牛霸王

營業中

休息中

這間位於成業街成業工業大廈1樓仍在試業中嘅【牛霸王】, 裝修雖然簡潔, 性價比高嘅日式飯堂, 地方寛闊舒適, 充滿日系風格, 感覺悠遊自在。大家都應該有聽過「挽肉與米」, 佢有東京最佳漢堡扒的美譽, 而呢間嘅手打漢堡扒用嘅係A5和牛製成, 口咬下去都能感受到豐盈的肉汁, 真係可媲美「挽肉與米」牛肉漢堡呀!食品以和風漢堡為主打, 店員很有禮貌地仔細介紹哩度嘅招牌主食, 我地都點左佢推介的和牛漢堡。米飯係日本晴岡米, 粒粒飽滿, 黏稠感十足。配上雞蛋界貴族天花板 - 蘭王蛋！蘭王蛋嘅顏色好靚, 橙黃橙紅, 視覺效果好, 而且味甘甜, 出名生蛋撈飯。招牌手打和牛漢堡蘭王蛋飯 - $128佢有3種醬汁可選, 有秘制漢堡汁, 白味噌汁及日式咖哩汁, 店員細心為我哋推介左漢堡汁佢話係自家秘製醬汁亦係最多客人嘅選擇。賣相好精緻，漢堡扒上放上配菜, 芥辣酸瓜和白蘿蔔蓉; 和牛漢堡唔錯, 牛味濃郁, 油脂香, 入口溶化, 芥辣酸瓜, 白蘿蔔蓉同牛肉一齊食好夾, 牛嘅肉香配上日本米飯同蘭王蛋, 佢秘制漢堡汁味道帶甜, 有啲似牛肉汁, 加埋蛋黃汁溢出拌飯真係好滋味。咖喱吉列豬扒飯- $88豬扒外脆內軟, 都

Happy Friday在觀塘尋找滋味晚餐，去到位於成業街新開張的牛霸王，試其招牌日本蘭王旦漢堡丼飯。餐廳位於一樓，行樓梯就可以了，免卻等候升降機的時間。當晚人流不多，無需等候，即可入座。除了丼飯，還可以選擇沙律及小食。這是招牌手打和牛漢堡蘭王蛋飯，配搭秘製漢堡汁及日式泡菜。手打和牛漢堡肉質鬆軟，非常吸引，和日本蘭王雞蛋香味可以說是天作之合。秘製漢堡汁甜度較高，日式泡菜香而不辣。這是手打芝士安格斯漢堡蘭王蛋飯，配日式咖喱汁及芥辣酸瓜。手打芝士安格斯漢堡扒相對比較有嚼勁，可能加入了芝士的關係，味道比較濃厚；日式咖喱汁味道甘香，相比秘製漢堡汁，這款比較香辣，而且配搭了芥辣酸瓜，令整碗飯味道搶口。飲品方面，可以套餐價選擇汽水、橙汁或蜂蜜綠茶。只需加$5 ，即可以有罐裝忌廉梳打和可口可樂，相對價格相宜。兩款丼飯賣相均很精緻，可以見到廚師的心思。期待他日有更多不同口味的選擇。

官塘工廈一向都係揾食好地方，新開咗呢間日式料理，配合埋簡單舒服嘅木系裝修，忍唔住即刻想試下呢度主打手打漢堡，有和牛漢堡同埋美國安格斯漢堡，和牛漢堡牛脂味重，店家加咗蘿蔔蓉同日本泡菜，令到味道香濃得嚟清爽，仲有蛋味一流嘅蘭王蛋，漢堡加入蛋液又再香滑啲，勁好餸飯美國安格斯漢堡入面加咗芝士，牛肉味濃厚之餘芝士味夠香，好有食 burger 嘅感覺，安格斯漢堡一樣配埋蘭王蛋，呢個漢堡真係可以 encore手打漢堡仲可以自己揀唔同嘅配菜同醬汁，漢堡汁帶少少甜味，同漢堡好夾，但我更鍾意呢度嘅咖哩汁，香口得嚟又帶啲微辣，佢仲有個白味噌汁都好吸引，下次再試除咗手打漢堡之外，仲有其他日式丼飯，選擇都唔少，咖哩吉列豬扒飯都唔錯，新鮮熱辣夠脆口另外不得不讚呢度嘅服務，店員會好細心咁介紹餐牌上面嘅菜式，勁有禮貌，好加分

食店在電梯一樓位置，主打日本手打和牛漢堡，選擇了秘製漢堡汁，細味品嚐漢堡中的和牛，絕對值得一試。最頂層雞蛋，採用120天後精心挑選日本雞蛋，蛋汁呈紅色，非常特別。

