犇之食堂 (已結業)

門面一望環境好清新，而且裝修都好有風格～開頭以為係日本菜，但原來係食台灣嘢～但因為唔係太肚餓，只係叫咗一碗麵咋～犇之三寶麵  $86 |先講餸。三寶有牛腩、牛筋同牛肚，牛腩非常軟，但好有牛肉味，絕對係會想一食再食嘅牛腩。牛筋我會用Q彈黎形容，仲有膠質好多，食完覺得會補好多骨膠原～牛肚都非常高質～三樣野都好好食，而且每樣都有兩至三嚿，唔會太少餸～再講麵。麵底完全令我回想起喺台灣嘅時光，麵質非常滑，最中意有小小淋，因為索咗啲湯，令個麵更加好食～再講湯。湯以牛肉麵黎講唔算太鹹，而且有小小辣，牛味非常出，會想邊食麵邊飲湯～雖然價錢有啲貴，但食得返台灣嘅味道都值得嘅