牛站(駅)麻辣火鍋放題

營業中

休息中

好耐冇食任食邊爐，就捉住冬天嘅尾巴，暖一暖身，飽一飽胃！雖然疫情嚴重，但黎到都係好多人已經食緊。今次叫左藥饍湯底，鹹香加夠補！未煲到好濁之前試一試湯，呢個底無有d藥饍湯有既苦澀味，而且眼見已經有好多靚料！叫左d常食既野之後就即刻出去睇醬料同飲品，呢度嘅醬料有好多款，仲有少見嘅花椒油，配上辣醬加沙嗲一定好惹味！飲品方面都有自己出產嘅茶，但係最特別呢一定要講到有熱清酒啦！估唔到邊爐都可以咁樣酒肉一番！到食材方面，呢度有貴價而且有營養嘅羽衣甘藍同埋唔係成日食到嘅冰菜，之後就講番肉既質素，呢度嘅定位係食多種肉，價錢實惠，唔係最高級嘅牛同豬，但係質素都好唔錯！！而且呢度有特別嘅嘢叫，士林豬血糕，個人雖然唔好，但試食少少都覺得幾特別！

Happy friday可以食嘆個正午餐啦 同同事做完嘢嚟到尖沙咀 嘅呢間牛駅麻辣火鍋度打個邊爐 午市時間嚟到都幾多人 坐位非常闊落卡位坐六個都完全冇問題首先就梗係去熟食區度拎嘢食啦 有幾款唔同嘅前菜 麻辣雞翼尖最惹味 而且炆得又淋又入味仲有幾款炸物 等唔切嘅我就梗係要食幾件頂肚啦 啱曬一眾大胃王醬料區都唔少選擇打邊爐就梗係要食牛肉啦因為牛魔王嘅我點會放過呀 美國特級肩胛肉眼 呢款牛肉肥瘦適中肉質紅潤 牛肉味濃郁 而且有咬口美國牛肩胛肉 相比上面嗰款 肥肉會多一啲不過就做到入口即溶嘅效果

提提大家去這間餐廳食自助餐，要注意自己及家人的安全。近日，本人再去這間餐廳食自助餐，因之前去過，覺得唔錯，但今次再去，員工態度變差，不時將收拾的碗碟 ，發出很大的聲音，而且問員工問題，都不耐煩 和十分不友善。可能全埸爆滿，員工十分忙，但都不能這樣對待客人。當我離開時，行過通道，我跣親在地上，因為之前有員工收枱時，將湯倒了在地上，使地下十分 肥膩，而且沒有立即清潔，所以我行過時就跣倒在地上。但那個經理見我跣倒，便立即用 紙巾將湯抹走， 仲推卸責任，說我因穿波鞋，所以好容易跣倒在地上。沒有道歉，亦沒有問我有沒有受傷，之後我見她將 " 小心地滑" 的牌，放在我跣倒的位置。之後我返到屋企，我的手和脚都有 瘀傷和痛，所以我向餐廳投訴，但只回覆，對我的用餐不愉快感到很 抱歉，亦沒有問我的 傷勢。這間餐廳完全罔顧 客人安全， 只是想推卸責任和賺錢。所以我巳 black list 這間餐廳，之後不再幫襯，雖然食物唔錯，但我唔想因為食餐飯，攪到要入醫院就麻煩，因為今次好彩，只是瘀傷，下次可能冇咁好彩。

知道尖沙咀最近開咗間任食麻辣火鍋放題，就搵一日平日去試吓，訂咗2:00嘅枱但係等候入座要排長龍等到差唔多2:20先至可以入座，呢度嘅形式、價錢、食物都跟牛大人差唔多。呢度有好多餐前小食， 炸章魚丸同埋煎餃，另外亦都有清酒同梅酒嘅任飲，新張期內兩點後入座有八八折，另外可以食兩個小時同埋可以任叫鴨血。呢度嘅座位主要係卡位為主，有二人、四人同六人卡位，食物方面牛肉嘅質素都唔錯，另外可以加$28有海鮮包括蝦，蜆，墨魚仔，可惜今日就冇帆立貝，亦都有好多自助飲品，整體嚟講食物質素都唔錯，每人加埋海鮮同加一都唔使$200， 改鴛鴦鍋都唔使加錢，而甜品方面有豆腐花、芝士蛋糕同埋雪糕批，所以應該會再嚟嘅！

