玉桃軒酒家 (利舞臺廣場)

營業中

休息中

今日經開銅鑼灣，記得之前去飲宴，有間酒樓係難得的好食，大家都知一般飲宴嘅菜式有幾好味啦！呢間就係玉桃軒。一坐落環境乾淨，招呼又好好，見有自家製老火湯，就要試吓，今日係青紅蘿蔔花生眉豆煲豬踭湯，生津解熱，保健清潤，上枱果然足料，唔好睇煲仔細細，都分到有8碗，D花生煲到好淋,個湯又好濃，唔係一般嘅例湯。見有我最愛嘅片皮鴨，鴨皮又薄又脆，皮同肉之間係無肥膏，而個蒸包嘅皮做得好薄，又唔會好乾身，再加上附上嘅青瓜，海鮮醬，韭黃，簡直配合得天衣無縫，平時我最多只會食兩件片皮鴨，但今日真係食咗五件，真係大滿足。而今次嘅另一目的係嚟食蒸魚，因為上次嚟飲宴個蒸魚好味，仍舊記著，所以叫咗條清蒸海石班，果然無失望，蒸得時間剛好，好juicy,即時要叫兩碗白飯，連豉油都有滿滿嘅魚香。