生記清湯牛腩麵

營業中

休息中

本身粥底已經有足夠的調味 , 裏面的雞也是醃過, 單食粥或者單食雞內, 已經咸味夠晒, 現在粥的咸+雞肉的調味一齊入口, 已經有少少OVER 左, 再加上逢粥品都奉上的一碗豉油,實在多些一舉粥底米的水的比例很好, 如果將粥底的調味降低少少就很完美, 粥底靚不是只有這間才做到, 一碗袖珍的$22 捧場客大不乏人, 相信很多人都是慕名而來的, 或者我下次有機會試下魚腩粥看是否另有不同見解 (因為魚腩一定唔會醃)

由同事帶路，午飯時間來這裡吃粥。我要了細魚片粥，兩位同事分別要鯇魚腩粥及鯪魚球麵。鯇魚片粥(袖珍) ($22)：袖珍的，但也頗大碗。魚片很多，十分鮮味，沒腥味。配上一小碗薑絲及蔥花豉油同吃，好味。鯇魚腩粥 ($30)：［同事叫的，沒試］很大碗。同事說魚腩有點腥。不過整體也算好吃。鯪魚球麵 ($20：［同事叫的，沒試］鯪魚球有五六粒之多，不過同事說味道只是一般。這裡的粥的價錢不便宜，但魚片鮮味而且粥的稀稠度剛剛好，亦不會太鹹。這裡除了魚粥，牛腩也是「名物」，又看見鄰枱的肉丸粥好像也不錯，日後有機會要試試。

帶老婆去上環interview, 行過生記粥品，記得蔡生本書介紹過但老婆想食牛腩，所以去左生記清湯牛腩麵instead。 叫左牛肚牛腩河，河份質素ok不過好索湯。牛肚入味好食，牛腩偏廋咬落有少少渣但味道非常好。 最出色係個清湯底，清甜牛肉味但一D都唔油。阿姐亦都好有禮貌，會在返去食。

昨日，經過生記清湯牛腩麵，見咁耐無幫襯，走嚟買外賣！天氣凍凍地，食番碗麵都好呀！ 熱辣辣，夠暖胃！鯪魚球河 ( 走青 ) $20不經不覺，已經由 $19 加價到 $20，鯪魚球爽口彈牙，依然有 6 粒之多！保持質素！可惜，河粉並不是以前嘅幼滑，硬咗些少，仲好易食到碎濕濕！湯底仍可保持質素！希望下次會有所改善！

在生記吃過三次，每次中午坐Taxi來吃，可見是真的吸引。也排長隊吃過九記的，但是盛名之下，其實難負，還是感覺生記更好。清湯腩：牛腩少少靭度，不會太爛但又完全入口輕輕咬下就化，實在是很本色的美味。湯底也清，麵雖然有點鹼水味但那正是我中意的，分量也剛好，不會太多而影響與牛腩的搭配。但男生吃應該是不夠的。肉丸粥：實實在在十粒大肉丸，香氣撲鼻，但仍勝在天然，咬下去結實香糯，完全是肉香，不管是單吃還是配上豉油和蔥都是一粒一粒欲罷不能。其實粥底也是極好的，綿軟稠密，很見功力。但是每次一開始就是幾個肉丸入肚，粥總是沒法吃完。魚餅：其實一看就知是屬於不夠“健康”的食物，油很多。但是那個香呀，沒法抵擋。咬落也是滿滿魚肉的觸感，非常之滿足。冬日的午後，吃到一碗清湯腩加上三隻魚餅就是最大的享受。另外值得一讚的是辣椒醬，顯然不因爲是閒平價館子就馬虎了，很用心的自制辣醬，吃得出來的誠意與美味。

爽腩剛賣清，於是試試這裡的肥腩伊。從前在附近返工，經常會來，回想起來已有兩年無吃過這邊的清湯腩了。伙計與從前無分別，效率還是那樣的高，用的是新鮮牛腩，吃起來鬆腍有肉香，湯底味道只是一般，不及九記濃郁但喝到牛臊味，近年糧油價加得不少，今天肥腩伊只賣二十五塊份量亦不少，比起坊間的清湯腩王甚麼的，質素方面有誠意得多了。

生記的粥出名係人都知。要了一碗大肉丸粥，有成十粒肉丸，配生葱豉油，好好味。粥夠綿，食得出係煲了好耐而成，非靠加粉，有好濃的香味！另叫了清湯牛腩伊麵，麵煮得不夠淋，湯底還可以，牛腩就一般，我諗食牛腩伊都係要去九記。牛肚麵 - 呢碗就幾好味，牛肚夠淋冇異味，麵夠彈牙亦不會有過濃的鹼水味。環境招呼都是欠奉的，來這裡都是怱怱食完就走！

