189
49
6
港鐵銅鑼灣站 F1 出口, 步行約2分鐘 繼續閱讀
所有分店 (2)
電話號碼
24684668
營業時間
今日營業
11:30 - 21:00
星期一至日
11:30 - 21:00
*最後落單時間: 20:30
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付 Samsung Pay
其他資料
酒精飲品
加一服務費
食評 (283)
等級2 2021-01-24
0 瀏覽
今次想介紹台灣美食☺️📍 宜蘭鹽酥雞滷肉飯(Lunch set $82):- 鹽酥雞:平時食鹽酥雞好多時都係炸漿太多,不過呢度嘅比例啱啱好,咬落好酥脆,啖啖嫩滑雞肉,而且鹹味適中,真係每次嚟都會encore🤤- 滷肉飯:選用咗日本新瀉縣產嘅越光米,粒粒分明,充滿飯香。鋪喺上面嘅滷肉肥瘦相間,肥肉充滿油香,入口即溶,瘦肉滷得入味,滷肉,滷蛋配埋飯一齊食,真係會好快就食到一粒飯都無淨🤭 不過如果滷肉汁同飯可以多啲就更好啦!如果食到有啲膩,可以食塊醃青瓜/食啲酸菜refresh一下😉好食指數:4.5/5- 芋圓奶茶 (Lunch set +$15):我好鍾意佢茶味夠濃,不過芋圓我覺得甜咗啲好食指數:3.5/5📍 古早味炸雞滷肉飯(Lunch set $88):古早味炸雞同我想像嘅有啲唔同,係唔脆嘅,淋咗甜甜哋嘅醬汁,食落鹹甜適中味道都ok,不過可能因為外賣關係炸漿淋晒有啲粉粉哋扣咗分好食指數:3.5/5抵食指數:3.5/5環境指數:4/5推介指數:4/5 繼續閱讀
(以上食評乃用戶個人意見 , 並不代表OpenRice之觀點。)
話說身邊有位出名嘴叼嘅朋友呢日帶咗我嚟呢間,話幾好食咁話喎~.💛傳統清燉牛肉麵 $78睇見湯非常清澈,好似一滴油都無落咁~所以第一啖就試試嗰湯,果然係好清甜🤤絕對唔係味精嗰隻飲完會令人口渴一碗🍜度有4塊牛牛係牛𦟌,厚身,根同肉平均分佈,食落好夠腍~麵係食得出係手打嘅,屬粗身條條都掛到啲湯~仲有兩嚿白蘿蔔,食晒成碗都唔覺得有罪惡感呀😋💛嘢飲係冬瓜茶 跟餐+$15真材實料係真係有兩嚿冬瓜喺裡面,底度仲有一啲薏米,唔錯飲~👍🏻想睇更多唔專業但真實嘅分享,歡迎去follow IG🐷char.lei.w 啦~即刻去🏃‍♀️🏃‍♂️💨 繼續閱讀
(以上食評乃用戶個人意見 , 並不代表OpenRice之觀點。)
《 深夜放毒之銅鑼灣犇犇犇犇犇犇犇之食堂》雖然話台灣菜對大家黎講已經唔陌生,但畢竟係香港開業都需要迎合香港人口味。今次介紹嘅台式餐廳,係我認為最接近台灣時食到嘅味道。🐷 師大香酥排骨滷肉飯 $82香酥排骨經烹調黎仍保留到裡面肉汁,外皮亦以蜜汁烤過入口帶有甜味。🍚 滷肉飯平平無奇嘅滷肉飯亦成為大驚喜!米飯選用珍珠米,飯粒飽滿而且充滿米香。滷肉亦非常入味充滿全濃厚嘅醬香氣味、肥瘦比例完美、瘦肉夠腍有咬口,肥肉油香亦點綴整個滷肉飯,令到除咗有醬油香味,仲有豬油味道,非常適合送飯。🧋 黑糖珍珠奶茶 (餐+$15)黑糖味十足,珍珠偏軟身。飲品夠大杯,食飽再飲都飲唔曬~ 繼續閱讀
(以上食評乃用戶個人意見 , 並不代表OpenRice之觀點。)
以往幾年嘅年尾都係去台灣睇五月天演唱會,今年邊度都無得去,唯有揀返間台式餐廳,以滿足味覺嘅方法撫慰旅行嘅心。滷肉飯 下午茶$48去台灣必食嘅滷肉飯,喺呢度都點一個試試。滷肉睇得出油光,但又唔會太油膩,燜至軟腍的肉質依然保持到有肉香。排骨蔥油麵 下午茶$65排骨、蔥油同麵分開上,可以按自己口味而揀落幾多蔥油。排骨稍稍乾身同鹹,蔥油可以再香口啲就更好,不過如果以呢個下午茶價錢來說,都算係抵食!丫爸的皮蛋豆腐 $42同平時見將皮蛋鋪在豆腐試嘅唔同,而係有皮蛋、豆腐同蔥切碎,加上木魚、肉鬆同醬油撈勻一齊食,味道層次豐富,但又食到豆腐味!香芋芋圓 跟餐+$15有好香香芋味,有啲似雪米糍嘅芋願味。珍珠奶茶 跟餐+$8珍珠有咬口,奶茶香濃又夠滑。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-25
152 瀏覽
疫情之下無得去旅行都可以喺香港感受下台灣美食😆今日專程去咗銅鑼灣後街「犇之食堂」,入座時已差不多滿座。1️⃣鹽酥雞滷肉飯-上一枱,賣相吸引,鹽酥雞香噴噴,鹽味充足,新鮮炸的炸雞,入口香脆而不鹹,雞肉又不乾身👍🏻滷肉飯的滷肉同埋滷肉汁都份量十足,果然係招牌菜之一🤩🤩🤩2️⃣犇之滷肉乾拌麵-拌麵偏粗身,配合芽菜滷肉及充足嘅醬汁係完美嘅配搭😋香芋奶綠,每次食台灣美食都會叫嘅飲品,淡淡的香味,入口香滑❤️香港台灣美食黎講,犇之食堂味道真係會令人感覺去咗台灣,美中不足的是餐廳美食份量較少,如果男生食一個餐未必夠飽。 繼續閱讀
(以上食評乃用戶個人意見 , 並不代表OpenRice之觀點。)