牛極 (好順利大廈) (已結業)

突然間想食牛舌，聽講呢間都幾好食，收工經過買返屋企食先。差唔多三點所以冇人等位，好快就有😂一個set跟沙律，湯，飯。（ $65 ）其實應該唔算係沙律，似係平時食吉列豬扒下面嗰啲菜，好乾，應該係拎嚟吸油🤡湯好飲。通常食牛扒嘅地方個湯都特別足料，因為平時切完牛扒啲頭頭尾尾都可以掉晒落去，足足有三舊牛肉係入邊，正🤤牛舌好厚切，咬落都爽口，淨係用少少黑椒同埋鹽調味，食返牛舌嘅原味。不過個飯太爛，果然都係sell鐵板燒，其他嘢都麻麻地。大塊還大塊，但係個切面可以好啲，雖然我本身食牛舌，但係成條放喺度又真係食唔落。🥴

石燒牛扒近兩三年喺香港開始流行，淨係元朗以我所知都有三間呢類餐廳。我食過神，琴晚同個老友試另外一間叫牛極一開始入到去，可能閒日，唔駛等位，要喺部機選定食咩，然後入紙幣，將票俾職員，然後坐低等扒到部機好易操作我揀左澳洲肉眼，唔記得左幾多g，一睇份量都好大（對我黎講）一切開其實啲肉都幾紅，要再煎下，當然你鍾意生啲可就咁食老友揀左牛肩肉，呢款係最平嘅扒，份量都好大架佢話厚切有啲難咬，薄切就好喇調味就按自己口味啦，好多款揀，自己搞啦我幾鍾意佢個燒汁，幾惹味食得多肉都有啲油膩，出去夾返啲沙律菜中和返，仲有飯，加啲紫菜碎好正架仲有個日式牛肉湯，幾好飲，應該冇味精唯一你問我，環境有啲迫，啲油會彈上身，我條短褲彈哂啲油雖然佢有圍裙供應食完成身油味，女士可能唔鍾意架

我喺度重新講一次，喺呢間餐廳食嘢嘅體驗1. 之前近開張時，店內冇乜客，在門口見到好多人排隊，原來要人客在門口自己排隊撳機點餐，到我大聲說出不滿，才有店員出來輔助，正常人都唔會立即識用你部機！2. 店鋪空間少，門口放著自助任吃的飯、沙律、湯，只要有人在自助吧，就會擋著門口等下不能進去，造成阻塞。3. 枱非常細小，與碗碟餐盤完全比例不合邏輯， 話口未完，旁邊枱的食客就倒瀉湯了。4. 出餐奇慢，我朋友的等了二十分鐘，來到時發覺份量很細，原來店員送錯牛扒， 竟然將旁邊枱的細份量與我朋友倒轉了，我問店員時，店員竟然不知道甚麼牛扒。5. 剛到的牛扒立即切開時，竟然發覺是全熟。6. 最後結論，差不多200元，食這個流程、這樣空間、這樣店內配套、這樣服務、這樣食物質數、這樣體驗。我不敢給太負評，怕再被刪除留言，希望餐廳見到會檢討！ Openrice要公道！

老公成日都話想食牛扒但係要鐵板上🤦‍♀️而家連好多傳統西餐廳都未必做到鐵板上, 咁啱經過元朗見到牛極, 佢係用 #日式熱石 自己燒💕同埋見咗佢$80 肉眼扒🥩非常之抵✨咁就試下 原來唔單止有牛扒仲有埋珍珠米白飯、沙律同麵豉湯任添 最後我哋叫咗牛肩排同埋牛柳 , 牛肩排我覺得係比較實淨, 應該係因為呢個位比較多運動, 所以食落去幾爽口,好香好入味🥰 牛柳就比較嫩滑, 最好係食落去你唔會覺得有肥膩要感覺🥰🥰我好鍾意個石燒keep住個溫度真係好好, 同埋佢係唔會令到啲牛扒老曬, 食落去都係好嫩滑, 慢慢食都冇問題