幾個麻甩佬食飯就最啱去打邊爐啦 加上呢間餐廳係任食就更加適合黎到尖沙咀嘅呢間新開火鍋店牛駅 係日式火鍋嘅餐廳餐廳裝修好靚 而且地方闊落 地點夠方便飲品同部分火鍋料係自取 有一支支嘅冷泡茶拎咗個玫瑰烏龍茶 玫瑰味香濃消滯解渴一流呀仲有唔少前菜同熟食可以自取 紅酒燴牛舌炆得又淋又入味美國極級肩胛肉眼 每碟只有兩片 片得好薄 淥幾秒已經食得 肉質紅潤肥瘦均勻 十分新鮮 而且牛肉味濃郁 性價比之選仲有巴西牛舌片 西班牙五花腩都係任食㗎 牛舌片非常爽口

3月28日，同靚媽諗住食呢間火煱店嘅午間放題，結果因没有預早訂位，引致望門輕嘆，乘興而來，敗興而返，所以今次4月4日嘅午餐，個張二人枱，係預早在3月31日來電此店預訂的，4月4日早上12點前我和靚媽便到達此店，正門依然堆滿攞位人潮，總之若冇預早訂位，就唔好諗住，即埸此店有位俾你，我和靚媽，進入此店後，發覺此店座位頗多，但地尚算闊落，在自助區取食物亦没有人踫人現像出現，論火煱以$138價錢來講，係物有所值，再加上有酒精飲品及長達3小時嘅任食時間，此店真係，無得輸

打邊爐嚟講，湯底好緊要。呢度有9種湯底，總有一款岩你💛食得辣嘅可揀秘制麻辣鍋，養生嘅有椰子雞/藥膳牛骨or雞煲，等等。當日我叫左午餐嘅美國特級肉眼餐，168蚊。食物方面，大路嘅肉類都有，而且質素幾好。最鐘意食個特級肉眼同豬梅肉片。肉質唔會太肥又唔會太鞋。肉味都好夠。係電腦落單外，行出去有熟食，麵類，蔬菜，飲品拎。每樣食物都好多選擇😂😂菜都有十幾廿種。有好少見嘅皇帝菜！好開心❤️每樣食物可1件1件甘嗌，甘就唔怕叫得太多，食唔晒。加28蚊就可以有多6種海鮮選擇。有海蝦，脆鯇魚片，沙白，墨魚仔，帆立貝，三文魚鰭。全部都係我鐘意嘅，不過我去嗰日就冇供應，所以冇食到，下次再試下！大家去前都可問定有冇海鮮😂

疫情冇得離開香港去旅行，唯有喺香港找尋美食😅。最近同老婆去左間火鍋放題，食野飲品的選擇都非常豐富，而且抵食，最緊要一樣野，就是所有座位及食物擺設都非常整齊，所以入到店內的第一個感覺很好👍🏻。我倆先點了禦寒胡椒豬肚鍋，之後就出去睇下有咩野食拎啦，先夾了日本炸餃子n炸章魚丸，個賣相幾好🤤，之後去夾下其他丸，腸，菜種，又要講一句，好整齊😆，之後又去左夾小吃，麻辣豬脷，日本螺肉，枝豆，醉雞翼尖👍🏻正。混醬有十幾種，我最鍾意熟蒜+醬油+蔥，絕配😆。飲品種類也非常多，除左有asahi之外，仲有somersby蘋果酒，堅正👍🏻👍🏻，拎左幾轉終於返自己位打邊爐啦🤣，點了美國等級肩胛肉眼，牛味不錯，配上胡椒豬肚鍋好夾👍🏻，最後記得提自己留肚食雪條，滿足😋

