牛屋餐廳

營業中

休息中

今天的天氣不太好有雨水。今天行佐敦的吳松街想食西餐於是入來食午餐當食下午茶(大約下午16:30)，價錢方面幾合適。午餐的忌廉湯味道算OK因為不淡，飲了覺得幾美味。午餐的西冷牛扒配飯味道一般，食落的西冷牛扒多了點牛筋而且牛肉的味道又唔算多，不過以加一的$43價錢來講又唔係話要求高但實際上的味道麻麻地。希望下次來用餐會有驚喜。

為方便友人上堂，繼上次巨一後再次到佐敦搵食，今次鋸扒 - 牛屋餐廳。 牛屋約有二十個坐位，是晚平日約八成滿，不用搭檯。 既然來到，當然想食得特別一點；放棄了$78的set dinner，揀了網上好評的「招牌焗威靈頓牛柳」$188。 中文寫「威靈頓牛柳」（非牛扒），反而英文寫明是「Baked New Zealand Wellington tenderloin」，即紐西蘭牛柳（註：威靈頓是紐西蘭首都）。 套餐只包括餐包及湯，另加$3有冷熱飲（此店無論任何套餐均不包飲品）。餐包屬普通貨色，但預先已塗牛油及烘熱。餐湯有紅白選擇，揀了忌廉湯，味道不錯，質地較＂杰＂，並無溝淡。 主菜「威靈頓牛柳」其實是焗牛柳，上檯時就似是一個批，因為牛柳外層被酥皮包著。切開後見到厚厚的牛柳在中間，是次點了五成熟（不過似乎變了七成熟）。因為牛柳本身是tenderloin，即近腰部的嫩肉，非牛扒，所以肉質十分腍；難得是厚切牛柳加酥皮，外脆內腍，兩種口感，十分好食！ 另外點了個「焗意大利帶子安格斯西冷」。帶子有兩粒，普通size，味道OK無特別；安格斯西冷幾大塊，一般的厚度，帶少少筋，質地夠腍（當然不及超

成日經過但真係第一次來食，個氣氛情調超正，燈光唔會太光暗暗地又有音樂，d酒放得好有feeling燈光照得好靚又唔會照到人去食午餐，一坐底就俾個餐飽我地，之後揀左一紅一白,好大碗囉個白湯超正粟米好甜，又唔會話好用水攪到佢淡左，好正個餐飽令我出奇不意就係上面係脆的，裡面有埋油，熱熱地外脆內軟好正叫左黑椒西冷反，賣相很好，好大塊西冷肉質不錯，不會太硬，旁邊的菜也很淋，非常好杯冬0水就差左D

我是CHEF RAMSY的忠實FAN!!無論是MASTER CHEF, HELL KITCHEN, JUNIORＣＨＥＦ。。。只要係CHEF RAMSY的節目我都是捧場客！！一直看到他的廚藝的確非常了得！坐擁幾間美芝蓮店，而威靈頓就是他的招牌菜之一，所以吃威靈頓可說是我的味蕾其中一個願望！機不可失，當發現到佐敦牛屋可以以平民價品嚐到威靈頓，當然要即時飛去試一下！先在開飯喇看了一下食家的評價，一看之下發現有食家分享餐廳價是浮動的！同樣是威靈頓，但餐牌的價錢竟然會不一樣！？所以落單時，襯著收餐牌前拍一張照做記錄！威靈頓之所以沒有太多餐廳可吃到的原因是，１）製作煩複，考功夫　２）師父功架要高，要不然食客一切下去太熟或太生都會一目了然！牛屋的威靈頓賣相不錯，有濃郁的牛油香氣，但如果牛油輕手一點會更好。整體而言，威靈頓確實值得一試！

約左男朋友食飯. 首次試這間餐廳,男朋友點了三文魚扒而我就點了蒜汁雞扒,男朋友話三文魚扒味道OK,,而我的雞扒味道也OK(外皮脆,裡面有肉汁). 總括來說可以再去~ ~

