牛繁 (MW Plaza) (已結業)

上次在東京吃六歌仙燒肉，印象難忘，令我對日式燒肉有唔少期待。然而早前見到雜誌介紹這間日本過江龍-牛繁在香港設立分店。這家燒肉店來頭不少，在曰本不到的地方都有分店，如東京、神奈川、千葉和埼玉縣等。這家烤肉店有別於其他烤肉店。裝修現代又時尚，感覺又潮又有格。落單後店員更送上圍裙，以防弄污衣物，食完仲有衣物除味的噴霧，感覺貼心。這兒的烤肉選擇唔少，除了有牛的不同部位以外，還有澳洲和牛和黑毛和牛可供選擇。若是不愛吃牛，也可選海鮮、豬肉、雞肉等等。而且價格定位唔高，大部分都是百元以下至一百五十左右，而黑毛和牛也只是$288，比許多曰式燒肉店定價貼地一點。嚴選黑毛和牛西冷$288估唔到這兒的服務真好，自己都怕會不懂燒和牛，而店員主動幫忙把和牛燒至我想要的四成熟。這件和牛西冷扒不得了！整塊肉充滿了雪白的雪花紋，肉色嫩紅，十分吸引。烤過之後，這和牛肉脂甘香豐盈，油脂豐富，入口即溶。再配上日本空運到港的醬汁，突出了肉的鮮味，極為味美！但可能西冷是薄切的關係，口感未及牛板腱排咁有嚼感。極上厚切澳洲和牛板腱排$198（每日限量）一頭牛約只能取2公斤的板腱，認真要試試。這和牛板腱排是厚切的，口感倍增。加上油花

今日放工去試尖沙咀日本過江龍人氣燒肉店，牛繁。 餐廳大約可以坐 40人，裝修簡約。兩個人叫咗以下幾樣嘢: 霜降黑毛和牛西冷 ~ 薄切霜降和牛，燒十零廿秒就得。 幾好味不過嫌薄咗少少。極上厚切和牛腱排澳洲 m9 ~ 燒到medium rare 非常juicy。配 wasabi 最啱!和風拌飯 ~ 飯酸酸甜甜撈埋芽菜，蘿蔔絲，竹筍絲，肉碎一齊食，幾好味。 不過略嫌啲飯比較硬身。海鮮盛合(黑虎蝦，帶子，魷魚) ~ 魷魚大大隻 成隻慢燒 (最好叫侍應幫你哋燒)肉質鮮甜， 帶子虎蝦都ok，但係畀燒牛肉相對遜色。總括嚟講呢間過江龍燒肉店水準唔錯，點嘅燒肉汁係日本空運。 另外餐廳油煙味唔大，不過略嫌食物份量比較少，可能要叫多幾樣嘢先夠食。

好久沒有吃日式燒肉了。這家店是新開的。在日本聽說是走高檔路線。今次第一次在香港開店。我點了極上和牛板腱配月見汁、壺漬牛肋條、霜降牛五花、盛岡泠麵。月見汁其實只是蛋黃。牛板腱切得頗薄。放上爐燒很快便熟。調味的有黑椒、辣醬、燒汁。我每燒好一塊，便三種調味都加，一口吃下去，油脂從肉中滲出。好味！牛肋條用燒汁調味，幾厚身。但放上爐也很快熟。牛肋條較靭。要剪開慢慢咀嚼。一樣好味。牛五花一樣，薄身，一燒便熟。泠麵十分有水準。酸汁配上幾片蘋果，酸酸甜甜十分開胃。泠麵好有彈性。推介！店的裝修簡單。坐椅有點小。缺點是聞到一些煤氣味。店員不夠主動換鐵盤。但有問必答，服務還是好的。下次會再來試試其他食物。

日本過江龍燒肉🥩-尖沙咀新開既日式燒肉，價錢唔算貴，味道做得真係似足係日本燒肉，風味十足啊🤣。-壺漬牛肋條($98)一份兩條，醃得入味燒完好軟淋唔韌，不過份量唔算多😩。-特上牛胸腹肉($88)牛胸腹係燒肉必食啦，原汁原味，牛味有，口感有，而且份量多，抵食之選啦🤗。-元氣牛小排($128)估唔到肉質又幾靚，油脂多，所以燒完好夠香口，有種食緊和牛肉既感覺😯。-溫泉蛋飯🍳($48)食燒肉一定要食啲澱粉質先開心！溫泉蛋唔腥夠流心，配少少飯素，再燒塊肉，一流啊🤣。

