牛繁 (MW Plaza) (已結業)

又到左食牛既日子～黎到呢間日本燒肉店主打食牛的 一入去店面分成bar枱同四人枱環境十分乾淨 不會太重酒煙味我地坐左係bar枱，首先叫左三點盛盒，分別有牛五花 牛肋肉 胸腹肉就咁睇 牛既紋理都好靚肥瘦平均  肉質又十分鮮嫩不會太難咬中落食落口又有些不同 會比較有咬口食落口有豐富既牛味 好正！牛五花仲油香味十分重店員十分細心，全程都有幫我地燒仲解說邊種牛肉同埋可以點不同醬汁、鹽等等壺漬牛肋條每一件牛都沾上好多醬汁 好入味燒完之後味道更香而且不會太硬 口感特別

尖沙咀又新開左日本到港既燒肉店😍，一定一定要去試下啦！重點係睇完餐牌唔貴添，唔係任食都唔怕傷荷包！特上牛胸腹肉，只點左簡單調味，放上爐燒兩燒已經食得，就係中意食日本燒肉既原汁原味，唔洗點加調味都好好食！牛小排肉質鮮嫩，最緊要係油脂豐富，食落口感好好牛肋條用壺上都幾特別，兩大條牛肋條，肉質好靚，醃得好入味，燒完之後肉汁都係滿滿既豬肉都有點，但真係唔夠牛肉好食燒肉當然要配飯啦，呢個溫泉蛋飯係必點阿！滿滿既紫菜配上溫泉蛋，靜係撈埋黎食都自己食到一碗薯蓉都係必點，海量醬汁，口感係粒粒小薯，絕對唔係用粉開既薯蓉呢

最近搬office， 文職白領嘅我都要變身做搬運工人，慘無人道， 老細一句幫幫手，攪到我d gel甲斷左2隻返工要做鵪鶉， 唯有放工約埋同事盡訴心中情……垂頭喪氣嘅我哋 ，見到人頭湧湧嘅燒肉店，滿有新氣， 立即入去坐沾下人氣。店內裝修簡约， 最令我欣賞嘅係天花板上面呢盞燈，好潮又唔老土。餐具整整齊齊擺放喺枱面， 有強迫症嘅我十分喜歡。辛苦搵來志在食， 豪d叫左海鲜同一碟肉當happy hour(因為大家都應承咗屋企人食晚飯)先呢一個北海道甲羅燒， 蟹蓋上面擠滿了蟹膏，另加蟹柳同紫菜，賣相好豪。仲要有服務員幫你煮埋， 自我感覺良好。wow,成pet膏放入口，十分鲜甜甘香， 成口都係蟹味, delicious。繼續燒埋越南黑虎大蝦， 蝦頭啲膏好甜， 蝦肉好爽。北海道帶子上面鋪咗一啲醬汁去燒， 鹹鹹地， 帶出帶子嘅鮮味。醬燒伊比利亞黑毛豬護心肉， 燒完出嚟好似叉燒，好juicy。去完呢間熱熱鬧鬧嘅燒肉店吐心聲後， 所有冤屈悶氣已經放低曬， 聽日起身又係一條好漢， 繼續返工搵錢食好啲。

今晚好想食燒肉，同同事決定去附近新開的牛繁食晚餐。井井有條，格局分明，令人頗舒服，估唔到燒肉店的也可以咁comfortable。上級和牛里脊肉配月見汁$88薄薄的牛肉肉質嫩，唔會好韌，配合月見汁更滋味，很是滋味，nice nice。極上和牛板腱配月見汁$178牛板腱肉汁適中，勝在肉質結實，非常有牛味和嚼勁。特選豬頸肉 $58非常好食的豬頸肉，香嫩多汁，醃製入味 goodgood。兩個人邊燒邊食。夜幕低垂，歸家去。

