牛極 (好順利大廈) (已結業)

行過見到牛極個餐牌，好似好抵同埋好想食牛，咁就試吓啦！一入到去就有部機，好似去咗日本咁，自己點，自己坐。我同朋友點咗一份牛肩（180g $80）同牛柳（200g $110）。沙拉、飯同湯係自助形式。餐具都係自己攞。每份牛都係用熱石煮熟。師傅會幫你煎到一成熟，你再自己煎到啱食嘅程度。牛柳好淋，而牛肩就好有牛味！佢有粗鹽、黑胡椒同燒烤粉俾你隨便用。我只用咗粗鹽同黑胡椒，已經好足夠！帶出牛扒嘅香味！朋友一餐未食完已經講咗幾次話一定會返嚟食！性價比非常高！$80塊牛扒喺超級市場都未必買到呢個質素！

上個禮拜去咗牛極食晚飯！第一次去食，我老公一路食一路話一定會再返嚟食！第一，佢太鍾意食牛。第二，呢間真係好抵食！我哋嗌咗一份牛肩（180g $80）同牛柳（200g $110）。白飯任裝。羅宋湯任裝。沙拉任裝。檸檬水任裝！餐具都係自己嚟。好方便！唔使等嚟等去。主菜出場啦！師傅將牛扒煎到一成熟，再用熱石上俾你自己煎。基本上佢上完菜，你就等塊牛扒熟到你自己鍾意嘅生熟度。我比較鍾意熟，但係兩塊煎到8-9成熟都唔un！好正！牛肩多牛味過牛柳。但係，牛柳就淋啲啲。所以都係睇個人口味！

We have a girl meeting  on friday. We went to as restaurant for dinner and talk something important.This restaurant is called 牛極Two Stone Grill Steaks  delivered very soon after we ordered. Aprons were provided to keep the clothes clean while grilling steaks..You could cook the steaks how much to be on a hot stone and add pink salt, bbq steak seasoning or extra bold peppercorns on the top of the steaks  but I did think the original flavor was quite good enough as I guess those steaks had been we

實在好鍾意喺雞地搵野食！呢間牛極我都食左三次啦！食過午餐set,又單點過牛肉黎食，我就發現佢嘅午餐真係好抵食！$50！同塊鐵板一樣咁大塊嘅雞扒！雞扒好多汁，肉質滑嫩，好滿足！豬肉！好似都係$50左右！豬肉係薄切嘅，食落油份都香又多，味道比較淡，要蘸多啲醬油先好食！最鍾意佢嘅自助方式拎飯拎湯拎醬汁拎沙律🥗基本上真係白飯任裝，自己自便，自助區又維持到好乾淨衛生！冇得彈呀！今次嚟食佢個湯變成羅宋湯，牛尾見唔到啦，但都有一啲薄切肥牛或者牛肉啦！不過我覺得偏甜咗啲，再調校下會更加好！

愈開愈多呢類型既餐廳但呢間都幾抵食百零蚊就有一塊牛柳同牛扒-我通常都會叫牛柳，因為牛柳肉質比較嫩滑一大舊，都幾大塊，比你慢慢切慢慢燒仲可以自己試下唔同醬汁，例如日式燒汁、醋、辣醬、生蒜另外每枱都會有鹽同黑椒粉我自己覺得落鹽可以提升牛肉既鮮味但燒汁味道就比較淡朋友叫左個雜扒，估唔到份量甘多有d部分既肉肥d，有d就筋多d，有d就相對結實d呢個雜扒咩都有得試下，都幾抵食-另外出面有個半自助既吧枱可以比人任拎沙津、飯同湯

石燒牛排，係計台灣茶飲店之外，我覺得佢地好似係呢一兩年喺香港，開得比較快又比較多嘅餐廳。成日經過呢啲舖頭都會見到大排長龍。啱啱香港興起石燒牛排嘅時候，我曾經到第一首去幫襯過深水埗嗰間，當時真係滿心期待。但係個經驗就真係好唔愉快（唔使3分鐘，個牛排由一成熟變咗九成熟，而且肉質非常差，又多筋，而且完全係切唔到嘅，仲衰過大家樂）跟住之後一直都冇再食過。今日去食牛極係因為朋友係一個食肉獸，如果講門面，佢比其他元朗石燒店靚啲，咁話晒牛極有咁多分店，投資大又唔同嘅。有和牛噃，不過睇到價錢，好唔好食都可以咁講，我會寧願去中西環食飯，我會寧願俾個鬼佬服侍我囉。如果有選擇困難症嗰啲人可以試下亂切牛排，樣樣都可以食到幾好吖。估唔到有羅宋湯飲喎，不過我就覺得鹹咗少少！椰菜沙律係必備㗎喇如果怕肉味唔夠，枱面好齊料，大家可以自行慢慢調味。澳洲牛肉眼：冇咩肉味，但係肉質唔好鞋身。西冷：如果深色啲嘅話，我仲以為呢塊係牛柳。當時只係燒咗大約一兩分鐘，我已經即刻拎起，放喺另一個碗度食，因為我鍾意食生啲嘅。切開俾大家睇下呢間餐廳係仲有飯素配白飯，大食怪都唔怕。我切開咗四塊食，都但係好可惜，最後兩塊發現『縮左』跟住就同侍應

