牛県

營業中

休息中

中秋佳節人月團圓，据番個扒去會一會今年中秋～朋友介紹有間石燒好好味，我當然唔執輸走去試吓啦! 好在有訂位，無浮誇，真的我18:00到，五分鐘後成間🈵️座吖～👍🏻推介煙燻牛橫隔膜腹肉對於一個牛魔皇嘅我，牛橫隔膜腹肉除咗打邊爐食過外，第一次係据扒界接觸～～我想形容佢係牛腩而唔肥膩既口感～好好味，煙燻老闆話唔係經常有，今趟有口福了😋另外叫了平鐵牛扒，牛當然有牛味，件牛係250度高溫下煎了片刻～高溫可以調教個人口味，要三、五、七 well done 由自己話事～男人心癢癢想試埋個和牛～「性價比高」形容好貼切囉！有入口溶化的感覺，當然唔好同成千蚊件嗰d去比較囉～整體來說小店式經營我可以話誠意推介～

呢排突然好興食石燒牛扒，香港都越開越多石燒牛餐廳！嗰日行開荃灣，發現荃灣廣場對面享和街都開咗一間食，就同朋友諗住入去試吓！餐廳入面寫滿晒對牛不同部位嘅資料，電視亦都不停播着有關食材嘅介紹。餐牌亦都有好詳盡嘅介紹！呢度嘅牛扒唔算貴，性價比都好高，200g已經好大塊，價錢都係$100左右！我哋分別嗌左3塊200g嘅牛排，兩個跟左餐！跟餐就加$30可以揀三樣配菜或飲品！我哋分別叫咗湯、沙律、白飯同埋薯條！我哋嗰日嘅湯係雜菜湯，唔會太酸太咸，材料都好足！飯上邊加咗啲飯素，配埋啲牛扒食，可以減少份油膩感！而薯條即叫即炸，上枱嘅時候仲熱辣辣！平鐵牛扒係牛肩膀附近嘅肉，食落去嘅口感實得來有啲嫰口，肉汁好多！200g都係$88，性價比好高！另外牛側腹扒，係牛胸同埋牛腹部中間嘅肉，脂肪文路好清晰，肉味鮮甜亦都好多肉汁！最後就係小牛柳，即係外界所稱嘅肩胛小菲力。小菲力係成隻牛最鮮嫩多汁，少油少筋嘅部位。因為脂肪含量最少，所以肉質會比其他兩款實，亦都係牛味最重嘅一塊！鍾意食牛嘅人唔可以錯過！餐廳好貼心地提供左圍裙，所以食石燒牛扒嘅時候就唔擔心會彈污糟啲衫啦！

近排興起一股自己用石板燒牛既熱潮，係荃灣既內街比我發現左間隱世小店，主打石板燒牛，仲唔即刻試！餐廳個名好得意，遠睇係個牛頭😂入到店覺得幾乾淨唔會有油煙味，仲以為石燒既舖頭會好大味。而且一個人食仲有面壁位坐，唔駛同人搭枱尷尬😉小店主打五個部位既牛肉，menu 已經寫得好清楚每個部位既特徵同口感，等你可以因應自己喜好去揀。我揀左牛橫隔腹膜肉同上腰西冷兩款油脂適中既牛肉，另外再揀埋A5和牛腹，豪一豪🤤牛本身係單嗌，你可以因應食量揀200g 、300g 同400g，我覺得一般人揀209g 都夠。另外可以加$30轉套餐，可以係飯、薯條、湯、沙律同飲品五揀三。個人建議揀沙律可以中和肉既膩感🙂值得一讚呢到既配菜份量都比得好慷慨，推介粗薯條，外脆內綿🤤🤤牛排上菜時外層會煎至一成熟，其他你想幾成就自己決定啦。呢到話佢既牛經過熟成既，所以味道比起普通牛會更濃，試過先知啦😌😌牛橫隔腹膜肉呢個係牛既橫隔胸中間部位，一隻牛只切到一塊，好矜貴。肉味果然同佢講既一樣好濃，有口感得黎，肉質好柔軟，雖唔係入口即融，但一咬開，而且越嚼愈食到牛味，我覺得係三款入面最深得我心❤️❤️上腰西冷故名思義，係牛既上腰部位。脂肪較少，比

