玉桃軒酒家 (利舞臺廣場)

營業中

休息中

同屋企人食飯通常都係上中菜廳之前來過呢間覺得d野食唔錯見有做特價我地再來超抵食優惠三寶都唔貴三百幾蚊就有雞有魚同一款自選小菜好耐未食過北京片皮鴨見做特價半價＄178好抵食片皮鴨d皮燒得好香好脆顏色平均同有光澤生菜片鴨鬆 （加＄68轉二食）呢款菜式係要用生菜包住來食炒香左gei鴨肉加埋d新鮮生菜一齊食真係好夾生菜食落好爽口鴨肉整得好惹味 籠仔糯米蒸走地雞＄128雞肉香味十足口感嫩滑個蒸飯吸曬雞肉香味同油脂食落特別有味道白靈菇蝦球燒豆腐＄98份量比想像中多蝦球超彈牙燒豆腐吸曬d菇味好好食鎮江香醋排骨煲＄98鎮江骨酸酸甜甜食落開胃個汁真係好正滷炸軟心豆腐 $58豆腐外脆內滑估唔到咁大份花膠燉鮮奶每位 $38材料十分足料唔太甜飲完感覺好滋潤（$38有好多花膠超抵食）四個人食平均每人二百蚊左右都真係好抵食無來一排質素都保持得好好值得再來幫襯

今日晏晝放lunch約咗媽媽同妹妹去飲茶，佢話要去利舞台飲茶：於是我地就去咗玉桃軒啦。之後我就坐低左，然後的點心紙：由於得三個人食飯關係，我就叫左好少野。食物叉燒叉燒食落去第一啖好鬆化，口感柔軟：入口即溶。叉燒外表有少少脆。叉燒肉質好滑，有蜜汁嘅：甜味一碟八塊，送飯一流。雲吞外層炸到金黃色，食嘅時候仲暖暖地。一碟有三件。食嘅時好脆，入面嘅蝦好爽口彈牙。蛋撻一碟有三件，食落去好重蛋味。但唔覺太甜。穌皮都幾髮化。餐具餐具都幾乾淨，無污漬。一套餐具有杯、碟同筷子。

上星期媽咪放假，就帶左佢去銅鑼灣飲茶，佢成日都話南區又貴又唔好食！呢間茶樓間唔中都會黎飲下茶，貪佢唔會好嘈！其實午市選擇一D都唔少，想食點心、燒味同粉麵，應有盡有！如果午市想同同事飲個茶先返去，又可以食商務套餐，價值唔貴！首先叫個涼拌雞絲粉皮試下，芝麻醬用上日式芝麻醬，香香甜好重芝麻味，正合我合意。因為本人比較抗拒花生🥜醬濃嘅粉皮。呢隻芝麻醬比較液體，唔太杰。但如果雞絲再多會再開心D!醬汁豆豉蒸鳳爪呢個唔使多介紹啦，醬汁甜，味道好入味，同埋唔會好辣。食到底仲有幾粒花生咬下。生菜鯪魚滑湯米線份量一D都唔少，夠兩至三個人分享。鯪魚滑份量非常多，食極都有同埋無腥味。另外，個湯好清，應該無咩點落味精，OL減肥黎酒樓食呢個實無死啦!🤤🤤🤤

午飯時間約了友人在玉桃軒飲茶，一如既往繁忙時段食客繁多，少不免要等候一會始能入座。 「玉桃晶瑩蝦餃皇」屬廚師推介，賣相飽滿雪白，餃皮厚薄適中，蝦肉爽香擁有不俗的味道。 「明爐即燒叉燒皇」一向是玉桃軒的招牌作品之一，但因少人分享，退而求其次要了一碟「蜜汁叉燒腸粉」。相比叉燒皇，叉燒腸粉所用上的叉燒無可避免略感散碎，口感不夠完整，滋味猶有不及。 「風味臘腸卷」是小編至愛的包點之一，臘腸選材肥瘦軟硬適中，臘腸油份沾滿包點之中十分惹味。 「滑蛋帶子蝦仁炒河」是即炒粉麵，金黃滑蛋芡汁內含翠綠蔥花作點綴，稠度不算過份。帶子味道鮮甜，出品優於預期。 玉桃軒酒家的點心小炒水準合理，定價亦不算貴，屬閒常飲茶之選。

果日約咗屋企人食飯，之前去過銅鑼灣利舞臺，果到有好多中菜選擇，所以咪去睇下。最後去咗20樓嘅玉桃軒。 廚師本月推介非常超值。餐牌菜式選擇繁多，而且賣相吸引。廚師本月推介選擇咗片皮鴨，店員以純熟嘅刀法，將鴨皮切出而且皮同肉嘅比例恰到好處。餅皮包住青瓜同大蔥，再加上海鮮醬，味道豐富，而且皮脆肉嫩。加＄60仲有兩食，鴨鬆生菜包，炒過嘅鴨鬆加上配菜，用生菜包住非常野味。滷炸軟心豆腐，豆腐外脆內軟，點上甜醬味道一流。百靈菰蝦球燒豆腐，蝦球爽口彈牙，百靈菰非常鮮甜，菜非常翠綠。鎮江香醋排骨煲，排骨啖啖肉，酸酸地非常開胃，送飯一流。籠仔糯米蒸走地雞，雞肉非常嫩滑，糯米吸收左雞嘅精華再加上荷葉嘅香味，口感味道層次豐富。花膠燉鮮奶，花膠分量非常多，而且甜度剛好。服務員服務態度一流，而且非常超值。

