牛站(駅)麻辣火鍋放題

營業中

休息中

疫情好番啲終於可以約班朋友出嚟聚下啦，行完街見到呢間牛駅麻辣火鍋 ，就同朋友去左呢間牛駅打邊爐啦 ！入到去裝修都比較簡潔乾淨夠光猛，座位介好闊落 添，坐得舒服自然會有好心情食野啦！ 呢度有九款湯底比你選擇！我哋最後揀咗秘製麻辣火鍋同埋期間限定既冬瓜瑤柱豬骨湯底，麻辣湯底一嚟到已經聞到好香嘅麻辣味，而且辣度又夠，證明佢哋啲湯底都係好足料！ 打邊爐邊可能唔食牛吖，佢哋嘅美國肩胛肉唔會太厚亦都唔會太薄，所以唔需要淥好耐就已經食得，入口有牛味，加上足料既湯底，真係醬汁都唔洗點呀！除左牛肉仲有好多面類丸類同埋菜比你選擇，當中推介芋頭貢丸、鹹蛋黃流沙丸、仲有鴨血都一定要試吖！當然唔少得大大條蟹柳真係啖啖都係肉吖！飲品有多款冷泡茶、紙包飲品同埋啤酒、梅酒、清酒都係任飲！食咗禁多辣野，點可以唔食埋雪糕吖，我就選左朱古力mix抹茶味既雪糕，再加埋我最愛既朱古力，好滿足曬，呢間牛駅一定會有下次吖！

市面上少有正宗麻辣火鍋放題，唔係比較嗆口就唔夠麻辣唔夠香，呢間麻辣湯底真材實料，加入新鮮洋蔥、大蒜、花椒、八角、芫茜、指天椒等，辣而不嗆亦不油膩，而且每天熬制，以保持湯底的鮮度🌶🌶🌶麻辣火鍋放題亦有不同湯底選擇，不嗜辣可選擇椰子燉雞鍋，胡椒豬肚鍋、香濃蕃茄豬骨鍋、養生藥膳雞鍋、藥膳牛骨鍋、滋補豬筒骨鍋、芫茜豆腐皮蛋鍋、鴛鴦鍋😋多款特別部位的優質牛肉，澳洲和牛、包括美國牛肩胛片、美國特級牛肩胛肉眼片 🥓配料自助區亦有超過 30 款自取火鍋配料，而App 上更可任選 20 多款海鮮類及自家製菜式，💫最開心有我最愛既糍粑，入面爆滿黑糖漿，又不會太甜，非常驚喜🤤飲品有自家製健康花茶，最特別係有清酒、梅酒及啤酒，無限量任飲🍶🍻🍶🍻🍶🍻🍮甜品的選擇亦有很多，有多款雪條，仲有雪糕機可自製軟雪糕🍦晚市時段都係 $198 up有咁多選擇，個人表示好抵食💯

今日同朋友去尖沙咀行吓，最鍾意就唔去尖沙咀，又多嘢行，又多嘢買，最緊要係多美食。行到攰攰地，即刻上OpenRice睇吓附近有咩食。見到一間麻辣火鍋放題，價錢都幾公道，食物質素好似幾好，即刻去試吓。牛駅麻辣火鍋放題，地址係尖沙咀加連威老道2-6號愛賓商業大廈一樓。120分鐘任食，午餐$138，晚餐都係$198。👍另外上網預訂仲可以全單九折，呢個價錢性價比真係好高。去到舖頭裝修得好整潔，而且全部都卡位坐得好舒適。湯底都差唔多有10種選擇👍，美國肩胛肉，牛嘅脂肪分布均勻，牛肉味香濃，而且好新鮮，好適合我呢啲牛魔王，一個人都食佢10碟。雞子非常之新鮮，而且仲好大粒。味道香甜，鮮味十足。豬梅肉片肥瘦適中，爽口而肉質有彈性。蝦滑味道鮮美，爽口彈牙。基本上QR code落單，一陣就送到，完全冇拖時間。值得一讚。另外火鍋配料都有好多選擇，淨係蔬菜都有十種八種，而且全部都係好新鮮。食到咁上下仲可以出去攞甜品，甜品都有好多選擇，有雪糕有雪條，仲有糖水添。真係冇得彈。一間食物質素高，而且性價比好高嘅自助火鍋。

