生記清湯牛腩麵

營業中

休息中

考完試，由西環走出上環，期間為了一張十蚊麥記 coupon 幫人做個問卷，內容關於果汁汽水飲品的，想不到一問就是廿分鐘 ，口乾乾見有時間就去幫襯肥谷、蔡瀾、阿蘇都有介紹的生記食啖靚粥!點了袖珍鯪魚球粥 ($21-3 * 2:30 後粥品一律減三蚊)，試了一口粥底，老實講我食唔出其過人之處，都是一般粥品店水準，但鯪魚球反而刺激起我既食慾... 首先，袖珍版粥竟然有七至八粒鯪魚球，相當抵食，鯪魚球本身也絕非庸品，輕咬已感受出其魚味，咬感爽滑彈牙有層次，實在忍不住一啖一啖的將所有鯪魚球吞噬!!!難得名咀們無老點，只是主角不是粥，而是美味的鯪魚球

2008-09-09終於輪到試試生記牛腩o既時候在九記先入為主下，結果係，略輸一籌湯清麵爽無鹼水，鯪魚球幾乎無骨亦唔腥，但淡了點，食慣少鹹o既鯪魚球牛腩，係腍o既，份量亦較九記多，之但係弊在覺得佢o的腩有種過熟的口感，少了那種"少少生生o地" o既彈牙不過公道點，還是值得一吃

蘿蔔(四件) - 尺寸巨大，很甜 , 腍無渣牛腩 - 腍，清甜麵 - 一般，非十分彈牙

有日睇雜誌睇到蘇施黃介紹上環"生記"這次講牛丸原來我都好耐冇食"牛丸"勒這日特地去光顧仲 order 咗一支細可樂牛丸麵 $19. 可樂加 $5 .

因為一烏龍事而去了上環, 那順理成章去拜望馳名生記粥吧!要了魚腩魚球粥和清湯牛筋牛腩河.粥底綿香, 魚腩肉厚但嫩, 魚球有魚香也彈牙, 魚腩和魚球分量不少, 有最少四五舊, 很滿足.至於那碗河粉也不俗, 湯清而味濃, 牛筋牛腩看似無乜色但實則都炆得入味不鞋.星期六下午二時半去到也要等位, 很旺場啊!

牛腩最出名, 粥底很綿. 連旅遊雜誌都有介紹, 日本旅客至愛蟹粥. 我地點了肉丸粥、灼菜及蘿蔔牛腩麵. 蘿蔔很甜, 牛腩又. 湯底都好鮮味.蟹粥亦不錯. 但雖然等 15-20 分鐘.

在上一個食評有提及到過來買了一碗清湯雙拼，雙拼是選了要清湯牛腩(女侍應不知甚麼是爽腩，只在說牛腩就是牛腩啊......)和蘿蔔。牛腩不知是火候問題還是外賣後不夠熱的關係，牛腩入味但不腍，還有一點點嚡口，死實的肉質得花一點氣力才能成功咬開。這樣的水準實在有負清湯腩之美譽，真的不明白未煮至腍身鬆化的牛腩，為何仍會推出來賣.......另一方面，蘿蔔煮得入味，但是清甜欠奉，亦沒甚蘿蔔的味道，只算是不過不失。看來生記的出品保證，還是以粥品為主﹔說真的，真是有點兒失望呢。

已幫趁了多次，每次會叫兩豌至夠飽。清湯蘿蔔牛腩: 最喜愛其湯底，熬得夠濃夠肉香味，沒加味精，每次均痛快地喝光。牛腩算幾好，但要吃邊部位好啲，中間淨肉雖然都腍，但冇咗那種複雜口感。蘿蔔雖然切得大大舊，但清甜無渣好入味。我也甚愛吃麵，但此店之生麵真係唔多得：有時淥得過腍、有時則充滿濃烈的鹼水味、若食得慢浸多三兩分鐘就更加「腍啫啫」。上次見到負責淥麵那位後生姐姐，似乎連用對長筷子從撈箕中分開兩個麵落碗度也有困難，咁唔怪得知啦…清湯三拼: 可以一次過試多些，個人推介可試吓牛丸和貢丸。兩種丸吃落彈牙，尤其貢丸還有些香菇味，一般吃到的只是死死實實的一團豬肉。牛筋也甚佳，但不是每次均及水準。牛肚(唔係金錢肚)唔掂，得個韌字。鯪魚球亦過腍，雖然吃到有魚(腥)味但溝了太多粉。反而一碟三塊的魚餅還好些，起碼較香口可掩蓋了耶陣腥味。出名之食肆，伙記們的態度自不然冇咁好，要有點心理準備…

