申子居酒屋

營業中

休息中

🇭🇰Hong KongAverage expense pp: HKD$150-250+📍Address: 申子居酒屋, 74 Hak Po Street, Mong KokShinko is located a small walk away from Mongkok MTR station. Do not be deceived by the stall’s simple minimalist design. The interior is captivating, well designed and exudes a very warm and homely vibes TAMAGOYAKI We had the Tamgoyaki to start the meal. This was a twist to the classic Japanese egg rolls. The omelette was well folded - it was fluffy with a runny centre. Bonus points for the good amount of chee

申子居酒屋位於旺角黑布街74-76號藝興大廈地下1號舖， 銅鑼灣亦有分店。 餐廳主打日式料理🎎， 提供各款丼飯、燒物和小食。 店內樓高兩層，午餐🥢 ～ 蓬鬆玉子$98、和風豚肉生薑燒$138、 刺身定食$298、 波子汽水$28、 熱奶泡朱古力$18。 📌蓬鬆玉子🧈 ～ 熱辣辣的雞蛋🥚和芝士🧀溶為一體， 蛋味很香， 芝士非常濃厚， 配上香蔥、燒汁和沙律醬， 令蛋捲提升口感。 📌和風豚肉生薑燒🍛 ～ 豚肉沾滿了醬汁的味道， 肉質又甜又香又軟腍，味道不錯。 📌刺身定食🍱 ～ 刺身有三文魚、 吞拿魚、薄切鯛魚、 牡丹蝦、帶子和魚籽， 幾款刺身都新鮮美味， 配上一碗熱辣辣的烏冬麵和暖胃的麵豉湯，份量剛好。 📌波子汽水🥤 ～ 食日本料理都幾喜歡配波子汽水。 📌熱奶泡朱古力☕ ～ 細細杯，但朱古力味好濃。 丼飯做得不錯，刺身又新鮮， 有下次☺️👍🏻。🏷️溫馨提示～ 整個用餐體驗均屬個人分享意見， 只作參考😊。

今日中午食lunch，同事請我去咗呢間居酒屋食嘢，呢間居酒屋喺旺角相當有人氣👍🏻入到去見到佢舖頭細細，原來有第二層，上面地方都幾闊落，卡位坐得相當舒服👏🏻佢午市有唔同嘅割烹定食，款款都好似好好味，佢仲有第二位半價嘅優惠😉我就叫咗個申子三色丼：邊個三色丼真係超級好味，有吞拿魚蓉、海膽、三文魚子，款款都好新鮮，尤其係個海膽，一啲腥味都冇😍鰻魚玉子丼：鰻魚大大一塊連埋個厚燒玉子，呢個份量真係好足，鰻魚用醬汁燒過，味道出色😋朋友仲推介我一定要食佢個牛舌心：朋友果然冇介紹錯，牛舌心封煎過，每一粒入面都充滿肉汁，十分Juicy🤩

已經係二訪呢間旺角極具人氣既居酒屋了🤎真係估唔到一直都咁高評價，所以要去食記得先預約一下喔～-🎈極上鹽燒牛舌芯 $128上次食完之後一直都好回味🤭厚切而且極重油香感！超爽口彈牙的！真心自己食哂成份嘻🧏🏻‍♀️-🎈唐揚脆雞 $128炸得香脆，炸粉亦唔會太多太厚重！食起上黎好juicy，配合埋他他醬一齊食真係好夾😚-🎈關東煮 $108 相對真係普通了一點🥹關東煮裡面就係有年糕福袋、竹輛卷、大根、蔬菜魚糕等～當日既大根稍微有少少硬唔太夠淋🤔至於其他配料個人覺得都尚算入味既，完全索哂湯底既鮮味！-🎈海膽炒飯 $238炒至金黃色，有鑊氣得黎又好乾身粒粒分明😌雖然海膽份量唔係太多，但都好鮮甜～還配上蟹籽、三文魚籽、櫻花蝦、帶子粒等，鮮味十足！-🎈蜜桃乳酸梳打 $68🎈柚子乳酸梳打 $68-🔸申子居酒屋📍旺角黑布街74-76號藝興大廈地下1號舖

