牛魔 (已結業)

平時成日都有人排隊，今日喺OpenRice 訂位居然即日有位就那那臨決定一試冇走雞。用餐時間90分鐘，兩個人應該食得切。 QR code落單，叫咗個二人餐B $768，另外叫咗巨峰特飲和鳳梨特飲，埋單連加一$950。豆付沙律芝麻汁：清新爽口，沙律菜夠新鮮泡菜豚肉煎餅：放上爐再煎下，外脆內軟又惹味日本A4上等雪花和牛小排：脂肪呈雪花狀分佈，入口即化，又有牛味每人兩塊唔夠喉，和牛牛肩肉：紋理清晰，但肉味唔及牛小排豚肉五花腩：用新鮮乾淨嘅生菜包住五花腩，再加上辣醬，生菜完全幫助解膩黑松露牛肉碎炒飲：細細碗作為結尾啱啱好如果有少少甜品就完美啦

呢間係尖沙咀嘅燒肉店好有人氣，平日夜晚都會爆滿，上網亦都睇到唔少關於佢哋嘅好評。餐廳嘅環境好好，樓底高，而且通風好好，唔會好似一般嘅燒肉店咁覺得好侷促。最好嘅係餐廳嘅職員好熱情友善，佢哋仲會教同埋幫埋我哋燒肉，每款肉都會好詳細咁講解佢嘅燒法同食法，務求令每一樣食材都可以發揮佢最好嘅味道！今次試左🥩蘋果木煙燻松露和牛他他🥩揚櫻花蝦豆腐🥩全天然豚肉五花腩🥩香蔥薄切牛舌🥩澳洲M5和牛🥩美國和牛封門柳🥩松露肉碎炒飯松露和牛他他嘅牛肉好嫩滑柔軟，食落有淡淡的煙熏味，亦都帶有松露嘅香氣，加埋蘋果食落好清爽，係一個唔錯嘅開胃菜。五花腩都幾有驚喜，腩肉嘅肥瘦比例啱啱好，燒過之後肥嘅部份脆脆地，再夾埋生菜同埋豆瓣醬，好惹味。幾款牛肉亦好有質素，肉質嫩滑，油脂適中，其中封門柳嘅牛味最濃郁，亦都係我最鍾意嘅一款。

放工後來到呢間尖沙咀超人氣既烤肉店，幾多客，好受歡迎！肉食獸既我地當然要order靚牛，是晚食左好多正野！.🥩老饕澳洲M5/M6和牛牛板腱🥩美國和牛封門柳🥩煙燻木蘋果松露和牛他他👅香蔥薄切牛舌🍖全天然厚切豚肉五花腩🍚黑松露和牛肉碎炒飯🦐揚櫻花蝦豆腐🍍鳳梨梳打🧊乳酸梳打.和牛牛板腱有5大片，油花紋理好靚😍 烤香後，肉味好濃，肉質軟腍好好食～和牛封門柳幾特別，一大條呈上，上邊已經劃開幾刀，再放以香蔥同蒜蓉，成條擺落去燒再剪開，好香口！.和牛他他既賣相好特別，用上玻璃瓶將生和牛同煙燻密封鎖起，旁有一碟生雞蛋同一碟蘋果絲另上；打開玻璃瓶後煙燻飄出，將蛋黃同蘋果絲倒入瓶內撈勻就成為和牛他他啦🙆🏻‍♀️ 一向怕食太生既牛，但加上蛋液同蘋果絲後卻增添左甜香，好特別！.薄切牛舌有7片，中間伴有一碟蔥花，簡單燒香牛舌再加蔥花同醬汁就已經好好食好爽！來到厚厚的五花腩，唔駛點油，直接將有脂肪既五花腩擺上爐燒已經會出油，好香！加埋本身附有既生菜包住再點韓式辣醬，口感好正！.黑松露和牛肉碎炒飯超香！都俾得幾多黑松露！而揚櫻花蝦豆腐好好食🥹一碗有4大件，大量既木魚絲同醬汁淋上炸豆腐，超好味！仲有泡菜作為小食，好開胃

