牛魔 (已結業)

好姊妹生日陪佢行完K11再跟住行過對面位於棉登徑人氣店「牛魔」食燒肉 ，餐廳以半開放㕑房設計，抽風系統做得好好, 一啲油煙味都無，坐位亦闊落舒適！一坐下就有兩小碟前菜～泡菜同中華沙律，開胃之選！梅酒蕃茄: 清甜而有微微嘅梅酒香味，非常清新！蘋果木煙燻松露黃牛他他:一打開就有蘋果木造嘅煙燻冒岀，新鮮牛肉切絲伴蘋果絲同蛋黃醬汁攪勻，入口嫩滑冇腥味，松露味唔算突出，味道略為鹹咗啲，如用嚟送酒就剛好！芝士吉列鳥肶肉飯卷:一份有4件，配料好豐富，有三文魚子、芝士、吉列炸雞卷成飯卷，很有層次,芝士令口感creamy, 配埋嗰醬好好味！香蔥薄切牛舌（七枚）:肉質軟滑爽口配埋香蔥一齊食，口腔內香氣四溢！鳥肶肉醬油（四本）:用醬油醃製過雞肉，嫩滑唔會嚡，唔洗點醬汁都夠味！老饕澳洲M5/M6和牛牛板腱（五枚）:油脂分布均勻，真係入口即溶，好重牛脂香味！野菜組合:野菜看似煮熟過, 稍為再燒熱返就食得。包括有翠玉瓜，番薯、南瓜，粟米。烤過翠玉瓜仍然爽脆，粟米配以牛油烤好好味，而番薯同南瓜都好甜！兩杯飲品都有蒟蒻粒：鳳梨梳打: 甜甜酸酸，清新解膩！巨峰梳打: 果汁濃郁，香甜解渴！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 牛魔 @尖沙咀💁🏻前菜（泡菜、中華沙律）坐底後，率先送上前菜，可以邊食邊等💁🏻揚櫻花蝦豆腐💁🏻櫻花蝦餃子🥟兩款都好多櫻花蝦🦐，超級欣賞個豆腐，好軟滑，加埋櫻花口感豐富餃子🥟煎得啱啱好，點醋食一流💁🏻全天然豚肉五花腩配生菜 $130💁🏻老饕澳洲M5/M6和牛牛板腱 $198💁🏻香蔥薄切牛舌 $82終於到今日正題，燒肉我來了‼️‼️‼️全部肉類🍖都肥厚適中，不得不讚五花腩，油脂分布得非常均勻，再用生菜包住雙重口感💁🏻蘋果木煙燻松露和牛他他 $158好玩又好食，店員教將所有嘢撈埋一齊就可以享用，好有趣。有蘋果帶嚟嘅木香味，同埋淡淡的黑松露味，口感非常豐富💁🏻松露肉碎炒飯 $108上枱已經聞到淡淡嘅松露香味，粒粒分明既炒飯，好有鑊氣💁🏻乳酸特飲 $48💁🏻鳳梨特飲 $48清涼解渴，配住燒肉相當出色是否推薦↩️？✅ys, 非常滿足嘅一餐，好高質，雖然燒起上嚟有少少熱，但係食物味道環境可以加反曬分👍🏻👍🏻

最近終於有機會一試尖沙咀人氣日式燒肉店「牛魔」！燒肉方面共點了三款：**老饕澳洲M5/M6和牛牛板腱 ($198) 牛板腱每邊燒幾秒就夠，肉質細膩，帶有淡淡的脂香，配搭少少鹽調味好足夠。 **香蔥薄切牛舌 ($98)牛舌厚薄恰到好處，既有嚼勁，又不過於韌硬，口感不錯。**全天然豚肉五花腩 ($130) 厚切五花腩肉質鮮嫩，燒完後豐富的油脂感搭配生菜和韓式麵豉醬吃顯得清爽。 除了燒肉外，他家其他食物都相當出色！**揚櫻花蝦豆腐($68)豆腐炸得外酥內軟，鋪上滿滿的櫻花蝦和木魚片，再淋上醬汁，超好味，推！ **櫻花蝦餃子 ($68) 餃子皮薄具嚼勁，上面鋪滿櫻花蝦與餡料搭配也相當不錯。 **蘋果木煙燻松露和牛他他($158) 將生蛋黃和蘋果絲倒入玻璃樽與和牛他他和松露攪勻就食得，牛肉加了生蛋黃後極度嫩滑，濃郁松露香同時傳出淡淡煙燻香，加埋爽口蘋果絲口感層次更加豐富。**松露肉碎炒飯($168) 最後加多個炒飯，粒粒分明，既有松露的香氣，又有牛肉粒的鮮美，回味無窮。