平日放假lunch 又黎雞地搵食老公話好耐無食牛極，甘就黎試埋新既lunch set兩個人叫左牛肩扒同鰻魚依家湯沙津同飯擺番出黎自己筆～個湯係蕃茄牛肉湯，湯底偏酸夠開胃，而且d 牛都仲有牛味，而且質地唔會好鞋都幾好食沙津我次次都食夠兩碗，加d 蒜蓉同燒汁撈埋係超好食鰻魚都有石燒架，又係好貼心串張紙費事彈油一開，估唔到鰻魚份量都幾多下，只係$60, 真係屋企煮都要依個價錢鰻魚比較薄，好快就熱哂，我就快手夾起擺落碗度慢慢嘆， 鰻魚味好香，而且夾埋d 汁撈飯真係好正， d 飯係珍珠米，煲得靚而且夠米香，好過隔離間日本野太多牛肩扒今次依舊好厚身，唔知係咪厚身，就算煎香左，入面都係嫩好多食左甘多次，今轉牛肩扒係最好食，夠牛味又嫩塊板唔夠熱，可以叫換板架～～牛極係我由佢開店到依家一直keep 住幫襯但佢水準係越做越好，真係好難得架

今日去元朗站果邊 想搵啲正野食有朋友介紹我食呢間牛極.我去果時係下午茶時間 唔洗排隊可以自己揀位坐 .坐低之前就喺自動售賣機揀左野食先今次我揀左$80 180g 牛肩排.坐低之後我覺得都舒服 又有歌聽服務員都好nice 可以拎圍裙 因為鐵板都真係幾熱幾彈油 我建議大家都著啊😉.餐具要自己拎 可以去拎醬油拎湯拎飯 仲有沙律.牛肩排中間會有一條筋 切會有少少難但俾少少堅持就可以切到😉 都有牛味😉$80咁大塊真係抵！.🥢牛極 (好順利大廈) (元朗)📍元朗鳳攸南街9號好順利大廈2座商場地下6號舖

在過去一年多，香港開了多間主打石燒牛排的食店，窩夫與蝦子餅日前試了其中有多間分店的牛極。窩夫與蝦子餅光顧牛極的元朗分店。先用自助點餐機購買食品和飲品，友善的店員從旁協助，很快便完成點餐程序，要留意點餐機只收現金或支付寶。等待牛排期間，可到自助區取醬汁，蘸牛扒可按個人口味選自家製燒肉汁、辛味燒汁或蒜蓉，窩夫特別喜歡那蒜蓉，超香呢。沙律可加胡麻沙律汁或柚子沙律汁。餐廳為客人準備了即棄圍裙，十分細心。石燒牛排上桌時以抹手紙蓋著，減少油脂彈出來。窩夫點了180克的牛肩排($80)，牛味濃，價錢親民，難怪人氣高企。不喜歡牛肉太熟的話，要留意不要在高溫石板上燒得太久。蝦子餅點了200克的牛柳($110)，牛味同樣很濃，口感較軟嫩，燒好後放在白飯上自製牛柳丼。桌上有喜馬拉雅山岩鹽等調味料，可按個人口味加到牛排上。白飯任裝，還可以加入紫菜碎。不要錯過任飲的日式牛肉湯，味道類似羅宋湯，配料豐富，喝得出洋蔥和甘筍的甜味，帶筋的牛肉煲得腍腍的，帶點膠質很好吃。

食肉獸的我又看到一家主打火山石自助烤肉了, 最喜歡這種牛排店可以邊玩邊吃. 入店後職員協助點餐,有牛肩肉，肉眼，西冷，牛柳及兩款的日本和牛, 包括自助沙律吧, 紅湯同白飯.  今天我點了 200G 的牛柳($110)點餐後可以到自助吧取沙律, 白飯和紅湯. 另外也有紫菜飯素提供. 這裡的紅湯用料十足, 除了滿滿的蔬菜還有超級軟嫩. 也拿了一點沙律等等吃牛的時候解膩. 另外店家也有提供圍裙, 不怕肉汁和油沾上衣服 ~當回到坐位上牛柳剛好要來了! 用一張面紙輕輕蓋在牛柳上防止油份彈到食客. 即使隔了面紙也感受到火山石熱騰騰的溫度! 急不及待的要品嚐我的牛柳了, 想吃又軟又嫩的牛排記得逆著牛排的肌肉紋理來切喔. 切下去會發現其實牛柳內還是粉紅色的, 可以按自己喜歡的熟度再燒烤. 配著蒜片一起吃真的好好吃又嫩又多肉汁牛味停留在口腔中久久不散  另外店家也有提供喜馬拉雅山岩鹽, BBQ Stick, 黑胡椒, 生蒜, 自家秘製燒肉汁，辛辣燒汁作調味, 每一口的牛柳也可以吃到不同的口味.絕對超值, 不得不讚店的抽煙做得不錯, 吃完都沒什麼油煙味, 而且店員也很細心, 會主動提供裝包包的籃子. 又多