看到這家燒肉店有碗話碗Alfred都有介紹過，決定假日來試！廚房為開放式，當晚坐在吧台可以看到衛生又放心的製作過程˘͈ ᵕ ˘͈-揚櫻花蝦豆腐 $68四大塊豆腐，外皮沾滿櫻花蝦，非常鬆脆，裡面則柔嫩，點上木魚碎，甜甜的醬油，好美味。-A5和牛海膽刺身 $138薄而柔軟的和牛包裹著海膽，海膽大塊而新鮮，可以想像到非常之鮮甜。-煙燻木蘋果松露和牛他他 $158將和牛他他和煙燻鎖在玻璃瓶裡，打開會有煙霧，將蛋黃同蘋果絲倒入攪拌後，好清甜亦富松露香。-美國和牛封門柳(100g) $198大大一條封門柳，燒到7成熟左右，咬開便超級juicy，口感軟軟的，一點都不會韌！-老饕澳洲M5/M6和牛牛板腱(五枚) $198和牛望看上去有大理石油花，燒個20秒待肉汁滲出就可以！肉質非常嫩。-香蔥簿切牛舌(七枚) $82牛舌切得細薄，口感彈牙，蒜蓉調味好香！-全天然厚切豚肉五花腩(八枚) 配生菜及大醬 $130一層肉一層脂肪，適合擺落去大火燒把裡面的油全部逼出來，口感脆脆的。用生菜包加韓式辣醬，好解膩。-黑松露和牛肉碎炒飯 $108粒粒飽滿的炒飯，把黑松露與和牛粒攪拌，焦香惹味，加上甜甜的醬汁，超推！

牛魔Premium set $988 for 2😋.高水準和牛燒肉店！豆腐鋪滿櫻花蝦，食落好香，腐皮小脆，口感一流。另加$26既牛肉濃湯牛味十足但飲落唔覺油膩～梅酒番茄偏甜，加上甜蒟蒻既味有d怪，梅酒味唔突出。.至於蘋果煙燻和牛他他，蘋果絲添加清新感，配上他他好好食，不過唔覺有煙燻味。碗松露肉碎飯就普通發揮，輕輕落醬油同碎牛粒，味偏淡，松露味欠奉。和牛s就好有質素，連埋前菜都值得encore 🥰 .二人前既份量黎講十分滿足~

話說尋晚book咗18:00嘅枱（3位）18:00 booking 要20:00交枱食物質素OK，以價錢嚟講算合理。但服務就差到嚇死你！成個過程一肚氣😡我係一個星期前book枱，同時亦都早到咗15分鐘，理論上應該可以安排到一個比較舒適嘅位置。點知佢哋安排要我哋坐一張八人長枱，中間係用隔版分成3張枱，我哋係坐最入嗰枱，而張長枱嘅其中一邊係牆，即係話如果朋友坐咗入去牆嗰邊，想出嚟去個洗手間都唔得🙄仲要張枱超細，連放嘢食嘅位置都唔夠😓當時店內尚有空置嘅正常4人枱，我問點解唔可以坐嗰啲位，佢就答我：因為我係18:00 booking，呢張八人枱係全部20:00交枱，佢哋再入第二輪客。Ok！算數！明明20:00交枱，佢哋19:20就走來提你，19:30就比張單你，當時我哋傾緊計，就放咗張單喺度，跟住19:40就走埋嚟吹你埋單。Ok！咁我哋就買單啦！埋單之後，就即刻有個侍應攝埋黎我側邊，攞住塊4吋闊木板，放上去張枱同個窗條罅度，過程中佢差啲成塊木板鋤落我個電話度（塊木板嘅攻擊位置同我個電話只有1cm距離🤯)，我即刻攞開我個電話，講咗聲:你睇住我個電話！但佢冇收手，繼續嘗試將塊木板放上去，點知又失敗

服務員態度超級惡劣! 明明8pm 還枱但有個服務員740pm 已經係到執枱加隔板仲差啲整到我朋友個電話 之後我哋叫佢可唔可以等我地走左先整 然後就發脾氣放低塊板走咗去！ 不如所謂嘅服務態度!

開胃菜蛋黃,蔥,蘋果絲,牛肉他他打開罐入面係煙燻木香和牛肉他他,將食材混合,最後食得生食係和牛級數先做到,質感細嫩,口感柔軟一人也食得曬,好好食呢~厚嫩牛舌片,只取中段最好既部份只配鹽黑椒食已經非常美味牛舌片一份有七片燒約30秒就可食用,脆嫩口感,肉味突出牛舌口感非常好,店家精選果然無介紹錯腩肉片,牛舌片都係非常好食牛五花都係好濃郁牛肉味,好岩牛魔王品嚐!最後主食就係和牛炒飯炒得爽身粒粒分明之餘,仲有黑松露醬拌勻食味濃飽足,好味道!平均消費$440評分8/10尖沙咀棉登徑8號地下5-6號舖Shop 5-6, G/F, 8 Minden Avenue, Tsim Sha Tsui

