牛県

營業中

休息中

最近潮流興食鐵板牛，男友話荃灣又開左間新店牛県，主打濕式熟成石燒牛扒，平時動輒上千的熟成牛扒係呢間牛県價錢同樣平民，所以每日都吸引極多人排隊，佢已經想食好耐，就叫我陪去試下。 果晚去到7點幾，已經見到人頭湧湧，好彩等位都唔算等太耐～ 牛隔膜腹肉200g呢塊牛肉牛味超級濃郁，而且食落都好多汁，肉質可媲美高級西餐店的牛扒 牛側腹扒200g個人中意食呢個多過牛隔膜腹肉，有牛味但唔騷，口感有少少咬口得黎又唔會韌！ A5和牛100g呢度既和牛真係好抵食！只需98就有6塊A5和牛！仲平過去日式超市買呀！和牛入口即溶，感覺超幸福！ 另外我地仲加左30蚊配套餐，飯、薯條、湯、沙律、飲品可以選3款 薯條熱辣辣仲好脆，正 今日既餐湯係南瓜湯，南瓜湯好濃郁creamy 沙律都幾新鮮 呢間餐廳真係超抵食！其實本身怕d牛扒咁平肉質會晤好，點知食完真係覺得好正～下次會再黎！！

第一次嚟， 聽說好好食，便同男朋友嚟試下 。點了平鐵牛肉， 橫隔膜復肉。 平鐵牛肉 比較韌， 但牛味 濃郁 。橫隔膜腹肉脂肪多一點遠林一點， 牛肉味也足。 整體來說牛肉質量不錯 ，但調味汁 比較淡 ，應該提供海鹽及胡椒提味。

荃灣大會堂附近開左間新式石燒牛😋同事食過都話值得去放工6: 00去到仲有位，唔洗等就入座！坐低已經有嗅覺既享受，傳黎陣陳牛香味餐廳細細間，大約有30個位到位同位之間較窄，坐入面未必咁易走動去自助區拎水/調味料我地睇完 menu 就揀左1.牛橫隔膜腹肉2.牛側腹扒兩個都加$30跟餐特別一點係餐廳有today's special 但我地第一次試就無揀到。跟餐沙拉好新鮮，仲有黑醋 mix 醬油既汁好開胃餐湯好似日日唔同今次係南瓜湯，唔太濃，但有椰奶既味！戲肉就係牛🐮兩款都好好食！有肉汁又易切！值得再食

係facebook睇到有個post介紹依家新餐廳，一放假就即刻黎試試佢晚飯時間超多人，唔訂位的話，閑閑地要等一個鐘，不過為左美食都要等沙律fresh個湯用西洋菜打成，入口味道甘甘地，又幾特別~米飯口感軟綿，加上燒肉一齊食，肉汁滲曬落飯入面，非常好味!!餐廳新開張，優惠價$98 就可以食到A5和牛100g唔叫對唔住自己喇!! 油脂分佈平均，薄薄一片入口即溶超!級!好!味!另外仲叫咗牛側腹扒&上腰西冷各200g 牛側腹扒好有肉香，而且比較有咬口，西冷肉味更濃郁而且脂肪較多肉質較軟林， 兩款都各有特色，職員會將肉放上鐵板再上枱，上枱嘅時候有張紙蓋住肉，避免啲油彈到周圍都係 呢餐真係大滿足

#牛県 (荃灣)牛牛石板燒越開越多，最鐘意自己睇住啲肉肉係無火狀態下由生變自已想要既熟成，都幾好玩。呢間既石板好乾淨而且好夠熱，好快可以將厚厚既牛扒驚熟。.🌟和牛🌟.都只係💰$98 100g 有8塊 睇見啲油花🤩都流哂口水。一放落石板，滋滋聲～🎶油脂立即溶化。未係入口即溶但係入口軟綿綿，咬兩口就咬完。😳但當然係容易感到膩啦，記得點佢配既wasabi 柚子汁平衡返個油膩感。價錢方面真係好抵。#牛橫膈膜腹肉💰$128/200g 肉比較柔軟，有啲似肉眼，但比肉眼更重牛味#牛側腹扒 💰$128/200g 肉比軟實淨，紋理比較粗，所以比較有𡁻口。如果兩者相比嘅話我會比較推介💁🏻‍♀️牛橫膈膜腹肉。醬料方面有兩款✌🏻阿根廷青醬/紅酒牛肉汁兩款都比較西式，唔係太食得慣。相比下阿根廷青醬係香草🌿薄荷葉味道同肉比較夾。我自已就鐘意就咁食🥰或者一點鹽。唔夠飽嘅話可以加💰$30食飯/薯條/汽水/湯/沙律 5揀3。