📍申子居酒屋 (旺角)之前食過銅鑼灣店覺得唔錯，今次試埋旺角店。估唔到星期日6點鐘左右餐廳已經係半滿😳。想食建議訂咗位先。💕極上鹽燒牛舌芯 $128厚身但軟嫩到不得了，口感好似和牛粒。但相對地肉味會濃少少💓。💕蓬鬆玉子 $108玉子軟軟滑滑，裏面呈現半熟狀態。👩🏻都係第一次食到成件都咁軟綿濕潤嘅玉子。💕海膽炒飯 $238飯粒炒得乾身而且粒粒分明。加埋三文魚子、飛魚子、櫻花蝦乾，鹹香又惹味。💕唐揚脆雞 $128雞皮脆卜卜，雞肉多汁又好重蒜香。通常喺香港食日式炸雞都係皮肉分離嘅急凍貨，呢度自家製嘅炸雞超晒班。💕巨峰梳打 $68💕西尾抹茶鮮奶 $58📍申子居酒屋 (旺角)旺角黑布街74-76號藝興大廈地下1號舖

Staff are nice and good service🥰今日同朋友各自叫左廚事發辦😆因為朋友呢排唔食得生野所以廚師佢地推介左4樣野比我地都好滿意，每道食物都感覺到用心烹調真係好好味😋熱辣辣蓬鬆玉子軟滑又好香仲有鹽燒牛舌心上檯時已經聞到好香咬落裡面好嫩，燒得岩岩好、唔會覺得裡面太乾海膽炒飯香味好濃郁而炒飯都乾爽到粒粒分明咁真係好好食，2人share一碗都唔夠食因為太好味😂😂另外仲有個seafood soup廣島蠔鍋真係好鮮甜可口

申子不能靜，也靜不起。幸好經過不少風浪後，來到2023，申子的生意仍然非常旺場，靠的是親切態度，好食的食物，今次拜訪旺角店，沒有招牌的火燒牛肉，就點了其他美食。圖1圖2 : 🔹海膽炒飯🔹($238)申子炒飯特色是把內裡的櫻花蝦,三文魚籽，帶子粒，本菇，和海膽炒得非常均勻，鮮甜度十足，每口都能嚐到大小不一的魚籽。評分 : 🌕🌕🌕🌕🌑🔹極上鹽燒牛舌芯🔹 ($128)牛舌本非我所好，但這款非常腍身，即使很厚身，但仍相當柔嫩和彈牙，配合伴碟的岩鹽，檸檬，芥末醬麼食更惹味。評分 : 🌕🌕🌕🌕🌗🔹蓬松玉子🔹($108)非常滑，很蓬松的玉子，用上流心半熟日本蛋及芝士，配上醬油，蔥花，沙律醬，入口即溶。評分 : 🌕🌕🌕🌕🌑🔹廣島蠔鍋🔹(158)這個鍋有7-8隻蠔，鮮味重，湯濃郁，整體上值得一點。評分 : 🌕🌕🌕🌗🌑🔹荔枝和蜜桃梳打🔹(各 $34)不喝酒的晚上，濃厚味道的梳打也不錯。評分 : 🌕🌕🌕🌗🌑🔸感想🔸申子其實更適合 3-4人聚會，雖然地方不算寬敞，但氣氛好，有不同的座位可供選擇，個人更喜歡卡位上的be water by Bruce Lee。這句用在任何時候也需要。整體評分 : 🌕🌕🌕🌕🌑

想試呢間居酒屋好耐，今次終於去左佢地嘅旺角分店試😋之前一直好想試佢地嘅芝士豬扒，但係最後都係決定唔好食咁heavy🤣▫️居酒屋有種神秘嘅感覺，要推左門口木門入去，仲要上樓上入座▫️坐低左之後感受到餐廳嘅氣氛，燈光昏暗，好岩同三五知己去食下野、飲下酒、傾下計，氣氛一流😋▫️店員好熱情招待，令人有種好似置身日本居酒屋嘅感覺▫️餐廳果然冇令我失望，但定價就比較高🐟蜜柑鯛十二切 $248餐廳每日都會有新鮮嘅精選刺身比客人選擇，今日見到比較少見嘅蜜柑鯛就叫左嚟試下！鯛魚食落冇腥味之餘仲有陣陣柑香，魚味更鮮甜師傅嘅刀工好好，切到每片魚都係好薄刺身仲配埋個酸汁一齊食，點完令刺身嘅味道更昇華😋🧈蓬松玉子 $108勁大條嘅玉子燒，玉子口感超鬆軟軟滑，入面半熟流心，唔怪之得上菜個陣會比匙羹我地用蛋醬加上蔥花同沙律醬同燒汁，夾埋一齊味道冇得輸🍖極上鹽燒牛舌芯 $128外層好嫩滑，入面肉質好爽口彈牙，牛舌花充滿滿滿嘅油脂香，得幾粒真係唔夠喉😋鹽燒本身已經好夠味，配埋伴碟嘅蔥花、檸檬、岩鹽襯托牛味更加突出😋🍚黑松露雞肉芝士雜炊 $168呢個炊飯有啲似risotto，飯粒與飯粒之間嘅芝士拉哂絲勁邪惡🤤聞落已經好重松露香味

