸白灼生菜🥬

朋友介紹深水埗番茄師兄值得試，趁今日放假，就去走一趟，門面用紅色，搶眼，賣点配合蕃茄有心思，門口自助式取票，等一陣就有位啦。叫了它們的皇牌之一……犇犇有禮，賣点是牛的三個部位，分別為崩沙腩、坑腩、牛臉脥配蕃茄湯底，我唔係食牛專家，唔識分崩沙腩同坑腩，边樣好食d，但係兩款都係入口即溶，非常霖身，对比牛臉就有些咬口，但絕對吾係韌，一樣好味。絕对要讚的是番茄湯底，湯味濃沃，湯稀傑適中， 不知不覺飲晒成碗湯。另外叫咗碗豚豚圓圓，是豬腩肉加豬頸肉配蕃茄湯，湯底就不用再說啦，豬肉當然冇牛肉咁諗身啦，但係好入味，半肥瘦的豬腩肉，一点也不肥膩，加上爽口嘅豬頸肉， 你可以選擇上海麵拉麵烏冬米線 整體不錯。再加了一个小食，炸紫菜墨魚丸，不算太脆口，有紫菜混合一齊，但味道就不明顯，魚肉彈牙但冇特别。地方細細 唔算寬敞 整潔 最終有牛肉豬肉仲有海鮮任你喜歡 但係值得一讚值得推介嘅係佢嘅蕃茄湯底。絕對係落足料既好食店。

今日lunch time 同同事去試食蕃茄師兄，以蕃茄湯底為名。剛好是星期日下午去食，2個人不用等位，好快就有得入座。我們點了普通的蕃茄車仔麵~1. 百搭滋味 – 番茄濃湯麵: 黃金片頭 另外加了雞髀菇 ($45) 黃金片頭:大大件，彈牙香口，皮都脆，少少少少salty ，未至於令你回味無窮。而雞髀菇就很不錯，新鮮又彈牙。蕃茄湯底內的蕃茄就很普通，不甜也不juicy不算好新鮮，反而有點乾。相反蕃茄湯底就還好~幾鮮甜!2.  百搭滋味– 番茄濃湯麵: 鮮炸腐皮墨魚蝦條 另外加了芝士 ($45)鮮炸腐皮墨魚蝦條: 不錯，味道一般。芝士: 原片上，沒有芝士味，令到個番茄湯變得好稠! 星期一至五lunch set 只需加 (+$6) 就可加飲品，假日單點信陽毛尖蜂蜜冷泡茶（$18）鮮泡茶加蜂蜜，淡淡清新茶香，普通茶一般，沒有驚喜~*如個樽要帶走，需另加 (+$5) 

一直都想試下呢間蕃茄主題嘅餐廳，主打蕃茄湯底。今次就叫咗「一貝子」加滑蛋，麵底係烏冬。個湯底酸酸甜甜，啲色偏橙，唔係落茄膏煮出嚟。帶子同花甲都大大粒，好鮮甜，個滑蛋好好食，配埋蕃茄到絕配！連埋個湯飲到見底，好滿足。另外叫咗個小食「秘製沙嗲牛柏葉」，好入味又唔會好難咬，少少辣。飲品就叫咗「信陽毛尖蜂蜜冷泡茶」，見到個名幾新奇就叫你飲下，個蜂蜜唔會甜到漏，食完麵飲幾好。加五蚊仲可以拎埋個玻璃樽走添～下次嚟深水埗會再食～

今日黎到呢間最近火紅到爆嘅茄湯專門店一試，點解我會知呢間野呢，就係因為各大傳媒嘅力捧，同埋 openrice 嘅過百個好評，令我呢個茄迷真係好想去潮聖 enjoy 一下 😍 食左兩款 #滑一滑 $48 同 #牛牛牛牛牛牛有禮 $78 呢兩個招牌食，事前完全冇諗過會係伏，起碼推得咁行都至少會係正常先啦，先講個牛牛牛牛牛牛有禮先，用呢個牛面頰 + 牛坑腩 + 崩沙腩，我睇我果碗就係基本上都係崩沙腩架姐，而且全部都好硬，咬一次就涉一次牙罅，咬左兩舊已經唔想食，我出街食碗牛腩麵都好食過佢，另外有兩塊生蕃茄唔知做咩啦下，重點個茄湯真係不知所謂，咁叫做濃茄湯，我仲以為係開金寶罐頭果隻西茄湯倒落去，廣告賣到個湯有幾濃有幾正，蕃茄、牛肉、牛骨個味根本分開哂冇關係，呀媽煲嘅蕃茄湯都好飲過佢，另外一碗滑一滑就係用滑蛋同牛柳，標明雞蛋用左頂級湖北雞蛋，我唔知湖北味係點所以無法批評，另外果 4-5 舊牛柳我去食雲吞麵嘅滑牛好過，最後想講係連個麵都唔得，我揀左烏冬做主食，喂，食落去都唔似烏冬，食落去似果啲粗拉麵，口感韌韌地，係生果隻韌，仲食到果啲生粉味，根本就未煮熟，我真係完全唔識欣賞呢碗野，冇一樣野係得，可能

