牛極 (好順利大廈) (已結業)

今日lunch去咗元朗雞地搵野食, 經過 聞到香噴噴, 一於入去食啦🤤除咗可以視乎個人喜好揀邊款肉, 仲可以視乎個人食量揀肉要幾多gram👍🏾任食自助區 (沙律、湯、飯同醬汁)牛肩排180G ($80)牛柳200G ($110)CP值非常高, 兩款都好食, 牛味重, 而且牛肉厚度十足😍要煮到自己鐘意嘅生熟程度都好容易👍🏾牛肉本身靚所以都好juicy餐廳好貼心, 準備咗即棄圍裙比客人使用 (環保問題, 雖然即棄唔太好, 但我覺得客人有需要先使用, 其實都ok既)

我個人嚟講真係超級喜愛食牛扒 更可以話係半個牛扒專家哈哈今日嚟到元朗雞地呢邊新開嘅日式火山石牛扒店牛極晚餐時間嚟到人都唔太多 唔使等位不過枱櫈有啲 狹窄如果滿座就應該冇坐得咁舒服啦跟住門口有部自動販賣機可以喺度點餐然後就將 張飛交畀店員餐廳嘅白飯同埋椰菜沙律同埋麵豉湯 都係自助形式叫咗個牛肩扒80蚊就已經有180 gram超級抵食上菜時 牛肩扒大約只有一成熟全靠底下嘅嗰塊超過300度嘅火山石板再將牛扒煮至自己口味嘅生熟度 我就知道大約五成 唔會韌而且肉味濃郁 在可以加上天然喜馬拉雅山海鹽或者香草更加提升味道 以咁嘅價錢咁嘅質素嚟講 我敢講好過絕大部分嘅平價扒房 好食

元朗牛極石板牛牛🐮🐮🐮🐮🐮牛牛人生既朋友話食雞地附近lee 間佢話食過又飽又正!係shopping 前緊係要醫飽個肚仔啦✌🏻日系既自比錢用機點餐👆🏻前菜任食！沙律大大盤任食～熱辣辣飯加紫菜🤤朋友食左兩碗黎送牛肉🤣醬汁都有好多種！柚子汁同麻醬係食沙律必備🤤蔬菜新鮮！仲有車厘茄😻重有每張檯都重有玫瑰鹽-胡椒-bbq steak 香料！自己味道自己控制👅👅牛牛先係主角！所謂牛有牛味🤣牛肩排（180G)-脂肪相對多d ! 入口有綿花感覺！牛柳（200G)-最嫩位置就係食牛柳😍 肉質口感！同牛肩感覺唔同係滑得黎有咬口d 我就鍾意食生d 輕輕反轉兩邊就食得！ Juicy 得黎面頭脆脆😍幾成熟自己簡！ 飽肚精選！cp 值高

前幾日去左行山 由青山灣出發經傳說中既千島湖再去到大棠既時候 都已經係4點幾5點 由於太肚餓既關係 一於就直入元朗 去一間新開但擴張得好快既石燒牛店-牛極一上枱既都係一成熟 再按自己口味放係熱石上燒至不同既成熟程度 我地叫左一個牛肩肉同一個亂切 牛肩肉肉汁豐富 燒至3-5成熟就岩岩好亂切就係由3個唔同部位亂切一通 一個價錢試到3種唔同部位 但由於亂切牛肉size較細 一放上熱石既時候已經開始煮熟 容易出現overcook 情況但整體表演都十分之好 價錢又平 一定會再黎幫襯

今次我哋跟上潮流，入到元朗食而家好流行嘅石燒牛，一到店，就有部自動購票機，自己點餐，部機有晒所有牛扒嘅圖片同價錢，一目了然👍🏻店員帶你入坐，又點好餐，當然就係等食啦，等食期間，我就去咗自助吧度睇下，包括有沙律 ,新鮮爽脆 配埋柚子醋特別醒胃，湯(每期唔同), 白飯，水，同不同嘅醬料免費自助添食。今次我哋就揀咗180g牛肩扒同200g牛柳，店舖首先將塊牛預先燒到一成熟左右，放喺石燒板上拎到我哋面前，仲好貼心咁樣有廚房紙巾遮住，唔洗啲油彈到我哋🥰，我哋再按自己喜好將牛扒燒熟，呢個時候店員就行埋黎提點我哋將個牛扒反一反或者切開再燒，好窩心。我就鍾意食熟啲小小，個人喜好我鍾意食牛柳多D，我覺得牛柳再Juice啲，牛味更香,牛肩扒都好味鮮嫩，有韌性咬口，我地有配搭海鹽黑胡椒黎食，好好味。呢間真係可以一解想食石燒牛之引👍🏻👍🏻👍🏻

