牛屋餐廳

營業中

休息中

舊式餐廳食午餐好抵空肚抽完血，立即食返餐豐富的紅湯好濃郁，杰杰的好重蕃茄味道好豐富的配料，成塊牛肉，紅蘿蔔、洋蔥，少少辣好惹味西冷牛扒好大塊，肉質淋，重牛味，蒜蓉汁吊味一流，意粉吸收了牛味蒜汁好好味奶茶一流, 茶味夠濃，奶味剛好，口味幼滑，

成條街又有韓國菜、泰國菜，不過都係去左牛屋午餐選擇多，選了西冷牛扒餐侍應效率奇快，先來面包和湯面包暖暖，先用多士爐暖住，驚喜面包早已放了牛油，牛油溶化於面包中間，又香又滑羅宋湯好濃郁蕃茄味，水料溶合，仲有一片牛肉，仲有牛味十足，薯仔煲到淋曬，料味十足，濃而不肥膩，入口後蕃茄味留左一陣先散，餐湯中真的不錯！主菜西冷牛扒，看住大廚在開放廚房煎牛肉，牛扒好軟好嫰，不老不過火，大大塊，完全足料，新鮮味濃的黑椒汁，好有黑椒味，仲食到細細粒黑椒，我估應該係自家製，不過食到好辣，配合牛扒突出鮮牛味香，食完辣左五分鐘，西冷肉厚不肥膩，有適當的肥膏，肉肥比例不錯。意粉吸了黑椒牛肉汁，只是撈一撈已經好入味。

同男友慶祝紀念日, 本身諗住BOOK 尖沙咀既餐廳, 點知FULL左, 結果由尖沙咀行到佐敦睇下食咩。想据扒, 結果OPENRICE佐敦, 發現了牛屋餐廳。行過門口已經有MENU, 睇一睇發現OKAY呀, HK$82+10%有一個SET DINNER (包湯及一份主菜), 有鑊仔牛, 帶子雞扒等等4款, 覺得都OKAY, 所以就入左去啦。入到去見到情調OKAY, 坐位比其他平價扒餐廳來得舒服好多。可能已經係8點半, 所以唔駛等位之餘, 餐廳又不是很多人, 整個FEEL 都好舒服。畢竟第一次光顧, 所以同男友一人叫左一個HK$82既SET DINNER - 鑊仔牛柳 配 薯條 及 帆立貝煎雞扒配薯條。兩個SET既賣相也不錯, 薯條金金黃黃, 好脆好熱, 似係啱啱先炸;我的 "帆立貝煎雞扒", 有一隻帆立貝, 都幾大粒既。雞扒煎得恰到好處, 雞皮脆脆, 微燶, 雞肉還可以, 不是 "鞋鞋" 的。而男友的鑊仔牛柳煎得啱啱好, 肉是嫩的。以$82一個餐來說, 我覺得係可以再返黎食的。下次仲可以試貴少少既扒餐添。唯一有少少失望既地方係餐廳只供應啤酒, 如果有埋紅白酒就更好了。

一入門口就問我幾位(媽媽級女士問，以下對話都係)我就當然答一位，lunch有幾可去攞定位(上次見到都冇咩人)第二句就問: 忌廉定羅宋?我: 白湯 ((個人偏好白湯之後就快快手叫咗個蜜桃豬排+薯菜之後又問：飲咩?我：一陣先((因為見到要+$3佢：趕住呀!我心諗(有咩咁趕,趕住投胎咩?)之後就叫咗杯熱檸水上咗個湯，不過不失，有幾粒粟米個包又預先搽咗牛油(好彩我食姐再上就係個主菜，豬排夠量,有2塊，薯(好似)仲少過M記，四舊翠玉瓜就排得好靚仔豬排煎得啱啱好，見到幾片蜜桃，不過D汁唔知咩味，而且食落真係覺得一般般，又唔係特別好食薯又少過人，食得唔多夠飽，瓜都係一般啦，唔好想得太好最後出杯熱檸水，放包糖係旁邊，成包濕哂，點用呀!!好彩平時我就唔落糖，而且檸檬唔澀，不過不失啦如果咁普通都唔掂，華田可力(仲要係+$5)都唔好飲得去邊食物一般，服務真係唔掂，真係冇下次BTW，食完俾錢走個時見到轉角 佐敦道間 三洋 $41 又唔駛加一，下次去試下

身處吳松街嘅牛屋, 隔離就係廟街, 所以呢間餐廳保存到廟街嘅風味, 就係「嘈、吵、亂」!一入到黎, 個人都未坐落張凳度, 個女侍應就已經問我飲咩湯, 我心諗俾一分鐘等我望下個餐牌都得啩。同決定左飲紅湯之後, 叫佢抹抹張枱, 佢就一臉不屑、求其抹左一下就算, 啲服務態度就係夠晒廟街「本土特色」成」!!到野食黎左, 羅宋湯好酸, 完全睇唔出廚師有放過任何心機落去, d雜菜亦都過硬, 根本你就唔會有意欲飲多啖。而餐飽係凍嘅, 牛油又無, 同其他扒房嘅形式真係「與別不同」!個餐湯唔好飲, 我都對個牛扒意粉不再存有任何寄望。果然, 意粉好乾身、好硬, 口感好差; 牛扒薄切, 亦醃得太多鬆肉粉, 搞到丁點牛香味都食唔到!佐敦區最好食係邊間餐廳我唔敢講, 但係最差嘅, 呢間肯定位列頭三位! (P.S. 佢仲夠膽收我加一服務費, 真係反智!)

