牛県

營業中

休息中

今日係21-12-2019.我和女友去食牛県。這呢個地方都唔難搵。店鋪，大約可以坐到，100人度。門口和里面店裝修同都相當有特色。如果鍾意食牛嘅人，一定會留意見到。我們由有店員幫我哋點餐。我地有兩個牛扒。食嘅環境都唔錯唔會太嘈，而且坐嘅位置分相當舒服。最啱情侶去拍拖。我牛扒韭常之新鮮，同埋好香。肉汁多好嫩。前菜有柚子好特別。我女友最喜歡吃牛。佢覺得呢一間鋪頭值得推介。兩個人價錢都相當合理。下次再吃過。真美味正。

已經係第二次黎幫襯，第一近公司，收工行過去唔洗15分鐘。第二性價比高，百五蚊可以成個餐！每次黎都有新野，今次就有羽下牛扒，又真係幾好食喎！佢係結合左牛橫隔膜腹肉既肥美，牛側腹扒既牛味同小牛柳既腍腍地既口感！有種綜合既感覺，味道相當唔錯😋😋😋平鐵牛排🥩必叫！因為性價比好高！200g都係$88！🤩肉質係有嚼口得黎又帶點鮮嫩！但記得唔好煮得太熟，會失去牛排既肉汁！我地每人加咗$30就可以有野飲，有沙律🥗、薯條🍟、湯🥣、或飯！平均每人都係$150埋單，但就份量十足，抵食👍☺️

今晚黎左荃灣呢間超人氣石燒牛扒店, 佢嘅評價好高, 大多有讚冇彈餐牌主要有 6 款牛扒部位選擇, 價錢以 200g, 300g 同 400g 做單位, 可以加 $30 轉套餐, 喺飯 / 薯條 / 湯 / 沙律 / 飲品中 5 揀3餐牌以外嘅仲有 Today’s Special上菜時會用張紙遮蓋住, 以免 D 油濺出, 非常貼心牛橫隔膜腹肉 200g每隻牛只有一塊肉可以用黎做牛橫隔膜腹肉, 所以比較稀有｡ 餐廳會先以封煎方式將牛扒嘅肉汁封住, 然後將 1 成生熟度嘅牛扒放喺石板上, 最後客人可按自己喜好繼續燒到想要嘅生熟度｡ 呢款肉口感鮮嫰, 而且又有咬勁, 肉味相當濃郁羽下牛扒200g屬於牛肩胛中最軟嫩嘅部位, 油花分布均勻, 由於細筋較少, 所以口感比起牛橫隔膜腹肉更加柔嫩, 更加淋身, 呢個部位非常值得推介有兩款醬汁可以揀: 紅酒牛肉汁 & 阿根廷青醬套餐嘅飯上面會有飯素 薯條係即炸, 跟埋茄汁、粗鹽 & 黑椒薯仔沙律配希臘Yogurt南瓜湯夠 Creamy, 南瓜味濃郁

行開荃灣見到一間食牛專門店，有得自己親手燒，自己控制幾熟，就去試下！Menu上有多種唔同部位可揀！揀左牛後就再五選三套餐。有飯、湯、薯條、沙律同飲品羽下牛扒200g $158一來到係有張紙，驚你彈到周圍都係油，有幾貼心！期間限定，肉質較軟，牛味好濃，食落去好juicy，食落去帶少少脂肪同油香。158食到咁有質素的牛扒真係好抵食！小牛柳200g $138肉味好重，較少脂肪，食落有嚼勁，200g都好夠了。依款性價比都好高。除了本身香濃的牛味，仲有红酒汁、青醬可調味，為牛肉帶黎不同味道。值得一提，個鐵板好夠熱！食完都係keep住熱的。性價比高的牛店 。

‪8pm黎到都仲有不少食客在等位！在這牛県最主要是吃這六款不同部位的牛肉，店員耐心介紹。Meun提供唔同牛既部位比客人選擇，有不同重量200g/300g/400g可選，都只是3百元內，真心平民價！‬‪+$30做套餐，飯、薯條、湯、沙律同飲品中五揀三。‬‪配牛扒的特撰醬汁有兩款，分別為阿限廷青醬充滿羅勒香/紅酒牛肉汁。‬‪羽下牛扒$158‬‪Today’s Special is 羽下牛扒，部位係牛肩胛中嘅嫩肉，油花分佈均勻，肉質軟嫩而且肉味較香濃.‬‪牛側腹扒$128‬
‪香得嚟油脂充足，切開可以見到有好多肉汁，肉質軟腍。‪牛扒上的時候有牛油紙蓋著，避被油彈到，夠窩心!‬‪另外，上桌時只有一兩成熟，廚師只烤了外圍，可依照自己喜好，透過石板熱力再燒熟。‬

