犇之食堂 (已結業)

每次經過都見很多人排隊等候，想試很久了。今次下午早了放飯就來碰碰運氣看會不會小一點人，幸運地排了5分鐘左右就有位坐。餐廳環境給人的感覺很有台灣的味道。先點了一杯招牌的飲品「起司奶蓋炭培烏龍茶」加珍珠。主菜點了犇之三寶麵（牛筋、牛腩、牛肚）。先說飲品：烏龍溝埋咸咸地既奶蓋，奶蓋沒有蓋過烏龍茶味，而且珍珠好甜有咬口，值得一試。重點主菜，犇之三寶麵：湯底好足料，牛味極濃，三寶都好入味，麵條是台式的粗麵條，很久未有食了，很有去了台灣的感覺。補充一句台上的酸菜記得加一點落麵上一起食，更加好食。麵的份量和質素絕對值這個價錢。

放假前chill一chill，冇得飛就唯有同成班同事去犇之食堂，感受下台灣風味，當飛左啦~🤪犇之三寶麵 ($96)牛肉湯底好濃，同台灣食到嘅感覺差唔多，加埋牛三寶 (牛筋，牛腩，牛肚) 牛腩好淋，好入味，蘿蔔更加係成碗湯嘅精華，吸收晒牛湯嘅味道😋宜蘭鹽酥雞 ($48)鬆脆，雞肉嫩滑，新鮮炸起熱辣辣，好似係台灣夜市嘅咁樣🥰再加上我最鍾意食嘅炸葉，超香口！珍珠奶茶（午餐+$10）呢杯珍珠奶茶，真係好台灣，落單前侍應都同我講會偏甜，於是我揀咗少甜小冰，果然，少甜左都仍然覺得偏甜🤣珍珠彈牙，用糖水煲過，同台灣食到嘅味道一樣😋聞說，呢間鋪頭嘅老闆係台灣人，所以鋪頭帶埋台灣嘅文化返嚟，致力推動環保，有不鏽鋼粗飲管賣，而且自攜杯有善，行過想飲杯台式飲品，有個對外嘅counter專係買外帶飲品！讚👍🏻

每個月都同老公拍拖一天，談談情撐撐枱腳，今個月我們選在銅鑼灣白沙道的「犇」（讀音「奔」），食台灣菜。可能最近工作太忙太辛苦，常常嚷著要放假飛去台灣，吃好東西飲靚咖啡，結果老公就帶我去食台灣嘢頂住先！鹵肉飯嘅「飯」係圓粒粒、肥嘟嘟嘅珍珠米，飽滿可口，肉汁味剛好，不太油不太咸；豬扒和台灣腸懷疑根本是台灣貨，完全西門町style。最最最驚喜係芋圓，真係想問吓可唔可以淨係要紫色嗰粒，好好味！為支持環保，呢度嘅所有飲品都唔畀飲管，客人要特別要求，我覺得好啱，大家真係要習慣用少啲飲管，為海洋為地球付出少少吧！期間同一位店員傾過走飲管，佢話最初客人反應好壞參半，但慢慢連其他餐廳都開始唔派飲管，客人開始習慣，甚至有寫人自備食物盒帶走外賣，或者自攜杯買飲品，佢哋都好歡迎。

古早味🌼💛.《#宜蘭鹽酥雞滷肉飯 $78》.好耐冇食過好食嘅滷肉飯(￣^￣)ゞ呢個算係唔錯嘅一間，滷肉半肥瘦，蚊到淋一淋，食落去入口即溶，有少少好似返咗台灣食咁♪( ´θ｀)ノ！滿意^ ^而小食我配咗鹽酥雞，佢係有別於我哋平時食開鹹味嘅鹽酥雞，係有少少酸酸甜甜，食落去我覺得炸粉有啲厚，肉比較少，一般般！ .《#古早味排骨滷肉飯 $82》.滷肉飯同上面係一模一樣嘅(╯3╰)唯獨個配菜就轉咗做排骨！我覺得排骨比鹽酥雞好食，雖然炸粉都係有啲口，但食落去都還好^ - ^可以～～..肥妹仔評分: 7/10 (誠意推介：滷肉飯😛)

說到小弟喜歡的食制，除了拉麵沾麵之外，便是一眾台式的小吃及飯麵了....聽說這兒的出品很不錯。縱使以地理位置而言對我來講是不太方便，但為了可嚐多一間新的又未吃過的台式料理，我倒是不介意專道而來的....看menu，放眼滿目皆是一眾熟悉的台式小吃，大樂。此時選擇困難症又發作，不知應揀甚麼。參詳了好一會後，最後精心挑選了一味鹽酥雞鹵肉飯....滷肉粒粒肥瘦分明，肥的部份豐腴而瘦的則不過硬；鹵汁味調得甜鹹適宜好送飯。配上醃小青瓜來吃，是很台的口味....好久沒有在港吃鹽酥雞了。久違已久，幸好今天在此吃到的水準還很不俗 ---- 外皮炸得乾身不油且酥脆，雞肉仍保留到肉汁不會太乾嚡，這絕對是好吃鹽酥雞的先決條件....若論到近期嚐到的台菜店中，這店可算是其中滋味最佳者也....

