304
20
10
港鐵銅鑼灣站 A 出口 繼續閱讀
所有分店 (3)
電話號碼
28821889
開飯介紹
提供多元化精美點心、晚飯小菜及精選套餐。 繼續閱讀
附加資料
招牌菜:蜜汁叉燒皇 / 京式片皮鴨 / 富貴飯焦上湯燴鮑翅 / 鮑汁花膠扣鵝掌
營業時間
今日營業
11:00 - 00:00
星期一至日
11:00 - 00:00
付款方式
Visa Master 現金 AE 銀聯
其他資料
酒精飲品
自帶酒水 詳細介紹
VIP房
泊車 詳細介紹
電話訂座
外賣服務
加一服務費
食評 (351)
等級4 2019-09-03
2502 瀏覽
難得大家唔使O.T,我哋終於可以 #齊齊整整 坐埋 #吹吓水、#食個飯🍻 同事話 #燒烤食物、#打邊爐 太熱氣,咁一於轉吓口味、正氣一啲食 #中菜🥢 為咗方便大家搭車,呢晚我哋揀咗 #利舞台 玉桃軒 做我哋嘅 #聚腳地。大概18:30我哋到達 #玉桃軒,當時客唔多,#服務員 先為我哋 #安排座位,再遞上 #餐牌,#態度 比一般中式酒樓嘅 #服務員 斯文有禮,感覺唔錯👍🏻 唔知係咪近排香港經濟差咗,連帶 #酒樓食物 都相對平哂👀 無諗過$358就可以有條 #沙巴斑、半隻 #蒜香雞 之餘,仲可以揀多個 #小菜(我哋揀咗 #賽螃蟹),另加 #小秘書 幫大家揸主意,要咗個 #薑蔥焗桶蠔😉 而同事都唔執輸,比佢發現到酒樓特價 #片皮鴨 一隻都只賣$188,佢話咁抵無理由唔食啫😆 十分鐘之後,餸菜陸續上枱🥢 先嚟嘅係 #片皮鴨,肉質依然保持鮮嫩、鴨皮亦唔會太肥,配上 #青瓜、#京蔥 同 #甜醬 夾埋 #么么皮 一齊食,口感好豐富😍 之後再嚟嘅係 #賽螃蟹,熱辣辣口感唔錯... 不過加隻生蛋黃喺面就賣相perfect喇🤪 登登登... 我至愛嘅 #薑蔥焗桶蠔 咁啱擺喺我面前,我當然唔客氣要隻最大㗎啦👀 #師傅 將 #汁醬 同 #薑蔥 剛好掛上 #桶蠔 上面,包住 #桶蠔 嘅一層薄薄嘅 #漿粉 索哂啲 #調味料,咬落去微微嘅脆口感覺,再到 #肥嘟嘟 嘅蠔身,點可以唔愛上佢♥️ 最後上枱嘅有 #清蒸沙巴斑、#蒜香雞,兩者都好鮮味😋 雖然呢一刻#小秘書 已經飽到一個點,不過我哋仍然係無停過口,爭在未叫多「靚仔」撈埋啲 #蒸魚豉油 乾咗佢😅 總體我覺得呢餐真係好抵食,而且環境又夠寬敞,最緊要係服務好吖嘛👍🏻 I’ll be back😎 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-01
1316 瀏覽
今天和家人到銅鑼灣逛街,又係到咗食飯時間,在 OpenRice 找到了利舞台廣場的 玉桃軒酒家,這酒家地方不錯,光猛整潔,服務員招呼周到!北京片皮鴨半隻方香味濃郁的片皮鴨,用熱辣辣的薄皮包住,當然不少得有青瓜、香蔥和醬料,片皮鴨皮香肉嫩,肥瘦適中,夾雜其他配料送食,口感豐富。燉湯龍蝦餐是日豐料燉湯燉湯材料非常豐富,群翅、瘦肉、雞、淮山等等,難怪味道濃郁好喝,而且份量十足,我們把湯渣也吃了。🤗上湯焗波士頓龍蝦大大碟波士頓龍蝦,賣相非常吸引,以上湯𤉋焗,龍蝦肉吸收了上湯的精華,食落啖啖鮮香味,一吃停不了!😋😋😋清蒸老虎斑一道簡簡單單美味的清蒸海上鮮,當然也食材新鮮,廚師就充分利用了烹調時間,加入香蔥、薑𢇁、醬油配料等,炮製出一條極美味又嫩滑的老虎斑,我們不停地吃,差不多連魚骨都吃掉。😋😋😘菜甫肉鬆煎蛋角這度懷舊小,自小已很喜歡吃☺️今天發現在菜單上,當然是必吃之選,你和我吃的是圓圓一片,但廚師的做法是以半圓形夾起來,味道跟我小時候的相似,真的很開心,可以尋回小時候的感覺。好味道的中菜 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-06
2222 瀏覽