難得出左來佐敦, 諗住返返來E間幾年前既餐廳懷舊一下,點知唔開心既事就發生。攞起個餐排,睇下有咩好食,屋企人唔想食咁貴所以就食D比較平既餐,叫左個黑椒牛扒意粉,咁我見之前冇食過佢地既威靈頓牛扒,見佢$168咁都唔係太貴,咁就叫啦。個黑椒牛扒意粉來左。嘩... 塊牛扒真個薄過Sashimi, 見到都打左個突, 但我心諗: Wa..而家D生意乜難做成咁呀@@真係去茶餐廳食仲爽..... 冇幾耐我個威靈頓牛扒來左,講真係幾好食, 分分鐘佢賺得少過個黑椒牛扒意粉,因為佢用料唔錯,咁我心諗幾抵啊呢個野~~點知到埋單個時佢寫個威靈頓牛扒係$ 198, 我真係O鬼左咀....跟住就問佢地係唔係寫錯左, 跟住佢地就攞個menu 來同我地對一對, 咁佢就指住個 $198 既澳洲威靈頓牛扒( 又打左個突,因為一來我地唔係睇個張menu 叫, 2來都唔明點解同一樣菜都可以有唔同價錢, 咁我同佢講我唔係睇個張menu叫既而係第2張。跟住佢拎左張做左手腳既menu來, 個個餐已經轉眼變成$ 188, 我心諗 :wa! 唔係啊ma! 我明明之前左睇右睇個個餐都係$168, 而家突然變個$188 出來!? 個時因為

其實以前都有幫襯過通常係星期六放工同d 同事踢完波去食可能因為星期六冇咁多人關係依間野我好欣賞佢d 焗飯，紅湯同餐包 3 樣野都做得好好今日去完element 見客同d 同事去幫襯咁岩lunch 炒場時間 係門口等左15 mins 都預左入到去果陣都成 12:38 左右當時樓面加水吧得2 人一個4 眼男人 一個外型tb look 既女仔入到去仲未見到果個pk 老闆娘的入面踢晒腳 見到佢2 位都覺得佢地辛苦如是者 我地叫左 龍利柳意粉焗肉醬意粉 同 焗豬扒飯龍利柳意粉唔洗焗 所以好快有 我同事都好食完跟住過左10 mins 我另一同事焗肉醬意都有 到我再等多8 mins 都到埋，但我體諒 因為堅忙與此同時 果個十分之黑人憎既老闆娘都係度我同事食完肉醬意粉後 我仲淨返4 分1 因為焗得夠火喉好熱冇可能咁快食完 係依個moment 個老闆娘行過用手指連督我手臂兩下 用好不x 知所謂既態度同我講 : 唔該你快d 食 我有好多客等緊依張枱，果時我真係呆左兩秘 你冇野呀嘛 動手我唔係比面你係女人 我唔還拖先奇 ,我跟住回佢話 焗飯好熱呀 催催乜呀今時今日

本來今日唔係嚟lee度食飯 但係想去嗰度今日冇開喎 好在我記得牛屋都係唔差的扒房 於是就嚟咗喺度食 這裏地方很細 只得不足十張枱 我哋兩個人嗌咗兩個set 分別係雞扒餐同鵝肝拼豬扒 首先係有餐包 初時以為係蒜茸包 但原來佢哋以經塗了牛油去焗 嗰包夠熱 唔錯 之係係白湯 有少少磨菇同粟米 不過不失啦 之後有個小食 其實我都唔知係咩嚟 有舊肉包住個露筍咁 幾好味 主菜雞扒好大塊 有點乾身 可能過火了吧肯定可以滿足食肉獸 女仕們可免則免喇 這裏的鵝肝好好食 鵝味很濃 紅酒汁亦很出色 本來想拼牛扒的 但要戒口只好轉豬扒 豬扒也是普普通通 總括來說也是滿足的 二人吃了$280

i was planning to try this restaurant and so called the restaurant for reservation but the lady who answered my call is really impolite. when she picked up my call i asked "can i make a reservation for tonight" she just said "call later" and then hanged up, without any explanation and did not say "please" or "thankyou"....so of course i changed my mine and look for a better one........

