玉桃軒酒家 (利舞臺廣場)

營業中

休息中

中菜，銅鑼灣又要抵食坐得好好地，不用迫的令我想起這一間了。今次又有什麼特價餐？他們廚房不錯的，價錢常很優惠，裝修也見得下人。水晶燈大禮堂，同阿媽食飯不會喲喲哦哦！雖然只是家常便飯。 今晚的餐是鵝掌鮑魚。鵝掌尺碼比較大隻，其實鮑魚都不小，但映相很像很細隻。 珊瑚蚌炒秋葵，顏色很像不夠，好彩味道是不錯的。 涼瓜牛肉，顏值也不太高，勝在好味。 餐牌尚有很多選擇的。 這個顏值高下次要試試。 剛巧有人叫片皮鴨，158元實在抵，還有斯文的Waiter哥哥在表演。可惜阿媽今晚不想食鴨。 杏汁雪蛤甜品一客作畢

今晚家庭飯局，同左父母同家姐四個食飯，嚟到觀塘間玉桃軒酒家。入到去地方好大，吾洗點等位，地方都清楚乾淨，服務都吾錯，見到menu呢個優惠幾抵食，都想推介下。佢包了一品蒜香雞半隻，清蒸沙巴班，同一碟自選小菜，星期一至五嚟食都只$328，幾抵，而且都好好食。先講隻雞皮好香脆，肉質嫩滑，又吾會覺得肥膩，吾錯丫，熱辣辣上碟好食。條魚都夠回本，條魚大大條，蒸得岩岩好，吾老又吾會吾熟，肉好滑，新鮮嘅，送飯一流。另外自選小菜就點了菠蘿咕嚕肉，整得吾錯，粉吾算太多，吾會食到成口粉，另外醬汁甜酸岩岩好，幾開胃。其實四人食呢個餐都夠晒食，父親大人想食片皮鴨2食，都係$158+60，都吾錯嘅，好香，岩晒父母口味啦。食得都好開心，滿足嘅一餐。

今日Lunch 約左Auntie 食晏，揀左利舞臺20樓玉桃軒，貪佢坐得舒服又唔嘈，傾計最好。第一次黎呢間酒樓食晏，坐低見到好多點心、小食、粉麵款式 同 午市商務套餐，最後揀左以下幾款～高湯芝士焗大花蝦伴生麵如圖所見....大花蝦好大隻，肉質好爽口用芝士汁淋上面，撈埋彈牙生麵一齊食招牌小食：台式鴨舌我好耐冇食過咁大條鴨舌啦！！！就算係台北老XX買都冇佢咁大條而且佢好「林」，滷水汁咸度剛好又入味，好好食！食左好多條👅😜鮑螺片雞絲粥呢碗粥一食就知冇味精，粥煲到好綿，而且好足料，鮑螺片令粥有淡淡海鮮味肉碎四季豆四季豆炒得好香好脆，欖菜絲同肉碎既濃味融入四季豆，正玉桃晶瑩蝦餃皇好大粒，中間好多蝦肉，肉質鮮美！總括呢間酒樓好得！可以再去！

有人話好想食片皮鴨，見到利舞臺樓下大大張肥美片皮鴨相，價錢又相當實惠，就決定黎食下，係20樓，座位寬敞，裝潢時尚有氣派，樓底高，就算坐滿都唔覺會有噪音，場地唔錯，我最怕d 好嘈嘅酒樓，呢度絕對正。一黎當然是主角片皮鴨，果然同相片一樣金黃肥美，火喉平均，$158一隻真心抵! 侍應叔叔刀法好純熟，皮同肉比例剛剛好，見到肉汁係咁流出黎，我地成枱餓鬼已經流哂口水，排到整整齊齊嘅鴨肉上枱，配青瓜大蔥同餅皮，加少少海鮮醬，真係好正!有脆皮有嫩肉，包埋黎食無得輸! 加60蚊有二食，鴨鬆生菜包，用炸菜炒香好惹味! 下次想試埋個薑蔥炒鴨件! 是日靚湯係海底椰木瓜鰂魚湯$128，原盅上枱，魚湯味道清甜，去酒樓食晚飯點可以少左一盅靚湯! 菠蘿咕嚕肉，酸甜度剛好，炸得香脆，肉排夠嫩。328蚊包一條魚，半只炸子香蒜雞，一道小菜，家常便飯莫過於此。清蒸沙巴斑，size 唔算好大，但肉質夠滑。香蒜炸子雞半隻，炸到個皮好脆! 肉質嫩滑 又juicy。晚飯優惠可以係下面四樣揀一款，鍾意食龍躉，龍蝦，又鍾意片皮鴨嘅話小心選擇困難症病發! 埋單連茶水加一，每人200蚊有找，呢個地區呢種食物同環境，值得再次幫襯。