今日星期五，第一天恢復堂食，想住不如食好啲，不過還是選擇買外賣，選了這間，因為很多食評都不差，雖然知道有很多水軍，但都想再試一次，結果真的出事了，作為經常買外賣的人，我特意選了5成熟，因知道外賣盒焗住會熟一點，時間亦選了7:00取，我預計他們既然做得外賣，應該知道牛扒外賣的竅門，是不能早整定，我6:40到，諗住等下有得攞，點知店員已同我講早整好哂，我問她整好哂？那不是凍哂嗎？她說不會，算啦！都整好了，不過10分鐘路程不到回到家，打開見到已知放了很久，一切開10成熟，肉質亦根本不值過這價錢，鞋到真的不能吃，結果當然是非常浪費😭因真的吞不下，牛柳及西冷根本不同平時食那些，似普通一件肉，跟餐羅宋湯亦沒有太大期望，滾水係牛扒頭尾碎再加雜菜，飲一啖已不想飲，成個餐最滿意是碗飯，放了入雪櫃，不會再幫襯，寫得咁差希望各位真係唔好比其他咁好嘅食評蒙蔽，我只講出事實😟

經朋友介紹之下 得知元朗有一間貼地價錢而且選用高質靚牛的熱石牛扒餐廳 叫''牛極" 難得今日入元朗 一於試試佢 係唔係真係咁好食先餐廳採用日本常用的自動販賣機點餐 好有日本feel 機器容易操作 清楚列明價錢 並且有圖片附上 選好後便可付款餐廳主要係食牛 部位選擇非常多 如：牛肩排 澳洲牛仔肉眼 西冷 牛柳 日本和牛(赤身/富油脂)男朋友點咗牛肩扒 而我就食牛柳 食物上枱嘅時候用紙巾覆蓋好 避免油彈來彈去的時候弄髒衣服 非常貼心的舉動店內還有提供即棄圍裙供食客使用這裏的沙律，餐湯和白飯 是無限量添加的 餐廳選用了日本的珍珠米 口感煙韌帶米香 羅宋湯肉味香 個人比較喜歡湯飯食法牛肩排HK$80 180g/$120 300g/$150 360g按自己嘅食量點選牛扒的克數 基本既黑椒鹽調味 已經可以令到牛扒味道大大提升 吃得我男朋友津津有味牛柳 HK$110 200g/$160 300g/$210 400g肉質滑嫩不韌 充滿彈性和肉汁 口感超棒的! 中間切開還是生的 可以靠熱石的熱力將牛肉煎熟 生熟可按個人喜好自己調教如此高質素的餐廳 價錢親民又大眾 難怪午市時段人流都咁旺啦 真心覺得朋友

限聚令嘅關係 晚飯多數都係屋企自己煮 難得今日同老公齊齊放假 晏晝我哋決定出去鋸扒 在疫情之中享受二人世界元朗雞地有一間食熱石牛扒嘅餐廳 真係好抵食 仲要係選用靚牛做食材 有多個唔同部位提供選擇進店時先量度體溫 然後到售賣機點餐並付款 把單據交給職員後 便會安排入座 除咗堂食之外亦有提供外賣服務 餐廳主要係食牛 但亦有提供豬腩片，鰻魚，雞扒 照顧各類人士的口味店舖雖小 但係都坐得算幾舒服 枱與枱之間隔有屏風 每位食客走咗之後職員馬上清潔和收拾 並進行消毒 衛生意識做得非常好牛肩扒180g $80近住頸嘅膊頭部位 肉味比較濃 脂肪比較少 肉質口感度適中 比較有趙口 唔會太淋或者太韌 牛扒非常厚 本人就是愛吃厚切的 面煎香 裏面五成熟 非常多肉汁桌上有調味料提供 如:黑椒，海鹽自助吧亦有提供多款醬料 如:胡麻沙拉汁，柚子沙拉汁 ，辛辣味燒汁 ，自家製燒肉汁及蒜蓉沙律，餐湯和白飯是任點的 無限量添加 沙律清新開胃 蔬菜爽脆清甜餐湯是羅宋湯 味道非常濃郁 材料非常豐富 食到有大大嚿牛肉 呢碗湯本人起碼飲咗三四碗 實在太好味