這天到荃灣找朋友，然後我們一起到荃灣西站附近的一家日式牛扒店品嚐晚餐。這裡的餐牌是簡單的，只有六款牛扒，以及5款配菜供客人選擇。六款牛扒分別是平鐵牛扒、上腰西冷、牛橫隔膜腹肉、牛側腹扒、小牛柳(肩胛小菲カ)及日本A5和牛腹。五款配菜分別是飯、薯條、湯、沙律、及飲品。決定好肉類後只需要按自己的需要決定份量，和牛每份是100g，其他的肉類每份則是200g-400g。我覺得女生的話點200g牛扒，再加3款配菜便很豐富、滿足！我這天吃了牛側腹扒，以及A5和牛腹。餐廳只是把牛扒封煎表面，所以牛扒的生熟度都是由自己決定的。由於石板的溫度很高，所以品嚐的時候，一定要動作快，不然牛扒會過熟。我覺得牛扒的味道很濃郁，大概是因為餐廳選用的牛扒是濕式熟成處理過的。我只是稍微沾一點醬汁，便覺得牛扒很美味！

話說有一次經過荃灣廣場，響廣場隔籬嘅橫街開咗一間新嘅人食牛扒餐廳，主打鐵板牛扒，由於之前未試過呢類嘅牛扒店，所以梗係要快啲捉埋女朋友去試下啦。呢間鋪頭真係小店嚟嘅，位置真係唔多，我星期六去到都已經全場滿座，同埋坐位真係窄啲。第一個驚喜就係佢嘅價錢，一塊平鐵牛扒只係收$88，講真，你去食港式豉油西餐嘅鐵板餐都唔止呢個價錢，加$30就有三種配菜亦都非常抵食。由於我哋非常肚餓，最後我哋叫咗三種牛扒。餐湯係菠菜湯，相對一般嘅麵豉湯就比較特別，但我就唔係太好呢碗湯，沙律和炸薯條就正常表現，白飯上面就沈左啲調味料同埋紫菜碎，用嚟送飯唔錯。另外我哋跟咗兩杯汽水添。主角上場喇。我哋揀咗一塊最基本嘅平鐵牛扒，意外地佢嘅肉汁係相當多，肉汁亦有相當濃嘅牛肉味，而且食落都好淋身，再配上佢哋嘅紅酒牛肉汁，真係好滿足。由於西冷比較常見，所以最後我哋揀一個唔係太常見嘅部分，就係牛橫隔膜。切落去嘅時候就已經見到有好多層肉，非常有層次，所以咬落去就更加有口感，亦都係更加之淋嘅，再配上阿根廷青醬，味道更為清新。以為呢兩件牛扒嘅質素已經很好，點知好戲在後頭，A5和牛先係重點。雖然祇有少少嘅100g，但真係入口即溶，十分爽滑

近來風行的石燒牛扒越開越多，但我就一次都未試過，每次見到FB的食評都心郁郁想試下，今次終於係荃灣新開了一間石燒店，可以一嘗心願。牛扒有不同的部位，而且可以選擇份量，有200/300/400克，另外加$30還配上飯、薯條、湯、沙律及飲品的其中三款，所以一定夠飽。西洋菜湯味道清新。沙律酸甜開胃。炸薯條新鮮炸起，十分香脆。平鐵牛扒200g以熱石上枱，表面已燒至變色，切開裏面呈鮮紅，可因應個人喜好燒至喜歡的熟度，牛扒肉質腍滑又多汁，配青醬味道較清新，紅酒汁就肉味較突出。牛橫膈膜腹肉200g，味道比平鐵濃郁，而且肉汁豐富，越咬越有味。日本A5和牛腹雪花紋理清晰，輕輕煎兩面油脂爆出，配上特製配汁及岩鹽，入口充滿油脂甘香，但肉味都不及橫膈膜。整體食物高質又不貴，絕對會再幫襯。