生日飯都可以揀d簡簡單單既特別日子...當然留翻俾生日個位話事餐店入面係舒服既地方夠大d枱夠寛位置又唔會俾人感覺好逼我地一入到去店員就會幫你探體溫之後就會教你係部機到買牛牛🐮都係半自助式水 湯 飯 自己拎有圍裙提供既真心著白色衫或唔想整污糟衣服既真係要用圍裙d牛既油真係會彈到衣服d個牛肉湯 第一啖飲覺得好咸牛肉味都唔濃但好多素菜 有紅蘿蔔🥕白蘿蔔 菜 小小牛肉但真係咸左d個湯我地揀左牛肩排牛黎到個staff同你講要翻轉舊牛 因為會痴住個石板牛肩排唔肥 無肥膏...所以我好中意但有少少根位牛味唔算濃切開一小舊，自己係塊石板到燒到幾熟都得之後可以點鹽食牛味更特出又或者點蒜食如果唔怕口嗅我就接受唔到 所以我都係中意點鹽同牛肉汁好Juiced份大份360g牛肩排好適合男仔分量一啖牛一啖飯甘不過個飯麻麻地 只有紫菜飯素佢既飯素唔同其他既飯素比較淡味佢地既牛都算平 都值得一試既又可以揀翻自己既食量而定食幾多g又唔會浪費又滿足自己環境又舒服😌

中環今日又放pepper lunch一片愁雲思緒再度湧上心頭放工後還是匿返元朗搵食哩間係一直好想試嘅日式石燒牛扒餐廳自助購票都未拎好圍裙同刀叉有人仲出去裝緊飯同沙律🤣牛扒已經極速送到試咗牛肩扒同埋期間限定亂切牛相信係餐牌各種牛嘅頭頭尾尾切埋一碟慢慢自燒由rare到全熟都唔會太韌幾好味加埋生蒜、海鹽等調味樂在其中有人更諗起「孤獨的美食家」情節一個人對牆享受美食內心很多回響😂最近減緊澱粉質白飯任裝就毫無興趣但沙律卻食咗三碗仲有羅宋湯任飲不過稀如水不喝也罷另外店內抽煙明顯唔夠愈食愈暈同大油煙味敗筆不過店員都有禮而且服務速度驚人快餐體驗好食牛扒石燒啱肚餓嘅人幫襯

好耐無食過石燒牛啦～今次近近地係元朗食呢間新開無耐既石燒牛，試一試好唔好食～呢到既價錢唔貴，由80蚊起跳，有6種唔同既肉。想平平地食既，80蚊一份180g既牛肩排就已經包埋沙律，飯同湯任裝。貴啲既可以揀日本和牛，豐儉由人～店員話牛肉只會煮一至兩成熟，再用燒到250度以上再上枱。我食既係200g牛柳，厚厚一塊肉，圓碌碌～肉質比較軟嫩，燒耐左都唔會變到好難鞋身。因為形狀問題，切落去會覺得比較難切啦。朋友食既係180g牛肩排，比牛柳薄啲，中間有條筋，而且肉質比較紮實，肉味比牛柳香濃。我地交換左啲肉黎食，我比較鐘意牛肩呢～雖然佢肉質無牛柳咁正，但係肉味好香～調味料方面，有岩鹽，胡椒同香草係枱面。另外出面仲有蒜蓉，自家製燒肉汁同辛味燒汁，個人覺得辛味燒汁好好食～拎黎撈飯又幾好食！

平日夜晚大約七點幾黎食，岩岩好仲有最後一台有位依家入去要量體溫先～同埋d 位有隔板又坐疏左d唔知係咪少左客所以比起岩岩開張係無甘大煙我坐係廚房位都唔會有煙霧霾漫既感覺，改善左好多根據上次經驗，兩個人都係叫最平個款牛已經覺得好正一坐底唔駛三分鐘就上啦牛肩排就係無筋位，而且脂肪比例唔高，重牛味，和牛太多脂肪我地都會好快滯所以依個最平既最得我地心～～至緊要重牛味～～自己慢慢燒到岩心水食下牛又出去拎沙律依度既椰菜其實都新鮮，而且refill 得快次次黎都必食兩碗～～白飯任裝，有米香既珍珠米，都唔錯架自己煮都未必$80 有180g 靚牛，沙律，飯同湯啦，所以真係抵食架

元朗係一個美食天地🤳🏻隨便行行都可以試到不同款色既新菜🥗今日離到 就一試石上燒牛🐮.今次試佐🥩牛肩排 🥩牛柳想食牛排 又唔想太單調餐廳會預熱石板 準備一成熟 不同牛的部位讓顧客選擇🤗今次選擇佐牛肩排同牛柳 牛肩排牛味比較濃 但牛柳入口相對牛肩排較𣺉身😋配上玫瑰鹽 黑椒 同一口白飯 已經好滿足啦🍚.餐廳仲有無限沙律菜 🥗 珍珠米飯🍚同餐湯任添🥣餐湯係羅宋湯 特別清甜 可以一試🥄.人均消費：$90推介指數：👅👅👅👅👅👅👅（7/10）Encore 指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