今日去左間日本連鎖燒肉店（牛繁）食晚餐, 餐牌都有幾多款野食, 除左有主打嘅牛之外, 仲有雞, 豬, 海鮮。 兩個人叫左7份主食同1份小食。先講小食, 一打開餐牌見到有魚胃, 覺得幾特別就叫黎試下。佢呢個叫香辣魚胃, 調味係韓式辣醬, 魚胃小小煙韌幾有口感, 仲有伴碟青瓜可以中和下。牛繁嘅牛舌係叫蔥燒鹽香牛舌, 上菜時會畀碗蔥。牛舌連埋清新嘅蔥一齊係另一種享受, 鍾意食牛舌一定要叫。特選牛胃好爽口, 調味岩岩好, 無蓋過鮮味, 唔錯 熱辣辣嘅牛板腱加上新鮮嘅月見汁, 食法同壽喜燒一樣,口感非常的香嫩好食壺漬牛肋條每條大約20cm長, 好香牛肉味, 啖啖肉好味由於皮薄, 燒過嘅特選牛大/小腸就變得好香脆, 口感唔錯最後叫左碗”大人氣!霧島溫泉蛋飯”, 珍珠米配飯素再加上溫泉蛋,滑得黎又有飯素嘅味道, 好易入口總括而言, 牛繁食材品質高, 每碟份量又唔少, 係一間CP值高嘅燒肉店

一年四季都係適合烤肉既好日子，經過牛繁見到店内好熱鬧，餐牌上既肉類價錢都唔算貴，就決定試一試呢間烤肉店。橙汁既冰涼消暑，又解膩，係烤肉既良伴。推薦👍🏻極上和牛板腱配月見汁($178)之前試過打邊爐食和牛，口味一般，真係好浪費～果然和牛一定得配烤肉，牛味更濃更突出。和牛會附送月見汁。蘸上呢款醬汁後，肉類更惹味，味道進一步提升。推薦👍🏻特上霜降牛五花($148)可選鹽味/醬汁，我揀左醬汁，咁多款肉類入面我最愛呢一款，口感軟稔，好香口。無論肉質定係口味都最岩我，而且醬汁似燒肉汁，甜甜地，好好味。牛繁三點盛合($238)一次過試曬三款牛肉。豚肉及雞肉三點盛合($138)雞肉配柚子胡椒汁帶點微酸，好推薦呢款醬汁。推薦👍🏻牛骨蛋花湯($28)，係我最愛既蛋花呀！個湯一啲都唔淡，好香濃，絕對要試！

We decided to try this restaurant after friends had recommended it. Arrived on a busy Saturday, but didn’t take for us long to be seated. Immediately we noticed the high quality BBQ and realised we would be in for a treat. Multiple cuts of meat and a fantastic “rice with soft boiled egg” later and we were well satisfied. Staff were friendly and very attentive. Highly recommended, we will definitely be back.

自己一個人在尖沙咀，有時唔知食咩午餐好，幸好有朋友介紹叫我去金巴利道“牛繁”食燒肉套餐，而且仲係牛牛天地。哇～身為牛魔王嘅我，一定要出動吃過燒牛牛午餐啦～餐廳好大好整齊，係燒肉場嚟講佢哋嘅油煙味一點都唔重， 著得靚靚都唔使怕有一陣油煙味啦。每張檯上都有一個細細的烤爐，嚟到食烤肉是常識吧～午市套餐由$128起，包烤肉一份、沙律、飲品、飯同湯。我叫了元氣牛五花，明顯見到色彩鮮明，油脂比較平均，將肉放上烤爐上，肉裡本身的油份馬上迫出來，滿滿的油脂佈滿在牛肉上，相當美味。湯是凍的蛋花湯，很清爽甜。沙律我叫了大崎蟹柳，蟹柳份量十分，仲好鮮甜。白飯是用日本珍珠米，粒粒圓潤，白米很綿，飲品是炭燒烏龍茶。整體上食物質素都很高，職員服務態度有善加上效率也快，成餐飯我都很滿意，下次想起食日式烤肉時，我必定會再來。