我對上一次同朋友食另一間石燒牛，覺得咁樣一大舊肉，然後沙律、湯、白飯任裝呢個模式係幾唔錯，所以今次想物色下同類型o既餐廳，第日多個選擇。呢間o既價位同之前o個間差唔多啦，都係會有一款肉特別平用o黎宣傳，然後一般200g o既牛肉就$110-130 左右。肺炎之下，入去食o野之前要探體溫，見餐廳用o左d 膠板間開座位；如果好似我咁坐埋一人面壁位，就更加安心啦！餐廳提供澳洲、美國同日本多個來源地o既牛肉，選擇多多。上檯時店家只係輕輕咁辣過塊扒外面，只有一成熟，其餘就係家食自己操作去搞，讓平時唔識煮飯o既我過足煮飯仔o既癮，呢樣都係我想食呢d 石燒肉o既原因之一！我點o既呢款係o黎自美國o既牛柳($110/200g)，係厚身o既一舊。切落會feel 到佢肉質扎實、纖維度高，食落有咬口。本身除o左幾片蒜片就未經調味，正好俾我發揮一下小創意，瀋d 黑椒、加d 鹽晶係粉紅色o既鹽花，調製到o岩自己口味為止。除此之外，出面沙律bar o個度都有d 現成醬汁。呢度o既湯係面豉湯，個人覺得比較稍為鹹o左少少。沙律係椰菜絲沙律，厭胡麻醬實在太普通的話，可以試下倒d 柚子醬，又一番風味。白飯可以加芝麻紫菜碎

今日去元朗探朋友，經過聞到有香噴噴的味道，原來是石板燒牛扒！.中午的時候有午餐，但是我們還是想食牛扒。這裏有不同的肉類，我就選了最平$80的牛肩排牛肉（180g)，及$110牛柳（200g）.牛肩排-其實180克份量都不少，厚身，切成一塊橢圓形。牛肉十分新鮮，剛上桌是二成熟，鮮紅色的。放在赤熱的石板上燒，有不同的調味料例如黑椒自家製牛肉汁等等。牛肩排比較有咬口，中間有筋。如果牙力一般的人就建議食其他肉類。.牛柳- 牛樓比牛肩肉有更鮮香的牛肉味，而且肉質比較鬆，同樣是很新鮮，質素與出面高級西餐扒房食的差不多呢。.說好的放題就是指白飯、湯及沙律任食唔嬲！值得一讚湯材料豐富，今日是豆豉湯，味濃郁，而且入面還有很多紫菜、菇及豆腐，同日本餐廳的質素相差無幾，基本上飲多一碗已經回本！.$80幾就食到放題，正呀！

其實元朗已經有兩三間類似嘅石板牛或熱石牛，本身我都好鐘意食，因為抵食又有趣，生熟全部自己控制。雞地呢邊開左牛極，我當然要嚟食下啦。裝修同出面果啲差唔多，都係門口擺部機自動售買，跟著店員就會安排坐位及解釋食法，跟著自己出去攞餐具，湯，飯，沙律，任食。攞完返回坐位剛剛牛扒就送到枱上。而家做緊牛肩脊特價180g $80 好抵食。賣相吸引又夠厚身，幾片炸蒜片令牛扒更添惹味。牛肉味重，好咬口，重點係好鮮味好好食，有點意外，因為之前其他店鋪食過的質素無咁好食。牛柳 200g $110 牛味濃又稔身又大件頭，一上枱已經好吸晴，食落去完全係高質素，一定會再回頭食。