今日朋友放假，来到尖沙咀行街，我地兩個都係大食之人，最鐘意各種放題中午來食放題有個好處，就係人五會特別多，五使等位等甘耐，同埋羅野食既時候五逼。朋友想食辣，我就一般般，於是加錢叫左個鴛鴦鍋，一上來就聞到香，個椰子煲雞湯好清甜啊，裡面滴雞都好嫩麻辣鍋底就有花椒香，食落都五算辣，好正宗的麻辣火鍋感覺。我地叫最抵的放題，裡面的肩胛牛已經夠我地食了，肥瘦相間又五會特別肥，食落口好嫩，叫左十盤先過癮其他的菜都出色同新鮮，好似魚皮，響鈴果滴炸物就比較脆，魚皮餃果滴丸類係好食既始終食放題都係在乎距滴品種多五多，見到甘多品種就有食慾，各種甜品，各種菜，各種雪糕同小食，真係好想試曬距。特別一提，呢度既甜品好好味哦！最後，食火鍋所需的飲品都係選擇多多架，冷泡茶真係我的摯愛。關鍵係人均都係百几蚊，好抵食。

去食個午市火鍋放題，任飲任食，性價比高，牛駅麻辣火鍋放題，訂左中午12點，午市時段幾乎滿座，餐廳地方好闊落，卡位又坐得舒服一坐低第一時間更係選湯底，點咗一個鴛鴦鍋，心心念念嘅麻辣火鍋🤩見到花椒同大大隻嘅辣椒未食都已經覺得辣！味道香濃，唔會太油，辣度適中，同埋一個椰子雞煲，湯底夠晒清甜，雞肉新鮮，食落去唔會有煮到老晒嘅口感！美國肩胛肉牛肉望落去顏色都好新鮮，肥瘦適中，食落有濃郁嘅牛味，夠嫩滑火鍋配料係自己出去選，蔬菜種類好多，佢噴出嚟嘅霧氣可以令蔬菜保鮮又乾淨，麵類、丸類都有好多款可供選擇，炸魚皮、即炸芋頭、雞翼尖，西瓜，火龍果，等小食飲品有成十幾廿款，冷泡茶，果汁，汽水等等，仲有梅酒、清酒、啤酒、連黑啤都有甜品芒果布丁，朱古力木糠布丁，提拉米蘇，3.6牛乳奶，仲有雪糕，雪條等等價錢不高，可以經常來

The variety of food was great here and the serving speed was really quick. For drinks there was quite a variety including coffee, wine and different types of tea. For dessert, they have some not so common brands which were just as tasty and one of them had a cute panda appearance. Great deal overall especially if you can finish by 7:30pm.

今日約咗朋友去行街,尖沙咀又多嘢買有多美食,近排大家都喜愛咗火鍋放題,今次食到一間價錢公道,性價比又高,而且味道仲要係好好味,所以喺度推介一下,打邊爐嘅地方最重要係冷氣足夠，一踏入餐廳已經感覺到涼快嘅感覺坐得都好舒服牛駅麻辣火鍋放題 👍餐廳地方好闊落,全部卡位坐得好舒適,裝修得好光猛非常整潔,值得一讚。😀坐低首先選擇湯底,😛滋補豬筒骨鍋，豬骨有兩舊size非常大😄仲要係筒骨食到入邊嘅骨髓😍而調味料就自己出去選擇,望落去長洲都有成十種,加上有辣椒,蔥花,蒜蓉,芫茜,呢啲都係火鍋必備。打邊爐嘅配料都可以喺出面選擇,無論蔬菜同埋丸類都有好多種選擇。最特別就係有啲小食,醉雞翼尖,做得非常入味,😄另外麻辣豬脷都做得好出色。我自己就最鍾意食日本螺肉,全部都係任食，職員好細心打邊爐嘅時候會放一大支湯，可以自己加湯而飲品方便就自行出去選擇,😄最少有十幾二十種,梗有一樣啱飲👍美國肩胛肉,望落去色澤已經知道好新鮮,加上脂肪比例好均勻,入口好香濃嘅牛肉味,而且肉質仲好嫩滑,對於鍾意食牛嘅我嚟講,最少食到十碟,落單非常快落單之後2分鐘已經到齊，唔需要喺度等蟹棒味道鮮甜,仲要係好大條㖭雞子唔係周圍都有得食,味