今晚帶女朋友黎牛繁食燒肉個爐好特別，火力好強得黎又佔好小空間所以令到台面夠位擺肉抽油煙機可以拉上拉落,自己控制有黑色圍裙以防彈到衫蔥燒鹽香牛舌 $88作為牛舌粉絲既我，梗係要試下,不過都struggle左一陣叫呢個好定另一個厚切特上鹽香牛舌$138好呢個蔥係另上，impressive,燒既時侯燒正面時記住唔好放蔥住,唔係反時就跌曬架喇! 鹽醬好味，加埋蔥粒燒香左既味，一流! 極上和牛皮板腱配月見汁(蛋黃加醬油) $178牛板腱切得好大塊下，個月見汁真係第一次食,帶小小蛋味好夾，蛋汁漿住牛肉表面令入口更加滑!嚴選霜降黑毛和牛西冷 $288油花靚，同menu一樣,因為好大塊，所以店員幫我地燒同埋剪!入口油花熔化，我地自己再加左d鹽同黑椒，正呀影相up上IG打卡有半價即係$144,抵!Asahi 生啤 $68夠凍,食燒肉必備另外仲叫左豬頸肉,簡左鹽味,同埋雞腿肉,都有水準!

之前去東京旅行 已經Mark咗落自己嘅行程度要食呢間牛繁但可惜行程突然間有變動所以無奈地食唔到呢間著名燒肉店但最近竟然聽到原來佢香港開咗分店梗係狗衝去啦一坐低就即刻叫嘢食我就叫左牛繁香辣魚胃酸酸辣辣再配埋魚胃嘅口感真係送酒一流之後就叫咗葱燒鹽香牛舌牛脷燒完再加埋啲葱黎食 好正之後叫咗極上和牛牛板腱 再配月見汁個月見汁其實係蛋加一啲醬油個和牛再配埋呢個汁真係好好食之後仲要做特選牛胃呢個部位真係好好食好少會有咁嘅口感最後就叫咗個霧島溫泉蛋飯作結好滿足！

這家日本過江龍餐廳，在食物質素上存在很大的進步空間。晚上點了四道菜，每道菜都存在瑕疵。首先，厚切特上牛舌，牛舌的橫切面太大了，少了厚切的爽口、結實感。骨付牛小排，整條厚薄不一致，肥肉太多，燒的時候，要先把薄的部份和厚的部份切開，若果不是的話，薄的部份會被烤乾。而且整條肥肉太多，吃下去滿口油。牛小腸，這個沒有拍圖片，但切得太小件了，不知道廚師自己有沒有烤過，烤完之後跟尾子指甲一樣大。口感奇差。壺漬牛肋條，食物上沒問題，只是期望壺裏面會有多點醬汁。啤酒68一杯，青菜38。買單連加一要650。但是食物質素是這樣的話，有點不值。

朋友帶我嚟食，話呢間新開好想嚟試，位置都算方便，但一入門口勁大油煙味，好似有一層煙霞咁，抽風設備真係要搞好d，好彩食完d味都唔算。叫左個牛拼盤，但唔係好明，明明間餐廳係日本嚟既，唔係應該食返日本既牛咩？點解咁多澳洲牛😂，再睇返個menu，都係澳牛多過日本牛，個拼盤個人覺得最好食係胸腹肉，牛五花同牛肩板肉都唔錯，厚切牛舌同牛肉眼扒反而普通牛脷薄切好食過拼盤既厚切，值得另外點一碟牛肋條係今餐全餐最好食，有肉味又唔韌唔嚡，再加上佢本身醃個汁，無得彈。呢到因爲新開冇耐關係，雖然有酒menu，但未有酒牌未賣得酒，但可以自帶酒水唔收charge，餐廳亦有圍裙提供，避免燒肉d汁或油彈到衫，幾貼心。