今晚剛同完女友吵架後。心情有些差。須要一些美食安慰下心靈。不覺意走到一間餐廳。濃郁的牛扒味傳到我敏感的臭覺。入到餐廳原來是自助式的做法。全部用自助售票機購票。白飯與餐湯是任食。熾熱的鐵板烤上200g牛柳。清脆的聲音加上香味撲鼻。真難以言喻。美國牛柳200g。近兩年本人比較喜愛日式牛柳。但今晚食美國牛柳真是「滿足」的一夜。入口脂肪與肉汁好配合。配上蒜蓉和加上醬汁更無與倫比。肉汁豐富佔滿全口腔的空間。牛柳再添加牛汁會加可口美味。

困在家中已不知幾多日，今日忍唔住要出去食個牛扒，帶左好想去街的爸去食牛扒，一人一份🥰我點的是紐西蘭牛柳，雖說是最小的份量，但看上去也不小呢！遠遠已聽到滋滋聲，店員說明了牛柳已預先準備為2成熟，可自行切成喜歡的熟度。反一反牛柳已成半焦狀態切開便會發現外層大約半cm燒熟了，可慢慢切細後，在石板上燒燒，調較喜歡的熟度。牛柳肉質軟熟，很容易咀嚼而且沒有筋位，不需調味也很有牛味👍🏻店內有3款醬汁及3款調味料，喜歡吃蒜的我直接把生蒜塗上一起吃😋燒汁也跟牛肉很搭配！還有店員推介桌上的三款調味料，粉紅色的岩鹽很能夠提升肉味，還有黑椒可刺激一下味蕾，緩和肉膩感直接加上牛扒上就很好吃了，爸試了bbq調味料表示不錯👌😗爸點了牛肩，賣相很不錯呢偷吃了牛肩三小口，肉質較有咬口，彈牙，肉味再重一點店內有沙律、白飯和湯自助的這個湯很好喝😋👍🏻有香濃的蕃茄和牛味😍

又係時候開餐啊，之前食過一次石版燒牛，自己燒自己食都幾好玩啦，今日同朋友仔搵到呢間牛極。有啲似日本拉麵店，喺門口自己買飛。呢度仲有白飯、沙律、湯放題。牛牛上枱時，廚師會用紙巾遮住，怕熱油會彈到客人，好細心啊！牛肩肉眼，牛嘅肩膊位置，會有筋腱位，不過切落肉質都柔軟，上枱係一成熟，自己在烹調都喜歡嘅熟成度。牛柳，切落去，裏面係一絲絲牛肉組成嘅牛柳，食落牛味重，而且順紋咬落柔軟唔黏牙，好味！仲有唔同醬料用黎點牛食。

在元朗雞地呢頭，近月新開左間頗受歡迎的石燒牛店！最便宜$80就可以食到180g牛肩肉，前菜、湯、飯任吃，真的分分鐘平過自己買牛扒煮...因為是非常時期，進店時，店員都會用紅外線探熱器（準確度見人見智），為客人探熱及提供酒精消毒雙手。店內裝潢以木色為主，感覺新淨、整潔。這裡是用落單機自助下單的，基本上提供六款牛扒、每款有三款重量可選，我欣賞佢地提供埋牛的品牌，吃得安心。點完菜，就可以自助拿前菜、湯、飯和醬汁了。種類實而不華，前菜是椰菜絲配芝麻醬或柚子汁，清爽解膩。湯是雜菜湯，簡單美味。醬汁有生蒜、燒肉汁及辣醬。飯是珍珠米，質感偏硬。很快牛扒便上桌了，店員貼心提醒我們使用圍裙，以防被油濺到衣衫。拿開紙巾便看到我的大大件牛柳了！（$110/200g) ，之前食過幾次石燒牛，都未控制到進食的節奏，最後吃的會變得太老，而今次是我最成功的一次了！吃到最尾仍是軟嫩軟嫩的！也許是店員有提我要反一反佢！也許這裡的石的溫度調教得剛好。上桌時的牛是一成熟的，切開中間是生的，切起一小塊，再燒一下兩面，入口剛好，牛柳非常軟嫩，牛味也不錯，有驚喜啊。還面面頭的炸蒜片很脆很好吃！朋友點的是$80的牛肩肉（180g)