云云菜式中，中菜可謂最博大精深。今日約了朋友相聚，又來到最愛的玉桃軒。位於銅鑼灣利舞臺的玉桃軒，地理位置就腳不在話下。裝潢又富麗堂皇，且非常整潔。環境方面絕對舒適。先向侍應姐姐點了菊花茶解一解渴。菊花足料且清甜無比！果然有質素由於我們只有兩個人，就點了$328套餐有雞有魚還可以自選一個小菜。最後友人選了鯪魚鬆炒芥蘭。這個價錢在銅鑼灣的舒適環境吃三個小菜，個人認為「激抵」並無誇張之意先來的鯪魚鬆炒芥蘭，光是香氣已經令人垂唌欲滴。鯪魚鬆無腥味，魚肉又彈牙。芥蘭新鮮，酒樓才有的火喉又能鎖住蔬菜水份！味道一流再來一品蒜香雞，同樣是我最愛的一個菜。外皮炸得香脆，但雞肉仍然保留又滑又嫩的口感！沾上特製香蒜醬汁，送飯絕配最後是沙巴班，份量剛好for2人。𥚃面肉非常嫩滑，而且䜴油調味剛好，不甜也不太咸，份外帶出魚鮮。玉桃軒果然有水準

老婆係要嚟錫! 得閒要去接老婆收工， 帶佢出去食下唔同嘅美食。 好耐冇出動的大K, 今日帶老婆去銅鑼灣利舞臺食飯。利舞臺玉桃軒 大酒樓出品有保證。 上得枱嘅全部睇得兼食得 樓面裝修一流，坐得舒服枱興枱之間， 有一定嘅空間唔會太迫。大k 一坐低梗係叫番個老火湯畀老婆飲茶$128有多款老火湯選擇僅有款啱時間天氣同埋口味。 這個老火湯絕對唔會令你失望飲完一碗有一碗。再嚟就係片皮鴨二食 食完個片皮鴨就食埋個鴨肉鬆卷生菜。 一般片皮鴨淨係得過皮，這裏的片皮鴨 有好多肉。 絕對啱曬好似我呢啲又為食又怕肥嘅 大肚dum!最後上菜嘅係個石鍋炒飯。 真係不得了呀! 我要不停咁樣搞個石鍋。真係好熱 只要停一陣啲飯就會燶。當然如果你喜歡食飯蕉嘅話。這個絕對是你的不二之選!

而家成日晚飯幫襯酒樓都好多吉位，可能大家都傾向dinner食好西或快靚正的餐廳。由於我越來越鍾意飲湯，所以都多左選擇同老公去酒樓度食晚飯，有時兩餸一湯, 都係每人百幾蚊埋單，質素又有保證，又唔洗同人迫，大大張枱，其實是一個唔錯的選擇！今次同老公約左個固定飯腳去酒樓食飯，３個人叫左３餸１飯１湯，食到好滿足呀！好多套餐可以揀~人少少就叫半隻片皮鴨食下啦~~好抵~百幾蚊加60蚊有兩食~~首先來個老火靚湯先~節瓜豬展夠正氣，煲到好濃~~每人有兩碗左右~好好飲~!好多料呀!然後就是大家都好期待的片皮鴨，估唔到半隻有咁大份呀!! 仲要好厚肉!! 大家都問, 咁一陣二食果味咪好細碟? 因為呢度已經有好多肉喇WOR~呢個真係全滿分，個皮又脆, 又唔太肥, 剛好咬落去有鴨油滴出黎，仲要有肉食~~個肉仲要好JUICY~~太正了~~大家好快就搞掂左佢~之後黎左一大碟成座山咁嘅炒鴨鬆~~用黎包生菜包食的~估唔到有咁大碟~~大家開始擔心會食唔哂~~D生菜CUT到個個都一樣大，弧度都一樣架~~呢個生菜包超好食, 我食哂咁濟, 因為鴨鬆同生菜的味道太夾了~~仲有呢個石鍋海皇炒飯，98蚊~一大兜~~上枱夠哂熱, ZH

Since it has been awhile i have dim sum, I decided to have a light dim sum with my wife. We were shopping around Causeway Bay and we decided to dine at The Graces restaurant. I have tried their food at the other outlet at Kwun Tong and was fairly satisfied. When we reached slightly at 1pm, it was already almost full.  Besides the typical dim sum selection, they have chef recommendation, monthly special and guangdong dishes as well. Hor Fun with honey glazed BBQ pork - Some of their food items we