一行2人去了牛極，因為太耐冇食牛扒，而且通常都係食西式牛扒，未試過石燒牛。揀咗個牛柳同牛肩就坐低。然後自助整咗碗沙律同湯，碗湯係羅宋湯嘅味道，不過日式嘅，清淡啲幾好飲。兩塊牛上到枱面真係嚇一跳，呢個價錢咁厚嘅牛，上枱塊牛係1成熟，自己想幾熟就喺塊石上燒幾耐，朋友問塊石凍咗咪燒唔到囉，但等到塊石凍咗，都全熟啦，除非你鐘意食全熟囉，而且仲可以叫侍應換塊新嘅石㗎。我自己就鐘意牛柳多啲，因為又嫩又多肉汁，不過牛肩扒都好嫩，佢本身冇落太多鹽黑椒，所以我一路燒一路自己加少少鹽、黑椒同香草，想多啲變化仲有幾種醬，我就食原汁原味食到夠，最後幾啖先試下啲醬，不過始終原味最好食。雖然唔係超飽，但感覺超滿足，因為真係好厚，下次肯定要試肉眼。

元朗開咗呢一間石燒牛扒冇耐，已經廣受好評，特登行過嚟，見到午市都只係做緊五十零蚊，簡直抵到爆！不過我哋就冇食到午市套餐，因為都想來呢一度試吓佢啲牛扒。佢嘅牛扒有分唔同嘅產地，品質，同埋份量。你可以揀自己鍾意食嘅部位同埋產地，價錢亦都非常合理。餐廳係自助形式，用售票機揀嘢食，自助漿料區湯品同埋白飯都係自己拎，即係話你想食幾多飯同埋飲幾多碗湯都冇問題！仲有沙律添！仲有衛生圍裙用！夠哂貼心！我哋叫咗一份80g牛肩扒同埋80g 牛柳。唔好睇只有80 G，上菜嘅時候其實都幾大舊㗎！絕對夠飽！調味都有幾種，總有一款啱你嘅口味，不過牛扒本身都有醃製過，牛味亦都好濃郁，所以唔使落調味都冇問題。牛肉品質方面，以呢個價位來講算係非常唔錯，牛肉唔會太晏，亦都唔會落鬆肉粉落都冇晒口感，因為可以自己調校幾多成熟，所以可以係最完美嘅時間食咗佢！總概黎講都係高質！

本來不太有興趣的 因為食過元朗的另一家石燒 牛 味道一般之如 位置又迫夾 而且態度仲麻麻地 但係基於朋友的極力推薦 一於試下啦呢到有部自助下單機 可以自己揀返想食嘅部位 同grams 數 以及飲品 完成購買後比反張單店員，先會上菜呢度有自助沙律吧 仲有自助醬料區 飯同埋湯都係自助形式 一定 飽牛肩排 價錢: $80 @ 180g食後感: 牛肩扒係近住頸嘅膊頭位置食嘅時候一啲都唔覺得韌 幾有咬口肉味濃郁 牛柳 價錢: $110 @ 200g食後感: 形狀頭大 尾小 咬落軟腍嫩滑 多瘦肉 低脂肪 上菜嘅時候仲係一成熟 可以因應自己喜歡的是熟成度 決定燒的時間，切下去滿滿的肉汁 流岀來蜜瓜梳打價錢: $15飲後感: 好得意，未飲過呢種味道，香甜嘅蜜瓜汁加梳打汽水 可以一試提子梳打價錢: $15飲後感: 同平時嘅飲嘅 提子汁味 汽水差唔多一入到去店員會為我地量體溫而且仲會幫我地雙手噴消毒好體貼店內提供口水肩比每位客人享用咁就唔使驚啲油彈到周圍都係牛極 有六間 (元朗, 荃灣,深水埗,旺角,油麻,佐敦)

雞地呢間石燒牛，落單係自助式係機按，店員會將牛排送上，店員有善主動，環境氣氛唔錯。我地叫左一份牛肩肉，一份牛柳，牛肩有咬口有根位，牛柳就淋啲多汁啲，啖啖肉，個人比較喜歡牛柳，肉味明顯啲，牛肩$80/180G,牛柳$110/200G。牛排有加乾蒜片係面都幾香口，枱面有黑椒，粉紅色鹽同BBQ 調味粉，入面有唔同既香草都幾好食。出面仲有蒜茸攞，有辣椒醬，柚子醋同芝麻醬，男友用蒜茸、辣椒醬同其他醬黎撈飯食，佢話好好味，大家可以試下。牛肉上枱兩成熟，用250度以上燒紅晒既石板送上，熱到啲牛油都彈得幾犀利，著白色或淺色衫既朋友仔，記得攞埋餐廳提供既圍裙用，著短褲都要用黎遮下隻腳，沙律🥗，白飯，牛肉湯，檸檬水自助形式。白飯有提供飯素，都幾好食，牛肉湯紅紅地酸酸地好似羅宋湯咁。