雖然要了小的，但份量充足，仍能飽肚粥: 綿，非常熱騰騰牛肉片: 滑但沒鮮味，應是被粉醃過久雞肉: 沒有雞皮，不肥膩; 滑; 吃得出被酒醃過一碗蔥+豉油結論: 若牛肉是新鮮沒用粉醃過的則更佳

jan 05, 08,2人來lunch,叫咗 : 1) 魚腩豬心粥-試咗友人1件魚腩同豬心,唔知喺咪隔離粥香-魚腩好肉,又嫩,肉質又結實,好新鮮咁-豬心有酒香味,不錯2) 魚球肉丸粥(細)-鯪魚球好多粒,食極都好似仲有咁,起碼有6粒,但就好似唔太足料,溝粉多咗少少,又無果皮,可以好d-肉丸正常貨式-d粥雖未至於煲到開花,但都綿同無嘜味精3) 煎魚餅-如上面鯪魚球意見4) 炸麵-原來即喺油炸鬼粒,ok - 佢好出名,但又唔見得特別好味,下次想去花園街嗰間好出名

牛腩河($20)河粉爽滑, not shattered.牛腩軟硬適中, 味清香. It was properly cut into pieces, not 'shui sup sup' 邊角料湊數湯底清, 有肉香, not much MSG. I almost finished the soup.讚.price gone up wor...$17 --> $20 now

平日12點3去到都勁多人! 叫左牛腩蘿蔔米…蘿蔔又香又甜, 牛腩都幾高水準, 但不是超班, 牛肉香味不夠濃, 不過都唔錯啦! 米粉份量就少d, 我唸男士起碼要食兩碗先feel到有d飽. $25, 一定有下次. 聽到隔離果家人, 爸爸勁讚佢地d粥, 下次試下先!

4/14/2007 2:45PM香港環島一日遊之第日站-----上環坐渡輪黎中環, 再行到生記, 都係為了一碗牛腩同魚腩粥.下午2點多, 還要o係門口排晒隊等位, 我同bf兩人都等左15分鐘, 無計, 出左名. 其實佢打通左兩間鋪, 地方都幾大,加上食客都唔會坐太耐就走.叫左幾樣野: 淨清湯蘿蔔牛腩($24). 好鐘意佢d蘿蔔, 真係好甜, 自己雖不太好牛, 但試了一舊都覺得幾好.牛腩(要邊)河粉($17): bf識食, 牛腩話d邊爽爽地先正. 果然~魚腩粥: ($23). 魚有4-5舊, 都幾新鮮, 但骨多. 粥底好清, 不是杰撻撻o個種. 但相信d魚就無爆過先放入粥, 因香味差了少少.個人認為妹記比他做得好d.p.s 笑面係比清湯蘿蔔牛腩既~

蘿蔔牛腩，最好味是蘿蔔，好鮮甜，而牛腩就普通少少，但牛丸都OK！

晚上9 點的上環實在靜得嚇人﹐想找好吃的也不容易﹐見生記還燈火通明就進去吃個麵吧﹐反正要趕去下一個聚會﹐已經遲到了。原來真的幸運﹐他們也快要關門了﹐不過既然我已經坐下﹐他們就多做一單生意吧﹐隨後再來的﹐都被拒於門外了。趕時間就不吃粥了﹐要了碗我最喜歡的牛筋米。喜歡這裡要牛筋就真的是牛筋﹐不會是牛筋腩﹐而且有不同口感的牛筋﹕爽口的﹑煙韌的﹑捻滑的﹐共冶一爐。米粉比一般煮得硬一點﹐不過我喜歡。我到生記不一定吃粥﹐不過這牛筋米卻不可少。