牛極係我地會keep 住幫襯既石燒牛因為個價錢同質素都係好高性價比疫情原因早排佢直情關門避疫，難得食市可以做到依步一知佢開番，就過黎幫襯啦之前餐具係要自己拎，依家已經擺定係位度都有圍裙比你，驚d 油彈到件衫醬料就要自己拎啦～依家湯沙律同飯都係佢連埋個牛一齊上～～疫情情況下，甘樣處理比較衛生d先上湯～～估唔到佢筆到d 湯勁足料！！！有豆腐，海帶同蘑菇～～湯底就係味噌湯湯應該一期期款式，我之前黎係飲羅宋湯架跟住就上沙律飯同牛啦如果大家食唔到甘多飯，真係一早同佢講定少飯～唔好浪費今次我地叫左牛肩同牛柳牛肩係嫩身同埋有牛味～～同埋成舊都食得，唔會有筋，基本上唔駛點醬都好好食～～$80 甘大塊～～真係去邊度搵～～牛柳係我地第一次點，店員話更加嫩～～果然係仲嫩過牛肩，但牛味就相對無甘重如果平時唔特別好牛味，牛柳就岩哂啦又係無咩筋位，成舊都食得，$110~~有成200g, 又係勁抵食同埋佢地沙津係好爽脆，同埋新鮮～～我次次都食夠兩碗～～依家佢地都有做埋外賣～～仲有折添，越貴既牛就折得越多依家日日煮到頭都暈，佢有外賣就可以多個選擇啦！

牛極相信大家也不陌生，它們有很多間分店，包括旺角、深水埗、油麻地、大角咀、荃灣、佐敦、和最近新開的銅鑼灣店，店內提供了不同品種的牛供消費者選擇。客人可以按照自己的個人喜好選擇牛的部位，十分方便！餐牌提供的牛選擇有；牛肩扒、牛柳、澳洲牛仔肉眼、日本和牛、和西冷，今次我們就試了牛肩扒（180g) 和牛柳（$200g) ！店員先給我們遞上兩條即用即圍裙，以防待會煎牛扒時，油會濺到我們的衣服上。牛肉很快便在熱騰騰的石板上上枱，插着一支竹籤+ 蓋着一張紙巾，很是特別。蓋上紙巾的原因是因為牛肉在煎的過程中，會不斷濺油，店家不想濺到員工及客戶。就像在電視節目也會看到，在名貴高級餐廳入邊，侍應也會用鋁的半圓蓋，蓋着牛扒，原理可能是一樣 😂😂🙈😂在牛肉的上面灑上了一些炸過的蒜片，吃着十分可口！牛肉是全生地放置在鐵板上，客人可按照自己的食牛習慣及生熟程度處理。我自己喜歡比較熟的牛，一小塊一小塊這樣的煎，十分好玩。煎到一半，石版已不在吱吱作響，應該是熱力消散了的緣故。店員很貼心的為我們更換了一個新的、熱的石板，方便我們再戰餘下的牛！不得不提店內還提供了任添的海苔白飯、沙律，和羅宋湯。羅宋湯入面的牛肉粒十分好

一條友仔喺元朗無無聊聊周圍行，Yoho mall 商場既飯店實在太高消費了，唯有一路行一路行，行去雞地搵好野食啦🤣🤣我比隻🐂🐂吸引咗，咪睇下餐牌囉🤣午市套餐價錢優惠👍🏻首次入門口要自己點餐，跟著就坐底等食餐廳好細心，提供埋圍裙，唔驚整污糟件衫，熱石仲可以更換😍自選汁汁仲有白飯同湯任你添我份🐂🐂黎啦，我揀咗牛肩扒，價值$80嘩，好大塊呀，小心呀，塊石好熱架切開一小片再燒，易熟d👍🏻👍🏻牛肩肉好好食，夠淋又有牛肉味，落少少鹽仲香呀最後食少少沙律菜，幫助消化😜雖然沙律係任食，但我太飽啦，唔可以食太多🤪🤪

今日得閒走咗佢形點一田行下，點知響形點搵唔到特別嘢吃，於是行咗落雞地，睇下有咩吃，見到有一間石燒牛，見門面幾吸引，於是行入去試下。入到去，原來係要自助購物，感覺幾特別，可能我第一次吃😁叫咗個牛柳，送來時好細心，有張紙響面，唔會彈到周圍都係。服務員教我將件牛柳切開，咁會易熟D,如果塊板唔夠熱仲可以幫我換。跟著原來個餐仲有湯，白飯同沙律任食。佢環境好清潔，沙律菜好新鮮，白飯可以加埋紫菜碎，個湯都好多料，除有菜外，仲有牛肉響裡面。非常美味，環境清潔，服務員態度很好。