犇之食堂 (已結業)

牛三寶麵(牛筋、牛腩、牛肚) $86牛煮得幾淋，麵就軟硬適中，整體幾唔錯，會覺得同茶木一樣好食-鹽酥雞 $48我expected係會平時食開一粒粒咁，點知係咁大嚿，所以冇咁香口，裡面既肉都微乾🙈不過佢用左蝦片墊底，有得食着實有開心到哈哈-黑糖珍珠奶茶 $36好大杯呀兩個share都夠幾抵飲冇乜黑糖味同埋珍珠偏淋身🤭

今日同同事又黎到銅鑼灣食lunch，心思思想黎試下呢度既牛肉麵😝午餐🥣係$68-$96,包一杯飲品，喺銅鑼灣黎講都ok第一次黎食野，緊係要試下招牌牛肉麵<犇之三寶麵>啦三寶有牛腩、牛筋同牛肚🐂🐂🐂湯底飲落有牛肉既甜同辣香，先有甜味然後先滲出少少辣，而且一d都唔油膩! 我都飲左幾多湯🤤3️⃣款配料我覺得個牛筋最特別，佢彈牙感覺好多骨膠原😆，唔會煮到過淋好似唔洗𡁻果種咁，不過如果炆到再入味d就更好👍🏻牛腩好厚肉，入味，但我覺得肉韌左dd牛肚就正常，好淋好入味，如果口感爽返少少就更好😋仲有一片白蘿蔔，煮到好淋，吸左d湯好好食麵🍜有嚼勁，冇黏埋一舊👍🏻配料份量我覺得係充足既，牛腩同牛筋各有2件，牛肚就3-4塊度餐飲🍵有紅茶綠茶等(可以簡甜度)😂我覺得價錢同食物質素都ok，而且坐得舒服，會再黎😁Ps 喺門口等位既途中留意到有外賣台式飲品既counter (唔知好唔好飲呢😝🤔)

從朋友口中得知這間台灣食肆係由初創基金借款營辦，覺得佢嘅經營理念可取從而獲得撥款。今天下午就黎試吓。餐廳裝修頗有格調，但座位比較擠迫，除了堂食外，門口還有一個開窗counter外賣台灣飲料，覺得呢個構思唔錯。清燉牛肉麵（$78）牛腩夠鬆夠淋，湯底清甜，食味都算OK，但覺得$78一碗略貴，幸好免加一。紅麴雞翼飯（$68）碟頭略細，但雞翼就好大隻，味道也OK，又唔會好乾身。配菜有四樣之多，有菜心、滷蛋、鹹酸菜，還有以為係炸雞粒的油炸腐皮，鹹酸菜醒胃，可以中和油炸腐皮的油膩，驚喜的最後發現原來枱面有一甖可以自己自由添加的鹹酸菜！這裏的味道達標，但覺得碟頭比較細！望到隔離枱嗰碗滷肉飯size 就好似屋企嗰個飯碗咁上下大細！

去過台灣幾次之後好掛住當地既牛肉麵一定要嗌既 三寶(牛肚,牛筋,牛腩)我fd串我 車同普通牛腩麵有咩分別但我想講一碗正宗又好食既台式牛肉麵係講緊個麵質同湯底係贏左幾條街呀,再加埋鹽穌雞肉燥飯! 主要係鹽穌雞 黎到仲係香口 夠哂脆, 大腸拼小腸係特色小食, 下面係燸米包住一條細腸, 一啖過 好有口感! 加埋幾樣野完全無得輸!  Btw 飲品加埋 芋香奶綠(sor我係走甜L)加多杯起司士多啤梨莎莎真係好滿足丫

門面一望環境好清新，而且裝修都好有風格～開頭以為係日本菜，但原來係食台灣嘢～但因為唔係太肚餓，只係叫咗一碗麵咋～犇之三寶麵  $86 |先講餸。三寶有牛腩、牛筋同牛肚，牛腩非常軟，但好有牛肉味，絕對係會想一食再食嘅牛腩。牛筋我會用Q彈黎形容，仲有膠質好多，食完覺得會補好多骨膠原～牛肚都非常高質～三樣野都好好食，而且每樣都有兩至三嚿，唔會太少餸～再講麵。麵底完全令我回想起喺台灣嘅時光，麵質非常滑，最中意有小小淋，因為索咗啲湯，令個麵更加好食～再講湯。湯以牛肉麵黎講唔算太鹹，而且有小小辣，牛味非常出，會想邊食麵邊飲湯～雖然價錢有啲貴，但食得返台灣嘅味道都值得嘅 