自細我就好鐘意食叉燒，我身邊朋友好多都知，通常一發現邊到叉燒好食，都會主動打俾我，今次亦唔例外，有朋友就介紹食呢間，因為當時年近過冬節都幾full，所以我就book到9點。我地就叫咗個4人餐，係銅鑼灣嚟講都叫平。老火湯份量絕對十足，一人可以有一換半左右好清甜。湯料十足，唔怪得咁甜。叉燒係主打，食落口唔肥，叉燒汁超甜，如果有白飯撈飯一定更正。魚就蒸得剛剛好，唔會太老。粟子炆雞煲就更加冇得頂，粟子超大粒，絕對冇hea你，而雞就入晒味。炒飯炒到一粒粒，好香口。

今天在銅鑼灣利舞臺附近做完運動，朋友說想食中菜，於是想起之前去過飲茶的玉桃軒，覺得它的點心有水準，來試試它的小菜。個人很喜歡吃煲仔飯，尤其是在冬天，喜歡吃完暖粒粒的感覺，本來想點煲仔飯，但在餐牌上發現有一個比它還吸引的糯米蒸走地雞，於是點了一個，雞很嫩滑，糯米飯吸收了醬汁很入味，加上紅棗再飯裏面，味道出奇的合。再來就是豉油王海蝦粉絲煲，豉油滲透入粉絲裏面，大棵蒜頭加粉絲好好味，海蝦也很出色味道很香，是一個很好送飯的菜招牌叉燒是必點要試試的，喜歡它的半肥瘦，蜜汁也是令到叉燒加分的地方。冬天最好就是叫一個老火湯來滋潤一下，雖然我不喜歡吃湯渣，但朋友說湯渣也很好吃，湯很鮮甜。下次可以和朋友試試它們的花膠套餐，2個女仔來吃，好像不錯㖿。

今日經過銅鑼灣, 打算去飲中午茶， 朋友介紹去利舞臺樓上嗰間玉桃軒， 他說這裏的蜜汁叉燒好出名可以試一試。 我之前都有去過康山這間玉桃軒食過都唔錯，今次在利舞臺我都未試過所以都想去試一試。搭𨋢上到20樓全層都是玉桃軒， 感覺間酒樓好開揚，可以望到窗外景色今日天氣特別好，心情都靚啲。 我哋安排坐靠窗邊嘅枱， 記得上次在康山這間係食佢哋嘅午市套餐都不錯，但今日諗著試下佢哋的點心。 其實佢哋點心選擇非常之多， 首先叫佢哋出名嘅蜜汁叉燒先， 肥瘦適中，蜜汁味都好好味， 最鍾意佢哋配咗少少蠔油豆。 朋友好鍾意食川芎燉魚頭，這個好新鮮， 薑汁軟糕熱辣辣，口感好煙韌， 其他點心都ok的。下次要試下佢哋晚飯先得。

假日與家人茶聚，選了利舞台廣場的玉桃軒。11:15分剛開市不久只有幾台客，但侍應的態度已很散漫，完全是唔想做咁。選了幾款大路點心：竽角算鬆化、花姿餅彈牙，味道不錯，本來千層糕味道也不差，可惜不夠熱，可能已放了一段時間才拿出來奉客。羅漢蒸粉果及山東桂魚餃，皮厚冇乜味道。最差是柱候醬金錢肚、XO醬炒蘿蔔糕及擔擔面，前者全無柱候醬味、後者好像炒燶了咁黑媽媽，見樣也不想吃，而擔擔面更是食完也不知那碗究竟是甚麼。其實玉桃軒的點心選擇不算小，可惜連最普通的點心味道也不達標，令人失望。但最差更是服務態度，有一兩個侍應好像是聽障咁，叫冲水總冇反應，樣又木口木面，而全無笑容更是服務行業的大忌。