之前聽同事介紹燒肉位於尖沙咀棉登徑既牛魔，今日趁經過尖沙咀黎試下佢個set lunch，價錢由80幾至200幾蚊都有，難得一場黎到，一定要試燒肉。我係牛肉控，所以叫左佢個牛魔燒肉定食，有成六個唔同部位，每個部份有兩塊，如果同朋友share都好方便，啲肉質望上都好靚仔，有兩個部位更加係入口即溶，而牛舌就比較厚，難燒啲。個爐比較細，偏向日本風格，如果燒到咁上下，仲可以隨時叫服務員換個燒板，服務非常，下次再黎尖沙咀都想試其他野食。

好懷念尖沙咀牛魔的燒肉，於是就同老公去咗牛魔食午餐。諗住午餐時間會有很多人，於是差不多兩點先到，點知都仲有人等。好彩唔係等咗好耐就可以入座。愛吃燒肉的我，當然毫不猶豫就叫咗兩個燒肉定食啦。兩款定食都包牛骨湯，沙律，前菜，御飯（另加$5可轉牛魔拌飯）。A.燒肉自選定食（七款盛）$248和牛牛肩肉，薄切和牛牛舌，澳洲和牛胸腹，豚肉五花薄切及厚切，黑毛豬頸肉，醬油雞髀肉。B. 牛魔燒肉盛盒$246A4和牛霜降，澳洲和牛西冷，澳洲和牛胸腹，澳洲和牛五花，厚切和牛牛舌，和牛牛肩肉，生菜。各款和牛都新鮮有光澤，油花分布均勻，吃起來軟嫩適中，充滿牛肉味，特別是和牛霜降，更加是入口即溶。薄切牛舌爽口彈牙，厚切牛舌中間粉嫩，咬落軟稔有嚼勁。豬頸肉爽口，不肥不膩。豚肉五花肥瘦均勻，油脂豐富，肉味濃郁，用生菜包住食更可口亦可消膩。醬油雞髀肉嫩滑，惹味。今餐食得滋味，又滿足，下次一定會再來。

今日嘅晚餐真係一個美食之旅！飛咗入間燒肉餐廳，一系列嘅美味都係我口中嘅星星🌟。嚟嚟嚟，我帶大家一齊欣賞下我嘅味覺盛宴🍽️。首先，蘋果木煙燻松露和牛他他🥩。味道真係好深厚，有蘋果木嘅微微甜味，再加上松露嘅獨特香氣，和牛肉嘅肉汁，真係一個完美嘅組合。好似口中嘅交響樂，令人回味無窮。接著，炸櫻花蝦豆腐🍤。豆腐嘅口感細膩，櫻花蝦外層炸得剛剛好，咬落去有點脆，又有點彈牙，好有趣嘅口感。然後，櫻花蝦餃子🥟。外皮薄薄的，內裡滿滿的櫻花蝦肉香，一口咬落去，鮮美嘅滋味瞬間在口腔裡爆炸開嚟，真係超級滿足。澳洲和牛牛板腱🐮，燒得恰到好處，肉質鮮嫩，肉汁豐富，配上一點點鹽巴，真係美味到無法形容。香蔥牛舌👅，每一片都燒烤得恰到好處，咬一口，充滿了牛舌特有的口感，再加上香蔥的清香，簡直是口中的春天。全天然五花肉🥓，肥瘦相間，烤得外焦內嫩，香氣四溢，真係好似在口中舞蹈。最後，松露牛肉炒飯🍚。粒粒分明的飯，加上松露的香氣和牛肉的鮮美，每一口都好似在口中演奏一首美妙的樂章。