🌟台式清新用心小店,食物有水準又免加一😎🙊 銅鑼灣希慎廣場附近都算就腳,朋友帶我去說這間近來好像推出了新menu,所以選了這間地道台灣味食下,度過飽滿的晚飯~🌈店光線溫和,音樂舒服,白色磚牆襯上懷舊海報，加上天花掛著漂亮盆栽,餐廳很是清新風格裝潢~而廚師是從台灣來坐鎮,夠唒正宗地道台灣~.哈~同朋友主要攻佔牛筋牛腩牛展呢🔥🔥🔥.*犇之三寶麵牛肉牛腩牛筋牛肚炆得入味肉質軟腍,啖啖都有牛腩的鮮味,幾大件入口即溶！而且都幾厚切呢~!台灣麵身彈牙剛剛好,微辣湯底具火候😬,相信燉了多個小時🐮*師大香酥排骨滷肉飯 這滷肉油香豐腴肥而不膩呀～大口大口咬下都沒豬腥味,滷肉的香軟入味超好餸飯的～香酥排骨濃郁排骨酥的肉香搭上伴碟開胃的醃青瓜,唔錯*滷水拼盤拼盤有雞翼、牛腱、腐竹，牛腱雞翼同腐竹入味可口,牛腩被炆至軟綿容易入口，咀嚼一點也不費力，*炸花枝丸花枝肉嫩彈有嚼勁，香噴噴的味道飄散著~*珍珠奶茶喝起來奶茶醇香易入口,珍珠煮得特別夠火候彈口

餐廳風格好清新，好多綠色植物🌳令人感覺好舒服，完全係銅鑼灣鬧市中的一點小綠洲。店員話最近有新menu，有更加多選擇👍🏻犇之三寶麵(牛腩、牛筋、牛肚)🍜湯底好濃郁，帶微微香辣味，麵的軟硬度適中。牛腩好大舊，整得好淋身，牛肚有咬口得黎但係又唔會好難咬，牛筋最正入口即溶，充滿膠質。滷肉飯🍚滷肉肥瘦參半啱啱好，而且夠多滷肉所以可以好充分咁撈勻晒成碗飯，好正！鹽酥雞小食🐓每件都大大舊，但係外層的粉又唔會過多，食落好香脆可口。大腸拼小腸🐖台灣夜市好出名的小食，但係香港大部分的台式餐廳都無得食，呢度竟然有！食落感覺都好接近台式口味。據聞廚師係從台灣過來的，唔怪得食落咁有地道台灣味啦🇹🇼

每次去完台灣總係會掛住台灣美食，銅鑼灣有一間食堂主打台式料理，裝修幾有小精新風格，一於去試試😋。餐牌上有好多選擇，有齊台灣出名嘅美食😋叫左幾款小食同湯麵，幾個朋友食剛剛好～。🔅話梅小蕃茄🔅一直都好鐘意食話梅蕃茄！味道酸甜開胃，小蕃茄唔小形狀大大粒，多汁好味道😆。🔅甜不辣🔅其實係台灣係未食過甜不辣😂原來有好多款唔同嘅魚蛋同米糕，其中一款魚糕好好食😋 如果醬汁可以多啲仲正～。🔅紅燒牛肉麵🔅大大碗份量十足，紅燒牛肉肉質爽滑入味，湯底幾香但味道唔夠濃厚，麵身亦唔夠彈牙。🔅犇之三寶麵🔅依度嘅招牌麵，份量十足又係大大碗～ 牛腩嫩滑好好食！牛筋牛肚入哂味🤤 不過湯底依然唔夠濃麵身太淋，可能係台灣食嘅濃味好多🙈。🔅鹽酥雞肉燥飯🔅鹽酥雞炸得香脆，肉質偏乾，肉燥雖然唔夠多汁味道尚可。🔅麻油雞🔅份量比想像中細，建議多人食叫多幾碗🙊 雖然味道偏淡無咩麻油味，雞肉煮得好嫩滑🤤 大大隻雞脾肉好正👍🏻。🔅起司奶蓋炭焙烏龍茶🔅奶蓋好厚！芝士味濃郁，烏龍茶茶底幾香，喜出望外呢😋。🔅黑糖胚芽有機燕麥奶🔅想飲熱飲嘅話，依杯唔錯啊！珍珠份量幾多，燕麥好香幾好飲😊。聽講日頭黎影相幾靚，行街攰攰地經過飲返杯食小食，影下相都唔錯😛

