牛霸王

營業中

休息中

牛霸王（觀塘）觀塘工廠區一直都好多好嘢食，呢排發現新開咗一間日式丼飯，一於黎試下。首先要讚一下侍應叔叔服務態度一流，好親切有禮咁介紹餐牌，俾個讚！🍛手打和牛漠堡扒丼飯 $128當然要試一下佢每日限量嘅手打和牛漢堡扒丼飯。特別嘅係佢可以自選醬汁同配料，我就揀咗秘製漢堡汁同芥辣酸瓜，細食既大家仲可以揀少飯。漢堡扒大份厚肉，入邊好多肉汁，配上蘭王蛋同蘿蔔蓉等，味道豐富，口感一流，相當滿足。🍠甘栗紫薯餅（1pcs） $18.0紫薯餅都超好食，炸得好脆，入邊又好軟糯香甜，而且從保留返一定嘅紫薯粒粒口感，好推薦大家試一下。

┈┈┈┈┈┈┈┈┈┈┈┈┈┈最近熱話必定是「挽肉と米」日本過江龍和牛漢堡，但其實位於觀塘工廈中隱藏著一間日式小店，同樣主打和牛漢堡🤍。餐廳簡單以幾張木餐枱拼湊而成，配上温暖的黃燈。除了和牛漢堡外，亦提供日式定食及小食。平日下班大概7點左右到達，已經座無虛席，人氣不錯啊～┈┈┈┈┈┈┈┈┈┈┈┈┈┈ 𐂐 ⠜招牌手打和牛漢堡蘭王蛋飯 $128 (8.3/10)店內招牌🌟丼飯均有三款醬汁及兩款配菜提供，在店員的推介下試了秘製漢堡汁及芥辣酸瓜。芥辣酸瓜不攻鼻，反而是酸酸甜甜好開胃有驚喜。橙紅色的蘭王蛋相當吸引🤩，流心治癒且蛋香十足！漢堡採用澳洲和牛製作，厚厚的漢堡扒富有彈性，油脂香及肉香同時擁有🥰，配上日本米飯、蘭王蛋啖啖滿足～-𐂐 ⠜濃茄野菌燉牛肋肉飯 $88 (7.5/10)另一款試了日式定食，牛肋肉質軟腍啖啖肉，配以野菌菇及蘿蔔，營養均衡豐富。值得一提的是，紅蘿蔔🥕十分入味，好食😋。醬汁份量也不少，帶有蕃茄的清甜，相比起漢堡蛋飯會清淡一點。-𐂐 ⠜自家製蝦芝士春卷 $18 （8/10）外層薄脆的春卷皮包上蝦肉，再加入芝士，三重滋味。蝦肉味道香濃口感彈牙，就算加入芝士也沒有蓋過濃郁的蝦味👍

餐廳裝修主打日系簡約風，擺放整齊既木製桌椅同暖黃柔和既燈光，比人一種整潔舒適既感覺。聽聞呢度既手打漢堡非常出色，於是分別叫左招牌手打和牛漢堡蘭王蛋飯同手打芝士安格斯漢蘭王蛋飯。醬汁可以三選一：秘制漢堡汁/白味噌汁/咖喱汁。配料亦可以選泡菜/酸瓜。留意返，呢兩款都係每日限量供應架。招牌手打和牛漢堡蘭王蛋飯，搭配秘製漢堡汁+芥辣酸。和牛漢堡扒幾厚身，質感較軟嫩，牛肉有肉汁，唔會好乾。漢堡上面有橙紅色既蘭王蛋同蘿蔔蓉，賣相非常吸引。秘制漢堡汁，質地比較稠身。酸瓜蓉酸酸地，開胃又解膩。手打芝士安格斯漢蘭王蛋飯，搭配日式咖哩汁+日式泡菜。呢款漢堡扒質地較結實，口感會更好。牛肉味都同樣濃郁。自製蝦芝士春卷。炸得好酥脆，蝦肉彈牙，一咬D芝士就爆曬出黎🤩一口芝士。味道不過不失🤓蜂蜜綠茶同熱柚子蜜。味道正常，加$5就飲到，幾抵😆