這裏內外環境都好有外國Feel 红磚牆裝修。外面仲有三張櫈坐， 我就係叫左杯水果茶坐係出面望街發呆……… 這杯古龍水果茶…少甜少冰… 內有橙，西瓜，檸檬，百香果… 味道就一般啦…茶味就唔係太重嘅!勝在裏面嘅員工好有禮貌, 亦不厭其煩,環境又舒適~~~~鋪頭裏面仲有其他嘢食㗎,但今次就未試過!!!

經常行過經開依間台灣野，亦都bookmark左一陣子，成日見到門口都有人排隊，今晚決定黎試一試先。食飯時間黎排一陣都好正常，唔算排左好耐啦，坐低左諗住叫野食，但基本上d侍應都忙到唔係好得閒理你。叫左個魯肉拌麵，花枝丸同埋抹茶拿鐵。先黎拌麵，係濕濕地既，魯肉既份量唔算少，但係問題濕濕地就無左魯肉既醬汁，會溝淡左，味道黎講唔算好突出。花枝丸老實講都幾一般，無乜味，我寧願佢落少少椒鹽咁樣會惹味d。最滿意既反而係杯抹茶拿鐵，好濃既抹茶味，不過甜左少少。整體黎講依間台灣野叫合格啦，但唔算有咩驚喜同埋值咁多人排隊，服務就還好，而家去到邊度都唔夠人手，唯有將就下。

嚐過以三條魚組合成「鱻」字的食肆 今次則一試三隻牛的「犇」字食肆星期六看完香港七人欖球賽，在銅鑼灣遇到台灣口味的「犇之食堂」！門口左手邊提供外帶的台式飲品，夏天逛街可隨手買到降溫的飲品，超方便！右手邊佈滿綠色植物的是食堂的入口！座位設計富有層次，有如吧檯的高檯，也有一般高度的四人及二人座位，夾雜懷舊裝飾的風格！不過，我最喜歡是高樓低與吊籃植物，跟親切的木檯同樣是我杯茶！欖球賽是狂灌啤酒的日子，啤酒喝多了，就想來一杯冰凍的果茶平衡一下！要來了水果烏龍茶 （HK$42），水果的香氣還好，若然來得強烈一點會更理想，至少水果味更明顯的話，便更能鎖著味蕾！不過水果茶內蘋果、西瓜、火龍果和檸檸等鮮果，與不過甜的甜度挺合心意！ 反而凍的古早味冬瓜茶 （HK$38）很不錯！冬瓜茶味頗芬香，從杯裡的冬瓜件和配料可見付出十足的誠意，下次會將正常的甜度調至小甜，這樣便更能對上個人口味了！一整天在球場吃著炸片和炸雞，「犇之食堂」餐牌上有充滿酵素與幫助消化的黃金泡菜 （HK$35），當然不會放過它！果然是黃金，顏色很耀眼，起初我們還以為是鹹蛋黃，其後證實不是！不是鹹蛋黃，那到底是什麼？其實我對泡菜混著這滑溜、無

銅鑼灣吹起了一股台灣風，不但有很多珍珠奶茶店，在白沙道更開了一間台灣風味的食堂。這天來到餐廳一試，餐廳門面以紅磚牆作佈置，加上高身木桌及椅子，為文青設計了一個十分有利的打卡位。📍上- 嘉義雞肉飯 $48燒雞肉飯，賣相不討好，味道較清淡。📍下 - 丫爸的皮蛋豆腐 $42肉鬆皮蛋豆腐，味道可以，可是所有材料都切得比較碎，只感到這不是呈現這道菜的最佳方式。📍炸花枝丸$38花枝丸的體積較細小，熱辣辣，味道不錯。📍大腸拼小腸 $40糯米包裹台灣腸，個人感覺醬汁太甜及太鹹，香腸較淋身，糯米飯煙靭好吃。📍鹽酥雞$48炸雞肉質較乾身。📍排骨滷肉飯 $72排骨比較瘦削乾身，酸瓜味道不夠酸。📍滷肉乾拌麵 $58滷肉有點小肥膩，粗身扁麵條彈牙，味道尚可。📍起司奶蓋芒果莎莎 $43芝士奶蓋比例比較少，所以芝士味不太突出，但總體上味道不錯。四人晚餐價格合共$560，算非常大眾化。餐廳某服務員態度差勁，客人排隊輪候被要求「排好d」，其實店員入夜剛拉出排隊工具，而客人剛到達餐廳還未攪清楚隊目位置，及先拍照留念，就被某店員訓示。當朋友下單點飲品説要香芋奶綠、加珍珠、走甜、走冰，店員沒聽楚可禮貌要求客人覆述，但卻被店員