每次睇台灣電影，總會有好多從前嘅回憶，諗番起同成班同學去打波，坐喺麥記做功課，又諗起隔離班嘅女同學（未就係A姐囉）......再睇番依家，其實都好滿足。情感滿足，咁肚仔呢？今日就同A姐去到銅鑼灣嘅犇之食堂，細說我哋嘅那些年。滷水拼盤拼盤有雞翼、牛腱、腐竹，牛腱份量唔少，滷得夠香又有口感；而雞翼大隻又厚肉，夠晒入味；而最正係腐竹，索晒台式滷水嘅香味，濃郁微甜平，仲有淡淡豆香。犇之滷肉飯滷肉嘅肥瘦度適中，唔會入口油淋淋，攞嚟撈飯就最都正。仲配有半隻滷蛋，相當滿足。犇之三寶麵三寶即係牛腩、牛筋同牛肚，湯底夠濃味，仲帶微辣。麵條係扁身闊麵，口感唔錯；而三寶夠腍夠入味，整體都算唔錯。

#犇之三寶麵 🍜 ($86)呢度既signature之一✌🏻 有牛腩、牛筋同牛肚🐮 牛既部位十分軟淋同入味😋 湯底帶微辣夠惹味👍🏻 麵條屬粗身🍜 口感不錯🤤-#廟口甜不辣 😊 ($68)有白蘿蔔、甜不辣、油豆腐、脆丸😎-#師大香酥排骨滷肉飯 🍚 ($72)滷肉幾淋身但不夠阿元的肥美😅 香酥排骨已切好👍🏻 排骨比較瘦🤔 炸得不夠香脆🤣 滷肉飯亦不夠juicy🍚 整體來說普普通通都係三寶麵正啲😏Instagram: e.for.eat

你去銅鑼灣從來都冇諗過喺白沙道入邊有間咁開陽嘅餐廳一望到佢個餐廳就覺得好似好好味就入咗去試啦嘢食種類唔算有好多但係你諗到嘅基本台灣菜都係入邊可以食到叫咗一杯香芋奶綠仲加咗啲寒天喺入邊另一杯就係水蜜桃茉莉花茶本身入邊已經有寒天㗎啦兩杯都好好飲之後叫咗個紅燒牛肉麵鹽酥雞全部都大大嚿仲叫咗花枝丸同埋滷蛋花枝丸爽脆同埋大大粒食台灣野唔少得嘅梗係要食芋圓啦佢哋可以凍或者熱食如果凍食嘅話呢就配有仙草配花奶底仲有寒天粒如果熱食嘅話就會有薑湯底