#20231221 📝📍 牛霸王 觀塘成業街19-21號成業工業大廈1樓26號舖➖➖➖➖➖➖➖➖➖➖➖➖➖➖➖➖➖#招牌手打和牛漢堡蘭王蛋飯 $128 🫧 #白味噌汁 #日式泡菜 💭 觀塘啲工廈真係好多野食，近排又新開左間食日式漢堡扒既，上枱賣相好精緻吸引🤩上到下層層疊唔忍心推冧佢😅面頭蘭王蛋完全唔腥，好香蛋味🥚跟住落係一層清甜既蘿蔔蓉，再落一層係自己揀既配菜，揀左日式泡菜，無韓式果隻既辣味，近似漬物偏咸多啲，撈飯食一流，到主打既和牛漢堡，真係好淋身🐮白味噌汁都好特別，唔係平時啲麵豉得死咸，有啲白汁feel再配埋煙韌既日本米食，好味🤤.#手打芝士安格斯漢堡蘭王蛋飯 $118 🫧 #秘制漢堡汁 #芥辣酸瓜 💭 試埋另一款限量供應既漢堡，呢個有芝士🧀加上配菜揀左酸瓜，感覺更加似漢堡包咁🍔蘿蔔蓉撈埋酸瓜平衡左個酸度，安格斯牛外表煎香左但入邊仲粉粉嫩嫩咁，相對地重牛味啲🥩本身掙扎緊叫漢堡汁定咖哩汁，老闆推薦漢堡汁係佢地秘制咁就要試下喇，入口甜底，帶少少柚子清香🤏🏼值得一試. 🥢 #蜂蜜綠茶 +$5 🥢 #白桃烏龍 +$15💭 叫左一凍一熱既茶，鋒蜜綠茶係熟悉既味道，白桃烏龍係聞落好香甜但飲落唔

觀塘駱駝漆又有新餐廳啦😍今日黎左呢間新開嘅日式創意料理店，佢地嘅裝修好撲素，估唔到啲食物咁正架😋😋＊＊＊＊＊🥗日式胡麻沙律 $38.0呢個沙律加左胡麻醬，調味適中🍔日本手打和牛漠堡 $128.0秘製漢堡汁、日式泡菜呢個和牛漢堡係超級淋😍差啲唔洗咬咁滯😆漢埋偏甘口嘅漢堡汁同埋蘭王蛋食真係超正，估唔到係工廈可以食到呢個質素🥹💖🍛咖喱燒雞扒飯 $78.0咖哩飯都好驚喜🥰啲咖哩唔似一般日式咖哩咁甜，佢帶有少少辣度有啲後勁，但又唔會好刺激～雞扒煎得超級香！呢個餐真係好抵食！🍵蜂蜜綠茶＊＊＊＊＊

聖誕節出去食飯又貴又人多，所以揀左觀塘工廈一間新開業冇耐性價比高嘅日式飯堂。這間位於成業街成業工業大廈1樓仍在試業中嘅"牛霸王‘’，裝修雖然簡潔，但寛闊舒適，充滿日系風格，感覺悠遊自在。佢主打菜色係蘭王蛋漢堡丼飯，叫左個‘’招牌手打和牛漢堡蘭王蛋飯$128‘’有3種醬汁可選 (秘制漢堡汁、白味噌汁及日式咖哩汁)，有選擇困難之下，店員細心為我哋推介左漢堡汁佢話係自家秘製醬汁亦係最多客人嘅選擇。和牛漢堡唔錯，牛味濃郁，入口溶化。蘭王蛋橙紅色鮮豔吸睛，蛋黃汁溢出拌飯極至美味加埋配菜‘’芥辣酸瓜‘’開胃醒神。照燒雞扒沙律$78雞扒係即叫即燒，雞皮燒到焦香脆脆，但內裡肉質仍嫩滑，再加上照燒汁食，好正。沙律菜夠新鮮，唔會有苦澀味。本來想試埋飲品‘’抹茶乳酪"但店員話暫時未有供應，因為老闆仍未調配到最理想嘅味道，所以寧願唔推出住。真係好有heart期待下次再來時可以試到就好啦。冷豆腐$28

