牛屋餐廳

營業中

休息中

睇個門面以為係d好西式ge西餐廳，入到去坐底，翻開餐牌要成$15x~$5xx, 咁我同我朋友就每人叫左個分別係$88 的牛扒同$98的羊扒配豬扒，野食未來果時仲好期待，來左個紅湯，我覺得ok , 個餐包都可以，脆脆地，先來個頭盤，炸蟹拑一隻，我下！左一聲，西餐個頭盤點解會係咁，仲係d超假超粉ge炸蟹拑，好喇，到個主菜一來，即時超失望，完全係茶餐廳feel , 仲以為會有咩西式煮法，點知係d同茶餐廳無分別的橙色汁加蒜茸（平時茶餐廳食鐵板最興用果隻汁），d意粉又白煮就咁放落去，香草都無滴，好喇，到個羊，勁大陣蘇味，就連我呢d食慣羊ge都覺得難食，個豬扒就係D普通豬扒麵ge 豬扒質素，但就ok 林囉，感覺被騙，坐坐下個老闆仲叫我地埋單走……oh no唔明點解有咁多人讚！

小妹轉工，想同男友食好d就揀左去牛屋, 點知係一個唔甘心既錯誤我點左dinner set - 黑椒牛扒 $78男友就叫menu裡的 美國大T骨牛扒晚餐 $188跟餐既紅白湯味道唔錯, 不過個main dish相對價錢太唔掂我既黑椒牛扒係兩塊比手掌肉還少的薄牛扒, 係大家樂/大快活既味道男友既T骨仲嚇人，買相夠舊骨已經好乾，食落亦overcook兩碟野話晒百幾蚊，份量已經唔大碟，竟然得大家樂/大快活既質素!仲有, 餐飲要加$3, 加10%服務費, 總之就非常唔抵食比這樣的價錢, 我真情要搭西隧過海巴士去 森美餐廳 食牛扒! P.S>> 在用餐期間，男友提及之前同同事來午膳，餐廳為左趕下場客關電視兼出聲趕人走，所以好耐無來食過.....男友早說的話我不會選擇這裡哦~~ >< "

這一頓晚餐在很夜的時候食的大約10-11點所以餐廳得我地同另一台客另一台客同老闆娘好似好熟咁好多野傾ga我覺得好似係澳門食野咁客同老闆會互相溝通可能唔係繁忙時間啦唔會好趕咁上菜我係幾鍾意佢個餐包，都幾特別d扒整得都係岩岩好，剛剛熟 不會太難咬而白湯同紅湯其實同出面既餐廳都差唔多不過我覺得佢既環境同服務比一般西餐廳好啊佢係bar+restaurant所以十一點幾後應該冇provide喱d野ga laoverall佢既食物同氣氛所有我都幾鍾意=]值得推薦

到最近才留意到佐敦區的食肆似乎變化不大,不像油麻地那邊常出現一些開業不夠一個月便關門大吉的店舖.對這類港式扒房隨著年紀漸大興趣亦愈來愈少.這天友人提起,在自已又未到抗拒程度下便走了進來.內裡充滿八十年代的酒廊餐廳味道.即是有註場歌手表演,你有你食佢有佢唱那種.布袋牛柳餐----看見眾食評及各雜誌剪報也大力推介便點了這個來試.跟餐先來的是羅宋湯及餐包餐包焗得熱熱的吃起來倒是不錯!不喜歡這種加了"麵撈"的杰身羅宋湯,而且味道亦偏鹹.接著原來還有頭盆!就是一隻躺在微溫薯蓉上乾身瘦弱的青口.吃完頭盆不用五分鐘主角緊接出場.切開牛柳一看中間是有一隻蠔在內,單憑用刀切下去的感覺已知這件牛柳是中了化骨綿掌!吃一口是沒有肉味之餘更連一點正常肉質纖維也吃不到.內裡的蠔沒有意料中的腥味而是沒有任何味道!可能腸胃較差半夜肚痛醒了幾次.......看見其它食評才留意到這裡不論是好是壞也原來頗受"新會員"的歡迎!有趣有趣.更多文字分享http://pandamenhk.blogspot.com