本身要朋友去新牛屋等，點知朋友唔知有間新牛屋，去到唔見佢知佢去左牛屋已經心知不妙...一入門口見到朋友坐係門邊，晏晝兩點熱到癲啦仲要坐門邊！ 我朋友話另外張二加四位六人枱無人坐但侍應話要黎留返比人多用， 講真中午兩點已經無人入去，仲唔比調枱，我朋友仲話個紋身侍應回應佢時態度已經唔好，跟住唯有點餐啦，點左一個燒汁魚柳， 一個蒜蓉汁雙扒餐,黎到時兩個餐係一樣汁（同色）！！！幫佢諗埋藉口話係佢餐廳啲汁唔同啦，就問另一個女侍應問我個係咪燒汁，佢堅稱話係，但我同朋友碟意粉係一樣味的！！！ 都算啦， xx! 食到一半有臭豬味，係個汁有問題， 浪費食物下都要放棄！啲一刻我好後悔點解唔食麥當勞！而張二加四位六人枱到我比埋錢都無人坐！！！$45連加一佐敦大把好食又平過佢嘅餐廳！唔會再黎啦！！！

行經佐敦，隨意行過哩間餐廳，好似都開左業一段時間，諗住試試係咪有特色。。。點知一入去就發現好似去左酒吧咁，燈光帶藍下嘅氣氛下點菜：但求溫飽，可以一試。一個晚餐都要$80起一位噢～～

耐無鋸扒，知要行開佐敦，又未試過牛屋，又見團購，咪買來食下。。。。時間仲早，1800，得一枱客，地方裝飾似d70，80年代，坐定定，就落單，因為一早諗定會食T骨扒同肉眼，兩個都7成熟，一來比個紅湯，不錯，但個餐包就暖左d，可以訂返熱就好d囉，跟住等左十分鐘左右，chef煎好扒後上碟，份量就真係大件，但可能自己唔識落order, 7成T骨有少少熟，但都ok香口，反而肉眼就真係要5,6成熟就好，因為話7成，食落直頭覺得係well done感覺，無計，朋友講過唔同扒熟度唔同，但未諗過今次的肉眼扒會咁熟，感覺浪費左。。唉，可惜，下次大家食開，記得5，6成好了

Happy Friday 約了兩位姊妹聚一聚，真的很喜歡沒有壓力下有什麼說什麼，什麼也談，工作、感情、家庭等，我們選了牛屋餐廳，差不多七時半去到，我們沒有訂位，幸好剛好有位。小餐包，暖暖的，軟軟的。選了最愛的羅宋湯，好喝喔！不會酸，如果配料多一點便完美了。朋友都選了西冷扒，他們都說好吃，沒有over cooked，我不吃牛，所以選了銀雪魚配帆立貝，本來是配大蝦的，但我敏感不可以吃，所以問一下可不可以換，太好人了，大蝦換了帆立貝。銀雪魚好吃，有入口即融感覺，帆立貝煎得剛好，不會太老。

一去到，個場都無客，叫左佢LUNCH SET上的牛排餐。老實講，好簿，似茶記貨色，唔通將貨就價？汁唔夠，口感好差，因為太簿，連個飯都好濕，痴埋一堆。整體感覺係失望的。麵包是凍的 連牛油都無，問佢拎幾次都唔比(要牛油好基本者？)，比我聽到佢細細聲話"使唔使咁姿整呀？", 食係食到一肚氣。 杯奶茶好淡，唔夠奶唔香，當然，不是茶記一般啲茶都不應有期望。似乎KEEP不到準了。

第一次寫open rice食評，因為實在太失望了。水準每況月下， 很失望既經驗。本來一心抱著開心既心情來吃一頓真正的牛扒餐，因為這餐館已吃過幾次，感覺十分滿意。難得剛才在團購見到有牛屋 coupon,便馬上買下兩張和老公去吃一餐豐富既牛扒餐。今晚我點的是大蝦牛柳（$208），老公點的是蠔焗布袋澳牛柳（$198）.先來一個羅宋湯，感覺沒從前的濃郁，但仍有很多材料，還可以的。到主菜來的時候，布袋澳牛柳看來很美味，這菜式已吃過兩次，水準不變。可是當我的大蝦牛柳來到時，一下刀時覺得牛柳很淋，但淋得不正常， 而且我叫的是5成但出來有7成，一點血都沒有了。 再吃又沒肉味而且有點喊，根本不是正常我牛扒味。再切下更覺得牛肉根本毫無彈性。我吃了幾口實在難以吃下， 於是跟同店員反影。 誰不知店員看了我已吃了幾口，第一句就challenge我為何不早點告訴她有問題，反而好像以為我想騙多份牛柳吃一樣。同時店員又說我吃的是紐西蘭牛柳，和老公那份是同一等級，只是部位可能不同。可惜以我吃了超過十年牛肉的經驗（我當然不算是專家，但不時也會吃牛肉，什麼檔次的牛肉都懂得分吧）， 這牛肉的質感根本就像街市凍肉公司賣的低價牛