今日約左朋友食火鍋，最後選左尖沙咀既牛駅。我地點左麻辣湯底同藥膳牛骨湯，麻辣得黎唔會有層油浮係面，而且味道好香濃。藥膳牛骨唔會太重藥材味，無遮到牛骨本身既鮮味。食物自取區選擇多，飲品櫃更加多選擇，令人花多眼亂，而且最值得一讚既係仲有提供波菜面同南瓜刀削麵，十分特別！比較多人關心既肉類方面，厚薄適中，唔會雪到硬晒，而且仲有雪花。點單上台速度好令人滿意，另外仲有無限encore既鴨血添！如果在尖沙咀想食火鍋，強烈推薦牛駅！

是日黎到尖沙咀同朋友食lunch,首選the one對面既牛駅火鍋放題，因為價錢平之餘食物質素都好好。餐廳環境舒適，坐位寬落，而且衛生都唔錯，好乾淨。火鍋湯底選擇多，最後選左推介既秒製麻辣鍋同藥膳牛骨鍋。肉類方面，試左中價既美國肉，如果中意食海鮮都只係加$28。除左放題，仲有一人一鍋定量火鍋，岩晒趕時間又想食火鍋既打工仔，最驚喜既係有羊肉片餐食物方面無令人失望，湯底夠濃夠麻辣！麻辣得黎又唔會太油！食物選擇丰富，仲有貴價既羽衣甘藍肉類無雪味又唔霉，讚

疫情緩和返好多終於可以約朋友出街行下,食下飯見下面,今日就約咗去尖沙咀行街,行咗一陣就想搵嘢食,即刻去openrice望下附近有咩食發現咗有間火鍋放題都幾吸引即刻過去試下。牛駅麻辣火鍋放題 ,加連威老道愛賓商業大廈1樓地點非常方便💯呢度晚市都係200蚊左右,120分鐘任食,任飲,性價比好高，其實食咗一個鐘已經好飽湯底都有好多種選擇,滋補豬骨鍋,豬骨真係好大件,真材實料飲品係自助形式,出面大大話話都有二十幾種選擇美國特級肩胛肉眼片,肉質非常鮮嫩加上脂肪分佈比較均勻,食落好香牛肉味,望落去色澤都好靚一睇就知道好新鮮最啱我呢啲鍾意食牛肉嘅人澳洲羊肉片,食落去一啲都唔會騷,羊肉味好香,好好味秘製豬大腸,雖然有啲肥,但係食落去好滑口完全冇so 味，食到停唔到好手打墨魚丸,墨魚味好香濃,墨丸非常爽口彈牙,正花雕酒雞翼,雞翼好香花雕酒味,好入味,而且雞肉肉質嫩滑,我自己就好鍾意食鮮蝦,size都算大隻,而且蝦好新鮮,食落好鮮甜,蝦肉好彈牙蟹棒嘅size好大,味道好好其他火鍋配料都係好新鮮,蔬菜就可以自己出去選擇,種類都好多食飽出面仲有雪糕,甜品,同埋糖水,去尖沙咀咁經濟嘅價錢就食到咁好味嘅嘢,下次一

I don’t have a hotpot buffet for a long time. Therefore, I choose to have a yum hotpot for lunch. There is a famous hotpot near my office, and the price is reasonable for lunchtime hotpot buffet section. The restaurant use QR code to order meat, and also some self-pick-up corner for food. There are many choices, beef, pork, duck blood, different kinds of meat balls, and noodles. Also, some special corners provide cold side dishes, fried food, many different desserts, ice lollipop and wine sectio

終於都可以晚市堂食喇，今日就嚟試吓呢間台式麻辣火鍋先，佢哋有三個唔同價位選擇，唔同時段亦有唔同價錢。我哋揀咗最貴嘅《特上牛小排》$298一位，呢個價錢嘅食物選擇會多小小，而牛肉嘅質素亦都會靚啲。依家讚好社交平台可享九折優惠，即係三百蚊就有找喇，以佢哋嘅食物種類同質素嚟講，好值得再嚟食😋▪️湯底 一共有九款湯底選擇，我哋就揀咗秘製麻辣鍋同蕃茄豬骨鍋，兩個湯底都有驚喜，麻辣鍋又香又麻，小辣已經好夠辣，蕃茄鍋味道亦好濃郁，根本可以唔使點豉油，超讚。▪️QR Cord落單坐低後職員會拎張QR Code嘅單俾你掃，QR Code落單有豬、羊、牛多款肉類選擇。海鮮有沙白、青口、蝦、蠔、帆立貝等等。仲有多款魚滑、蝦滑、墨魚滑、鴨血、餃類等等。我哋仲點咗鯪魚肉釀油炸鬼同紅糖糍粑兩樣都好食，入口熱辣辣脆卜卜😋🔝特上牛小排唔錯，肉質軟腍。SPF美國牛比較嚡口，但牛味會濃郁小小。▪️自助區有醬料、火鍋配料、冷盤前菜、熱葷小食。火鍋配料有多款丸類選擇，蔬菜亦新鮮乾淨。麵類有出前一丁、刀削麵、壽桃麵。冷盤前菜有麻辣豬脷、醉雞翼尖、枝豆、水果等等。🔝其中有粒哈哈笑嘅丸好可愛，原來係鹹蛋流心丸嚟😆🔝熱葷有滷肉飯、辣酒煮花