一直聽佐敦返工既朋友講牛屋lunch 好正好抵食, 但一直未有特登搭車黎試. 就因為上星期同朋友o係九龍公園游完水行過就入去試. (註: 原來同一條街有2間, 近佐敦道 circle k 對面才是有質素的真牛屋!) lunch 時段很爆, set lunch $37 餐包, 紅湯, 黑椒汁煎牛扒跟飯, 凍朱古力 有感質素高, 比集團式經營扒房 好味多倍, 故星期日晚再與家人駕車光顧! 強烈推介給家人! 爸爸是個對据扒很講究的人, 任何新舊式扒房, 貴價石上燒, 平至茶餐廳据扒通通都試. 他說以牛屋各方面的用料都見用心, 尤其扒及什棻湯屬高質素, 而收這樣的價錢, 是現時香港 number 1 看得出 廚房, 水吧, 以至侍應都是有誠意的. 威靈頓牛柳 $178 - 酥皮包住塊牛柳. 鵝肝汁在底, 賣相吸引, 特別. 你會發現有鵝肝碎粒在汁內一口咬落就係 牛柳+酥皮+鵝肝的混合, 有少少唔捨得 swallow 的感覺... 好好味....!!黑椒西冷 - 1.5cm 厚, 5成, 扒邊煎到脆卜卜, 肉汁豐富. 扒邊帶有少許筋, 很有趙勁, VERY GOOD !黑椒牛柳 - 有 3-

叫了一個晚餐A($58),是我喜愛的鑊仔牛柳，我改了要黑椒汁，因為不太餓所以叫了薯菜。食物沒有想像中好吃，不過都認為不過不失，一分錢一分貨嘛.....另外店員的服務態度很好，要求多多的我，他們都樂意服務。最特別是原來麵包已經夾了牛油，這是沒有想過的。

今日帶個仔同兩個舊同事食lunch，因為我塞車所以其中一個朋友去咗攞位先，大約12:35pm到，而我就12:55pm到達，但其間朋友已經打電話比我話佢比人眼超超所以問定我食乜幫我點咗(朋友幫我點咗羅宋湯同埋黑椒什扒飯)，之後去到我又唔覺得好多客喺出面等，食食下有個應該係老闆娘既物體行近，對住我搵位嗰位朋友講 "先生，唔該你快d食啦，出面仲有好多人等位架(我朋友碟飯食咗3分1到)，而且你哋有個細佬仔坐咗個位我已經唔計啦…" 我當時真係火起，我小朋友3歲係咪仲要佢坐大脾呀！？而且我哋坐卡位，咁迫仲會唔會有人坐入嚟呀！？跟住我兩個朋友係咁話算啦，算啦，佐敦食飯係咁架啦！乜而家今時今日仲會係咁既服務態度架咩！真心講我覺得佢既午餐其實都算唔錯，但係如果用咁嘅態度對待客人係咪真係要認真改善下呢？我哋比呢間鋪啲人急速催促下20分鍾食完呢餐，食完背脊骨落呀！

同老公第一次幫襯; 見都有不少好評, 都有D期望...老公點了 煙鴨胸 跟薯菜我點了 大蝦牛柳 跟薯菜先黎頭盤-日式紅色八爪魚一隻: 不討好-不吃也罷... 跟住係餐包+羅宋湯:湯唔夠濃, 麻麻地...煙鴨胸: 正常; 薯條一早炸定,凍凍地; 伴菜:賣相好差下...豆角翠肉瓜+少少西蘭花-好似幾日前炆定咁...大蝦牛柳: 大蝦: 梅梅地唔新鮮; 牛柳不是一舊, 係切成幾片薄薄地咁(叫7成熟都沒用, 一片片的全熟了啦), 沒牛味的梳打牛...心中納悶...攪錯呀!草草吃過就埋單. 一定冇下次!

