牛站(駅)麻辣火鍋放題

營業中

休息中

今日lunch相約朋友去呢間開左無耐嘅火鍋放題試下，好彩早到，唔洗點排隊就入到，好開心。一入到去，店員勁有禮貌咁提供menu，有唔同嘅湯底選擇，我地一個鍾意食辣，另一個唔食辣，就叫左個鴛鴦湯底，滿足晒兩個人嘅願望店員仲主動問我，使唔使提供一個套，套住我掛喺張凳嘅褸，等佢唔好吸曬啲味，我即刻點頭，大讚呢度嘅服務態度好好餐廳仲好貼心，提供圍裙比食客，真係100分！有醬料區，提供好多唔同種類嘅醬料，仲有我至愛嘅xo醬，好正丫！提供好多唔同種類嘅飲品同果汁，仲有清酒添！叫咗個鴛鴦鍋，一邊係秘製麻辣鍋，另一邊係椰子雞鍋，麻辣嗰邊好開胃，又麻又辣，椰子雞嗰邊好清甜，好足料，有雞肉同椰子肉，超級推介！牛脷有驚喜，幾好食，細細片，好有咬口，唔錯牛肉肥瘦均勻，好食，唔錯！呢個係豬，幾好食，一份份量唔多，啱晒女仔食仲有好多唔同種類嘅食物，例如鴨血，魷魚，魚皮等等，任你追加！最後，緊係要食埋甜品先走啦！呢間餐廳有提供各式各樣嘅甜品，全部都好吸引，仲有唔同種類嘅雪條添，但好食到唔記得影相

我好耐冇同為食姊妹出動，今次揀咗新開的台式火鍋, 這裏新張期間有很多優惠一入門口店員服務態度親切，為食姊妹負責用QR code點食物，我就行出去望吓有咩食，排列得整整齊齊的食物，樣樣都好吸引，連醬油都有10幾款可選擇，熟食的餃子炸得好味，雞翼尖夠入味，泡菜，日本螺肉，各適其適，還有鹵肉飯，飲品還有酒精類，啱晒我個酒徒我們點了鴛鴦火鍋湯底，一邊是為食姊妹最喜愛的麻辣湯底，另一邊就揀了椰子雞，食得十分辣的為食姊妹也大讚湯底麻香辣度夠，而椰子雞滾起來已聞到陣陣椰子香味，証明用料新鮮薄薄的美國肩胛肉，色澤新鮮，雖然中間一層白色脂肪，但一點也不肥膩，只需放入湯淥幾秒，入口香滑有口感美國豬梅肉片，入口煙韌蟲草花加入椰子雞湯吸收湯精華，健康又美味响鈴，炸魚皮冰豆腐這類食物放入麻辣湯底，真是味蕾大刺激一櫃甜品供應，最後揀了我至愛的薄荷朱古力雪條，也試了甜度適中的西米露

打邊爐食到飽第二位半價仲好抵食🐷無限任食，三個鐘時間真係好耐所以真係食食到勁飽同埋可以慢慢享受😎美國牛肩胛片，每次份量都有4片，同埋好快就會送，唔會話要等好耐有30款火鍋配料、靚牛、豬肉、甜品、飲品仲有其他唔同嘅小食例如爽脆魚皮台灣鴨血等等都可以自己下單，同埋選擇夠多感覺上環境比較闊落甜品有最愛的泡夫、雪糕、雪條大量自取蔬菜🥬非常豐富特別係流心芝士丸，仲有大量自取打邊爐丸🥬仲有飲品都可以自己攞，自家製冷泡茶、低糖果汁食埋已經超級飽肚成個裝修環境都唔錯同埋價錢抵食，我同朋友之後都會再去

打邊爐食到飽第二位半價仲好抵食🐷無限任食，三個鐘時間真係好耐所以真係食食到勁飽同埋可以慢慢享受😎美國牛肩胛片，每次份量都有4片，同埋好快就會送，唔會話要等好耐有30款火鍋配料、靚牛、豬肉、甜品、飲品仲有其他唔同嘅小食例如爽脆魚皮台灣鴨血等等都可以自己下單，同埋選擇夠多感覺上環境比較闊落甜品有最愛的泡夫、雪糕、雪條大量自取蔬菜🥬非常豐富特別係流心芝士丸，仲有大量自取打邊爐丸🥬仲有飲品都可以自己攞，自家製冷泡茶、低糖果汁食埋已經超級飽肚成個裝修環境都唔錯同埋價錢抵食，我同朋友之後都會再去