今晚同朋友係尖沙咀行街街，兩個人講起牛肉垂涎三尺之際，見到呢間牛繁，兩個人撐枱腳填肚先。餐廳的裝潢簡約舒適，爐具精緻。霧島溫泉蛋飯 $48雞蛋香味四溢，飯微暖，一邊配上燒肉很是不錯。我地點左不同ge牛肉，款款都非常美味！木屐骨間牛肋肉$68:牛肉煙煙韌韌，口感彈牙，細細嘴嚼，滿口充滿香濃的牛肉香，餘香悠長。特上霜降牛五花 $148:同樣優質，牛香十足，肉質鮮美，juicy 又嫩口，醬汁搭配出色。元氣牛小排 $128:牛小排肉嫩多汁，口感細膩，香口美味。今晚一邊燒一邊談天說地，樂悠悠。

路過幾次，都見到好多人食。所以決定左朋友生日飯係依度食。點知完全係失望而回。壺漬牛肋條同雞腿肉，醃到好鹹，淨係食到鹹味。但牛小排同和牛西冷都不錯。見佢Menu 有個別肉會提供燒烤服務，於是我地叫左幾款都係依種燒烤服務。點知一黎擺低就走，完全冇問你駛唔駛幫手燒。叫佢過黎問係咪有燒烤服務，就好唔情願同你燒，期間仲要服務奇差，又話我地唔識燒呀又話點點點又講到明如果我地之後點甲羅燒，係唔會幫我地燒。但係餐牌上寫明有提供燒烤服務架喎。仲要迫我地食雞皮，又話嫌燶就唔好黎食燒肉。成餐飯就係一位戴住眼鏡既同事幫我地燒。我地成晚以禮相待，但依位同事就好冇禮貌。其他同事都好好態度，唯獨依個人真係好需要再培訓囉。同埋通風系統好差，完全見到店內煙霧瀰漫，食完係成身燒肉味...貴店以東京燒肉店自居，質素已經差人一大截，連服務都係咁，真係好趕客。恕我直言，係尖沙咀真係大把選擇，要站得穩陣腳實在要多加努力。

今晚我同朋友一齊去咗金巴利道嘅一間燒肉店食燒牛肉，入邊個環境都幾有日式燒肉店嘅風味， 真係令人好似去咗日本食燒肉嘅感覺。霧島溫泉蛋飯 $48呢一個白飯係配上咗溫泉蛋同味素，溫泉蛋流心都好勁，可以撈到一碗飯。每一啖飯都充滿蛋黃，好香，好食。極上和牛板腱配月見汁  $178每一片和牛都切得好薄身，而且個雪花紋理好靚，輕輕燒到外表熟入面仲係粉嫩色就已經食得。呢一種和牛好濃牛味，食落去好嫩滑，點埋蛋黃同豉油食， 真係另一種滋味。木屐骨間牛肋肉  $68牛肋肉粒醃料都好重，所以食落去好香口 。我將個牛肋肉外表燒到微脆，所以食落去好惹味，而且又唔會好鞋口，唔錯。蔥燒鹽香牛舌 $88牛舌都係屬於薄身嘅嗰一種，又係輕輕燒十零秒就已經食得!佢嘅牛舌包埋沾滿檸檬汁嘅蔥，食落去好清新，好特別，超級好食!特上霜降牛五花  $148咁多碟最好食係呢一碟，因為佢嘅牛五花肉質超級嫩滑，入口即溶， 完全唔需要點任何醬汁就已經食到嗰種和牛嘅味道，好好食。壺漬牛肋條 $98牛肋條嘅表面界咗十字紋，所以食落去已經有一種醃料味，幾濃味。 佢嘅牛肋條肉質都算淋， 唔會好柴， 食落去好有咬口，肥膏唔算好多，肥瘦適中。大崎蟹柳沙律