是日經過尖沙咀，朋友好想燒肉，但你知架啦大部分都等好耐🤢咁啱見到依間新開嘅日式燒肉，可以唔洗等咁耐，所以就衝左入去試☺️成個氣氛都好wood，deco都偏工業風🧡🧡怕熱氣嘅佢都有好多前菜，沙律同湯個啲見到佢啲小菜個名全部都想試，所以叫左依個 啦！大人氣霧島溫泉蛋飯 $48依到好抵讚嘅係佢啲飯啊湯啊真係好平🧡依碗只要就有，唔夠飽都可以叫多碗🤣佢啲溫泉蛋溢開後好正啊🤡🤡🤡蔥燒鹽香牛舌 $88每次嚟食日式燒肉我一定會叫京蔥牛舌，主要食嘅就係佢嘅嫩度。今次佢用檸檬汁加入蔥花，咁就唔洗另外加啦😌好快就燒完！日式比韓式火侯勁，所以好快就熟，仲要完全保留到原汁原味！我翻左2次就熟曬！第二次加蔥就啱啦😆另一類必叫嘅就係極上牛板腱 $178，燒肉點可以唔食啖啖肉啊要keep住肉汁，最講究就係翻烤次數，黑毛豬護心肉$98佢個辣醬十分惹味！切得幾平均，燒上嚟唔會太厚！臟物三點盛 $168牛大腸牛小腸仲有牛胃，我其實唔太分得到，但燒下如果有杯酒就正！依到嘅果汁大大杯，好爽快！

前陣子去了東京，想吃燒肉的心是無法埋沒。走過尖沙咀街頭驚見有家新開的燒肉店，想都沒有想就進去了。牛繁三點盛合 $238 ，不同的部位有不同的紋理和質感。上級牛五花、特上胸腹肉和中落牛肋肉。每隻都各有特色，肉質有稔有嫩，不錯不錯。極上和牛板腱配月見汁 $178這個是相對的好吃呢！！肉質相對的軟稔，而且配月見汁後感覺整個口感更完美更飽滿呢！牛繁和牛拌飯 $68這個飯是比預期中好吃！原因是飯底是帶點微酸，可以解掉吃完燒肉的膩感。唯一美中不足是它的抽風系統不是很好呢...

牛繁在日本有多間分店，香港依家都開左，又約左肉食朋友去試試佢。佢熱會跟從日本原店做法，醬汁全由日本空運過來，但係就淨係得單點冇放題，不過都可以接受。牛繁亦都係用gas 燒烤爐，一爐一個抽風機，店內都唔算好大油煙。單點最抵食係呢個牛繁三點盛合，牛繁三點盛合有齊上級牛五花、特上胸腹肉、中落牛肋肉三款，份量menu寫每款三件，但係上碟係比三件多，三款入面我最鍾意上級牛五花，脂肪比較多，燒完有入口即溶嘅口感。特上胸腹肉亦都唔錯，可以見到脂肪比例岩岩好，唔太肥亦唔瘦。相對之下，我就覺得牛肋肉有少少失色，肉較厚較難燒，但肉味重。厚切牛和亦都好靚，厚切比簿切有口感得多，可口彈牙，肉質鮮嫩👍🏻極上和牛板腱配月見汁係成晚嘅精選，佢嘅花紋好靚，肉質新鮮，容易燒，配埋月見汁加蛋醬，個味道配合得岩岩好，係一定要點個蛋醬，第一生塊唔記得點同點左係差好遠，係味道嘅提升。壺漬牛肋條應該係同三點盛合個牛肋條差唔多，所以如果叫盛個就可以單點其他部位喇。最後呢個溫泉蛋飯係必食，只係$48， 係好好食，當你食到有少少肥膩，就食啖飯中和下，溫泉蛋飯撈埋，再加上紫菜同芝麻，又香又好味。抵到不得了。