牛魔,尖沙咀紅到名人都去拍片介紹原來晚市都幾多人排隊或訂左位今次訂左位先食到,外面等位要1小時有唔同SET套餐,我地選左一個2人套餐坐低先上沙律,泡菜,醬汁鹽等等食住配料等上菜,服務都算OK第一道菜係櫻花蝦炸餃子選用特大餃子炸脆再灑上一堆櫻花蝦~賣相靚之餘,香氣係迷人,蝦味香氣四溢餃子皮身薄脆,咬開餡料係肉菜餡,清爽蝦香提味,唔錯既食法木魚花豆腐花做第2道菜亦係前菜類別,嫩豆腐包住漿炸脆面脆豆腐嫩滑,加埋木魚絲同醬油配酒飲一流既小食日本五花腩肉,選用頂級豬腩片一層肉一層肥,用猛火燒至脆身,再轉細火燒一燒就食到肉既鮮甜味又唔油膩~

主要不滿服務，衛生等 質素首先，一早就俾左$500 訂位費用預訂晚上餐用然後 又打黎話可以預早半小時入座都可以 已經有枱準備好 咁我地便提前前往餐廳 點知… 在餐廳前呆企了半小時 甚至超過我預訂的時間 都還未有枱… 😓😓（咁又叫我地提前入座？ 連付預訂費用都未能準時有枱？ ) 2. 一入座 發現冷氣機滴水情況已持續出現坐在餐廳中央 枱上的飲品、食物、身體都被滴水滴過一遍。。。 (已通知職員處理，但都無補於事) 成餐飯就被冷氣機水滴住😓💧3. 職員只是提供一杯飲品當補償，雖然都算有少少心意，但只有一職員是有誠意和禮貌 。其中有職員更大聲叫我朋友”借借’ 嚇了他一跳 （由於2枱之間坐得接近 走廊空間少 ） 4.職員上菜 每次都放在枱的側邊(因為他較就手放) 而我們就再將熱的飯 放回中間….. （差啲燙親自己）另外，食到一半 前菜先放上枱。。 (泡菜、中華沙律） 次序好似有點錯亂😅只有唯一讚揚的是食物 主打牛 賣相 味道都不過不失 整體好食 （其實仲有order 其他食物 ， 但已無心機拍了）整體而言 性價比極低 食物話雖唔錯 但服務 環境容忍不下 見好評咁多 但實在失望而歸5人 人均消

一直好期待我既好閨密👭同我食生日飯,因為我倆都好為食,又鍾意講飲講食,她 @likkolifelog更識飲識食,我一話想食日式燒肉,佢就帶我來食和牛盛宴呀！ 牛魔 @yakiniku_more 真係好適合一眾牛魔王來呀，餐廳出名食日,美,澳,A4/5和牛,一入去就已經聞到陣陣嘅牛香，自認係牛魔王嘅我，聞到陣味都已經蠢蠢欲動😋，晚餐menu上面有三個 set, 既然係食生日飯,就一於食勻各個靚牛🐮部位,食最“牛”個set 啦 🔮牛魔 premium set $988 🔮梅酒蕃茄原個日本蕃茄🍅,滾水去皮,雪凍後,再以冰梅🍶酒泡浸,入口非常新鮮爽甜,口感好清新,而底部有梅酒白啫喱,微微既梅酒甜味,呢個前菜食完後,有種清新口腔嘅感覺, 恰好預備試之後嘅和牛味道🔮揚櫻花蝦豆腐日式炸豆腐外脆內滑,上面舖滿已經煎香咁嘅櫻花蝦🦐,再配上自己醬汁,好味又出色🔮煙燻蘋果木松露和牛他他這味前菜有點特別,因為呢度菜食用嘅時間好緊要.侍應哥哥會在上菜時,特登講解呢道菜嘅食法,務求可以食出呢道牛肉刺身嘅心思和牛刺身切成幼條狀放係樽入面,廚師會在上菜前燒香蘋果🍎木,再張木煙打入個樽,閉埋個樽蓋,做出煙熏嘅效果;上菜

首先，呢個係我第一次寫嘅食評，因為我一向嘅取向係好食再回頭，吾好食就算啦，可能口味唔啱我啫！呢間牛魔，食物方面，十分好，乾淨企理。今晚三個人訂咗7點，準時到。埋單二千六百几，價錢我可以接受，但係D招呼服務真係不敢恭維。個女侍應要我吔執好張枱，留位置俾佢放D新食物上枱，我地吾執，佢就企喺度吾出聲，一D基本禮貌都冇。平均九百蚊一個人頭，仲要我執枱，直係垃圾！另外，星期六日比較忙，用餐時間只限90分鐘，我都體諒明白，做生意交貴租，訂檯時講明，我接受。但係今次我地食到8點正，個男侍應就立刻俾張單我，我話啱啱先叫咗個飯，仲有成半個鐘頭，駛吾駛咁早俾單呀，吾通我三個人食飯要夾錢數銀仔埋單咩！埋完單出到門口仲谷氣，以為佢有好多客等緊枱，點知見佢門口仲有兩張吉枱，門口冇人等枱，呢刻真係火都嚟。所以我先評佢地係垃圾中嘅垃圾！