今日午餐時分，我悠閒地來到了一家名為「牛魔」的燒肉店。這家店以多款精選肉品和美味配菜而聞名，總讓人食指大動。我點了一份「石燒廣島蠔和牛肉碎佐蘭王伴飯」，這份餐點充滿了驚喜。首先，「石燒廣島蠔」外皮烤至微焦，內裡鮮嫩多汁，吃起來鮮甜可口。而「牛肉碎佐蘭王伴飯」的搭配相當恰到好處，牛肉香濃多汁，與蘭王的香氣交融在一起，令人回味無窮。這家店在前菜方面也毫不馬虎，「中華沙律」清新爽口，彩色蔬菜搭配特製醬汁，為整餐增添了色彩；「麵豉湯」熱騰騰地送上，濃郁的醬汁滋味滿溢，帶來了暖心的感覺；而「沙律」則爽脆可口，吃得出新鮮蔬菜的天然甜味。總的來說，「牛魔」的燒肉賣相精緻，肉質鮮美。每一口都能品味到肉的原汁原味，加上多款精心搭配的配菜，令整餐更加豐富多樣。無論是獨自一人享受，還是與朋友聚會，這裡都是一個不錯的選擇。

星期五晚朋友話想食下燒肉放縱下🤣 想食餐好又唔想成日食到滯哂，去d單點燒肉店就啱，食幾多叫幾多。今次黎到棉登徑呢間多人推介嘅燒肉店，7點幾去到都滿左大半，有信心保證😊前菜小食分別叫左3款:蘋果木煙燻松露和牛他他🐮 - 一打開有好香嘅煙燻味，令人上癮嘅味道😊 和口感嫩滑，完全無腥味👍🏼揚櫻花蝦豆腐🥠/櫻花蝦餃子🥟 - 呢2款櫻花蝦迷必點！豆腐外皮沾滿櫻花蝦再炸，成個外皮香脆，餃子出面亦都灑滿櫻花蚊，一齊食好夾。食完前菜當然到主打嘅燒肉:澳洲M5和牛牛板腱🥩/香葱薄切牛舌👅 - 2款牛我都喜愛🥰 和牛油花均勻，輕輕燒10秒已經食得，點燒肉汁最正！牛舌口感較爽口彈牙，仲附有香葱一齊燒更惹味。全天然豚肉五花腩🥓 - 呢味係邪惡之選😈 一層層油脂同肉嘅夾層分布得好靚，燒上黎油份半溶，好鬼香！最後叫多左個松露肉碎炒飯醫飽個肚，驚喜嘅係佢用石頭鍋上，底部有飯焦好似石頭飯咁。炒飯一路食都有淡淡松露香，勁滿足😇

再次來到尖沙咀這家燒肉店，很懷念牆上這幅壁畫，打卡一流。 最鍾意料材用上高級牛肉，性價比高🥢煙燻蘋果和牛他他： 上枱時將蛋黃同煙燻蘋果撈埋生和牛他他。 蘋果滲出陣陣煙燻味道，加埋松露味道層次提升。正～🥢和牛牛板腱：滿滿牛味，入口溶化～🥢香蔥薄切牛舌：爽口多汁，非常回味🥢豚肉五花腩：店員都有細心介紹，五花腩先燒四邊，然後放到旁邊慢烤到熟透。而我同朋友就鍾意夾生菜加上大醬汁和泡菜一齊食🥢櫻花蝦豆腐：豆腐炸到外脆內軟，而且外面痴實好多櫻花蝦，再配上木魚絲和特製醬汁～ 必點🥢櫻花蝦餃子：餃子上面都係保持到有勁多櫻花蝦，餃子咬到爆汁🥢松露肉碎炒飯：牛肉粒同牛脂在石鍋加熱，香口惹味