前幾日行經尖沙咀見到本身係日式放題嘅位置新開左呢間火鍋放題，今日就同朋友黎試下。地理位置方便，地鐵行幾分鐘就到👍🏻最近餐廳做緊優惠，點半後入座，第二位半價午市$138~$198可以食足三小時，非常抵，仲有其他一人火鍋我地就點左美國牛肩胛片set試下先湯底我地揀左鴛鴦鍋（麻辣&椰子雞）出面有自助吧，種類選擇多，有前菜，熟食，湯品，甜品，一應俱全火鍋料都可以喺出面自選，材料新鮮👍🏻牛肉肉質比較結實，較有嚼勁，肉味頗濃食麻辣鍋一定不可缺少鴨血，呢度鴨血可任食，口感嫩滑，好味道最特別係嗰粒笑哈哈丸（鹹蛋流心丸），第一次食，味道係奶皇包咁，我幾鍾意呢樣，鍾意食奶皇包嘅朋友可試下🙈

呢日好凍！經過尖沙咀見到新開既牛駅邊爐有午市放題👅👅👀仲有新開張6大優惠 牛摩王岩晒！見到都係好多人係門口排隊 不過等左一陣就入到🤤 餐廳入面裝修好靚！入到去店員就會要簡左湯底先我地就簡左鴛鴦湯-酸菜白肉湯+清甜椰子🥥雞！要讚讚椰子雞鍋！！！個湯好甜好好飲 未開始打邊爐已經飲左兩碗 必叫呢個湯底！！！之後可以出去夾配料 仲有好多前菜同炸物簡e.g. 醉雞翼、泡菜蘿蔔、麻辣豬脷 🤤🤤超多選擇！飲品方面都絕不客氣！有多款冷泡茶之外 仲有解茶等飲品👅👅最驚喜係竟然有sake 清酒🍶可以飲🤤 即刻飲左小小 清酒味竟然好濃！講到重點 打邊爐點少得牛肉！一定要試佢地牛肉 特級肩胛肉啖啖肉 叫左好多碟🙉仲有響鈴、滑類、蟹柳都係必試 印象最深都係牛丸 好juicy !!! 必試整體來講 呢間新開真係唔錯 想打邊爐既朋友一定要試

試過lunch打邊爐未？而家打邊爐真係好方便，一個人心血來潮加上天氣寒冷警告⚠️梗係打吓邊爐暖下啦。想打邊爐🍲以前一個人嘅話就一定唔得，而家就乜嘢都有可能😆午市火鍋放題，而家做緊優惠，無限任飲任食三小時😱 十二點食到三點真係可以慢慢嘆❄️☃️💝打邊爐第一時間梗係揀湯底啦，佢嘅湯底超多選擇，有成九款咁多。有牛雜秘製麻辣鍋，呢個係佢哋嘅招牌火鍋嚟嘅，仲可以揀大中小辣添🥳滋補豬筒骨鍋，禦寒胡椒豬肚鍋，清甜椰子雞鍋，呢個都唔錯好香嘅椰子雞味，香濃蕃茄豬骨鍋，養心藥膳雞鍋，藥膳牛骨鍋，芫荽皮蛋豆腐鍋，酸菜白肉鍋，可以選擇單鍋或者鴛鴦鍋架，同埋佢嘅套餐一啲都唔貴，由$78至到$200都有。而今次我就揀咗美國牛肩胛片，套餐裏面有美國牛肩胛片，巴西牛脷托，美國豬梅肉片，花雕酒雞翼。而佢哋嘅肉片係即叫即切，所以唔會浸好多血水，非常之新鮮嫩滑，仲好有牛肉味，口感柔嫩👍🏻如果你覺得套餐唔夠呢，仲可以追加佢推介，都有好多款唔同種類嘅選擇，仲可以+$28追加星級海鮮套餐呢，食個lunch都可以唔使食Dinner😬而佢出邊嘅自選區都有好多唔同種類嘅選擇，每一個種類都繁多，有前菜，蔬菜區，麵類，熟食，甜品🍮糖水，飲品，雪

抵食邊爐，同朋友晏晝行完街見到lunch有第二位半價火鍋放題，打個邊爐都開心啦！如果想食海鮮嘅話就要加錢佢哋嘅招牌係麻辣不過由於我哋唔食辣🥲所以就冇得試啦，like 社交平台就可以有鴛鴦湯底酸菜白肉鍋同埋藥膳鍋都超好味😋豐富配料❤️肉類一開頭每樣都會上一份❤️美國特級牛肩胛肉眼片、澳洲羊肉片及美國豬梅肉牛肉牛味濃郁，可見嘅雪花紋全部都係任食可以無限慢慢享受🤣佢哋丸類選擇多，同埋感覺上都好衛生飲品都係自取，自家製冷泡茶、低糖果汁、汽水選擇比較多！同埋呢度坐得舒服，唔會話好迫❤️