早幾個月前食過一次，感覺還好，係好味，但無乜令我再番去食嘅衝動尋晚機緣巧合下又再番去食一次，叫左$48滑一滑，同一個秘制沙嗲牛柏葉好！有！驚！喜！今次個番茄湯非常非常出色，香濃番茄味，係食得出係全新鮮番茄打溶嘅味，加上洋蔥香，成個湯底真係比上一次好食100倍(絕無誇張成份), 個蛋一如既往嘅滑，整體來說，呢碗麵係好好食！牛柏葉都一樣比到驚喜我，好爽口，加上微辣沙嗲汁，非常惹味，送番茄湯一流！推介！但好似限量發售。

深水埗是美食之地，食物包羅萬有，而且有很多平靚正選擇。「番茄師兄」就是其中之一，他們蕃茄湯底以大量蕃茄熬製而成，味道酸中帶鮮甜，成為賣點。「番茄師兄」以紅、黃、橙色的配搭好醒神，眼前一亮，胃口都好D！另外，好欣賞他們的點餐餐牌，只要在上面直接打勾便可以點餐，是循環使用的，很環保，值得讚賞!見到特別推介，「犇犇有禮」$78，一碗有牛面頰、牛坑腩及崩沙腩，當然要試一下。「犇犇有禮」的三種牛都好腍、好入味，很好吃，再配上番茄熬製的濃湯非常清新、健康，真是食得放心，喝得更安心，因為不怕味精。一貝子米線$68，另外還加了$5配芝士，一上桌，嘩!好大隻的花蜆及帶子! 一貝子米線份量足、湯底濃、米線滑、帶子鮮味、花甲清甜，絕對無得輸。鮮炸腐竹墨魚蝦條$24，外層以腐皮包着，炸得金黃酥脆，裡面墨魚蝦滑加上粟米粒，感覺彈牙、好味，是一款不錯的小吃。70度慢煮麻辣瑞士汁雞中翼$28，這個超好味，雞皮到雞肉都很嫩滑，一吃入口就是享受，一定要吃呀!78度慢煮沙嗲豬腩肉，腩肉肥瘦均勻，煎得香口，配上沙爹醬，惹味好食。鮮炸魚片頭$24，彈牙、香口、脆而不膩，令你回味無窮。再來兩瓶師兄凍飲，「檸檬雪梨露」$18和「

平時少機會經過深水埗 所以每次一到此地都唔會食連鎖店 要一試是地道街坊小店剛好今天肚飽飽 最好食啲酸甜開胃嘅食物冇錯 就係番茄麵啦～試開尖沙咀同中環嘅番茄麵 試新野好事不宜遲介紹翻今日食嘅菜式滑一滑拉麵 即係驢牯牛滑蛋 牛味突出同香濃蕃茄味互相並存 湯底十分濃稠 但係可以不知不覺食完一大碗 連湯都飲剩少少一貝子拉麵 名副其實一碗海鮮麵有四大粒蜆有帶子 湯底與滑一滑一樣食得辣可以落辣椒 舖頭亦都推介78℃慢煮沙嗲豬腩肉 小食新式煮法試一試凍檸檬雪梨 滋潤一下 瓶子設計得意不知不覺掃了整枱食物~

今日黎潮聖雜誌強推嘅番茄濃湯麵。我地見小食$28, 以為好細碟，所以每人叫左兩個小食+1個麵。點知D 小食好大份, 兩個人叫到成枱都係野咁! 叫左兩個沙爹，一黎到聞到好香沙爹味!立即食指大動! 不過慢煮豬腩肉就令人失望，雖然肥瘦適中，沙爹只係小辣，唔會蓋過d 肉味。但係以慢煮自居嘅肉，竟然唔覺得林，仲要痴牙。反而沙爹栢葉就夠爽夠入味，挽回少少分數。兩個炸物紫菜墨丸同墨魚蝦條, 炸得唔夠脆身，同埋油淋淋左d.豬頸肉番茄湯烏冬，仲加左炒蛋。炒蛋有水準 好滑! 推介! 而豬頸肉同小食ge豬腩肉好似，不過爽口d👍至於舖頭名物番茄湯，夠味足料, 唔係味精味，仲加左洋葱，令個湯甜甜地, 唔怕蕃茄太酸。係足料家庭羅宋湯嘅味道😂另一餐廳之選係全牛組合犇犇有禮, 姐係牛面脥, 牛坑腩, 崩沙腩. 食落唔肥唔瘦。最後飲埋佢雪梨露, 淡左d. 但食完沙爹飲就夠清涼降火. 整體食物質素中中, 但價錢合理,食物大大份, CP 算高!