同事生日, 又諗唔到食咩好, 又要快食完成班女仔一齊去買野, 又要好食而唔駛等位, 終於有人提議牛屋.lunch時間去, 我地成10個人, 不過得左無耐就有位.set lunch唔可以要求太高, 不過呢度選擇都好多, 扒類嘅又有, 焗飯/意粉都有.食完其實無咩印象放左d咩入口, 感覺上都係不過不失嘅, 不過就有大家樂扒feel. (其實價錢都差唔多, 所以無得不滿)唯一一點令我回味嘅係佢個好舊式, 好熱辣辣, 充滿牛油香嘅餐包! 咬左一啖已經好想大叫"黎多客丫!" 但又唔好意思啦 haha = =下次會同小d人黎試下佢d晚餐同埋海鮮類~!

尋晚一行10個人特登o黎牛屋食din.. 因為之前都有好幾次係呢度食過d海鮮.. 所以今次都早幾日打電話去book 定野食. 老板娘Alice 好nice, 我地好多時打電話去做booking, 老板娘都會幫我地預留最好同新觧食材. 一開始我地就食左唔同地方黎的 生蠔, 有呢個愛爾蘭, 墨西哥, 法國等唔同產地. 每一款的生蠔道都十分之鮮甜. 我個人就十分鐘意墨西哥同法國的生蠔.墨西哥生蠔非常甜美, 味道有d 似甜生蠔, 而且係甜而不膩, 顏色係微黃色的.. 另外, 法國生蠔, 佢咸水味足, 十分新鮮, 口味唔會話太過creamy 或者太過瘦 仲有一個車厘蜆不得不提, 呢一個係我的 favorite, 口感十分可口, 未食完一隻就己經好想再食另一隻.另外, 經老板娘推薦, 今次我地都試左一款新菜, 就係睡蟹. 呢個凍蟹經過簡單的烹調後, 出奇地可以保留住十足的鮮味, 蟹肉同蟹膏十分惹味, 對比起其他名食店, 不但價錢唔貴, 味道仲係相對十分出色.美食當下, 美酒當然不缺. 當晚我地就試左老板娘新引入的加州白葡萄酒, chardonnay, 呢款酒聞落花香味十足, 味道香濃, 唔會有

五月二十三日 (星期日)今日很充實,去完唱K發洩,再去科學館看野生動物紀錄片,再到歷史博物館走一回來來回回,又到了晚飯的時間靈機一觸,我突然想起多年前吃過的一間西餐廳-牛屋於是便和老公仔去了又是吃扒,上星期才吃過花園餐廳我依舊的點了龍脷柳配薯菜老公仔則點了看上去頗吸引的芝士煎蝦拼雞扒,配意粉+3至5元便可任點飲品了我的龍脷柳很快便上枱了很厚肉的兩塊龍脷柳,煎得很香口,外脆肉嫩配上蕃茄汁,很美味可口可能煎蝦需要較長時間,老公仔等了好一會才上枱呢但等也是值得的,因來到是已芳香撲鼻沒有偷工減料,用了起碼是中size的蝦,釀入芝士一起煎,份外香口而且芝士份量適中,沒有肥膩的感覺蝦肉很新鮮,爽口彈牙至於雞扒是厚隻雞脾拆骨的,很鮮嫩值得一讚,這裡的餐包頗有水準另外,服務員會預先為你塗上牛油的,若不想,請早揚聲...