同好妹姊聚舊，想舒舒服服寧靜地吃飯，首選是酒樓，今次我們選擇到銅鑼灣見面。位於利舞台的玉桃軒是個不錯的地方，場地寬敞，裝潢華麗，環境十分舒適。食物的款式多元化，除了小菜外，還有多款的套餐給客人選擇，貪靚的女士當然一致揀選養顏花膠套餐。花膠套餐包括 : 小食三款 (叉燒 珊瑚海蜇 拍青瓜) 、湯水 (花膠螺頭燉北菰湯 / 花膠虫草花燉雞湯)、綠野禪蔬炒帶子、原隻花膠扣鵝掌、上湯焗大花蝦伴伊麵 及 合時水果。叉燒 - 玉桃軒的叉燒是招牌菜，質素當然無疑置容，叉燒肉質軟腍鬆化，肥瘦適中，蜜汁味剛剛好，味道一流。拍青瓜- 入口爽口清脆，味道微酸帶點辣，不錯的開胃小吃。珊蝴海蜇 - 海蜇夠厚身，爽脆又彈牙，加上芝麻香味非常好吃。花膠虫草花燉雞湯 - 雞湯色澤清澈，油份極少，無味精味。用湯匙一翻，找到蟲草花、兩塊花膠、湯的味道敦厚又清甜 !綠野禪蔬炒帶子 - 西蘭花煮得剛剛好，很爽脆不會過腍，帶子肉質夠厚, 入口嫩滑。原隻花膠扣鵝掌 - 花膠這種名貴食材，配上大大隻鵝掌，齋看菜名已十分吸引。花膠跟鵝掌一樣大，而且很厚身，花膠吸收了濃香的汁液，味道可口，爽口又入味。鵝掌皮脂較厚，啖啖肉，令人吃得滿足

同幾個朋友去銅灣shopping ,行完肚仔有點餓，又想食下中菜於是去左利舞壹廣場的玉桃軒。晚飯有幾種套餐都好抵食，我地選擇左$568set 四位用蜜汁叉燒叉燒大大塊，肥瘦均勻，蜜味十足，肉質嫰滑超級入味。老火靚湯用料十足，湯非常鮮甜可口。栗子炆雞栗子炆到好入味又夠粉，又索晒雞汁的精華，雞肉肉質嫩滑香味可口。蒜香海蝦粉絲煲，粉絲好滑溜好入味，蝦又大大隻好新鮮蝦肉爽口彈牙鮮味十足。清蒸游水海石斑，火喉蒸到剛剛好，魚肉肥美好鮮甜👍瑤柱蛋白炒飯，飯炒到一粒粒好美味。

只係招呼熟客，其他客唔識㗎客人就吾理你。一點後好多點心到無。waiter and waitress如果同佢哋唔熟，見到你叫野點行掂過。食物質素好一般，但係佢哋有錦鹵雲吞。

同屋企人去咗銅鑼灣行街，到食飯時間總會想起玉桃軒先叫一個老火湯，睇到非常足料，每啖湯都係精華，味道鮮甜濃郁，而且份量都唔使每日起碼飲咗兩碗，仲有湯渣，材料豐富豉油王海蝦粉絲煲粉絲煲埋枱嘅時候仲炸炸聲，一揭開個煲蓋，蒸氣同香味即刻跑晒出嚟粉絲煲上面鋪滿海蝦，粉絲就吸晒下樓出嚟嘅精華，配合豉油嘅香味，真係好好送飯， 我勁鍾意食呢個餸南乳醬金脆骨排骨醃到入晒味，食落外層吹卜卜，肉汁都keep到，而且份量都唔少

又到一個星期中，係時候食好野同自己打打氣。今晚突然好想食海鮮，於是同朋友兩丁友黎左呢間中式酒家～裝修比一般酒家多一分貴氣。擺酒應該幾靚。龍蝦特價啊！！二話不說我已經決定左一定要食！煲仔飯都好吸引。可惜得兩個人，唔係我會叫多個海鮮！下次要食燒肉！份量都幾多～點埋個汁正好多～岩岩炸起夠哂脆！裹面好似包左D菇菌。好多肉啊隻龍蝦！肉質好新鮮好彈牙！芝士汁可以再濃D～上枱時"滋滋"聲熱辣辣，好香好夠味。好多舊魚腐Tim～食左我想食ge海鮮，大滿足～

很多香港人喜歡日本菜，但我卻經常同人講我最喜歡的都是中菜，不是不喜歡其他其他地方的菜式，而是我覺得中菜是眾多菜式中製作方法最多的，同一樣食材煎炒煮炸炆燉焗已經可以變化出多道不同菜式，如果要選一種菜式平常日日食，中菜是最不容影食到厭的。其中廣東點心出名多款式，但可惜現在越來越少茶樓有我最喜歡的千層糕，大抵是工序多和繁複吧，所以我常叮囑經常跟姨媽姑姐飲茶的媽媽如果知道那裡有千層糕吃就告訴我，最近就給我知道玉桃軒原來有千層糕食，當然即刻找個良晨苛日開返壺茶啦！＊＊＊＊＊＊＊＊＊＊＊＊玉桃軒有幾間分店，由於被迫清假無事可做，就找了一個平日叫星仔蛇出黎陪我行山，因為星仔上午要到公司浦頭，所以今次我選了hit了整個夏天的短線來行山－玉桂山，在行山之前茶杯茶食個包就啱，因此我就到位於銅鑼灣的分店。銅鑼灣分店就在利舞臺，非常方便。玉桃軒裝潢比一般連鎖茶樓較新，平日中午食客不算太多，主要是退休後的公公婆婆或師奶，反而不太多附近工作的上班族，非常易搵位。杯碟非常新淨，沒有茶跡亦沒有破損。玉桃軒的點心分小點($19)、中點($28)、大點($33)和特點($36)，小中大特點分佈平均，當中以中點和大點佔最多