-牛霸王-@觀塘.一向覺得觀塘工廈多心思小店，耐唔耐都會去覓食。見到哩間餐廳裝修以木為主，簡約舒適。.食品以和風漢堡為主打，店員很有禮貌地仔細介紹哩度的menu，我地都點左佢推介的和牛漢堡。.日本手打和牛漢堡 (配麻辣酸瓜) ($128)賣相好精緻，漢堡扒上放上配菜和白蘿蔔蓉，最上面係橙紅色蘭王蛋黃。.漢堡丼飯有三種醬汁可以選擇，我們選了秘製漢堡汁，而配菜可以選擇日式泡菜或芥辣酸瓜。.和牛漢堡煎得表面焦香，咬落肉汁滿滿，口感鬆化，並非一般美式那種很結實的質地。配埋微甜的醬汁，更是滋味。.照燒雞扒沙律 ($78)好大份的沙律，照燒雞扒雞皮好香脆，雞肉保留了肉汁好細滑。大量清新的沙律菜加埋酸酸甜甜嘅醬汁，食落好清新，一啲都唔油膩。.蜂蜜綠茶 (+$5).

身為觀塘街坊，梗係知觀塘工廈林立，美食數不勝數，所以間唔中都會上工廈行下摷好西食～今日見到一間門口仲貼住紅紙，原來係試業當中，見到個「牛」字🐮，老細兩眼即時bling bling😍，當然要入去試下啦！Menu好簡潔，目標為本，就係牛！佢主打牛漢堡飯，和牛或者安格斯，最吸精係佢用上有鮮豔橙紅色蛋黃嘅蘭王蛋 。🍳蛋黃上台真係成為焦點🤩嗰隻橙紅色好吸引🍳！用呢啲蛋漿撈飯～一絕！👍🏻❤️😋佢嘅漢堡飯有三種醬汁可以選：秘製漢堡汁、日式咖哩汁或者白味噌汁。我同老細一人叫一個，佢食和牛，我食安格斯，大家都係揀秘製漢堡汁，佢要酸瓜蓉，我要泡菜～和牛漢堡非常鬆軟、juicy！安格斯牛漢堡就肉味香濃，入面仲有流心芝士～各有特色！因為仍在試業中，所以人唔太多，午餐仲有其他選擇，有豚肉，有雞扒，豐儉由人，悉隨專便！🥰

觀塘工業大厦內新開了一間主打牛肉漢堡的日式料理店，我和朋友試了店長推介的：⭐招牌手打和牛漢堡蘭王蛋飯～蘭王蛋就像山峰上的日出，賣相吸睛。配上秘制漢堡汁及日式泡菜，下飯一流。蘭王蛋蛋漿與秘制醬汁簡直是Perfect Match，超級搭配。⭐生薑燒豚肉飯～豚肉肥瘦適中，一讚。⭐冷豆腐及日式和風沙律兩款小食都酸酸甜甜，十分開胃。⭐蜂蜜綠茶～跟餐加$5便可配一杯清新解渴的飲品，還可特別要求走冰，非常貼心。人均不用$140便可吃到美味的日式漢堡飯，價格相宜。

見新開就黎試試.招牌手打和牛漢堡蘭玉蛋飯 $128平時唔太食牛既我，呢個漢堡好出色，唔似機打實的的，和牛Juicy得黎，俾想像中有肉感，驚喜🥰 而醬係秘制漢堡汁，係有啲果香，加埋出色既蘭玉蛋，飯都係珍珠米，撈埋好幸福🥰 咖喱照燒雞扒飯 $78 而my favourite 雞扒都好出色，煎到個皮脆卜卜，雞肉都好Juicy，欣賞佢咖喱汁後勁係有啲辣☺️ 日本咖喱辣是難得，而且佢飯量夠多，啲汁份量都啱啱好，唔會太多汁死咸/ 太少會 Dry .環境都好日式🥰

🍊 餐廳名稱：牛霸王 🐝 味道：8/10環境：9/10整體分數：8/10💰人均：$50-100———————————————————「挽肉與米」黎緊就會係香港開市，不過目前日本或者台灣都十分難預約… 小編又係d好懶既人，所以真係冇得食類似既餐館嘛？！錯錯錯！！！身為美食blogger，尋找美食再推介比大家就係我指責！就係我負責你今日既味道。今次為大家推介依家新開既漢堡扒界新星。日本手打和牛漢堡 💰128佢地既手打和牛漢堡扒用左澳洲和牛，所以係牛既油脂分佈同肉香味上有充分的既平衡感。拎。另外漢堡用人手製作，手打過程令肉質更具彈性，口感外脆內嫩。米飯係日本晴岡米，粒粒飽滿，黏稠感十足。配上雞蛋界貴族天花板，蘭王蛋！！真係天堂的一餐。咖喱吉列豬扒飯💰88豬扒外脆內軟，一舊接一舊咁食都唔會覺得油膩。值得讚下係個咖哩都唔馬虎，甜甜辣辣好日式既風味，係配飯配扒的王道醬汁。🗺️ 觀塘成業街19-21號成業工業大廈1樓26號舖 🔍#FlavorforToday觀塘🚆 港鐵觀塘站 B2 出口, 步行約5分鐘