又係衰信咗好評的數目見到咁多笑哈哈諗住實無死點知伏伏伏伏伏去到睇下lunch menu係少少偏貴但心諗如果質素好嘅，無所謂吖！有1個menu「極上」，貴d嘅另一個就係「嚴選」如果叫一個「極上」set就可以半價叫一個「嚴選」set「嚴選」menu上所有價錢都畫去只標示半價，其實好混淆估計佢係提示大家選一個「極上」就可以半價食到一個「嚴選」但如果二人都只想食「嚴選」呢？（請繼續睇...）Anyway，我重申價錢貴得黎有返相對質素絕對無問題！但角切魚生丼set $138（已經半價了）魚生少兼將醃蘿蔔切粒放埋入去咬咬下魚生突然有1舊硬掘掘嘅嘢好影響口感魚生亦唔見得新鮮只要行遠少少過大X丼甚至油麻地瀾X幾十蚊一個的角切魚生飯性價比高好多另外仲叫咗鰻魚玉子丼落咗單後話無玉子，轉滑蛋一場來到，轉啦，唔通走咩，算囉但$238*未計加一，真心唔值兩個set都是只有丼、湯和漬物*原價$276未計加一埋單時侍應都冇講點解鰻魚玉子丼set收$238要我地後來追問先話：「你地嗌2個都係「嚴選」，唔可以2個都平，所以我地就貴嗰個平返一d畀你。」其實都唔係好明但原來可以咁樣平返一d係幾多？唔知㗎喎...又唔同客人講

🐥 申子居酒屋 🐥 <刺身定食>刺身有三文魚，呑拿魚，牡丹蝦🦐，珍寶帶子，雕魚同魚子 種類好豐富 全部都好新鮮鮮甜❣️配上滑嘟嘟既烏冬 好滿足☺️ <鰻魚玉子丼>有成個碗咁大條既鰻魚☺️厚肉肥美 肉質嫩滑👍🏻 玉子都好甜好食🤤又厚又大件午市重要做緊優惠 半價 抵食‼️ <極上塩燒牛舌芯>必食💫燒得好好 外表微脆 內裏彈牙 好有口感保留到肉汁 真係好正！加上少少檸檬汁🍋更能吊起牛味🥩 .__. .__. .__.🐥🐥🐥.__. .__. .__. 總結: 推薦😍其實今次係二訪😂食物依然高質👍🏻店員好nice☺️仲要係到而加都keep住良心店 環境：🐥🐥🐥🐥/5服務態度：🐥🐥🐥🐥🐣/5食物質素：🐥🐥🐥🐥/5 性價比：🐥🐥🐥🐥/5 回頭率：🐥🐥🐥🐥🐣/5

熱搜居酒屋之一，也是有骨氣居酒屋之一，值得支持。✨蓬鬆玉子以半生熟雞蛋包住拉絲芝士，又香又滑。面層再加上沙律醬汁，更滋味。✨池魚兩食第一食係冷盤刺身，鮮味十足。每件幾乎一模一樣既薄身，盡顯刀工。第二食係炸天婦羅。外層炸至脆身，炸粉唔會過厚。魚肉仍能保持鮮嫩。✨日式雞鎚蝦花外層墨魚滑包住內層免治雞肉，最外層再沾滿櫻花蝦。外層脆身，內裡厚實，口感豐富。

《申子居酒屋- 旺角》如果想去居酒屋，一般都會去尖沙咀銅鑼灣呢啲地區比較多，其實旺角區都有唔錯既居酒屋呢😉今次呢間居酒屋🏮可以話係極具人氣，好多foodies都推介過，無論係內部裝修定係餐廳既食物都十分有水準👍🏻今次係同我既一位舊同事兼死黨食生日飯，食好啲係必須架嘛🤭💁🏻‍♀️極上鹽燒牛舌芯 $128知道朋友好喜歡食牛舌，所以呢樣就當然係必點架啦😉牛舌芯勁厚切，咬落彈牙鬆軟有肉汁又唔會有臊味，點埋柚子鹽就最夾啦💁🏻‍♀️唐揚脆雞 $128呢幾日突然間好想食啲炸野🤭見到隔離枱食炸雞又真係幾吸引咁，所以我地都叫左一份試下😉脆雞全部都係肉無骨的，咬落啖啖肉而且雞肉好juicy😍個皮位炸得好酥脆好香，配番餐廳提供既他他醬就最好不過啦💁🏻‍♀️蓬松玉子 $108呢個應該係申子既招牌菜式之一，我見好多人之前都有同呢道菜打過卡，個蛋卷出面淋左滿滿既蛋黃醬同大阪燒汁，而入面係流心既滑蛋，食落好香蛋味同埋好creamy，當然啦，佢咁打卡able我地當然唔執輸狂相機先食啦💁🏻‍♀️海膽炒飯 $238呢個炒飯都真係幾邪惡🤭又有海膽又有三文魚子，而且份量都唔少呢🤓三文魚子粒粒都脹卜卜大大粒，咬落咸香味十足，炒飯入面食