前排去咗觀塘食咗間漢堡扒好出色嘅工廈餐廳，水準好出色，餐牌選擇貴精不貴多，一個丼飯一人食好足夠，店員亦都好nice，仲會推介嘅嘅出色菜💓._.🐂手打和牛漢堡扒丼飯(秘製漢堡汁)🐂日式泡菜日式胡麻沙律 忌廉 佢哋呢到嘅招牌手打和牛漢堡蘭王蛋丼飯，可以媲美「挽肉與米」，漢堡扒係手打製作，用上澳洲和牛，油脂香同牛嘅肉香配上日本米飯+蘭王蛋，日本米粒粒飽滿，再撈上橙黃橙紅嘅蘭王蛋，除咗視覺效果好，味道甘甜，簡直不得了咁好食，可以話係出名嘅生蛋撈飯💖有三款醬汁可揀，全部都係秘制醬汁，同漢堡扒嘅飯好夾，醬汁唔會膩，好讚👍🏻.手打芝土安格斯漢堡扒丼飯(白味噌汁)芥辣酸瓜自製蝦芝士春卷 蜂蜜綠茶 (凍)鐘意食芝士嘅我啱曬啦，見佢有芝士必點，芝士配埋一齊又係好正，而個白味噌汁好fusion同creamy，唔會好膩，好食👍🏻而蝦芝士春卷又係好好食，外脆裏面好香濃嘅蝦味，又係好讚！

想試招牌日式和牛漢堡飯，我簡左燒汁同白泡菜食唔停口，和牛漢堡口感爆汁，下次會嘗試唔同汁醬，價錢又唔太高。而豚肉飯都中規中矩，飲品選擇唔多但加錢因為冇套餐，小食可以用追加價錢

一入鋪已經覺得好有儀式感啲茶壺同啲器具全部都好靚好日式雞皮餃子考功夫要夠薄又唔爆餡唔容易肉吸收左雞皮甘香一set set定食咁出餐幾精緻食完都驚嘆漢堡扒原來可以咁好食招牌菜手打和牛漢堡蘭王蛋丼飯用咗澳洲和牛一定一定要叫秘製醬汁仲要多汁果隻蘭王蛋、蘿蔔、芥末酸瓜一層一層除咗colourful賣相好之外食落口感仲好豐富爆汁嘅和牛喔吉列唔一定豬嘅用雞製作炸漿更脆更薄但又保持到雞肉肉汁醬散發淡淡橘香又唔會搶幾值得一試順帶一提沙律用左黑白芝麻粒好香好飽滿

觀塘有很多好食的小店, 這間也是必試之一 食物 : 手打和牛漢堡扒丼飯配秘製漢堡汁 $128 - 賣相超靚, 打卡一流, 漢堡扒有肉味, 秘製漢堡扒汁好好味, 配白飯好正, 整體味道唔錯 手打芝士安格斯漢堡扒丼飯配秘製漢堡汁 $118 ~ 味道都唔錯, 但肉味跟另一個差不多 一口芝士 $18 ~ 是當天的優惠推介, 原價要$58, 味道正正常常 飲品 : 加$5 叫咗蜂蜜綠茶及柚子蜜, 味道正常 環境 : 餔頭是日式木係裝修, 座位舒服乾淨 服務 : 店員有禮貌 價錢 : HK$274 (無加一服務費)

朋友好耐無食日本野，經過觀塘一帶，就去試下招牌手打和牛漢堡蘭王丼飯配秘制漢堡汁依個好多朋友推介！話一定要試！和牛漢堡肉質鬆軟而且多汁，不會太乾。飯仲配上蘭王蛋液（我最愛）和甜甜的秘制醬汁十分開胃，真係必食的招牌菜。見兩個人食，就叫多個飯。濃茄野菌燉牛肋肉飯依個特別係茄汁鮮甜惹味，牛肋肉肉質鬆軟，不會煮得太乾，配飯超開胃。我地再試下不同小食，雞皮餃子，用雞皮包的餃子，雞皮酥脆，內裡十分彈牙，多肉汁。一口芝士絕對是新鮮現炸，炸皮脆而不硬，十分柔軟。配些濃郁芝士味，熱乎乎超好吃。芝麻雞翼香脆惹味，好正！日式牛肉薯餅，好好食依個店舖環境舒服，而且侍應超好佢哋嘅態度超好會介紹唔同嘅嘢食而且態度極度有善佢哋嘅餐牌好簡單得兩頁，但係都已經好滿足好飽！