看到有D不太好的食評﹐來一個平反。晚上8點﹐入到去有張2人臺。雖然是一張接疊臺﹐在通往廁所的通道﹐但是server姐姐態度很好。好有禮貌地話比張椅我地放野。仲安排放埋在一個不會阻到我地的位置 (因為店比較細) 店內環境是80年代香港式西餐廳的裝修﹐在此類以前style的香港式西餐廳﹐其實不應該要求像高價餐廳的100%服務。他們行動快﹐可能未講解完已經轉緊身離去﹐因為人多了﹐兼顧不了那麼多。而且﹐他們的態度全都好好的。很值得讚賞。2人分別叫了﹕今日頭盤是日式螺肉沙律﹕沒有什麼特別紅湯﹕越飲越辣的感覺﹐落足料﹗好喝白湯﹕香濃﹐好好飲配上熱辣辣﹐個面脆卜卜的牛油餐包﹐一流。1) 大蝦配牛柳(4成) 薯菜﹕一上臺燒大蝦的香氣已經在面前飄來飄去。蝦肉好爽口﹐彈牙﹐鮮甜。而 牛柳做足了4成﹐切下去就看到入面紅色﹐粉紅色至外面很薄的一層熟透。非常juicy。唔鞋。好好吃。2) Beef Wellington (5成) 意粉﹕來自英國的Beef Wellington, 主要是酥皮包著涂上鵝肝醬和蘑菇蓉的牛柳, 然後焗。一上臺﹐外表已經吸引﹐一下刀﹐不得了﹐酥皮極脆﹗在入面的牛柳﹐那漂亮的粉紅﹐仍有少少

23.7.2011上法文堂之前, 和好友來了這裡食飯. 午飯時間, 這一帶有很多食店都爆滿了, 幸好這裡不用等位就可以入座. 好窮呀, 好友可以點貴價一點的套餐, 而我就只可以吃平價的是日午餐. 雖然擔心會質素很差, 但都無辦法. 哈, 但最後我的擔心原來是多餘的.是日午餐是跟餐包, 餐湯和餐飲, 價錢由三十多元至五十多元. 餐包是熱辣辣的, 很軟熟. 裡面已經塗上了牛油, 且已經溶化了在軟淋淋的餐包內, 哇, 我都是第一次吃這種 "油包合一" 的餐包, 又熱又香, 好正之後的餐湯我揀了白湯. 裡面有粟米粒和魚肉. 湯的質地杰杰的, creamy. 粟米粒很甜, 魚肉也鮮味, 想不到一碗白湯也用心製作.飲完湯, 主菜來了, 是鮮茄雞扒飯. 雞扒很大塊, 雖然也知道是雪藏貨, 但這兩塊扒也煎得很香, 肉質也嫩. 鮮茄汁是少酸多甜的味道, 用來送飯一流. 蕃茄粒和紅蘿蔔粒也甜甜地, 好好味. 伴碟的西蘭花和白菜也是淋淋的, 而且有蒜容炒過, 所以很香口. 真的意想不到連伴碟的菜也可以這麼惹味哩.這個餐盛惠$37, 連加一後$41. 能夠吃到這麼有心思的午餐, 十分抵食呀. 有機會一定再來.

本來沒打算在附近用餐，但剛好有事要在這區停留一會於是順便找地方落腳醫肚。 記得良久前經過見餐廳外表帶點古舊引起了興趣，今次又想起便入內試試看。可能因為太早餐廳內只有一台客在進餐，而樓面一位侍應也看不見。轉眼終於有招呼坐下，因為時間不算太充裕於是便以是日晚餐作選擇，分別是黑椒西冷扒跟意大利雞扒。隨餐附送餐湯餐包點了羅宋湯，羅宋湯帶水+辣 反觀餐包烘過帶脆口更勝前者，除此還有沙拉2客，味道也只是一般連面上的麵包糠也是。 除後上黑椒牛扒偏小，沒什肉味，而且落單時跟本沒問熟透度，有點失望伴碟的菜也過淋~~雞扒反而更勝一籌，雖然上台時賣相不什佳但一切時表皮非常香脆而托底的薯條也是剛炸起的，補回不少分數~！至於服務基本上感覺跟茶餐廳的一樣，對我們愛理不理，就連結帳時也見有點混亂。