位於旺角的申子居酒屋是一間日式居酒屋，在銅鑼灣亦有分店🏮⭐️ 餐廳主打日式丼飯、日式燒物和天婦羅等居酒屋小吃，而海膽炒飯、申子和牛燒及吉列千層芝士豚肉大受歡迎🥳 👏🍚 海膽炒飯燉飯賣相非常奪目，色澤鮮明，充滿海量的海膽和三文魚子，好正呀😍👍 新鮮彈牙的三文魚子配上鮮甜的海膽和掛汁的珍珠米飯，絕對是perfect match😳 不愧是招牌菜式，必試🙊 🍗 日式雞鎚花蝦不得不讚櫻花蝦黏滿整隻雞鎚，入口外脆內嫩，味道香濃，一咬入口喀滋喀滋聲，非常滿足😋 ✨🍳蓬松玉子蓬鬆玉子融合了日本雞蛋及香濃芝士，再慢慢推疊捲成蛋卷，「芝」味十足😛 一咬入口還有香濃嘅蛋汁流出，作為前菜一流🤤

之前食過申子既銅鑼灣店，覺得整體野食質素唔錯，呢日行經MK就順手試埋旺角店，食物水準依然高質，氣氛仲幾好。❀火炙大蝦讚岐手打烏冬❀呢個賣相又靚又好味，大大隻燒虎蝦鋪面，仲有放左超多櫻花蝦，湯汁好濃郁鹹香，烏冬滑溜又彈牙🫶🏻❀黑松露雞肉芝士雜炊❀好多芝士，芝士味幾重，撈勻之後有拉芝效果，加左黑松露幾香口。❀汁燒蒜片牛柳粒❀牛柳粒煮到五成熟，肉質呈現粉紅色，牛味濃郁又軟腍。❀鰆魚刺身❀第一次食鰆魚，肉質細嫩，點少少醬汁食就夠哂鮮味，侍應哥哥果然冇介紹錯😆❀蓬鬆玉子❀玉子燒入面個蛋係半熟，好似食緊滑蛋咁，好有蛋香味。❀巨峰乳酸梳打及蜜桃乳酸梳打❀食到咁上下當然要飲下野，揀左呢2杯梳打，味道酸酸甜甜咁，好解膩，食到好飽好開心。

申子居酒屋係我地一直想試既店。今日專登BOOK左位黎試。雖然唔係繁華既地段，但位置唔難搵到。餐廳有2層，一樓有4至5個bar檯位，二樓則有卡位和2至4人檯。餐廳裝修係木系日本風格，環境舒適，燈光柔和，仲會配上悠閒既音樂，令你可以慢慢係到享受美食。🔹🔸🔹🔸🔹🔸🔹🔸🔹🔸🔹極上鹽燒牛舌芯申子既名物「極上鹽燒牛舌芯」必點！！厚切的牛舌芯粒既外層焦脆，入口爽彈，極富油脂感。配埋少許檸檬汁、海鹽、柚子胡椒調味已經好足夠。🔹🔸🔹🔸🔹🔸🔹🔸🔹🔸🔹日式雞鎚蝦花雞鎚以櫻花蝦混合炸粉而炸，一入口已經有濃烈櫻花蝦香氣，香脆得黎內裏肉汁依然保留，外脆內嫩。🔹🔸🔹🔸🔹🔸🔹🔸🔹🔸🔹 海膽炒飯海膽炒飯粒粒分明夠乾身，鋪滿左海膽同大量蟹籽，鮮甜既海膽配上鹹香既炒飯，味道好夾，份量都好足夠。飯入面仲混合左蟹籽、三文魚籽、櫻花蝦、帶子粒、菇等，加埋粒粒分明既飯，口感好豐富！🔹🔸🔹🔸🔹🔸🔹🔸🔹🔸🔹蓬鬆玉子蓬鬆玉子口感綿密濕潤，蛋汁流心又有層次，完全做到蓬鬆效果。同埋用左日本蛋，所以蛋味特別香濃，味道掌握得岩岩好，非常高質，大推！🔹🔸🔹🔸🔹🔸🔹🔸🔹🔸🔹 西尾抹茶凍鮮奶西尾抹茶凍鮮奶用左3.6牛乳，飲落好細滑，整體唔會太苦澀，苦