最近終於可以放返個大假休息食下好嘢慰勞下自己就諗起食燒肉🤤嚟到棉登徑嘅韓日燒肉店😗燒肉定食配有前菜、飯、湯🍲、沙律🥗燒肉自選定食(七款盛) ($248)•和牛牛肩肉•薄切和牛舌•澳洲和牛胸腹•全天然豚五花薄切•全天然豚五花厚切•黑毛豬頸肉•醬油鳥肶肉除咗牛肉之外最令人驚喜就係個黑毛豬頸肉同醬油鳥肶肉🍗豬頸肉口感爽脆有彈性鳥肶肉唔覺意燒到出邊都燶曬但又比想像仲嫩滑多汁🤩牛魔燒肉盛合 ($246)•A4和牛霜降•澳洲和牛西冷•澳洲和牛胸腹•澳洲和牛五花•和牛牛肩肉•厚切和牛舌呢個盛合用咗最靚嘅6款牛肉厚切和牛口感煙韌 超級有彈性A4和牛同五花完全唔捨得食👉🏻👈🏻牛脂均匀鋪滿牛肉 入口即溶🤩留到最後一刻先放落口🤤 配上特飲2杯解膩一流🍇巨峰梳打特飲 (+$15)🍍鳳梨梳打特飲 (+$15)

上星期約咗朋友喺尖沙咀食飯，揀咗呢間喺棉登徑嘅燒肉店，入面環境唔係好大，不過都坐得舒適。 櫻花蝦餃子有四大隻韓式餃子，外皮夠薄幾煙韌，有好多櫻花蝦，入面都好足料。 揚櫻花蝦豆腐日式炸豆腐有四大件，外脆內嫩，加埋櫻花蝦、木魚碎同蔥花，好香口。 蘋果木煙燻松露和牛他他一打開就聞到好重煙熏味，玻璃罐入面裝住和牛他他同黑松露。將蘋果絲、蒜蓉、蔥花同蛋黃撈勻一齊食，和牛他他好滑溜，好香黑松露味。 全天然豚肉五花腩一碟有八片厚切五花腩，店員會教我地點燒先最好食。首先要較到最大火，等有煙嗰陣再放肉去燒。五花腩好多油脂，加埋豆瓣醬再包住生菜食，更加惹味。 香蔥薄切生舌薄切牛舌好爽彈，調味啱啱好，兩邊燒一燒就食得，加埋香蔥食更加好食。澳洲M5和牛牛板腱和牛牛板腱油花分布均勻，可以加蒜蓉一齊燒，肉味香濃。 松露牛肉炒飯炒飯粒粒分明，好香口。牛肉粒份量都幾多，好香松露味。

好耐冇食日式燒肉啦 真係有啲掛住 我不嬲都有一鋪燒肉癮 今日又發掘到一間好食嘅日本燒肉啦 啲肉全部都好靚 唔使去日本都食到高質燒肉真係開心頭盤先嚟過 陽櫻花蝦豆腐 炸到外脆內軟 加埋啲醬汁真係好好食 櫻花蝦餃子 佈滿櫻花蝦感覺高級 好吸睛 餃子煎到脆卜卜 好食 呢度啲燒肉無論係牛肉 豬肉都非常之優質 全天然豚肉五花腩 厚切跟生菜 五花腩油脂分佈好平均 食落啖啖肉或者包住生菜食 都超級好食 一啲都唔由油膩蘋果木煙燻松露和牛他他加上鮮雞蛋黃同蘋果非常之開胃 牛肉亦好新鮮M6和牛牛板腱 係薄切嘅燒 一分鐘 就食得 牛肉十分嫩滑 點少少燒汁食已經好滿足香蔥薄切牛舌 一啲都唔騷 啖啖肉好彈牙臨尾又點咗個 松露肉碎炒飯 有牛肉同松露醬 好飽肚 嘢飲嗌咗個 麥茶 可以免費refill柑橘梳打 食燒肉降溫一流 呢度服務非常之好 店員服務周到 而且地點方便近地鐵站 真係我個人推介