尖沙嘴站📍 牛駅麻辣火鍋放題-打邊爐係冇分早、午、晚，all day beno係我最愛😻今次試下新開嘅牛駅。中午火鍋放題每位$168加一，平日任食3個鐘（12-3），級別係特選肉眼，另外要左鴛鴦鍋：牛駅秘製麻辣鍋、禦寒胡椒豬肚鍋，本身要加$48，新張期間免費💸。麻辣湯夠濃夠辣🌶🔥，胡椒豬肚湯重胡椒味，暖胃一流！舖頭名咁大個牛字一定係食牛🐮，美國特選肩胛肉眼色澤紅潤水滾落去10秒岩岩好，食落有淡淡牛味，油脂分佈均勻。美國牛肩胛肉就會實淨少少🤏牛肉得兩款，下次可以試$198，選擇會再多d。私心推薦以下配菜：響鈴脆卜卜、鴨血實淨唔易散、午餐肉有炸過、滷水大腸肥美、魚皮夠香脆。油炸鬼就淋左少少，唔得脆口。鴨血無限添加😋😋😋醬汁選擇夠多，丸類同菜類都係自助任拎，10幾款丸類同埋10幾款菜，選擇夠多，不過我就食牛為主🤣餐前小食方面，有醉雞翼尖、麻辣豬脷、泡菜蘿蔔、螺肉、中華沙律等等，仲有生果添。野飲方面都花多眼亂，仲有唧唧裝果汁（熱情果橙汁、西柚菠蘿汁、雜莓汁），我就最愛熱情果橙汁😍另外有自家沖泡茶（白桃烏龍茶、玫瑰花茶、桂花烏龍、洛神花茶），汽水同啤酒都唔少得！意想不到有清酒，冷暖任君選擇，而梅

牛駅麻辣火鍋放題之前經過尖沙咀，見到呢間新開好吸引，咁啱餐廳火鍋放題又有做優惠，好抵啊，一於去食下先午餐火鍋放題~$138任飲任食3小時，我哋揀咗麻辣小親湯底同椰子雞湯底，麻辣小辣都幾辣㗎，椰子雞湯底清甜，美國肩胛肉肉質嫩滑，牛肉味都幾重，豬肉片比較薄切，牛脷用嚟打邊爐都幾好食，魚皮都好脆，牛柏葉魷魚正正常常，麻辣火鍋點可以唔食鴨血㗎，鴨血超正，好滑，丸類都非常多款式，鹹蛋流心丸比較特別，出邊未食過，咬一啖，入邊會有少少鹹蛋黃流出來，有d似流心奶黃包咁，好食除咗汽水熱茶咖啡之外，佢哋都會有好多冷泡茶，飲咗白桃烏龍同玫瑰烏龍，兩者都好好飲，玫瑰烏龍比較出色啲，玫瑰味好香，最後緊係食返個豆腐花同埋奶凍，作為總結，仲有好多雪條可以食㗎😊呢一餐真係大滿足✌🏻❤️牛駅麻辣火鍋放題🏠：尖沙咀加連威老道2-6號愛賓商業大廈1樓102號舖☎️：31882882/31881988

呢日同朋友黎左尖沙咀新開牛駅麻辣火鍋放題餐廳現正推出抗疫優惠，點半後入座，第2位半價，好抵點了美國特級肩胛肉眼餐餐內有多款湯底選擇最後叫左鴛鴦鍋，禦寒胡椒豬肚鍋同養生藥膳雞鍋外面設有自助吧，火鍋配料選擇都不少，有丸類，蔬菜類麵類都好多款，出前一丁、刀削麵、菠菜麵甜品櫃有朱古力大福、木糠布甸、蛋糕、乳酪、豆腐花飲品區更有大量選擇，有啤酒，冰泡茶，汽水等等美國特級肩胛肉眼片，牛肉味濃郁，肉質結實牛肩胛片來得有嚼勁更有我最愛嫩滑鴨血任食，好食！環境乾淨又企理，食得舒服

朋友一早就話想食呢間，所以打算去食lunch 一早去食放題，點知一點幾已經有條小小人龍，完全唔敢想像晚市嘅情況。好抵食，最平100蚊有找，而且湯底款式多。-好貼心，提供左圍裙，咁就唔驚食野個陣彈到周圍都係同埋整污糟啲衫。👍🏻-蕃茄湯底 & 清甜椰子雞湯底用料十足，清甜椰子雞推介，清清甜甜，唔會太膩。用手機落order ， 上菜都幾快而且無來錯單，牛肉級數唔錯，唔會鞋拾拾。-出面自助夾丸嘅雪櫃好乾淨企理，丸嘅款式都好多，而且有幾款仲係有餡㗎，例如芝士牛丸，所以食嗰陣記住提埋個朋友仔咬嗰陣要小心啲呀😂而且仲有熟食區，炸餃子、炸蠔、滷肉飯…多款面類提供比大力之人，誠意十足。飲品櫃都成3個，仲有果汁🧃，小朋友都岩飲！最後仲有雪糕任拎。唔會驚唔夠飽啦