這是一間以濕式熟成牛為主打的餐廳，經過熟成的牛肉更有肉味及軟嫩！除了對肉質的講究外，餐牌只有六款牛肉供應，而且均以石燒的方式煎烤！食客可按食量點選牛扒份量，我和朋友根據餐牌介紹各自點了最小份的小牛柳(200g)及上腰西冷(200g)，牛扒放在高溫石板上，上桌時只有1成熟，我們各自將牛扒烤至5成熟，入口肉味濃而且軟嫩，朋友點的西冷牛扒比我點的脂肪較多，所以更香更juicy！套餐的薯條也不遜色，新鮮即炸又乾身，熱辣辣上枱，配上茄汁令人愛不釋手；另外湯是將蔬菜打蓉製成，健康又有口感，平衡返肉的膩感！店員有禮，價錢公道合理，食物質素不錯，而且地理位置又方便，可一再幫襯！

讚1. 牛好，唔會韌，有肉味，板夠熱，連配套既沙律同飯都相當出色，沙律菜新鮮，醬汁均勻，白飯仲落左唔少飯素，惹味，雖然唔係任食，但明顯地水準比同區其他石燒牛扒店好味2. 服務爽快，流暢，咁當然亦可能因為無乜人彈無乜，咁既價錢有咁既水準，無投訴

荃灣-牛県：石燒牛扒（$88-$138）-這是一間主打石燒牛扒的荃灣小店🤤！如果想$200樓下食個原汁原味的牛扒，這裡是性價比不錯的選擇👍🏻-餐牌簡單，6款不同部位的牛扒，仲有牛隻圖解。廚師先以煎封形式把牛扒肉汁鎖住，一成熟就放在高溫岩石上，用紙微微包住就呈上到食客面前，「斯烈殺辣」的聲音不絕於耳！牛扒一路切一路被熱石煮著，到生熟度合自己心意時就可放入口啦💕-和朋友試了三款肉：🐄 小牛柳（$138/200g)取自牛隻嫩肩胛部位，因其低脂高鐵，含豐富蛋白質，我就揀左佢！！這部位牛味濃，少油少筋、脂肪含量低，所以會實淨D，健康一族可揀這個！-🐄牛橫隔膜腹肉Hanger steak($128/200g)一隻牛只切一塊，是非常柔嫩的部位，呢個位係我fav，係好軟熟超嫩好多肉汁的部位！-🐄日本A5和牛腹(原價$198特價$98）特價$98/100g!！超抵呀！有9塊雪花和牛，放上熱石再睇住d油脂溶化，已經流口水！油脂香重，入口即溶，覺得這款配飯會很好吃。-淨係食肉唔夠，可以+$30轉套餐，在沙律/湯/汽水/薯條/飯中揀3樣，薯條控當然推介薯條，薯肉厚，熱辣辣，正！-PS. 醬汁可選阿根廷青醬或紅

之前都有食過同類既熱石牛係深水埗要排隊果間，個人就覺得呢間既環境服務，同埋材料方面做得好好多。 呢間店雖然開左無耐，但都幾full下環境都坐得幾舒適，點既餐可以揀飯，沙律，野飲或者湯，而我就揀左沙律，湯同埋薯條，個沙律用既菜都好新鮮，完全係做到開胃既感覺，而個湯係西洋菜湯，同中湯既好大分別，喜歡西洋菜既朋友一定都會喜歡佢牛方面就點左3份，有和牛100g，西冷200g，牛側腹200g。 圖中見到店好細心有圍裙，唔驚整到啲衫。好啦講翻個和牛先，佢只係需要燒完一陣就可以放入口，味道係好易入口，同埋係入口即溶既感覺，加上價錢真係唔貴，非常值得一試而個牛側腹個位置係無咁多脂肪，所以怕油膩既朋友可以一試，肉質鮮嫩，另外仲有叫西冷，佢係比較重脂肪比例，牛味都好重，夾雜埋啲脂肪係好夾既，個人比較喜歡西冷🤤 唔記得左講店真係好有心思，有出到醬，記得個西冷係配紅酒牛肉汁，味道係非常夾，牛側腹就係配阿根廷青醬，感覺比較清新d。