返工前想搵啲嘢食咪去咗飲茶，咁啱喺銅鑼灣附近，咪去咗利舞台嗰邊囉。去咗20樓玉桃軒，去到坐低喺窗邊，望出去銅鑼灣景觀一覽無遺。雖然係銅鑼灣旺區，但係價錢超實惠。廚師推介都有啲特別嘅食物。點心選擇都唔少，搞到我都唔知點揀好。見到有清熱薏米水，好特別所以叫咗杯來飲，唔太甜口感清新。我好鍾意食腸粉，所以點左個碧綠帶子腸粉，腸粉好滑同帶子好夾。懷舊高湯灌湯餃餡料十足，食之前加少少醋，令到成個灌湯餃鮮味出晒嚟。之後仲叫咗個北菇滑雞蒸飯，好足料啲雞仲多過啲飯，價錢都係＄35。最後叫咗個燒鵝瀨粉，瀬粉好大碗。燒鵝燒得好香，皮脆肉嫩，啲油仲流晒出嚟添。 最後埋單都唔使＄200，真係好抵呀。因為係中秋前夕，仲有月餅賣添。

約了家人在銅鑼灣行街睇完戲當然要食飯啦，家人想食中餐，腦內即時浮現了「玉桃軒」須然已經有一段時間沒有來，看看能否保持水準。北京片皮鴨 - 北京片皮鴨大大隻片滿一碟，配上其他配料青瓜、京蔥和醬汁放在帶微咸的皮上一起食實在美味二食豆腐菜苗滾鴨湯 - 豆腐菜苗滾鴨湯用豆腐、白菜仔、草菇和鴨件一齊煲鴨味濃郁👍🏻激抵晚膳三寶 - 一品蒜香雞半只蒜香雞外皮香脆加上特製蒜香汁一齊食實在惹味清蒸沙巴班 - 一條大約一斤左右的沙巴班蒸得剛剛好魚肉香滑魚味濃加上香蔥和醬油又可以食好幾碗飯加自選小菜一款魚香茄子魚腐煲 - 咸香惹味

同屋企人做節當然要食中餐啦🤗這間位於銅鑼灣利舞臺的＂玉桃軒＂位置方便而且光猛又不會太嘈，食物有水準還有特價套餐很抵食👍🏻北京片皮鴨 - 現在半價很抵食，片皮鴨皮脆肉香，師傅切得很深連住很厚的鴨肉在一起，所以很飽肚😆一品蒜香雞半隻 - 雞皮非常卜卜脆，雞肉嫩滑不像一般的雪藏雞，水準質量不錯！魚香茄子魚腐煲 - 茄子煲得很腍微微辣很惹味清蒸海石斑1條細 - 石斑蒸得時間剛剛好，肉質細嫩豉油蔥花份量配合得恰到好處👍🏻片皮鴨二食(豆腐菜苗滾鴨湯) - 除了鴨材料還有豆腐小白菜可分到6小碗，鴨湯很濃郁鮮甜，煲得很夠火喉砵酒焗桶蠔 - 火喉十足大大隻焗蠔，加上很多乾蔥頭和金菇香氣撲鼻，未食見到聞到都興奮，食落外層小小脆內裡爆蠔汁無得輸😋賽螃蟹炆伊麵 - 賽螃蟹裡有很多細細粒的帶子，所以鮮味十足，加上小小醋一起吃，頓時令胃口大開😆

今晚媽媽話唔想下廚，扭計要落街食。咁啱今日係銅鑼灣收工，所以就去利舞臺食啦！門面設計低調優雅場地不大，但都尚算舒適！星期三的晚市都好多客人！肯定質素有返咁上下先會咁多人黎食！本月推介，愛食片皮鴨的家姐，二話不說就嚷著要點。好吧，就叫一食滿足下佢！$328一個三寶，媽媽都話抵😂所以，我呢個乖女乖妹妹就聽哂佢兩個話，叫左一個片皮鴨一食同一個三寶😂睇部長片得有板有眼，刀工應該不俗。係旁邊等的我都吞哂口水🤤片緊鴨時即上皮，咁先確保大家可以熱辣辣咁食！好細心😌刀工真係唔錯，唔係得皮，仲有肉"Lun"住，咁包落去先好食😝媽，我我唔客氣喇！條魚夠滑又有魚味！夠新鮮之餘，師傅掌火都拿捏得準確👍🏻蝦仁肉爽，西芹清甜！整餐飯一家人都食得十分開懷！侍應服務好好，好快手！加水唔洗等，值得一讚！下次阿媽扭計我識去邊喇😂