今日只有我同小女兒吃午飯，女兒話要每星期都吃燒肉……CWB, TST 的燒肉店很多都試過，揾到間未試過在尖沙咀棉登徑上的燒肉店【Yakiniku More】。在門口看到有午市燒肉定食及多款熱食，款式多夠吸引就決定一試。甫入餐廳，最吸晴就是這藝術牆，好靚……不過跟牛或燒肉有什麼關係？店員安排筆者坐於燒肉枱前，可以見到廚師切肉的位置。枱上有個小電爐供客人自己燒肉。唔知是否跟女兒同行，所以只有一份餐具、一碗飯及湯。其實女兒已經 8歲，到餐廳都會給她order 一份餐，明知食不完也好，費事佔餐廳位置。三番四次請店員，終於給女兒餐具、飯及湯。在其他燒肉店從未發生過的。餐牌同門口的都是一樣，有午市燒肉定食及多款午市熱食，坐低後用手機點餐，才發現午市燒肉套餐不見了！店員話周末沒有午市燒肉套餐，但都有午餐熱食供應，筆者只是想食燒肉，唯有散叫牛肉，因為店員話每個散叫肉類都有包括白飯及麵豉湯。【澳洲M7和牛牛五花 $198】 有8片。來自澳洲的和牛牛五花即是 Short Plate 胸腹肉，油脂和肉筋分佈均勻，牛肉味道比較濃郁。 【澳洲M5/M6和牛牛板腱 $198】有5片，表面脂肪紋分佈平均看似不錯，可

牛魔是一間我很喜愛的韓式燒牛店，一直以來都keep到水準，今晚又約友人來嘆吓燒牛。櫻花蝦豆腐~ 豆腐表面炸過，鋪滿櫻花蝦和木魚絲，豆腐口感嫩滑，豆味濃，正！ 蘋果木煙燻松露和牛他他~把蘋果絲，蘭王蛋，松露與和牛他他撈混，和牛他他十分嫩滑，牛味濃郁，十分美味。香蔥薄切牛舌(七枚)~口感柔軟細膩，微微焦香，配上香葱更加惹味。老饕澳洲M5和牛牛板腱~油脂十分豐富，牛味香濃，口感軟腍多汁，好好味呀！全天然豚肉五花腩~豚肉爽口香甜，以生菜和韓式甜辣醬包住五花腩一起吃可以減去油腻感。櫻花蝦餃子~表面焦脆，餡料是豬肉碎和粟米粒，配勁多櫻花蝦，十分脆口。柑桔梳打~柑桔味好濃，酸酸甜甜，仲有D椰果，好開胃。巨峰提子梳打~提子味濃，冰冰涼涼，超爽！

『小菜毫不遜色，大推牛肉他他』⁡之前睇YouTube見到介紹牛魔，諗起好耐冇食係時候要反焯下🤡今次坐係吧枱位會有師傅幫手燒肉同埋教我地應該點燒，好似上堂咁學到嘢📖如果鍾意惹味燶少少可以拜託師傅幫手，如果習慣清淡輕手d就可以自己自由調節下⁡推介 🥢蘋果木煙燻松露和牛他他 🥢揚櫻花蝦豆腐 🥢松露肉碎炒飯 ————————————————————◎ 蘋果木煙燻松露和牛他他(HKD158)|4/5牛肉柔軟，淡淡煙燻香味，好清爽⁡◎ 揚櫻花蝦豆腐(HKD68)|3.8/5外表裹住一層櫻花蝦炸衣超香脆，豆腐軟滑好味⁡◎ 全天然豚肉五花腩(8枚)(厚切跟生菜)(HKD130)| 3.5/5蘸豆瓣醬卷生菜，油脂很好地中和了⁡◎ 香蔥薄切牛舌(七塊)(HKD82)| 3/5◎ 老饕澳洲M5/M6和牛牛板腱(五枚)(HKD198)| 3/5◎ 美國和牛封門柳(100g)(HKD198)| 3/5幾款牛肉肉質都頗軟腍，封門柳肉味最濃厚⁡◎ 松露肉碎炒飯(HKD108)| 4/5————————————————————♣️ 牛魔☌ 尖沙咀棉登徑8號地下5-6號舖◔12nm-11:30pm⁡回頭率：🌕🌕🌕🌑🌑