什菜湯都幾多的菜喎…有少少辣的餐包WOW…成塊牛油夾左入去的了…仲叮過溶溶地…好香軟的!小食-茄汁MEATBALL又幾好味架喎…肉沒有CHI埋一舊硬曬…幾軟身好MEATBALL! 威靈頓牛柳幾有新意的! 牛扒夾住隻肥蠔…牛同蠔熟既時間唔同架喎…唔知係點MATCH 架呢?個人覺得…兩者都熟左少少…還好肥蠔沒有熟到變蠔C... 牛就有D CHEWY...外皮都有少少焦脆的...布袋牛扒酥皮牛! 酥皮幾香脆喎...不過食多左...有D滯...牛油滲左去D牛扒度?!?! 係香D咁喎...E個牛扒軟D...有個牛味!D汁...好似點個酥皮幾好味...銀鱈魚柳唔係幾OK喎...魚不滑的...D茹茹就幾大片既...D意粉就有D硬...2個牛都係得式的餐廳推介...幾得別呀...但係就細份左D...因為比其實野食明顯貴多了呀...不過佢幾多配菜都幾好...HEALTHY D...我地坐左入去... 真係別具一格囉...=.='係正個KITCHEN 旁...吸曬D油煙...走個時經過...先FEEL出面既好環境...店員幾nice...一叫就黎...仲有recommendation...不過... wh

在食之前未check過他在openrice的ranking原來有不少好評之外價格是101-150我食的是午餐其實是三十幾塊就有店內環境還不錯啊幾古色古香！但有電視看，奇奇怪怪的紅餐湯味道不錯啊菜還算蠻多紐西蘭肉眼扒感覺好肥所以會軟身但瘦肉位都算易咬薯菜的薯條幾新鮮啊，但有d是炸粉...要加一服務費？！

工作一直是忙, 想寫下這食評亦要等到現在!!前陣子一班朋友一起到這扒屋, 整體食物同環境都好好...ha~所以隔了差不多一個星期左右, 再戰多一次!! (但今次只係同老公黎^^)心血來潮, 想影d食物相, 但竟沒有帶相機...唯有用我質素一般的手提電話影la...今次原本諗住食牛扒+雞扒, 但一見倒晚餐D係"芝士鵝肝汁雞扒" !!!!!!!!!! 老公同我即刻二話不說點埋同一款...中途仲點埋生蝦同蒜容焗青口...haha大飽口福~1. 先上黎係一個小小的前菜蟹子中華沙拉.2. 跟住係跟餐既包---有良心1(熱得黎焗到脆皮,仲要已經塗埋牛油, Yummy)3. 接住黎係餐湯, 今次叫左羅宋湯同青豆雜菌忌廉湯. --有良心2(羅宋湯辣味剛好,飲得出好足料,湯中還有此牛展肉)(青豆忌廉湯感覺好清新, 忌廉濃度亦恰到好處)4. 跟住係主角..."芝士鵝肝汁雞扒",我跟薯菜, 老公跟意粉--有良心3(woh唔只個名吸引, 買相同味道都真的好好, 雞扒皮脆新鮮不油膩, d醬汁更加野味, 一路食一路有好滿足既感覺)(薯菜同意粉各有吸引, 粗款波浪薯條炸得脆而不油, 意粉有咬口不會太軟身.如果係想同

禮拜日晚一行6人表演完要飲飲吃吃開心一番!其中一位朋友推介呢間餐廳, 我之前都聽聞過其他朋友推介呢間廳, 一於一行6人去試試佢啦!生蝦真係估佢唔到... 個生蝦好味過好多所謂泰國餐廳.蝦好新鮮之餘又大隻，一ｄ梅的感覺都無個汁真係重點... 雖然有ｄ辣，但係好味得很... 我攞埋佢黎點薯條 羅宋湯(跟餐)首先要講講個羅宋湯, 好濃, 唔太辣, 又足料... 正呀!!!好想飲多碗, haha餐包(跟餐)個包熱辣辣之餘重要外層脆脆地... 送湯一流!!!牛柳+薯菜牛柳好正, 好"林”又有牛肉味個蒜汁都好正隻碟夠大薯菜唔會”林”晒.黑椒雞扒+薯菜雞扒勁正, 面煎到脆卜卜,又無雪味，真係堅正!牛脷佩芥辣食，送酒 good good加埋我地叫咗成打啤酒，每人都係 around 80-90蚊.抵食呀!!!!