係荃灣百老匯睇完戲，行出大街就見到呢間食牛專門店圍裙， 防止食客被牛扒嘅油份彈到周身都係，唔錯又窩心嘅設計😁🌠5選3套餐 +$30🌠飯/薯條/湯/沙律/飲品🎇 西洋菜湯 🎇草綠色嘅樣貌同傳統嘅西洋菜湯有好大嘅分別， 文樂依然有淡淡嘅西洋菜味，飲落口都okay，清清地😁✨ 薯條 ✨粗薯條配茄汁，西餐嘅薯菜係不可或缺嘅， 而另上就可以保持薯條嘅脆口👍🏻一齊嚟為佢揭開神秘面紗👺🌌牛側腹扒 200g $128🌌舖頭所有嘅牛( 除咗和牛)都會煎至1-2成熟，然後就比客人自己用石板熱力煎熟至自己想食嘅熟成度牛側腹非常嫩口，肉汁豐富，帶些少彈性，可以加少許岩鹽及黑胡椒帶出牛嘅味道，入口的牛味重，肉香味甜，不錯👍🏻亦可以選擇店家嘅紅酒牛肉汁或阿根廷青醬，兩款都各有特色🎆日本A5和牛腹 $98🎆和牛一共六片砌成花的形狀， 由於和牛非常易熟， 所以店員會比一塊加熱咗嘅石板客人自己燒放落石板不足十秒， 顏色已經轉變， 將和牛放入口，軟滑的牛肉瞬間融化， 牛肉味慢慢滲出， 別有一番風味😋總括而言， 呢間專食牛嘅店舖絕對唔會令鍾意食牛嘅你失望，一來可以自己控制牛的熟成度，二來原材料質素亦唔錯，服務環境都可以👍🏻

今日出開荃灣 經過荃灣廣場 發現有間專食牛嘅餐廳作為牛魔王嘅我 梗係唔會放過啦同樣係燒牛肉 但呢到食法十分特別首先 可以選擇喜歡嘅牛肉部位再根據自己食量 揀牛肉重量 (200/300/400g) 我地就叫左牛側腹 同牛柳 餐到 四邊已經煎封左ge 牛肉 就放左喺塊熱石 透過石上面ge 熱量 再慢煮塊牛咁樣就可以食到十分嫩滑嘅牛 避免過熟之前未食過牛側腹 今次一食就愛上 牛味濃 肉質很好 牛柳當然唔使講 非常嫩滑 又林分別配上阿根廷青醬 同紅酒牛肉汁令牛味更突出食過翻尋味 我地仲叫左a5和牛一樣用熱石煎 入口即溶 真係同喺日本食嘅質素差無幾！咁嘅價錢 食到咁高質嘅牛下次一定再嚟