朋友話尖沙咀開左間新既邊爐放題好抵食 牛駅麻辣火鍋放題 咁今日就約埋一齊去試下佢啦😍🤩 疫情關係沒有晚市 咁佢除左火鍋放題3小時外 仲有一人一鍋定量午餐火鍋 岩哂啲想食下又食唔到太多既朋友仔 同埋一人一鍋夠哂衛生👍🏻 咁我地想試多啲野 今次就揀左火鍋放題👻 揀左美國牛肩胛片嘅套餐$138 同埋叫左鴛鴦鍋 我地就揀左 🌶牛駅秘製麻辣鍋同埋清甜椰子雞鍋🥥 揀好湯底之後再用QR code落單 再出去自助拎野食啦 淨係蔬菜類都有好多選擇啦🤩 仲要煙霧離漫好有feel😜 特別一提係竟然有羽衣甘藍同埋鹹蛋流心丸 好得意🤭 飲品方面都係好多選擇 真係好誇張 第一次見禁多選擇🤩 除左平時成日見果啲茶類 汽水 果汁 竟然佢既酒都係任飲仲要唔使加錢😱 仲要有埋梅酒同清酒🍶 喜歡飲酒既朋友真係要試下啦😌 夾下夾下都夾左唔少野食 夾完個鍋就滾😗 時間岩岩好😌 美國牛肩胛肉 巴西牛脷托 同埋美國豬梅片肉片 仲有必食鴨血 炸芋頭 響鈴 油炸鬼 手打烏冬 炸魚皮等等😬 仲有樣窩心嘅係 成日打邊爐嘅時候都驚啲麻辣會彈到件衫都係 呢間有準備埋圍裙比顧客 好細心👍🏻 打完邊爐就梗係食甜品啦😋 佢都有唔少嘅甜品種類

由於情人節禁堂食，所以唯有中午同女朋友慶生。嗌左美國極黑肩胛肉眼套餐，而且中午食嘅話，第二位仲有半價添呀！真係好抵食！特級肩胛肉，脂肪比例分布平均，食落去好重肉味，而且入口即融，千奇唔好碌太熟，如果唔係就會好鞋口架啦～另外一隻普通版肩胛肉，都幾好食，不過當然唔夠特級個隻好味啦，雪花較為無咁靚～其他配料，除左可以出去拎，仲可以手機落order，出面啲野食就大路野啦，但飲品方面，選擇就非常多，除左有冷泡茶之外，連道地茶，鴻福堂嘅特飲都有得揀添呀，中意飲清酒/梅酒嘅朋友，呢間餐廳都有提供添呀，而且係免費任fill! 而口感方面拍得住出面啲日本餐廳嘅質素，飲落去好醇，唔會覺得落太多水而溝淡左酒嘅精華！估唔到呢間餐廳，可以提供高質日本酒飲下！而麵食方面，除左手機落order嘅手打烏冬之外，出面仲有啲壽桃牌嘅刀削麵、出前一丁、菠菜麵，我就無拎到，因為食得太飽，就無胃食得呢啲啦～甜品方面，就無大牌子嘅雪糕雪條，但有即製雪糕，分別有抹茶/朱古力雪糕，叫左抹茶雪糕試下，好香抹茶味，唔會太甜，抹茶控嘅朋友一定要試吓啦！總括依然，呢間餐廳性價比高，除左價錢好抵之外（因為第二位半價），而食物嘅質素同飲品嘅選擇

食物味道: 星期日剛剛經過呢間剛開張一個多月嘅火鍋放題，門口嘅侍應向我話兩點入座第二位半價，120分鐘任吃，見到幾吸引，於是入去試吓。肉類方面，其中美國特級扁胛肉眼片就麻麻，比較韌，豬雪花肉片及美國牛肩胛片就唔錯，至於巴西雞肉片、巴西牛脷托、秘製滷金錢肚都係普普通通，而花雕酒雞翼反而有驚喜，酒味都幾香。飲品方面，牛駅自家製嘅樽裝飲品，完全冇味，我真係唔明點解佢哋會擺出嚟比客人享用！反而罐裝飲品仲多選擇，味道更好。蔬菜及肉丸方面，選擇十分多，肉丸類略嫌過分爽口，唔似真材實料，蔬菜嘅質素反而好好，爽甜及新鮮。價錢: 我選咗「美國特級肉眼」$168/位，以第二位半價，加上Like 牛駅社交平台專頁，享用鴛鴦鍋唔使額外加錢，埋單只係$290，即係每個人$145，算十分抵環境: 裝修普通，兩人卡位太狹窄了，枱面無足夠地方放食物。服務: 用手機點餐，食物上枱都好快，服務十分好回頭指數(10分滿分): 7分