一間性價比好高嘅火鍋店。佢有定量午餐，亦有任食套餐。一場嚟到，緊係食任食套餐，試多啲野啦。我哋2人行，叫左美國特級肉眼餐。168一位湯底嚟講，佢有多款足料湯底。我地叫左清甜椰子雞煲＋ 禦寒胡椒豬肚鍋（＋48蚊）湯底好足料，一鍋可以睇到有晒椰子/雞/紅棗；豬肚/惹味胡椒。雞湯清甜滋潤，係女士恩物；胡椒豬肚非常惹味，辣辣地，非常暖身。上菜速度快，冇漏單。食肉獸一定要試下個美國特級肩甲肉眼。我覺得肉味同油脂味都剛好，肉質嫩滑。每樣食物都有幾種選擇，最驚喜係連麵都有幾種，伊麵菠菜麵，仲有出前一丁（超加分）！😂😂我仲鐘意佢環境寛敞，周圍感覺上都keep得好乾淨整齊，唔會話周圍地下痴lublub。醬油區都好乾淨，好多選擇。整體嚟講，舖頭食物質素選擇同一啲細節位都幾好，可以encore

喺屋企煮餸或者叫外賣食到冇乜新意，都唔知生活幾時可以正常返。加上近排天氣毫不留守嘅季候風，喺寒風凜冽溫度得七度嘅情況下，梗係打邊爐先夠過癮。喺尖沙咀The One shopping Mall旁邊有間定食或放題可供選擇嘅火鍋店。當然要食放題先夠過癮，有五六款牛，豬仲有最愛嘅薄牛舌任揀。美國肩胛牛肉肥瘦均勻，再放落胡椒豬肚湯底滾滾下。個湯底好濃，但又唔覺有好多味精，因為平時食到太多味精喉嚨會唔舒服。因天氣凍，我仲不停飲，醬油都唔使點。buffet table 仲有幾十款丸，菜，瓜類，油麥菜，西洋菜，娃娃菜都好爽脆。食火鍋食到㷫烚烚，最後要攞 latte ice cream bar, 朱古力脆皮，之前未見過呢個牌子，總共食左兩條 😆

牛駅麻辣火鍋放題地址：尖沙咀加連威老道2-6號愛賓商業大廈1樓102號舖最近係屋企食左好多次藥膳雞煲，好耐冇試過出面啲火鍋放題，估唔到咁有驚喜。呢間火鍋放題認真抵食，令人相當懷疑佢維唔維到本，單單湯底就有我最愛嘅養生藥膳雞鍋，仲有好多唔同嘅特別湯底，仲好足料，一上煲就閒到好濃郁嘅藥材味，超正。我地揀左美國特級肉眼set($168)，都只係百幾蚊，原來唔會expect太多，點知一黎肉眼片牛味超重，肉質爽嫩，一啲都唔肥膩，個人覺得仲拍得上donki買$2xx買嘅火鍋肉，仲可以無限點，上菜準確又快手。值得一提佢scan QR code落單，非常方便，唔洗再用tick tick紙tick。此外，其他食物種類都好豐富，花雕醉雞翼都好入味嫩口，蔬菜類都好多選擇，連丸類我最愛嘅貢丸都好好食😋甜品種類繁多，但唔係一般放題個種好睇唔好食，而係甜度size都味道都做得好好。另外覺得好有心思嘅係佢有支裝自家製嘅冷泡茶，白桃烏龍同玫瑰花茶都好飲。食到超飽，用餐時間都好充裕，等我哋可以慢慢食到飽同滿足，出嚟打邊爐又唔使自己執，而且呢度環境裝修都好日式坐得好舒服，連隔住每張枱嗰塊板都係木製印晒字好靚咁有心思，最有

餐廳裝修得好日式風格,入面環境光潔闊落💡💡💡👍🏻午市套餐有各款牛肉豬肉食🥩🍗🍖，只需要加$28就可以有埋海鮮食🦞一入座就好快上咗個湯底🥣🥣，湯底味道濃郁，一啲都唔馬虎！like  社交平台可以有鴛鴦湯底🥳，啲肉類都幾好食😋😆 就算係午市，嘢食嘅選擇都好豐富，出面自助區都好多食物種類簡！🌽🥕🥦🍅總括嚟講，午市嘅性價比極高👍🏻，湯底夠濃、食物選擇多～🍦👏🏻👏🏻