之前經過呢間餐廳 見佢好似鄉村style 嘅design 以為係d 好chill 嘅coffee shop ☕️ 直到去食前幾日 朋友向我介紹呢間餐廳 先知原來係食台灣野 🇹🇼入到餐廳 見到有幾枱講國語嘅 我地估可能係老闆同佢嘅朋友 而貌似台灣人嘅店員就帶我地入座我同朋友一人點左一樣食物同一杯飲品首先我就點左 鹹酥雞滷肉飯 $72鹹酥雞同滷肉飯嘅份量比例接近1:1 令我覺得好surprise 🤩鹹酥雞炸得好香脆 而且無乜油益味 😋而且當中有d 蝦片 都炸得好脆 唔似買返黎再倒落去滷肉肥瘦適中 同埋唔會太鹹 平時最怕佢好鹹 好彩佢拿捏得好好😋份量超級大 一個女仔可能未必食得曬起司奶蓋益力多沙沙 $43呢杯野令我好失望 首先無乜益力多味😔而且奶蓋味因為同d沙冰撈賣一齊亦都出唔到個味😟最大嘅敗筆就係奶蓋上面嘅士多啤利醬 佢係好假個d 水果味就算無撈勻佢 成杯野都係個陣味 😫好後悔叫左呢杯野 紅燒牛肉麵 $78紅燒牛肉麵煮得好嫩好軟 食落口嘅口感好好但蘿蔔可能老 有好多根要吐出黎 同埋悶得唔夠耐 有d硬同好嫩嘅牛肉有好大反差湯味都好濃郁 要挑剔嘅就係對比起個飯 麵嘅份量好小呢起司奶蓋炭焙烏龍茶

到了這裏吃台灣菜, 很喜歡門面環境和室內設計, 很有台式Cafe的感覺。這裏的服務態度不錯, 店員很有禮貌, 當我再猶豫吃什麼時, 店員亦很有耐性地等我, 亦會加點意見。鹽酥雞滷肉飯 - 滷肉和滷肉汁的份量剛剛好, 滷肉汁用來拌飯吃很好味, 亦有開胃的感覺。滷肉的脂肪和瘦肉比例是一半的, 吃的時候, 會吃到豬肉的有油份, 幾惹味。鹽酥雞炸得夠脆。滷蛋 - 蛋很嫩滑, 食落有滷水味。黑糖胚芽有機燕麥奶 - 豆奶裏面加入了黑糖、珍珠、胚芽。黑糖為豆奶增添了整體的甜度, 豆奶香滑。三寶麵 - 改了要清湯和全牛筋。店員很好, 願意接受我的所有要求。因為三寶麵是有少少辣的, 但由於我不吃辣的食物, 所以店員提議試一試清湯底。我非常喜歡吃牛筋, 所以我選擇了要淨牛筋加麵。之前我還擔心清湯會較淡口味, 甚至沒有味道, 但這裡的清湯不是我想像中的那樣, 而是很濃味和夠味的！麵條是屬於粗身和厚身的, 質感幾彈牙, 有口感, 份量很多。牛筋炆得夠淋, 而且很入味。

約左朋友仔兩條友晚餐撐枱腳，本黎係食其他野既，但途經呢間餐廳既時候，見佢個門面好有格調，幽幽暗暗，但入面又好多人喎，而且我地好耐無食台灣野啦，就話入去試下啦。唔係等左好耐就成功入左去坐定，佢啲位都算闊落。望一望個menu, 幾乎都係台式地道食物或小食，完全岩曬我口味（鍾意掃街）咁最後叫左五樣食物，一人一杯野飲。碗魯肉飯真係要特登講，我去過台灣食啲名店食，其實都覺得普普，可能因為佢地啲香料味太重，但我呢啲食肉獸係要食到肉味既！呢個飯啲肉絲好粗，但佢又夠冧，個飯唔大碗，2個人share，完全唔漏，我會為左碗飯再返去呢個大腸小腸都好正，不過就細份左少少。呢個一定要食我一定再返黎

一向中意食台灣菜，今次黎試下呢間裝修幾特別既犇之食堂。呢度主打滷肉飯同牛肉麵，點左鹽酥雞滷肉飯，紅燒牛肉麵，花枝丸同薑汁湯丸。野食黎得幾快，滷肉飯配有一碟鹽酥雞，滷肉汁夠哂多，而且半肥瘦，味道香濃，係做得唔錯既滷肉飯，不過飯粒唔夠分明。然後黎既牛肉麵好大碗，湯底濃郁，牛肉份量去好多，麵質彈牙。花枝丸炸得香口，而且彈牙。飲品點左冬瓜茶，特別之處係有真冬瓜粒同薏米o係入面，真材實料。最後甜品湯丸有3款口味，紅豆，花生同芝麻，比較少台灣菜會有得食薑汁湯丸呢。