食牛扒除左可以去高級扒房，同港式既懷舊鐵板餐外，仲有多一個選擇，日式石燒牛扒！有餐牌一一介紹唔同嘅牛部位，其相對肉味，油份同口感等等。揀左一隻牛先得一塊既牛横隔膜腹肉，同埋menu上無但係侍應推介既心腹膜肉。先黎薯仔沙律，加左啲煙肉碎吊一吊味。本身係牛肉清湯，可以俾我地upgrade做當日既精選魚湯。奶白色既魚湯味道鮮甜，唔腥，仲無乜油，亦到清一清個口準備迎接我哋嘅主菜。牛心腹膜肉，200g牛横隔膜腹肉，200g師傅先將牛扒用煎風嘅方法將肉汁鎖住，再放上超高溫既岩石上面，用一張紙輕輕擒住就送出嚟。一切落塊牛扒度就知到係rare既狀態👍🏻由於友人不能食太生，我地切晒再煎封每一面。每款牛配左一款汁，紅酒牛肉汁同阿根廷青，兩款醬都將牛肉帶到另一個層次🤤不過說到尾，兩塊牛扒係靚野，所以我多數都唔點醬食。個人喜歡off menu既心腹膜肉多啲，牛味雖然無橫隔膜腹肉咁濃，但係肉較嫩，脂肪比例較平均。配上有飯素既白飯同薯條，最後再gur多罐可樂，好滿足🤩下次要再黎🤤

牛県喺荃灣嘅享和街，舖仔細細，但裡面滿滿是享用石燒牛扒的人！整個店都充斥著"Ja Ja'聲和煎牛扒的香氣！牛扒有不同的部位選擇，同時可選擇 200g / 300g / 400g 份量。加$30仲可以有沙律、湯、飯、薯條、汽水，五選三！汽水：凍涼的，食煎炸嘢啱晒！沙律：菜葉新鮮爽脆，很不錯的！飯：有加入飯素，格外惹味！薯條：厚切的薯條，新鮮炸起，超正！湯：熱辣辣的磨菇清湯！醬汁有兩款可以選：紅酒牛肉汁：提升了肉的香味，帶一點點的酒甜！阿根廷青醬：異國風情，配牛扒勁Fresh！牛扒上菜時，會有一張牛油紙，防止彈油！牛扒上菜時只有約一成熟，可按個人喜好於高溫岩石上烹調！牛橫隔膜腹肉（200g）$138非常特別的部位，牛味超濃郁，，口感軟諗，而且勁Juicy，正到爆炸！羽下牛扒（200g）$158店員推介的是日Special，餐牌上是沒有的。比起牛橫隔膜腹肉更為軟腍多汁，是牛的頸脊位置，推介！

係荃灣都能夠食到日式石燒牛啦，這間餐廳不算很大，而餐牌上就只有幾款牛肉種類可以揀，而套餐除了有牛肉，還可在飯、薯條、湯、沙律和汽水當中揀三款。小牛柳，這裡的石燒牛會在牛上面舖上廚房紙，防止油彈到，而且也有提供圍裙俾我們著上。小牛柳沒有太多的脂肪，所以食落不會太油膩，牛肉味都幾濃。200g都幾大份，配上附有的牛肉汁一齊食更加惹味!牛橫隔膜腹肉，這款牛因為帶有少許油脂，令肉質較鬆軟，牛肉味濃郁。不用點上醬汁也已經很好吃，把牛煎至5成熟是牛肉最鬆軟的。沙律、白飯，套餐的沙律是薯仔沙律，沙律上有少許煙肉碎，味道幾香濃。而白飯上有飯素，而且是珍珠米，更有日本餐廳的感覺。薯條，這裡的薯條是粗薯條，外脆內軟，點上附有的茄汁味道更惹味!能夠而這麼便宜的價錢食到優質的牛肉，實在太滿足了!