早前與自稱牛魔王既好友黎到荃灣牛県試試佢地既牛🤤🤤由於我地比較大食所以叫左2個200g既set再加一個a5和牛。佢大部分牛都有得揀g數，所以無論你細食定好似我地咁大食都一定可以食得飽🤪首先，A5和牛真係好好食阿！！係個鐵板上面燒大概10秒，之後一啖食落口，溶左~~👅我同朋友最鍾意都係依款，可惜a5和牛無得揀g數，如果唔係我可能會揀1000g🤪🤪之後係心腹肉，肉質比較淋，多汁好味~~平鐵牛扒相對有口感，唔係即溶，但牛味重啲！每個set都可以揀個前菜，我地揀咗一個湯同一個沙律。個湯係西洋菜湯，唔知點解一路食鐵板牛，一路飲西洋菜湯會覺得無咁熱氣，即刻清熱咁😂😂😂應該係錯覺，不過我幾喜歡個湯👅另外仲有一個飯，一個薯條同2罐野飲，最後兩個大食積都食飽左了~~

之前睇上網見到荃灣新開左呢一間牛県係用高溫岩石上嘅牛肉 睇落好吸引咁鍾意食牛肉嘅我哋一定要黎試吓啦喺荃灣廣場隔離 都幾多車位可以泊 好就腳好遠已經見到好多人喺度等位 入到去好大浸牛肉味 淨係聞到都好肚餓見到個Menu好多選擇 仲有得解釋俾你知邊個部位好專業我哋叫咗牛側腹扒200g 牛橫膈膜腹肉200g另外仲要咗個A5和牛100g好彩我哋早黎 食食吓聽到佢哋話和牛冇晒啦仲有得跟餐揀三樣嘢 叫咗個飯 兩個湯 薯條 同埋兩個汽水個湯係南瓜湯 好有南瓜味 又唔會好稀薯條都幾好食 如果要茄汁就要去自助區嗰度自己拎首先嚟咗個和牛 見到都知道好食牛側腹扒啲肉就比較實 咬落去啖啖肉好有牛味 點嗰個阿根廷青醬好夾hanging tender係牛嘅橫膈膜 好軟林林之前都聽過呢個部位每隻牛得一條 好珍貴擺喺個岩石上面燒兩燒就即刻可以食 好好食和牛都係放喺個岩石上面燒一擺上去就睇住佢逐漸收縮 好正啊入口即溶 啲脂肪分布得好好 不愧係A5和牛店員都好細心 驚我哋彈到成身都係即刻俾咗兩條圍裙我哋 一路食一路話好好食一定會返嚟呢度食！

食肉獸朋友話想食牛肉，搵左呢間專門食日本牛肉嘅餐廳試試，舖頭裝潢同價錢都走平民路線，但食落相當高質，好有驚喜！店內提供6款石燒牛扒，價錢以重量劃分，好公道亦都啱哂唔同人嘅胃口。加多$30仲有5選3嘅套餐，有薯條/沙律/湯/飯/汽水，好豐富！湯好有誠意，有洋蔥、雜菜&肉，足料好飲！沙律新鮮，仲有秋葵薯條好好食！粗身的薯條有咬口、炸得好香脆！我地每人都叫左個200g牛扒，好足秤份量十足！牛扒喺高溫石燒上燒熱左表面少少，鎖住肉汁，之後想食幾熟都係自己決定，再配埋青醬/紅酒牛肉汁食好滋味！每款牛肉都係濕式熟成牛扒，鮮嫩多汁而有風味，所以其實可以唔點汁都好好味！平鐵牛扒：性價比最高之選！口感紮實有咬勁，但唔會太硬太靭。小牛柳：肉質好嫩，少油少筋、牛味味道濃郁。上腰西冷：脂肪比例適中，有肉口感得黎亦搭配少少油香，肉味濃郁。總括而言，呢間餐廳性價比相當高，牛肉靚，加埋套餐超抵食！想要食靚牛唔一定要好貴架