作為一個熱愛和牛的港女，我一直在尋找極致的美味體驗。當我和老公踏進位於觀塘的「牛霸王」時，一陣肉香撲鼻而來，讓我心中充滿期待。我們點了兩款不同的漢堡套餐，首先端上桌的是日本手打和牛漢堡套餐。漢堡外脆內嫩，每一口都散發著濃鬱的和牛香氣，配上那獨特的秘製漢堡汁，讓味蕾仿佛置身於美食的天堂。搭配的日式泡菜清爽開胃，為這道料理增添了一絲酸甜的風味，讓我愛不釋手。接著，芝士安格斯漢堡套餐上桌，芝士濃厚的香氣彌漫整個餐桌。一口咬下，肉汁與奶酪交融在口中，搭配日式咖哩汁的微辣香氣，讓這款漢堡別具一格。配菜的芥辣酸瓜酸甜開胃，與漢堡相得益彰，讓味覺享受到極致。在「牛霸王」的用餐體驗讓我感受到對食材的尊重和獨到的創意。每一道料理都蘊含著廚師們的用心和熱情，讓我和老公在這裡度過了一個美好的晚上，共同品嚐到了和牛的魅力所在。「牛霸王」給予我們的不僅是飽腹的滿足，更是對美食的尊重和熱愛。我會毫不猶豫地推薦這裡給所有熱愛美食的朋友，讓大家一同沉浸在和牛美味的風採之中。

觀塘工廈出名多好嘢食。今日就嚟咗呢一間喺成業工業大廈嘅日式餐廳。裝修雖然簡單，但用色幾和諧日系，幾cozy!Menu而家用優惠價$18就可以食到小食。呢個自家製蝦芝士春卷估佢唔到都幾好食，高質！春卷皮薄薄哋一層，唔會好厚好油。入面嘅蝦滑好入味，芝士呈流心狀，配埋佢嘅辣沙律醬，真係想再食多幾舊。招牌手打和牛漢堡扒蘭王蛋飯 ($128)佢有三款醬汁選擇，分別係秘製漢堡汁、白味噌汁、日式咖喱汁。店員好親切，分別會介紹三隻味嘅特點俾客人選擇。我就揀咗秘製漢堡汁，可能係聽到秘製兩個字想試吓佢有幾特別。另外有兩款配料可以選擇，分別係日式泡菜同埋芥辣酸瓜。佢嘅賣相好靚，堆到好似山咁高，令人食指大動。最高嘅係蘭王蛋，其次係蘿蔔蓉、日式泡菜、和牛漢堡扒。蘭王蛋橙黃色，筷子插落去蛋漿即溢出，感覺新鮮。日式泡菜冇韓國嘅泡菜咁辣咁酸個和牛漢堡扒真係超正，佢外面煎到微焦，入面呈粉紅色，嫩滑而牛味濃。最後以一杯熱柚子蜜作結 ($5)

觀塘有不少特色餐廳，這是其中一家以手打漢堡扒作招徠的餐廳。餐廳裝潢簡樸柔和。首先，⭐️手打和牛漢堡扒丼飯每日限量供應，漢堡扒的質地非常嫩滑，口感極佳，頂層有一顆流心蛋，十分吸引。搭配著秘製漢堡汁和日式泡菜，給予了整道菜品豐富的風味層次。此外，搭配的白蘿蔔蓉和日式胡麻沙律更增添了清爽的口感，使整體味道更加平衡。⭐️手打芝士安格斯漢堡扒丼飯這道菜品以手打芝士安格斯漢堡扒為主角，搭配秘製漢堡汁和芥辣酸瓜，帶來了濃郁的口感和微妙的辣味。⭐️雞皮餃子外脆內軟，十分美味。⭐️柚子蜜（熱）配上一杯柚子蜜，帶來了清新的柚子香氣和微酸的口感。

牛霸王是一間以手打漢堡扒為主題的餐廳。除了環境舒服、料理精緻，殷勤的服務態度亦相當之令人印象深刻！👍🏻1.手打和牛漢堡扒丼飯以新鮮的和牛肉為主角，肉質鮮嫩，每一口都帶來了滿滿的肉汁和濃郁的牛肉香氣。芥辣酸瓜和丼飯旁的白汁味噌與漢堡扒完美融合，為整道菜增添了豐富的層次感。2.手打和牛漢堡扒丼飯安格斯牛肉的濃郁口感，再加上蛋、芝士、日式咖哩汁的點綴，美味十足！每款漢堡扒上都有一個橙黃色蘭王蛋黃！破開蛋汁流出，令整道菜的味道昇華！3.雞皮餃子必吃！外皮一咬，香脆！肉汁流出！肉質爽彈！4.芝麻雞翼皮脆肉嫩！雞翼入邊完全冇瘀血，高質！