前身為日式放題店的舖位煥然一新，改成火鍋放題。選擇湯底及任食等級後，可以利用QR code點菜或直接到食物區自取。網頁上可選的食物主要是肉類，亦提供加購海鮮的選擇，海蝦也只是$20五隻。我的目標落在肩胛牛肉上，所以選吃最便宜肉的等級已非常滿足。同時，套餐亦提醒其他肉食如牛脷 豬梅片 花鵰雞翼。招牌麻辣湯由燈籠椒、花椒粒等材料調配，並加入一磚牛油以增添香氣。備有大中小三種辣度，中辣程度類似三X米線小辣，口腔麻香突出而嘴角有點灼熱。藥膳雞湯與椰子雞湯兩者之中糾結了很久，慶幸選擇了前者。椰子雞一般比較清淡，而藥膳雞的藥材配料非常豐富，甘甜的味道滲入食物內，更大開胃口。牛肩胛肥瘦恰好，夾起涮肉片仍保持完整。藥膳湯底與花鵰雞翼十分匹配，酒氣不會過濃容易入口。至於牛脷，比較薄片未能感受爽脆的口感。自助區有十數種醬料，更有花椒油及XO醬。由於湯底味道豐厚，最後也沒有沾任何醬料。響鈴點菜以一件為單位，浸麻辣湯兩秒就可以。眾多連鎖火鍋店的冷泡茶亦有供，茶底順滑。當中白桃烏龍比桂花烏龍更為出色。另一邊廂的美祿咖啡也不錯，味道意想不到能融和在一起。午市免費贈送鴨血，無限添加。燕餃蠻高質，麵皮Q彈煙韌，像是清

每逢放假必定要食返餐好，唔想lunch hour同人迫不如去任食。連日天雨關係，未見有大排長龍的情況。即使未到營業時間，職員好貼心提前安排入座。讚👍午市有定量火鍋套餐，七十幾蚊起，包雪條但不能享用自助區。而我地選擇任飲任食方案，兩小時包含酒類、自助區、前菜甜品，價錢都係$138起。我同男朋友食最平的$138餐已經食到牛肉，如果想任食海鮮都係加幾十元。牛肉片帶少少雪花，火鍋食到最尾湯底唔多油。每次用app落單一碟就等於4片，上菜好有效率幾分鐘就到，數量準確亦無漏單情況。疫情關係，幸運地安排至大枱座位。電磁爐火力均等，唔會彈湯架。職員話正有推廣優惠，like 社交平台就可免費轉鴛鴦鍋，節省$48。麻辣火鍋偏辣，小至中辣就最適合。左邊的芝士丸，右邊係鹹蛋黃丸，兩者都係甜甜地。蜂巢豆腐必然係吸麻辣湯之選，醉雞翼意想不到地入味，雞肉仲好嫩滑，而巨型蟹柳吸湯能力高。稱得上係一幅飲品牆，冷泡茶、asahi、黑啤、忌廉溝鮮奶。附近仲有清酒梅酒、咖啡機。淺嚐甜品，有焦糖奶凍同芝士脆脆。細細杯份量幾啖食哂，味道正常。自助雪櫃機就有朱古力綠茶味，推薦朱古力味濃郁又唔甜。如果帶長輩們食火鍋都有雪耳糖水架。

牛肉質素比其它牛大人，一鍋堂放題高好多，清潔衛生，送上食物速度極快，食物種類不算特别多，但合格，環境舒適，唯一扣分就係由於牛肉質素比其它火煱放題高，所以訂位十分困難。