我真係好鐘意食中菜，今次收工去食片皮鴨💃🏻💃🏻💃🏻呢間係中式酒樓係利舞臺入面，係銅鑼灣地鐵站F出口行會好過A出口個條長長既小斜路。不過我就不嬲唔識路既，都係等朋友帶路。其實黎之前我已經openrice 過有咩好食同優惠，見到片皮鴨同芝士焗龍蝦好抵食😋😋😋。不過呢個優惠推介淨係可以揀一樣，唯有放棄龍蝦啦☹️一坐低就叫左片皮鴨二食。佢唔係係廚房片完就拎上枱，而係圓枱附近即場原隻片。因為係附近，所以我即刻衝左過去影左幾張相😆半隻片皮鴨已經有甘多，都係158蚊，四個人食份量已經好多，我好似都食左4-5件。因為原隻即片，熱辣辣個皮好脆。👍🏻二食揀左薑蔥炆鴨件，貪佢夠香口惹味d。果然好惹味，好送飯，無揀錯👍🏻跟住散叫左幾樣野，聽聞叉燒都好食就叫份例牌試下。呢d真係半肥瘦得黎又夠淋👍🏻👍🏻👍🏻好好味又係我習慣，點都叫個菜，呢個係馬拉盞通菜炒牛肉。牛肉炒得夠滑唔會韌，通菜都好入味同夠火喉。最後仲叫左個瑤柱帶子蛋白炒飯，四個人食左甘多野，之後係食唔晒個飯😂😂但我都食左兩小碗飯，因為炒得好好味總結，片皮鴨優惠價食真係好正👍🏻加60蚊仲可以二食，真係好抵，下次有機會再黎試埋個龍蝦😋

今日經開銅鑼灣，記得之前去飲宴，有間酒樓係難得的好食，大家都知一般飲宴嘅菜式有幾好味啦！呢間就係玉桃軒。一坐落環境乾淨，招呼又好好，見有自家製老火湯，就要試吓，今日係青紅蘿蔔花生眉豆煲豬踭湯，生津解熱，保健清潤，上枱果然足料，唔好睇煲仔細細，都分到有8碗，D花生煲到好淋,個湯又好濃，唔係一般嘅例湯。見有我最愛嘅片皮鴨，鴨皮又薄又脆，皮同肉之間係無肥膏，而個蒸包嘅皮做得好薄，又唔會好乾身，再加上附上嘅青瓜，海鮮醬，韭黃，簡直配合得天衣無縫，平時我最多只會食兩件片皮鴨，但今日真係食咗五件，真係大滿足。而今次嘅另一目的係嚟食蒸魚，因為上次嚟飲宴個蒸魚好味，仍舊記著，所以叫咗條清蒸海石班，果然無失望，蒸得時間剛好，好juicy,即時要叫兩碗白飯，連豉油都有滿滿嘅魚香。

今日約咗好姊妹行Time Square, 晚餐諗住去食通天，但行了一圈都無頭緒，就去咗利舞台搵食。就係20樓見到有玉桃軒，之前試過觀塘嗰間好好食，今次就試呢間睇吓有無驚喜啦！一入門口見佢有個三寶推介好吸引，而三寶包括有一隻一品蒜香雞半隻、清蒸海石班一條、再可以選多一個小菜，都只係$328。小食方面就要咗碟海蜇拼燻蹄，海蜇唔肥切得夠薄，仲要皮同肥膏好少，而肉嘅比例多，點一下附上嘅酸醋，好好味。而海蜇有好爽脆嘅質感，伴有麻油嘅香味，呢個餐前小食一流。講返三寶先，第一味“一品蒜香雞半隻”，平時對炸雞就麻麻哋，因為好驚肥膩，但呢個蒜香雞一上枱已香氣誘人，雞皮好薄炸到好香脆，仲要無肥膏，而雞肉仍然保留著肉汁，最重要係隻雞好有雞味，加上蒜香食到好難停口，食完睇吓隻碟底係無咩油 ，即係炸嘅火候控制得好好，最後用猛火回鑊再炸過嚟收緊個肉汁同油脂。第二味“清蒸海石班一條”呢個蒸得剛熟，魚肉滑溜不在話，而魚嘅油脂仍留係魚皮，加上係海石班，完全無火水味，加上蒸魚嘅豉油，下飯一流。而最後一味要咗“菠蘿咕嚕肉”，咕嚕肉最怕係肥膏同粉多，呢個完全無呢個問題，因為佢炸到皮脆，而內裹嘅肉汁仍在，仲要無肥豬肉，加上酸甜