一到 Lunch hour ，上環禧利街，就會熱鬧起嚟！論長龍餐廳，生記清湯牛腩麵同斜對面泰妃雞有得 fight ！咁多人幫襯，相信質素有返咁上下。今日熱成 32 度 ，都係食碗麵算嘞！鯪魚球河 鯪魚球 - 以鯪魚、陳皮粒、芫茜、蔥粒制造，香味四溢，爽口彈牙，大大粒，有 6 粒之多！河粉 - 雪白幼滑，食到最尾都唔會碎濕濕！湯 - 清清地嘅牛腩湯餚製，少油！真材實料，唔覺有味精！服務： 各員工分工合作，1個幫我落單，1個收錢，1個俾外賣我！總結：好食及抵食過文輝墨丸河！

知道生記出名, 是因為以前一個朋友, 可惜以前在上環上班唔知道所以無試過, 要在十年後的今天才因為工作關係在此用餐是日雖然是星期六, 但都要做到五六點先有得食飯, 就同同事去左呢間一試因為係星期六 & 已經五點, 裡面人唔多, 因為我每次想食都見到大排長龍點左個清湯牛腩粗麵, 湯真的很清, 牛腩份量不少, 我那碗有肥有瘦, 算是很好, 牛腩亦算入味, 不韌還有牛味, 跟九記是另一種感覺, 不過同樣好味可恨是再晏d要同屋企人晚飯, 如果唔係會試埋另一招牌清湯淨蘿蔔

近來小弟與一班同事常常在公司附近覓食，懷緬一番因之後可以食的機會太少了今日去了生記，見到有蔡x介紹，應該都不錯叫了牛腩面:牛腩ok，當然冇九記咁浮誇，但又好食wor雞粥:雞件真的好嫩，又沒有骨粥底真的可以用"綿"來形容，真的不錯=)加上相比下有冷氣，同不太逼，好ok!

牛腩麵$22魚腩肉丸粥$35煎魚餅$10油菜$8合共$75.00要排隊等位，前後兩間舖都可以食同類型嘅嘢，個個客食完就走，所以都唔駛等好耐牛腩有肉味，但唔係好濃，麵冇梘水味，但啲蔥太大粒，影响口感魚腩大件又多，有鮮味冇腥味，都幾多骨，所以要小心啲食肉丸細細粒，軟而彈，唔係死實嗰隻彈粥有米香味，熱到熨嘴煎魚餅好油口，煎得唔夠焦口睇到咭片，原來九龍都有分店，會唔會我其實已經食過呢……唔記得

上星期六接女友放工，到上環生記清湯牛腩麵家吃午飯。聽說這餐廳很受歡迎，起初不以為而，後來到了門外，見到很多人在排隊等待。可是等了不足五分鐘便可入內進食，心想這餐廳待應手腳一定要快，落單要快，吃完便要走。筆者與女友分別點了店內著名牛肉粥及雞粥，不久即煮的牛肉粥及雞粥出台，果真是名不虛傳，粥底很綿，牛肉及雞肉鮮味，最重要是價錢不是很昂貴，連炒麵及油條，只是七十多元，算是合理。如果大家下次到上環行街，也試試生記的粥麵。http://hk.myblog.yahoo.com/chicken-goal/article?mid=3012

上環生記的粥品吃過好幾似,印像中是未吃過生記清湯腩,年前在油麻地生記,只是吃牛筋.淡出個鳥來.早上來已有牛腩吃,個人對清湯腩一直以九記為首選,生記的粥品一向做得好好,清湯腩又做成點呢?不如同九記一樣,來個腩伊,要肥.再加個店內其中一樣名物 - 清湯蘿蔔.價錢是比九記平,轉伊麵也是$24一碗,肥腩眼看沒有九記的半肥的肥.牛腩做得稔熟不硬,肥膏位甘香可口.湯底有牛香,但比九記的淡,始終沒有那種令人回味的強烈結尾.清湯蘿蔔色水雪白,爽而不苦,入口沒有渣,不過未算特別甜.我吃過最好的蘿蔔,還是在車品品.其次是糖街的榮記車仔麵.有人說太甜的蘿蔔,一定有警轟,我就不理,總之我喜歡,就喜歡.懶理別人怎樣去批評,口味是屬於個人,點樣點樣又關你x事?

中午到上環覓食行過見到生記有條長龍人排我又排清湯牛腩牛筋麵 ($28) & 清湯牛筋牛肚麵 ($28)清是清淡是淡幾件牛筋腩寥寥可數牛腩淡得無味牛筋淡得像白灼滑潺潺的動物筋腱在口中有點嘔心淡而無味的清　有什麼意思我還是喜歡濃濃的牛腩湯底和入味的牛腩香煎魚餅 ($10)魚肉彈牙　表面香脆而且有肉汁可惜像人情紙咁薄十蚊三張我覺得不值

牛腩牛筋是去到雲吞麵舖排一向是我的點叫榜第一位!不過只限用汁去炆果種牛腩!兩大食物中的天生死敵,清湯腩穩佔一席位,基本上是沒可能從我口中吐出這三個字,這天和友人路經上環,在口是心非的情況下入了這裡!清湯牛筋河----上檯未食已經完全知道,這碗牛筋河應該唔易哽!湯底非常清淡!牛筋軟淋淋亦都是一樣非常清淡!唯一欣賞的是河粉不易解體很有米香.清湯蘿蔔----無渣!無味!無色!對不起!原來蘿蔔我只愛車品品一家!