難得相約藏友出來聚聚，來了這裏吃晩餐，這間餐廳的食物很幾好味，質素不錯，值得推介你們一試。這裏環境也不嘈吵，坐下來閒談也不錯的一個地方。******************************原來有2間都叫牛屋，要認住這個門口哦。點了一個set，來了個餐湯紅湯。紅湯是菜湯的味道，不像茶餐廳的紅湯香濃。要了一份蒙古式燒羊鞍配薯菜，羊鞍味道不錯，肉質又不會太生或太熟。煎秋刀魚，煎得香口，吃秋刀魚是最穏陣的。炸雞軟骨，香脆酥口野味，一流。最後還來多一份牛柳，牛柳煎得腍身，又不會太生或太熟太硬口，不錯的。最後朋友要了杯紅酒，我要了杯凍檸茶。凍檸茶不過不錯，茶味不會太濃的。

從前很喜歡吃牛屋，因為晚飯時間去食扒，吃完坐下還可以飲酒食生蠔！想飲酒又想食飯不用去幾個不同地方，爽呀！但人大了，發現牛屋的味道沒有變過，只是不過不失！當然人大了，咀也被好味的東西竉壞了！黑椒汁沒有太大黑椒味道，扒因為碟上叫了7成熟是剛好的！其他就真的無咩太大特別，但喜歡這地方有著過去的，十年如一日的裝修，可以令人回味，但從前無去過的人，只會感到破舊不新！想回味舊日的味道，必去

第一次在這寫食評，是因為這經歷實在不堪回首。我不太明白為何之前有這麼多人讚，奇怪。除夕時間，突然想吃威靈頓牛，知道這間有得吃，更是招牌菜，又冇人排隊，就到此一試。我當然叫了威靈頓，略略看過之前食評講好吃嘛。我老公叫了鵝肝安格斯牛。我要5成熟，他要7成熟。全場總叫有客，但不是滿坐(再細心看之前別人的食評，也慶幸未有見人被催走)。服務不見得特別好，但總算沒特別差，很一般的服務態度。首先來了龍蝦湯，還ok，至少有龍蝦肉。但當然比起新鮮龍蝦湯差好遠，但$2xx一個餐總算合格啦。前菜好似係火雞沙律之類的，沒要求了，可接受。正 餐來了,,,,先說說我叫了的威靈頓牛，5成變了7成熟，是很淋，但這種淋係死淋冇口感可言，冇牛味，有微微梳打粉味(我很憎呢隻味，少少都好覺)。威靈 頓牛應有ham和磨菇蓉隔著酥皮和牛柳，但轉了火腿和罐頭肝醬，也明白的，因為我在家整威靈頓牛柳，成本也要$200以上，這餐是$208，降低成本是正 常，但沒想到以"牛"仍賣點的牛也要這麼差，汁也似茶餐廳，翠華比它好。不過為了氣氛，我也沒向老公說什麼。但吃了一會，老公受不了。他跟替我們點菜的侍應說:"我叫了7成，為何來了10成?" 侍

好耐無嚟食牛,上星期中午同友人去咗佐敦食晏，試咗呢間好多年冇食過既牛屋餐廳。門口外觀與當年冇大分別，入到裡面，發覺燈光比當年光咗D，所以較清楚感覺D裝修舊咗，店內坐滿八成。我地本來叫咗兩個羅宋湯 (個侍應反應好快 ,一問完我地要咩湯，就立即向廚房大哎“兩個紅湯”)，但担心味道會否太酸，於是問另一侍應，但佢都比唔倒意見，於是立即叫住原先落單果位侍應可否改要一個忌廉湯及一個羅宋湯，個侍應態度有D不耐煩及“小小寸”同我地改咗單。 餐包：夠熱辣辣，牛油搽咗入包内，好好味，不過細隻咗D。餐湯：0K熱，我個羅宋湯味道唔錯，酸度、濃淡度同辣度適中，份量足夠。西冷伴意粉/飯：牛扒0K腍滑，食得出即叫即煎，意粉份量足夠，但飯份量就少了些。 凍檸茶：茶味唔澀，我忘記叫少甜，個檸茶既甜度似一般茶餐廳。價錢0K：牛扒來說，價錢 $56 (@$48 +@$3飲品 再加一) 普遍都要 。總括求說，午餐既牛屋，我感覺轉咗似間茶餐廳。