少爺仔的大學期考終於完結了，見他為準備考試全力以赴，備考期間已多次推卻與我們外出用膳，於是放工後就帶他去觀塘區的工廈尋訪美食。從觀塘地鐵站約三分鐘的步程，就行到成業街，當中成業工業大廈更是美食集中地。我們從一樓探店，到了26室見有間仍屬試業階段，主打牛肉美食的店舖~牛霸王，就入內試下。店長熱情推介"日本手打和牛漢堡" ，當中更有多款醬汁可選，阿仔選了秘製漢堡汁配日式泡菜($128)，店主稱此醬汁為店中獨創，真的能做到與入口即溶的和牛相配合，美味回甘。 我選了和風牛肉飯($68)，我們都選配了蜂蜜綠茶($5)。牛霸王是仍屬試業階段，我們誤打誤撞找對了這間日風牛肉食店。少爺仔對這碗日本手打和牛漢堡配日本米飯讚不絕口，手打和牛漢堡就是美食。

同同事開完OT就附近食埋DINNER先返屋企，平時食開棟大廈有新餐廳開左(連招牌都未開紅紙) 原來仲係試業階段，出面望入去 裝修行簡潔路線 幾有日本FEEL 招牌手打和牛漢堡蘭王蛋飯 $128自選配料: 日式泡菜自選醬汁: 秘製漢堡汁精美擺碟❤️飯👉🏻和牛漢堡👉🏻日式泡菜👉🏻蘿蔔蓉👉🏻蘭王蛋❤️手工和牛漢堡煎得表面香口 內裏保持肉汁豐富 肥美嫩滑，配合日式泡菜和蘿蔔蓉 一啖入口更添清爽感，秘製醬汁入口味道香濃 微微辛辛的 襯托和牛 帶出牛脂香味，再加入蘭王蛋液 那多層的口感和滋味 不得了手打芝士安格斯漢堡蘭王蛋飯 $118自選配料: 芥辣酸瓜自選醬汁: 白味噌汁精美擺碟❤️飯👉🏻安格斯漢堡👉🏻芥辣酸瓜👉🏻蘿蔔蓉👉🏻蘭王蛋❤️同事揀咗呢款 𠝹開漢堡時有芝心流出來 牛味濃郁加上邪惡芝心…芥末酸瓜磨成蓉+爽口的蘿蔔蓉 酸辣和清爽降低了漢堡的膩感，白味噌醬汁加入忌廉細煮 溫和的鹹香味又滿滿的細滑質感 店家的秘製醬汁 必試！*除左牛漢堡係吸睛之選，仲有其他日式丼飯可以揀*驚喜位：以為自選配料係用小碟上枱 原來會直接放在漢堡上 成為料理嘅一部份，可以自組口味*經理好貼心 我冇order飲品 佢送上一杯暖水

啱啱去完日本返嚟就想搵返嗰種味道了👅見到呢間勁新嘅日式小店希望能夠解到我單思之苦😌 又真係解到喎小店兩外都勁earth tone 好啱我呢啲成日都要calming 嘅人🤭11點幾入去我好似係第一個客人店長勁nice 咁招待又同我介紹返個菜單睇吓有咩啱我食（唔係hard sell,係好passionate 嗰種）我就梗係試吓佢個招牌招牌手打和牛漢堡蘭王蛋飯($128)配咗白味噌汁 + 芥辣酸瓜呢個配搭如果唔係店長誠意推介我都未必會試但又真係有驚喜喎和牛漢堡+ 日本米食得出一個高級漢堡好Juicy, 牛味濃, 易入口😌我平時唔食白飯㗎, 但又係敗給軟滑嘅日本米🍚選擇食材好用心白味噌汁+芥辣酸瓜蓉口感creamy, 咸道適中, 帶淡淡嘅味噌味道同和牛漢堡+飯幾夾 （我食晒全碟😗）芥辣酸瓜（我平時唔會選擇）真係酸酸甜甜, 中和到油份, 成碟飯清新咗！蘭王蛋（好療癒）第一次食蘭王蛋整體同個飯幾夾, 冇蛋腥, 不過唔覺得佢特別outstanding😂和風沙律🥗 $38唔係好大碟, 沙律菜新鮮, 個和風汁帶日式麻油味,好食自家製蜂蜜綠茶（+$5）口味偏甜, 茶味算濃, 同個飯都幾夾整體而言, 今次發