有一陣子沒有出銅鑼灣了，前兩天空閒約了在銅鑼灣做facial，時間剛在中午吃飯的時間，以往光顧開的餐廳都十分多人，突然想起有次跟朋友路過銅鑼灣白沙道看見一間裝修很美的台灣食店這次應該有機會可以一試，正正在中午飯的時間也是需要排隊，但人龍不算長等了大約5分鐘就已經有枱，看一看餐牌都是一些台灣的美食，當中有我最愛吃的鹽酥雞，滷肉飯和紅燒牛肉麵，雖然很難選擇但由於還有很多人在等位我還是決定快快下單。我點了一個紅燒牛肉麵和一杯珍珠奶茶。這個店我想先介紹他的裝修，這個台式店的裝修真的很美，很像到了台北的Cafe一樣帶有濃烈的文青味道，店員尚算殷勤，在中午飯麼忙的時間還能保持服務質素。再回到食物質素紅燒牛肉麵尚可，但還覺得牛肉還是太硬身，湯夠熱味到夠濃，但麵身較軟，整體來說紅燒牛肉麵質素一般，單點其實還有其他菜式有機會會再嘗試。

同事話附近開咗間台灣餐廳, 梗係第一時間咪試吓, 中午時段排咗5分鐘就有位, 入到去第一時間梗係試吓佢嘅鹽酥雞🍗🍗滷肉飯同珍珠奶茶, 鹽酥雞新鮮炸起, 熱辣辣, 滷肉飯勁多汁, 又唔會太咸, 珍珠奶茶夠晒大杯, 真係物超所值, 從此又多一個食中午飯嘅好去處👏🏻👏🏻👏🏻👏🏻

紅燒牛肉麵($76)由台灣人主灣既台式食店，紅燒牛肉麵係呢到既招牌。原來總廚大有來頭，曾於台灣餐廳舉辦馬英九國宴。麵條好有咬口，牛肉好腍好入味，湯頭香濃惹味而且帶微辣。蘿蔔可以話係呢碗麵既精髓之一，完全無渣又超甜，仲要索哂啲湯。

去完時代廣場行街，途經見到有間餐廳叫犇之食堂🐮見到佢嘅裝飾好有特色，稍微睇吓餐牌知道佢原來係台灣嘅過江龍，即刻入咗去醫肚仔試吓新嘢，佢啲食物名好吸引唔覺意就叫咗好多😛❤丫爸皮蛋豆腐 真係不得了，佢用嘅材料包括皮蛋，豆腐同木魚製成，三樣材料嘅味道非常之夾，食完之後仲會覺得唔夠喉，極度推薦大家點嚟作為前菜👍🏻涼拌茄子🍆茄子肉好淋而且好開胃，份量好慷慨🤤麻辣牛肉乾拌麵🍜好有特色所以叫呢個😆好啱配搭佢枱面放左嘅酸菜撈埋食，辣度啱啱好牛展都好惹味，麵質亦都非常彈牙餐廳提供嘅甜不辣好正宗有我係台灣食嘅味道，材料亦都非常豐富😍黑糖胚芽有機燕麥朱古力奶🥛飲落好有驚喜！！估唔到佢入面珍珠咁好味，好有咬口Q彈，完全冇expect過會食到咁好既珍珠😭而且佢用嘅燕麥奶OALTY係小編好鍾意嘅牌子眷村牛肉捲蔥餅🌯出面捲餅偏向乾身但勝在入面包住左牛肉同牛展，即刻加晒分😋叫到成枱都係飽到傻埋單$300都唔洗堅抵啊🤑🤑😎

間唔中都會口痕想食台菜，不過係香港整得好食又地道真係唔算多，經過見到呢間裝修都ok就入左去~叫左呢幾道菜，賣想係幾好既，但就真係冇乜邊道特別好食，可能唔大啱我口味。魯肉飯肥得黎冇豐腴既脂肪香氣，牛肉麵有種唔太好既肉味，同行朋友仔就話冇乜野，而大腸包小腸都係台灣個食法唔加汁好食啲，佢個糯米太淋，條腸唔算香，啲汁係多餘又加唔到分lol整體味道唔太足lolUm...... 我覺得真係幾一般，如果真係口痕都可以試下既，價格一般啦

行行下街，無意間發現到呢間台式小店，見店外未有人排隊決定入去試試。- 牛三寶麵 $86麵的份量適中，入面有牛筋、牛肚及牛腩，3款牛都好軟好入味，牛肚的部分不錯，用的不是尾部，花紋仍在，加強口感！麵是用粗麵，軟硬適中，湯亦好濃郁，唔會好重味精，不錯！-滷水拼盤 $78主要包括雞翼、牛𦟌及腐竹，滷水汁製很香，濃郁又有少少甜味，牛𦟌份量麵算多，入味又有口感，雞翼好大隻同juicy，腐竹更是出色，非常入味，又很軟滑，豆香依舊。十分喜歡這間台式小店，推介！