荃灣最近開咗間《牛県》食石燒牛扒。本身勁鍾意食牛排，所以就入去試吓。我揀左today's special - 嫩滑腹心肉，而朋友就揀左牛側腹扒，套餐仲可以加30蚊，加配飯，湯，沙津，薯條，飲品，我地就揀左可樂，飯，薯條＆牛肉清湯啦！餐廳仲有自助區，有水，茄汁同埋岩鹽可以提供。首先就係薯條上枱，係粗薯條嚟嘅，啱啱炸起，外脆內軟，作為飯前小食一流。另外牛肉清湯都幾好飲，食完牛扒再飲就剛剛好可以清膩啦！牛排終於上枱，職員話廚師只係煎到一成熟，我地可以切開小件，跟住慢慢將牛扒用石燒板煎到自己想要嘅生熟程度，首先試下我地腹心肉先，職員話腹心肉係近膊頭位附近嘅肉，所以好嫩好好味，一試，好香牛味，好juicy，仲真係好嫩，而朋友嘅牛側腹，比腹心肉更重牛味，但都好juicy，都真係唔差，仲有要介紹下個飯，白飯面有紫菜同芝麻碎，食入口非常香，配埋牛肉一齊食，超美味。

實力派石燒牛店@荃灣依間牛扒專門店價錢貼地，有唔同部位嘅牛肉，有哂圖咁介紹詳細。Upgrade 做套餐之後，喺飯、薯條、湯、沙律同飲品中五揀三。沙律爽甜新鮮，至於燉牛清湯都幾香牛肉味，好飲喎。喺橫隔膜中間切出嚟嘅 Hanger Steak 非常珍貴，每隻牛只得一塊！依個位嘅肉味濃郁，牛味好重，而且肉質 tender。牛肉原本係得一成熟，依照自己喜好，透過石板熱力再燒熟。燒嗰陣石板滋滋聲，有得食又好玩～牛側腹扒係長條狀，喺牛胸同牛腹之間嘅。依個部位肉味都出，油香仲比較 Hanger Steak 豐富。香得嚟油脂唔會過多，切開可以見到有好多肉汁，肉質軟腍。選咗兩款特製醬汁，無論係紅酒牛肉汁定係阿根廷青醬都好夾。薯條係遲啲先上嘅，因為係新鮮滾熱辣整㗎，粗厚嘅薯條唔止脆，而且真係有薯仔味呢。羽下牛扒係 Today’s Special 嘅特別部位，係牛肩胛中嘅嫩肉。佢嘅油花分佈均勻，好似羽毛咁散落喺牛肉之中。依件羽下牛扒集合哂三大特點，首先油脂香好豐潤，其次係肉質軟嫩，最後就係濃濃嘅牛味！侍應幫我換咗塊新石板燒牛扒，確保品嚐到羽下牛扒嘅原味原汁，服務專業。

上個星期六黎到呢間新開左冇耐的日本熱石熟成牛扒專門店鋸扒。餐廳坐位唔算多，大概可以客納32人。晚上7:00黎食出面都有唔少人排隊等位，但如果訂左位的話，就可以按時入去食喇~-呢度有唔同牛部位選擇，師傅亦會根據客人要幾成熟，而調製石板燒既溫度。鐵板牛上桌時，會先用白紙遮蓋，防止油濺出；仲備有圍裙，服務體貼。-1⃣ 牛側腹扒200g 💰128 （👅: 7.8/10）好細嫩既側腹紋路，肉質較有嚼勁，烤香味濃，肉味鮮甜又有油香，配以清新阿根廷青醬會較合適。-2⃣ 腹心肉200g 💰138（👅: 8.4/10）當日精選既牛腹心肉較側腹薄身，肉質比起側腹較為嫰滑，而且牛味較香濃，油脂分布平均。個人認為唔點醬都好入味，但配上阿根廷青醬，口感會格外清新。-🔻加💰30 可享五選三套餐有薯條，飯，湯，沙律和飲品選擇。我地嗌左薯條、飯、和兩杯飲品。薯條香脆，冇乜油膩感，飯上有一些飯素，不至單調。-✨溫馨提示：上桌時，牛肉燒得好厲害，建議蓋一陣先好拎開白紙，以免油濺起。