食燒肉唔一定下下去放題店，單點店都有好多性價比高選擇❣️位於尖沙咀棉登徑，正正有間高質日式燒肉 —「牛魔」🔥價錢合理，食物種類豐富又好味，簡直食到停唔到😆.燒肉店空間都幾寬敞，一入去就見到大大幅著和服少女牆畫👘樓底夠高，感覺闊落😌而且採用無煙燒烤爐，抽風系統做得好好，食完唔會一陣味🌀.🍴蘋果木煙燻松露和牛他他💰$158必食前菜🌟一打開蓋一股白色蘋果目煙燻飄出嚟😮加入生蛋黃撈勻進食🥚生牛肉他他口感好嫩滑，完全冇腥味😋肉味配上蘋果絲鮮甜，再帶蛋香及煙燻木香，令人立即愛上😍.🍴揚櫻花蝦豆腐💰$68整個揚豆腐鋪滿櫻花蝦及木魚絲，好誇張🤣揚豆腐外脆內嫩，佐以甜香醬汁，調味啱啱好😚.🍴櫻花蝦餃子💰$68外層煎到卜卜脆，內裡豬肉餡料依然多汁😙配搭櫻花蝦增添香氣🦐.🍴澳洲和牛牛板鍵💰$198牛板鍵油花分佈均勻，肉質軟嫩中富有彈性😚肉味相當濃郁，蘸少少燒肉汁食，正阿😆.🍴香蔥薄切牛舌💰$82食燒肉又點可以唔食牛舌🤪薄切牛舌口感相當爽脆，加埋香蔥進食，大大提升鮮香😍.🍴全天然豚肉五花腩💰$130唔好睇五花腩好肥咁，火燒後將油份迫出，入口一啲肥膩感都無，反而好爽口好重肉味😍額外附上生菜及麵豉醬，鍾意嘅可以包埋

原本兩個人，有朋友知道又話加入，兩人變6人😂1）樱花蝦餃子外皮無煎到硬晒，加上好多櫻花蝦，夠晒好味！2）櫻花蝦豆腐呢個超好食，個汁一流，外脆內軟，推介！👍🏻👍🏻👍🏻3）全天然豚肉五花腩厚切五花腩，燒之後，香味四溢，油香肉香混合，加上厚切，絕對要點！4）蘋果木煙燻和牛他他打開個罌，一浸木香，加上煙霧，有種好迷幻嘅感覺，將雞蛋黃同埋蘋果絲，撈勻就食得，有種好清爽嘅感覺，正！4）老饕澳洲M 5和牛牛板𨫡唔太肥，又話有足夠嘅牛肉味，燒一兩下捲埋就食得5）香蔥薄切牛舌雖然話薄切，其實佢都有返少少厚度，所以食落嚟係會有啲質感同埋個味道再濃郁啲，豐富啲6）A4無敵霜降沙巴當入口溶化，最喜愛個種肥膩嘅感覺，哈哈！7）大啡菇大大隻啡菇，配上牛油燒出香濃嘅菇味8）松露肉碎炒飯最後嚟過飯，雖然好飽，但都好想食，熱辣辣，食埋就好滿足！9）讚岐烏冬湯底正，冇得彈#燒肉 #和牛 #和牛他他 #櫻花蝦豆腐 必吃👍🏻

疫情之前經常來，通關後第一次來，多了很多遊客，生意變好了。有各種午市套餐，選擇了兩款。⭐️燒肉自選定食（七款盛）包括和牛牛肩肉、薄切和牛牛舌、澳洲和牛胸腹、豚肉五花薄切、豚肉五花厚切、黑毛豬頸肉和醬油鳥肶肉。這個組合提供了不同種類的肉品，每一款都散發著獨特的香氣和口感。搭配上豐富的醬料及前菜，不錯。⭐️牛魔燒肉盛合以澳洲和牛為主，包括A4和牛霜降、澳洲和牛西冷、澳洲和牛胸腹、澳洲和牛五花、厚切和牛舌和和牛牛肩肉。這個盛合組合了多種優質的和牛部位，每一款都帶來了獨特的口感和濃郁的肉香。⭐️蜂蜜生薑茶散發出溫暖的香氣和淡淡的甜味，不僅能幫助消化，還能提供舒緩的效果。⭐️柑橘梳打清爽解渴。