不久前在荃灣廣場附近發現了一間新餐廳，今晚特意約埋另一半去試新嘢😆門口有食客在等位，約15-20分鐘後，我們被安排入座！這是一間以石燒牛為主的餐廳，所售賣的牛均是濕式熟成牛，而且餐廳貴精不貴多，menu只有5個牛的部位及1款和牛可供選擇😲我們根據每個部位的特點分別點選了「小牛柳 (肩胛小菲力)」及「上腰西冷」，再加配套餐，另再單點了一份「日本A5和牛腹」🥰配餐的沙律清新開胃，薯條新鮮熱辣即炸，湯不是一般餐廳的頹例湯，是自家以蔬菜打蓉製成的濃湯，有濃濃的蔬菜味，充滿誠意😊蔬菜並沒有打得很細滑，所以很有口感及健康感😍每份牛扒上桌前只會被煎封面層，「上腰西冷」的脂肪和肉比例均勻，另一半依據自己的喜好烤至5成熟，入口肉味濃郁又juicy；而我選的「小牛柳 (肩胛小菲力)」脂肪相對較少，但肉味同樣濃郁又軟嫩，配上阿根廷青醬，十分滋味😋而單點的「日本A5和牛腹」賣相吸引，略煎過後油香四溢，入口即化，好邪惡🤤配上餐廳額外提供的wasabi及燒汁，既可中和膩感，又有另一番食感👍🏻餐廳顧及客人所需，不但提供自動研磨器具，方便客人隨意加配調味料；亦會為食客提供圍巾，以防油脂濺污衣服；更提醒食客更換較熱的石

荃灣區，係人都知多嘢食架l啦，閒日收工就約埋個朋友去逛下街，睇下有乜特別嘢食，行下行下就到了享和街，離遠見到有間舖人龍，即是人氣店啦！行過去睇睇原來是吃牛的，見條人龍都不太長，就排下食呢間，等了15分鐘就可以入坐了，一座底服務員就給餐牌我們介紹，這裡有六款牛給我們選擇，我就點了一份200g 的西冷，我朋友就點了一份小牛柳（肩胛小菲力），另外我們每人加了$30 要五選三套餐，分別有飯、沙律、薯條、湯和汽水，我推介薯條香脆又好味，很快兩份牛扒就送上，店員解說牛扒約一成熟四邊封煎，我們只需用高溫岩石按自己喜歡食的熟度再煎就可以了，我朋友點的小牛枊賣相比我的是小了一點，但絕對有200g只是我的份量比較多，兩份牛扒我們也覺得相當好味，我朋友很快就食完小牛柳，他提意叫多一份日本A5和牛腹來試一下，我見價錢特價100g 才$98，就加一份來試一下，很快賣相很靚油脂分佈平均的和牛就到了，因為和牛太快熟，所以是生上的，跜著服務員就馬上幫我們換上新的高溫岩石，我們馬上煎和牛來試，和牛兩邊一下我們就食了，和牛一放入口差不多溶化了，真是非常美味，一份超份量的西冷加上A5 和牛，今晚真是大滿足，埋單才$220

話說黎開荃灣揾朋友，就一齊去左食石燒牛扒🤤😍入到餐廳，感覺都幾舒服，唔會好勁油煙味！👍🏻➡️有六款牛，當中五款有唔同分量可以選擇，而和牛就係固定左100g。侍應好好咁介紹唔同部位有咩特別，等我地可以慢慢揀👍🏻👍🏻就算聽完唔記得，都唔怕，menu都有講哂唔同部位既特徵😉.小牛柳 $138/200g 所以牛扒都會事先煮熟到大概一成熟，再放上石板上自己燒😚小牛柳肉質好軟淋多汁，但相對上牛味會比其他部位冇咁濃。醬汁方面有紅酒牛肉汁同阿根廷青醬，每款牛扒可以配其中一種，我哋就一人一款試晒兩種口味。呢個點紅酒牛肉汁，味道啱啱好🤩.牛橫膈膜腹肉 $128/200g原來每隻牛只可以切到一塊牛橫膈膜腹肉😱牛味好香濃，食落都好軟淋，非常juicy🥰配上阿根廷青醬味道都幾青新，真係好睇個人口味，我就鍾意牛肉汁多啲😜.A5和牛 $98/100g 我地仲點左一個和牛share食👭呢個和牛真係勁好食❤️油脂分佈平均，只要稍稍張兩邊燒一燒就食得！食落入口即溶咁濟🤤仲好香，只要點少少鹽就已經好好味🥳或者配wasabi食都唔錯呀！.➡️另外我地加左$30有個五選三既套餐，又幾抵喎🤩我地同樣揀左薯條，沙律同湯。🥗沙律有秋葵同蓮