牛霸王 (觀塘).觀塘工廈再發現一間精緻又好食嘅野，今次係漢堡扒！ 見人話可以媲美日本嘅挽肉與米，咁高嘅評價喺附近點可以唔試吓！.▪️手打和牛漢堡扒丼飯▪️.一上枱覺得擺得好靚，側邊係你可以揀嘅醬汁我呢個就揀咗漢堡汁，和牛漢堡扒食落比較有牛脂香，中間嘅小菜我揀咗日式泡菜，唔似韓國嗰啲咁重口味，最頂就係一個橙黃色蘭王蛋黃，又靚撈埋飯仲正！.▪️手打芝士安格斯漢堡扒丼飯 ▪️.安格斯漢堡扒食落肉味比較濃郁，男朋友食呢個就揀咗咖喱汁，店員好細心咁話俾我哋聽佢係有少少辣可以媲美譚仔嘅三小辣，開頭食第一啖覺得唔係好辣，食耐左就真係有少少仲要呢度嘅飯係用珍珠米，粒粒分明.▪️ 雞皮餃子•日式牛肉薯餅▪️.雞皮餃子做緊特價$18一份有兩隻，雞皮煙煙韌韌包住餃子餡另外日式牛肉薯餅，推薦大家一定要試，即叫即炸熱辣辣入面嘅薯蓉，好綿滑！.📌 牛霸王 (觀塘)觀塘成業街19-21號成業工業大廈1樓26號舖

一場來到，當然係揀店家招牌！每日限量供應及只限堂食嘅日本蘭王蛋漢堡丼飯！#肉肉控 #食肉獸 必點！兩款店家自慢嘅手打漢堡丼飯！手打漢堡丼飯🍛 頂層放有呈橙紅色嘅蘭王蛋黃，流心蛋黃一篤即破！鮮艷蛋汁流滿漢堡丼飯山！極吸引！望到已經忍唔住流口水🤤抵食度5/5！👏🏻醬汁 （3選1）： 秘製漢堡汁 / 白味噌汁 / 日式咖喱汁配料 （2選1）： 日式泡菜 / 芥辣酸瓜手打芝士安格斯漢堡蘭王蛋飯 $118手打芝士安格斯漢堡，牛味肉味濃郁，較有肉質口感秘製漢堡汁，柚子醬油燒烤汁口味，味道會較白味噌汁濃郁芥辣酸瓜，有淡淡芥辣香味但完全唔嗆辣，加埋蘿蔔蓉一齊食，清新減膩招牌手打和牛漢堡蘭王蛋飯 $118手打和牛漢堡，有牛脂香味，入口肉質軟嫩白味噌汁，入口香濃柔滑，店家以忌廉同日本味噌調配而成日式泡菜，鹹酸口味帶輕微微辣加配 自製蝦芝士春卷 +$18即叫即炸，外層炸得鬆脆，內層包裹爽滑蝦肉，中間有微微流心芝士加配 一口芝士 +$18有3件，即叫即炸，外層香脆，內層滿瀉嘅流心芝士醬加配 可口可樂 +$5加配 蜂蜜綠茶(凍) +$5_______________牛霸王 (觀塘)觀塘成業街19-21號成業工業

去親觀塘食飯，梗係搵工廠大廈上邊啲食肆搵食。今次搵咗間新舖頭開咗冇耐，專食日本丼飯。幾多牛霸王就一定係食牛，主打牛肉漢堡，有和牛或者芝心安格斯。最上層係一隻蛋黃蛋，下面有啲白蘿蔔蓉點綴一下，之後就係配菜有日本泡菜或者芥末酸瓜，芥末酸瓜就味道清新，酸酸甜甜，跟住下邊就係漢堡，我揀嘅和牛漢堡油香十足煎到啱啱好，肉質柔嫩。凡有跟醬汁我就揀咗三款之中其中一款嘅味噌白汁，係味噌加忌廉組成，味道香濃質地幼滑。將醬汁配菜同埋蛋黃蛋撈勻一齊食有想像唔到嘅效果。另外點咗一款佢哋嘅小食一口芝士，新鮮炸起外脆裏面芝士味非常之濃必食。