放工好肚餓，近近地到屋企附近的牛極食個飯，貪佢飯，湯，菜都可以任食，仲唔使加一，幾抵食呀。一到門口，店員會先量體溫同消毒雙手先準入內，衞生啲大家都安心。個人覺得用在酒精搓手先攞用具更好，顧己及人。湯同飯，打開佢熱辣辣㗎。沙律同醬汁，refill得好快。點了牛柳200g，連埋任食嘅野，呢份餐好豐富。200g都幾大件喎，比想像中多。上枱時一成熟，之後就根據自己喜好去燒幾熟啦。個人就偏好熟一點，切細片燒到兩邊無血水出，好正，牛味十足又嫩滑。可以點埋燒肉汁，辣醬或生蒜，我就鍾意加生蒜啦，如果你都唔怕有口氣嘅話，生蒜個種辛辣好正㗎。沙律可以揀麻醬或柚子醋，兩種都有試，個人就鍾意麻醬多啲，柚子醋偏酸。白飯軟綿綿的珍珠米，口感好正又有飯香，空口都食到成碗！湯係雜菜牛肉湯，酸酸地嘅蕃茄味，個人覺得鹹左少少。舊燒牛可自己加調味料，我就覺得唔落都好好味啦。店很少，現在又只能半數入座，繁忙時段都等幾耐，我就揀左食早場避人啦，哈哈。

以我所知依家元朗有三間熱石牛，今次就試試最新位處於雞地呢一間，牛極。門口自己先購票，我地試新店通常都叫一個最貴一個最平去試下。不過老闆唔知點解今次突然話要試左最平果兩個先，真好係好彩。一樣都係食牛扒包埋任食飯，沙律吧，同湯。。其中我都幾期待個湯，因為有一間個紅湯真係做得好好，但係我一打開呢煲湯我完全唔想落手去裝湯，不過第一次試就比個機會佢，淡到有水一樣。咩事可以去到咁ga呢？沙律我已經唔想講，又係有水喉水味。坐底望向檯面會有三支調味料， 其實係幾好ga，感覺起碼衛生些少。重有個溫馨提示話牛扒會一成熟上檯。我老闆個牛肩排到先。打開張紙巾，個樣好恐怖，究竟乜野係一成熟？最好笑係食落去個牛肩扒係好咸，係由入面咸出黎。即係個牛扒係已經預先有醃過，點解要醃呢？係我唔識食定係咁。牛肉有預先醃過，但係食落去超級軟。我諗唔到可以用乜野去解釋呢個現象。到我個澳洲肉眼扒到喇。一打開果下，我打左個突再X左出黎。哇，呢舊乜野黎？咁樣樣皮都夠膽拎出黎賣，再問多一次佢地知唔知乜野叫一成熟。唔那係一係生勾勾ga肉放上檯面呀！！！肉質同肉味都係超級差，我唔識講喇。依餐比舊牛都嚇飽。後記：當然口味ga 野好個人，但係

呢輪過多左元朗個邊行下 見到附近有間新開既石燒牛👀一入到去有鋪自助售票機 禁mon落order俾埋錢 想去日本無得去禁下呢部機都有啲欣慰 同埋餐廳服務仲幾貼心 掛左一堆一次性圍裙俾客人自取 咁就食石燒牛都唔洗驚會整污糟衫 呢度係自助形式 自己選擇份量 有沙律啦 檸檬水 湯同白飯都係任添 岩曬食極都唔飽既超級David 牛有六種選擇可以揀 仲有分咖同gram數 可以視乎自己食量 唔洗做大哂鬼 我叫左份牛柳 200g $110起我斟完水 裝湯同沙律菜之後塊扒就即刻黎到 中午食飯繁忙時間唔洗餓住等係人生一大樂事🤩〰️ 牛柳全塊食曬完全無筋位 幾好 👍🏻肉質幾彈牙 落埋枱上面放左樽即磨粉紅鹽 黑椒 bbq風味既香草同我岩先出去加既蒜蓉 一餐裡面食到幾款唔同口味既牛柳 一啲都唔覺食到厭 而且食下牛又可以食下沙律生菜撈左胡麻沙律醬加牛一齊食 又好惹味 呢餐令我完全迷上左自熱石燒牛🥰