話說個日睇本雜誌介紹呢間「牛繁」講到自己唔係好似日本敢做放題而係精選更高質既A5和牛, 打造一間高級日本燒肉店，d相仲影到鬼死咁吸引，又講有六種秘製醬料提供⋯果然，圖片只供參考😤食物👎🏻👎🏻👎🏻👎🏻👎🏻叫左個$688和牛拼盤，先講d所謂嘅A5和牛，又奀又鞋，d質感好奇怪，一舊就好瘦，一舊就成舊都係肥膏，唔掂！另外，原來果六種秘製醬料係醃肉，唔係比你點牛.....算，試埋個祕製牛肋條，睇落個樣就幾靚，但食落就GG！完全咬唔開🙄其實啲份量真係唔多，我哋完全食唔飽，但係都選擇左放棄，埋單轉埸，因為再叫只會難為自己！服務態度, 環境👎🏻👎🏻一去到，佢安排左一張拍牆嘅四人枱，位好窄又好焗，所以我哋叫佢轉去一張近門口嘅四人枱！但係嗰個經理話唔可以，因為d位已經安排好曬，但我想講，明明成個場有一半都係空既，明明我想換個張都係四人枱，點解唔得🤷🏻‍♀️🤷🏻‍♀️

牛繁喺日本連鎖放題燒肉店，朋友仔早前喺東京試過，他話抵食兼好味今次得知進駐香港，友人急不及待相約一齊去食餐廳位於尖沙咀金巴利道，地點方便蔥燒鹽香牛舌牛舌切得好薄，只需兩面輕輕燒下便可，牛舌爽囗帶少少咸味，拌入蔥花一起進食，十分惹味壺漬牛肋條原條牛肋條經過醃製後，牛味更濃郁，食落好腍，唔靭野菜盛合有多款蔬菜，粟米鮮甜多汁，尤其椰菜，又爽脆又甜，食到停唔到大家都以為錫紙包住𥚃面喺什菇，打開後發現原來喺蒜粒蒜粒表面膿膿地，好香，腍身，口感好似薯蓉，又幾得意喎柚子梳打由於餐廳暫時未有酒牌，所以只可以叫冇酒精飲品柚子味道清新解渴配燒肉好夾

這間位於尖沙咀金巴利道的＂牛繁＂好像新開不久，可能地點方便每次晚飯時段經過都爆埸，今日可以早收一於約朋友試一試😋厚切特上鹽香牛舌$138厚切牛舌相當有口感又爽口，牛舌切得厚身所以輕輕切成菊花令燒的時間可以減短，控制得宜特上霜降牛五花$148牛五花質量高，只要每邊輕輕燒幾秒就食得，牛肉非常軟熟，油脂分布平均入口即溶化極上和牛板腱 配月見汁$178這份牛板腱大大片，有少許筋位煙韌得來又軟腍，燒完馬上放入月見汁內令肉味更加昇華和滑口牛繁和風拌飯$68食燒肉拌點飯來吃更開胃😬而且這個拌飯材料豐富加上酸蘿蔔和芽菜令人胃口大增野菜盛盒$58蔬菜新鮮，用錫紙包住以為是金菇菜但原來是蒜子，啱晒重口味的我😜還用牛油一起焗，打開香噴噴烤得底下焦黃色，脆脆軟軟美味無窮👍🏻

價錢中等，不貴，不過牛吾得。叫左澳洲和牛，好似街市買個d雪牛甘，一D牛味都冇.我亦未食過牛舌甘un,咬吾爛的，服務ok,侍應會耐心講解，但見以往好多好評，我吃那些牛肉真的冇質素，d 食評都吾知真定假🙄差差差..............................差得很