約好朋友係荃灣食飯，對比係商場入邊既連鎖店，我比較鍾意發掘一啲特色小店，今次朋友搵到呢間荃灣新開嘅鐵板牛，特色係用上熟成牛，而且佢試過性價比高，決定試一試地點係享和街，好方便，裝修亦都睇得出花過心思店員細心為牛扒蓋紙，防止佢啲油彈出嚟我選擇左橫隔膜腹肉，200g 已經覺得好大，牛味好香濃，無筋，而且鐵板夠熱外層香口朋友選擇牛側腹扒，個人覺得更淋身，而且份量亦勁多特別要讚一讚個薯條，炸得好香口，而且薯仔味好濃沙律同飯，基本上已經超級飽雖然好飽，但店員極力推薦 $98 A5，決定叫埋！基本上牛肉黎到已經無得輸，油脂分佈平均，牛油香濃，$98 真係超級值得，我同朋友都非常滿意

平日既夜晚，去依間新嘢幫襯下，當其他餐廳人流唔多時，依間竟然大排長龍，咁熱都有人等位，香港人既毅力不容忽視小店雖然坐位較小，一眼睇唒，不過環境光猛乾淨，員工都非常勤力，客人一走就即刻清潔消毒講番有咩揀先，我地叫左個cp值高既200g平鐵牛扒，200g西冷，同好抵食既A5,加左一個餐，揀左湯，chips同嘢飲Chips新鮮炸起，熱辣辣，有自助調味區，salt pepper ，茄汁自己拎依塊係平鐵牛扒，想生想熟你自己選擇，店家有提供圍裙，著白色衫既人自己圍下估佢唔到，有筋但好淋d肉，唔會咬唔開，好juicy ,cp值高，88元，抵食另一塊係西冷，同樣地肉質好淋，好juicy ,可能因為依度既做法濕式熟成牛，所以就算有筋，牛肉既濕度都鎖左喺肉入面🤔最後，食埋個A5 ，98元，非常抵食，油脂分怖好高，鐘意一咬落去爆油既口感，依個係好既選擇

最近大熱的熱石牛扒，在城中開了很多間價錢大眾化的也有很多，朋友今天帶我到這個地方吃，好好的享受牛扒大大塊口擱在超過攝氏300度的火山石上，熱辣辣，棒。全店只得6款肉可選，牛特別之位置，都是按重量標價朋友叫了牛側腹扒，加上汁味亦濃，整體口味較重，牛側腹扒軟嫩度高，入口肉汁豐富，很好吃。醬料選擇有兩款~是很特別的阿根廷青醬、紅酒牛肉汁，自行搭配想吃的食法～兩款醬汁亦非常惹味。當然，難得到來吃亦叫了日本Ａ５和牛腹～wasabi、鹽等～味道提升，Ａ５和牛腹帶油脂，吃起來更香。很好吃，一小片的和牛，望上去很肥美，入口亦香軟，肉香和油花並重，肉汁爆發。沙律賣相味道俱佳。晚市如果想加配白飯、餐湯、沙律、汽水、薯條便加 $30，選其中三樣。但是要說的是白飯很好吃～是日本米喔＊牛平鐵扒，牛扒肉質較硬，且帶牛羶味。但是很好吃，很香腍，肉味濃郁，完全一點也不嚡，卻又吃到肉的纖維質感，肉汁豐富；切開肉色紅牛潤，很新鮮。牛扒肉香出色～醬汁好吃～性價比也高～牛魔王，埋位了!