一向自譽為牛魔王既我，聽到朋友推薦荃灣有間食石板牛既鋪頭，當然要去一探究竟啦。個日同友人去到只係6點，人唔算多，入到去職員好熱心介紹可以選擇6個部位既牛肉，甘樣就令到唔熟牛既友人都有個基本概念想試d咩部位啦。我就簡左膈膜腹肉，另一個餐就聽從職員介紹試一試新出既海鮮拼盆。牛肉方面，入口軟硬適中，牛味勁濃，放上鐵板煎一煎之後，沾上鹽，帶出肉本身的牛香味。海鮮方面，個人推薦拼盤內的大蝦和帶子，大蝦本身搽左牛油，煎完食落係好香之餘又食到蝦本身的鮮甜味。帶子煎香後配上廚師特制既青醬，無敵！

今日係全港的大日子，好多人都和我一樣，即使要排隊仍要投下神聖一票。完成重要使命之後，便和死擋一起去吃石燒牛肉。餐廳是位於荃灣享和街，人氣非常旺盛。 呢度有數款牛的不同部位可供選擇，份量可以選100g、200或300 g。我們點了一份200g 的牛腹心肉和一份200g牛側腹肉，另外加選了可樂、沙律和例湯。 沙律菜非常爽脆，特別的是上面加了蝦乾，所以食落很香口。 例湯是牛肉清湯，原汁原味的牛肉湯很好飲。 兩份石燒牛肉同時出場，右手邊的是腹心牛肉，而左手邊的是牛側腹，送到來時，牛肉是預先燒成一成熟，熱氣騰騰的。然後讓我們按個人喜好，再加燒至滿意熟成度。比較上，腹心肉較腍身一點，而側腹肉就較結實一點。食落兩款肉都很有肉味，而且充滿肉汁。 餐廳更提供兩款特製醬汁，一款是紅酒牛肉汁，另一款是阿根廷青醬。兩款醬汁食落都跟牛肉好夾。如果唔點這兩個醬汁，客人亦可簡簡單單加些海鹽、黑胡椒來吃，味道一樣是極佳。 所以，如果要去吃石燒牛肉，我們肯定會投這間餐廳神聖一票。 

朋友好牛，放工來了牛県吃飯，餐廳地方不太大，很有日本小店的感覺！ 餐廳提供不同部位的牛肉，客人可按自己口味選不同的部位和份量。另外，餐廳提供餐牌介紹不同部位的口感、味道，非常細心。👍🏻我們選了牛橫膈膜腹肉(200G)套餐 配日本飯、麵豉湯和汽水，牛扒上桌時只有一成熟，客人可按自己口味控制熟度。牛味非常濃郁、肉質嫩滑。🤤另外點了新推出的海鮮餐配薯條🍟和汽水。非常驚喜，海鮮餐份量很大，有三隻大蝦、三隻帶子及大大件三文魚。海鮮配上阿根廷青醬口感及味道都很不錯。 非常滿足。😋

男朋友最中意食牛，知道荃灣開左間新既食牛專門店緊係要同佢黎試下啦！原來係熟成牛黎！上次試過乾式熟成牛讚不絕口，今次就試濕式熟成牛🐮一共有九款唔同嘅牛可以揀，主要係唔同部位另外仲有埋介紹每一個部位嘅特色添~跟還既沙律同薯條🍟薯條熱辣辣新鮮炸起，仲要係好好食既粗薯🤩個湯好似係日日都唔同既，我地今日呢個清清地，冇記錯係用小小牛內臟煲，內臟味唔會太出，都幾特別連醬汁都好有心機嫁！有個係羅勒整成既，香草味比較重，兩個醬岩晒唔同口味既人重頭戲黎喇！🐮《牛橫膈膜腹肉》$138每隻牛都淨係可以切到一舊，極珍貴！牛味濃而且肉質軟腍又多肉汁💯非常推薦《牛側腹扒》$128相對上比較有咬口，脂肪同肉嘅比例比較明顯，口感上都有比較強嘅對比用鐵板可以自己輕微調教生熟度，如果鐵板唔夠熱仲可以叫店員換過塊新嘅最鍾意就係有飯素既飯，連白飯都係粒粒分明，有日本米既口感！絕對唔馬虎嫁