最鐘意試新野嘅我，發現呢間燒肉店。見佢啲鋪面幾靚又乾淨企理，重點啲枱又唔會好迫，咪試下佢啦！入到去坐咗陣，又上網睇下有咩好食啦，發現原來間餐廳係係新開嘅，仲有喺日本都幾出名，黎咗香港開分店😍😍 日本黎得嘅，應該品質都有保證！睇下餐牌先！有哂前菜，不同種類嘅肉，又有飯類。我同朋友因為都係三心兩意，唯有點啲咩都有啲嘅試下首先黎個牛繁三點盛合分別有特上澳洲胸腹肉，上級牛五花，中落牛肋肉。個人比較鐘意胸腹肉，無咁肥，但又唔會無牛味！朋友就比較喜歡牛五花，貪佢燒完都仲有勁多油脂充滿整咗口腔！入口就溶化嘅感覺，正呀！牛呢個好滿足!另外仲點咗呢豚肉及雞肉盛盒又係有三款分別有豬五花，豬頸肉同雞脾肉以價錢黎講，呢碟就相對無咁抵，不過品質都係好嘅！食燒肉我鐘意燒到佢啲五花腩有少少焦，香脆可口，一層肉一層油脂！ 正😋間鋪仲幾細心，佢係門口放咗兩支除味劑比客人使用，不過我同朋友見無乜味，所以都無噴到！ 不過係抵讚嘅👍🏻

好耐無燒肉，今次黎到尖沙咀依間新開既燒肉店試一試。入到去我地兩個人share一個細細地既爐。雖然係細但火力好勁，所以都幾易燒lon，燒既時候緊記要留神啦！去之前，本身好怕會被啲油彈污糟自己件衫，好彩餐廳好細心，會為每人提供一件圍裙。蔥燒鹽香牛舌 $88牛舌切得算薄身，放上爐燒一陣之後加多兩滴檸檬汁同生蔥就可以夾黎食，牛舌超彈牙，加上佢一早調製既醬汁，真係就咁食都好惹味！極上牛板腱（厚切） ＄178牛板腱既肉味好濃，食落好juicy，而且質地軟熟不韌，真係食過番尋味。黑毛豬護心肉 ＄98燒肉緊係唔少得護心肉，估唔到依到既豬肉一樣有質素，點埋佢既辣醬汁就最正！大人氣霧島溫泉蛋飯 $48因為我同朋友都比較大胃，所以就叫左個飯黎填肚，48蚊黎講，一個溫泉蛋混埋啲飯素算係不過不失。臟物三點盛合 ＄168第一次食牛內臟，估唔到又幾驚喜，小腸同大腸皮薄而油脂豐富，入口口感好好嚼。不過要記得燒皮先因為油脂部分好搶火！

有日知道原來尖沙咀有間東京人氣餐廳到來，當然就同男人來試試啦，來到見到位置都空間感不少，坐下來待應好快比餐牌我地選擇食物和飲品。不少人都有叫當然不錯過啦，骨付大判牛小排來到十分漂亮吸睛，份量都幾長而肉質十分漂亮， 一燒之下油份流出，而食落去吾會好肥，有肉香又有口感，不錯，配上黃綠椒都幾好味。炭燒烏龍茶味道濃郁而夠凍, 啱晒一路食燒肉, 一路可以解渴，當然一人一杯啦。吃了牛肉當然想叫其他啦，見到豚肉及雞肉三點盛合，滿足晒我要求。豚肉微脆少少硬面好有口感，中間肉味都不錯。雞肉配上少少皮更好味， 一點都不覺肥膩。來吃燒肉都當然想吃菜，今次叫霧島溫泉蛋沙律，菜好新鮮夠脆，配上醬汁加芝士，而且仲有濃濃蛋香， 頓然開胃不少。

朋友喜歡吃食牛，當然約他都是以燒肉為主，今次去一間不少朋友都推介的店舖，入到去差不多滿座，幸好不久就有人離坐，而我們就拿起圍裙和餐牌叫食物。期待的牛繁三點盛合終於出場啦，牛肉分了三款不同部位，有五花牛味道濃而香有牛脂但燒出來後就沒只有香同微焦的牛肉味。牛肋肉口感較重，肉味都不錯，最後就是澳洲胸腹肉味道濃好軟熟，口感自有不同。來到這裡見到有飯和面食，最後選擇了飯，不久食品就來到了：牛繁和風伴飯，份量都可以而且有不同的食品混一起就可以吃， 沒想到份量都有四碗那麼多，而且竟有有淡淡的酸味，十分開胃，配上不少配菜增加口感。以$28的柚子蜜來說，份量都幾大杯，飲落去都濃柚子香而且底部仲有不是柚子添。整體價錢都合理而都質素高，下次再來吃其他不同款式的肉。