打邊爐最緊要有靚湯底、靚牛同埋麻辣！位於尖沙咀「牛駅麻辣火鍋放題」一次過滿足晒三個願望！180 個座位，夠晒寬躺！限聚令下，午市120分鐘火鍋放題，第二位半價！除咗多30幾款自取火鍋配料，牛駅麻辣火鍋放題引入多款特別部位的優質牛肉，澳洲和牛、包括美國牛肩胛片、美國特級牛肩胛肉眼片。除此之外仲可以選澳洲羊肉片及美國豬梅肉片！10幾款自取冷熱盤、4款名牌自取麵食（出前一丁、壽桃牌台式刀削麵、壽桃牌南瓜刀削麵、壽桃牌特級菠菜麵)、30款飲品（其中自家製東洛神花茶、玫瑰花茶和白桃烏龍茶)、自家製熱飲、凍熱日本清酒、梅酒，10幾款甜品，最正仲要有扭紋軟雪糕（抹茶、雙拼、朱古力）連酒都係任飲真係簡直物超所值！牛駅麻辣火鍋放題 地址:尖沙咀加連威老道2-6號愛賓商業大廈1樓102號舖 電話:3188 2882 /3188 1988營業時間: 星期一至日 12:00 - 23:00

天氣咁凍最好就係打邊爐，趁今日放假一於出去食餐好， 之前同事介紹過尼間新店火煱好抵食，午市放題都只係百多二百元，還有一人一鍋，一個人都可以打下邊爐火鍋湯底有九款選擇，樣樣都想試，最後揀了麻辣和椰子雞，麻辣辣度十足，呷一啖雞湯充滿椰子香味自助區的食物和飲品很多選擇，有熱飲有凍飲，也有自家製烏龍茶⋯等美國牛肩胛，香滑不韌，點上自己調味的醬汁，非常美味鴨血、冰豆腐、午餐肉係麻辣火鍋的好拍檔，午餐肉，鴨血加上麻辣味更惹味，冰豆腐吸收湯精華，又麻又辣、剌激非常牛丸好味牛味濃，墨汁肉丸、不是廉價貨雖然天氣凍但都忍唔住食番條咖啡雪條，不過頗嫌太甜但咖啡味香濃

前幾日真係好凍呀！！！🥶🥶🥶咁凍嘅天氣梗係要食返啲熱嘢暖一暖嗰身啦！🤤咁我朋友就帶咗我去依間新嘅放題火鍋店喇！其實我都好耐冇食過放題火鍋喇，我對放題火鍋嘅印象就係有張ticktick紙叫啲肉類，然後自己去攞自助bar枱攞少少菜食咁冇咩選擇嘅。但依間牛駅真係令我對放題火鍋改觀😍。首先，佢都有幾多湯底俾大家揀，我地揀咗藥膳湯底，如果大家想要兩個湯底，可以加$48轉鴛鴦鍋，但依家新開張，好似like佢fb就可以免費轉鴛鴦鍋，幾抵👍🏻。佢依到有得俾人揀一人鍋定放題任食咁嘅，咁我同朋友就揀咗美國特級肉眼片set✌🏻。講下佢啲牛先佢依個餐就主打美國特級肩胛肉眼嘅，就咁睇就覺得啲油花都幾靚仔，睇落都新鮮。整熟食落就覺得牛香味同肉味都幾重，都算嫩口嘅🤤🤤。唔錯！🤤不過我覺得佢嘅自助區都真係幾大，飲品又多，平時酒精類飲品多數都要加錢先有得飲，依到唔！駛！😍除咗普通啤酒外，連清酒都有，問你服唔服！另外，佢打邊爐啲配料都唔錯，佢啲貢丸好食！🤤🤤🤣每人168加一，星期一至五午餐就1200-1500可以食三個鐘，六日紅日就兩個鐘，真係抵到爛😍。員工服務態度又超好，收嘢上菜都好快手！！環境都舒服！！