話說早兩日睇到廣告介紹呢一間餐廳，見星期一應該唔多人，所以即刻去試一試⋯但去到07:15已經有數十人門外等待⌛️⋯⋯最後等左大概35分鐘先至有位！食物方便整體也不錯，唯獨煎牛肉放上石上，燒時會不停有油彈在身上，因此，可以考慮用餐廳提供的圍巾！而其他調味料丶水也已自助形式。不過整體來說，除了派入座票的女職員服務外，整體各服務人員也很友善有禮！

難得荃灣開咗一間食牛扒既餐廳，所以同朋友預先訂好枱今晚去試一試🤤好彩有訂位，唔係真係排晒長龍，有排等先入到去😆餐廳唔算大，可容納30人左右，但尚算骨致同舒適👍一入到去就聞到陣陣牛肉香味，恨不得快快點餐食野😋😋平鐵牛扒200g$88食起黎肉質非常紥實，但又帶點嫩口既感覺，而且仲十分juicy👍難怪又被稱為「嫩肩牛扒」上腰西冷200g$118肉質好厚實，咬落去好有嚼口，而且牛味濃郁，即使唔落醬汁都十分美味😚日本A5和牛腹100g$98入口即容，非常鮮嫩，雖然望上去好似有啲肥，但食落去一啲油膩既感覺都無🤤兩個人食咗500g既牛扒都真係好飽下🙈不過間中黎食下都真係唔錯架🥰

發現荃灣區新開石燒小店，享和街唔算話太旺，不過經雜誌介紹同老公更係要去試下啦，終於星期四晚放工去，去到門口還是企滿人，等時間都較長所以盡量記得囉位派籌叫號碼。Menu 清楚容易還教大家點食石燒牛扒方法，主打食牛分唔同牛嘅部位，另外再分g數，有200g, 300g 同400g, 價錢都合理，所以吸引到好多年輕情侶。還介紹什麼叫濕式熟成牛扒添，又長智識。終於到我地入坐啦，店內較迫枱與枱無距離，但食材取勝，同老公兩個人分別叫200g的上腰西冷同平鐵牛扒，另外叫多份A5 和牛100g(因為做緊推廣優價，優惠期$98), 還可跟餐配下面有5選2樣，如白飯，汽水，薯條，salad或者湯，其中選2款，另加每樣都係$15。牛味濃石燒可保住牛肉嘅肉汁，簡單熱石連牛扒上枱，咋咋聲熱辣辣，d油會彈起，雖然他們已經用ji所以記得帶圍裙。簡單鮮菜 salad 炸薯條熱辣辣外脆薯味濃南瓜湯比較稀同淡。反而我鐘意呢碗飲，好有飯味夠鬆軟加埋少許飯素少少味，配和牛非常好味，油香滲落白飯！ 上腰西冷條邊最甘香又嚼頭我鐘意食喎。和牛油脂均勻但算油膩不過同白飯同食好似和牛壽司咁，好得好好味，超滿足！

覓食團又出動，今日黎到openrice 好出名既牛肉店，7點黎到已經門口排緊隊，睇定有咩食，主要都係岩石燒牛。入到去已經聽到石板既滋滋聲，香味四散，點左3款牛，平鐵牛扒、牛側腹扒同埋半價中既A5和牛！特登兩款牛叫200g 唔太飽可以食100g 既和牛，再加多兩套5選3，分別有飯、湯、沙律、薯條同埋飲品。飲品都係罐裝汽水，薯條新鮮熱辣脆卜卜，沙律都幾大份，湯應該係南瓜湯？飲落去有啲啲辣。飯上面就加左啲日式紫菜碎送飯。冇耐第一款牛側腹扒就送到，岩石板真係唔係講笑，一路都keep 到塊板超熱，上既時候大概係1~2成熟，自己再按喜好煎到5~6成熟就切開黎食，牛味濃郁，點埋個青醬會清新少少，但本身牛扒都有調味，不妨兩種食法都試下。之後黎既係平鐵牛扒，整得比較厚身，冇咁易過熟，食落去比較淋，我個人比較鍾意呢款平鐵牛扒多啲。最後出場既係A5和牛！！！一隻碟係未熟過既和牛，再另比一塊燒熱左既岩石板自己燒，和牛黎講因為唔係牛扒個種厚度，所以每邊燒好短時間就可以食，入口即溶，係正宗和牛！半價食到實在太抵玩，$98 建議點都加黎食下！温馨提示：石板煎牛扒因為有油既關係會彈油出黎，餐廳有圍裙供應，穿上身擋住就