有時候係鬧市想揾個地方,慢慢食傾下計,都唔容易架。今日朋友就帶左我黎利舞臺,話有次佢地公司team lunch黎左食呢間,話想試埋晚市。🎈室內環境呢度環境簡潔俐落,唔會見到街坊酒樓好leung既痕跡。staff好好笑容,帶位開茶都好迅速,值得一讚。🎈Menu晚市都幾多promotion做緊,有$188片皮鴨,$358set有蒸魚有龍蝦,小菜方面價錢合理,百令蚊個咁。🍴🍴🍴🍴✨北京片皮鴨 (做緊半價$188)一坐底第一時間叫左呢個片皮鴨,真係好抵食,二百蚊有找,食到成隻。雖然特價,但都冇將貨就價,鴨皮燒得香脆鬆化,仲有師傅係我地面前即切,片片都好厚切,有鴨肉又有鴨皮,上碟都擺得靚靚,當然要多角度咁影下啦。么么皮係比較有煙韌既,厚薄剛好,包得住餡料,又唔會穿。而佐料方面有大蔥、青瓜、甜麵醬,呢個黃金組合缺一不可。將整個「完成品」放入口,鴨皮既油脂係口入面爆發,鴨肉帶甘香,十分討好呢。✨脆皮燒腩仔 ($78)我地仲叫左個小食,冇錯就係燒腩仔,個皮幾鬆脆,一咬就碎,好似食薯片咁治癒啊,下面既豬油都係好邪惡,但又好好味,空口食都唔會過鹹。✨石窩魚香魚腐茄子 ($108)再黎到呢個「滋滋」聲咁出場既石窩魚香魚腐茄子,魚香茄子就食得多,再加埋唔係間間都有既魚腐,魚腐吸收哂魚香茄子既味道,令魚腐既味道更加強烈,魚腐入口軟綿,正正就係我喜歡魚腐既原因。🎈總結係步伐急促既銅鑼灣區,有時候食飯食得慢都會有壓力,但食得快又對腸胃唔好。今次幸好有朋友帶路,食到呢間菜式高質,但價錢實惠既玉桃軒酒家,可以舒舒服服,2個人坐4人位,慢慢食吹下水,壓力一掃而空。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-25
1646 瀏覽
雖然最近數月香港的情況愈來愈差,堪稱每況愈下,既令人氣憤難平,也令人心情鬱悶,但日子始終要過,工作始終要做,文章始終要寫,家人的生日也始終要慶祝。老人家牛一,雖然不想大搞,就連晚飯也沒有外出慶祝,但一頓酒樓午餐還是要的。這頓慶生宴的所在地,就是這間在港九有三間店舖的「玉桃軒酒家」。這間位於利舞臺廣場上的酒家,環境比一般的酒樓好些,坐得舒服,也不嘈吵,加上價錢不貴,與老人家喝茶慶生,都算合適。人不多,只得三個,所以吃的東西也不太多。老人家愛吃乳豬,我與太太也愛吃,便先點來例牌的「化皮乳豬件」($138/例)試試。這乳豬件雖然份量不多,只得八件,而且只是暖而不熱,幸好水準都算不錯,皮夠脆,肥肉也不多,脆而薄的乳豬皮伴以瘦而嫩的乳豬肉,蘸點乳豬醬吃,還是令人滿意的。見這兒推出的特價菜式中有原價百多元一份的「蠔皇原隻10頭鮑魚扣鵝掌」($48)正做特價,看來十分抵食,就點三份,一起試試。這「蠔皇原隻10頭鮑魚扣鵝掌」是讓自己有點失望的,鮑魚比想像中細隻,而且那蠔汁味道過鹹,幸好鮑魚和鵝掌都頗軟腍,才五十元不到的價錢,仍然抵食。老人家不想吃粉麵飯,那便吃多些點心好了。「玉桃晶瑩蝦餃皇」($37)、「蜜味叉燒滑腸粉」($34)、「香煎鮮蝦腐皮卷」($37)與「酸甜五柳脆雲吞」($34)不過不失,不特別好味,可也中規中矩。點心中最好的,則是「鵝肝蜂巢芋角」($37),既夠熱,又夠鬆化軟糯,下了鵝肝的芋蓉餡,也豐富了這點心的口感與味道。最令我失望的則是「鮮腐竹三菇扎」($22)。這素點心外層的鮮腐竹太厚和硬,而且味道也太平淡,絕對是失敗之作。生日飯最緊要老人家開開心心,她開心,我和太太便開心了。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-09
1917 瀏覽
好耐冇食過中餐啦,今晚同屋企人黎到呢家酒樓食飯,由於大廳有宴會,所以安排左係偏廳食!餐牌有好多唔同款式選擇,最後揀左一個套餐再加片皮鴨兩食,飽到傻呀!套餐有魚有雞再加一個小菜,都係$358,幾抵食!一品蒜香雞半隻,雖然得半隻,但份量都幾多,雞皮係炸子雞咁,所以好脆口,雞肉嫩滑!清蒸沙巴斑,好耐冇食蒸魚,呢到既蒸魚蒸得剛剛好,魚肉好滑!魚香茄子魚腐煲,佢既味道唔會好濃,魚腐質感有啲似琵琶豆腐,口感唔錯!北京片皮鴨($188),呢度既片皮鴨都係會有店員係你面前皮的,都幾大隻!皮燒得夠脆夠香,張鴨皮夾到薄皮中,加上京蔥、青瓜同埋醬汁一齊食好惹味!鴨鬆生菜包($78),片皮鴨兩食只要加$78就可以多一個餸!這個菜式份量都好多,鴨肉碎餐有西芹、粉葛等配料拌在一起,連生菜一齊很fresh!酒樓是跟屋企人食飯的好地方! 繼續閱讀
(以上食評乃用戶個人意見 , 並不代表OpenRice之觀點。)