師妹早輪約師傅去睇演唱會, 講真師傅對呢個歌手嘅興趣不大, 不過既然係師妹叫到就冇所謂啦! 睇演唱會前當然要食個飯先, 數下手指師傅都有好一段時間冇同師妹食飯, 不過食啲咩又冇咩心水, 於是就同師妹喺自己個地頭行下! 師傅心想吃西餐, 可惜選擇唔多, 最後忽然想起呢間食店, 才知師妹從未黎過, 既然係咁, 就一於帶師妹入去食番餐!入到食店人唔算多, 都幾多位可以揀, 可能係時間早左少少啦! 坐底後隨即望下個特色晚餐的餐牌, 發現個A餐好吸引, 所以師傅諗都唔使諗竟揀定左, 而師妹亦好快手咁揀左B餐, 一個優一個良, 就係最貼切嘅形容詞來形容師傅同師妹喇! 特色晚餐有頭盤, 餐湯, 餐包和主菜, 師傅揀左紅湯, 師好就揀左白湯! 落完單後好鬼快就已經有得食, 頭盤係沙律, 有少少似凱撤沙律, 入口發覺菜都幾新鮮爽口, 麵包槺夠炸腍, 八個字形容呢份沙律 , “比上不足, 比下有餘”, 師傅覺得個水準都不錯! 之後再試餐湯, 紅湯係羅宋湯, 白湯係忌廉粟米湯! 師傅有幸試過兩款, 所以先講羅宋湯, 羅宋湯湯料唔太多, 呢下師傅相對地欣賞, 皆決師傅鍾意飲湯多過食湯料, 可惜羅宋湯味道普通,

其實我都唔寫食評, 只是睇, 但今次真是要激到一肚氣, 最後都冇幫襯到. 各位仁兄仁姐若如不介意 貴茶餐廳的一倍價錢, 或是如有心理準備受氣的, 呢間餐館應該會好適合你....呢間餐廰我幫襯咗幾次, 覺得質數不算太差, 以前食過瑞士豬扒， 都算幾好味， 但相對要成100蚊一碟，未計飲品， 都算貴。 但既然想食西餐便靈機一觸不如再去過, 最近有好幾位都負面食評, 希望今次隔時間再去會有大平反. 我知呢間餐廳好細，座位都是很迫, 同埋枱唔算多, 所以我晚上6時已訂定7:30 預位,3位, 希望不用等就有位. 誰不知當我和老公及我三歲的兒子7時半進去時. 入座率只有3成, 同以往比相差甚遠, 等我還心想沒位而要預定. 因此都未代個侍應招呼座那裏時, 我地就選了張四人枱, 雖然是三人座, 但手袋, 小朋友的食物毛巾日月品都有一袋, . 誰知我想個個是老柀娘叫我地三人座一張比小朋友的枱還要小的一張枱, 用足三邊而座, 跟著我先生講留了3位喎, 佢都照樣叫我地座迫迫的一張枱三個人座. 我終忍唔住, 佢都係女人, 應該好明白帶著細路又一袋一細, 都要搵張椅放些東西啦, 咁我講咁張枱點擺放

今晚又有一位好朋友和我補祝生日.朋友在前一天問我,明晚想食咩呀? 突然想起之前經過"牛屋餐廳",被他的門牌吸引著,但當時已食飽飽了.今次突然想來試試,所以今晚便決定來了.這時,時間約晚上7:30,一來到便看見餐廳有一半枱已滿.我們便坐著二人枱.過了約10分鐘,很快全餐廳已滿座了,還有些要在外面等候,慢慢發覺,全餐廳滿座,但聲音愈來愈嘈了,真的有點像街市一樣,想細細聲傾下計講下秘密都唔得.這一刻想轉餐廳也不好意思.便乖乖地在牛屋餐廳裏.話明牛屋餐廳,我諗招牌菜都是牛為主,所以今晚便order黑椒西冷扒餐,這一個黑椒西冷扒餐,當中包括1a)餐湯不用多說,在紅白裏二揀一,我必定會揀白湯啦. 始終忌廉是我的最愛. 不過,這一個湯真的有點求期,求期的意思是湯很稀,很淡,一點也不重忌廉味.反而,我在家裏煲的罐頭忌廉湯還比它好.1b)前菜蟹鉗還以為在餐廳裏吃的前菜-蟹鉗是真的有點鮮蟹肉,像海鮮酒家這類的. 誰不知,一咬,那麼粉的,感覺是我家樓下超市或凍肉鋪買回來的蟹鉗,再加上我家也有的甜辣醬,這一個前菜,真的欠缺誠意.1c)黑椒西冷扒起初還以為牛屋當然出名牛啦.就算order一碟普通的黑椒西冷牛扒,