牛大人台灣火鍋吃到飽 (荷李活商業中心)

營業中

休息中

真係一打邊爐就會諗起佢，講緊邊間？未就係牛大人！ 同過唔同朋友黎，大家都一致覺得佢抵食回頭度爆錶！今次同朋友揀旺角荷里活中心嗰間，嘩黎到已人山人海不過一夠鐘大家就衝入去喇～～～有三款牛揀，我地揀左$198最貴嗰種，爭少少梗係食好啲啦？湯底因為我比較重口味，所以今次要台灣蒜頭雞鍋 嘩 個湯勁多蒜粒 入口真係好想蒜味 正正正 上完湯，終於可以scan QR code 落嘩單！大佬第一時間叫M5和牛牛肩肉，正呀，入口好綿滑唔會好鞋好韌我地又試埋牛板鍵，佢就口質偏實，無咁滑口～衝左一輪牛，我地再試埋特色台灣小食，甜不辣，香腸，麻辣鴨血同蛋餃 全部少少 等我可以過下台灣癮！當中最推薦麻辣鴨血 再黎就係黑白魚漿，其中個白漿叫章魚珍珠漿，係呢間分店限定架章魚珍珠漿真係見到粒粒章魚，入口好有咬感；黑色蟹籽墨汁漿入口就好鮮～兩個都好評最後就當然要叫啲菜，丸子同豆腐等等～冰豆腐加風琴豆腐是為必點，用黎索湯一流！食到熱辣辣，梗係要試下佢地既自家製冷泡茶，最愛洛神花！最後就要試埋甜品，係豆腐雪糕！好好味 ！

前排凍天氣當然去打邊爐去咗旺角嘅台式火鍋店牛大人 開餐午膳時間見到勁多人排隊旺角店面積大，兩人座位都好寬敞店員好細心介紹下單程序同食物我哋點了極上和牛吃到飽（$198/1位）湯底選了牛大人紅燒牛骨鍋用牛腿骨先燒後燉，有濃郁嘅燒牛骨香味而且慢燉方式令鍋熱量低又有豐富蛋白質不含味精，絕對唔會食完就好口渴食咗好多好嘢，重點介紹：主角澳洲和牛M5牛肩卷嫩滑又充滿鮮味油脂比例適中，食咗好多碟🤤安格斯特選牛板腱牛板腱肉質冇咁滑，但牛肉味好濃西班牙豬五花片濃郁肉香，肉質柔軟多汁牛媽秘製滷牛筋秘製嘅滷水牛筋醃得好入味而且都好腍好有口感台灣直送嘅蟹籽墨汁漿煮完依然嫩滑爽口!!每一啖都充滿蟹籽同墨魚粒兩種唔同嘅彈牙口感墨魚新鮮又無腥味仲有好多台灣直送嘅食材料選擇多又以有蓋嘅盒擺放兼整齊，食得安心最後餐飲洛神花茶好驚喜係無糖架！飲番啖有茶香嘅茶解下滯大滿足

久聞牛大人大名 放寬後終於有得四人同枱食飯馬上約齊腳去勁食火鍋🌟極上和牛吃到飽 $198/位可以任食澳洲M5和牛太抵 無慮即決！入座後先掃QR code 選擇湯底 我哋就揀咗阿嬤養生濃湯鍋🍲用電話再可以點精選嘅配料同追加牛肉當然少不了自助區域醬料區 飲品區 丸類蔬菜區 非常衞生齊全 滿滿一桌靚肉😍😍😍牛肉實在太好呷啦 肉質滿分💯唔好錯過滷肉飯 完全是台灣的正宗味道荷里活分店限定配料有章魚珍珠漿彈牙爽口 也值得一試牛大人自家茶飲有4款試咗桂花烏龍、菊花普洱 清爽又有助解滯還自家豆腐雪糕Like 社交平台 送價值$25 黑糖珍珠奶茶尼餐不得了 吃到無敵飽飽到大概今晚會夢到牛的程度😌

次次經過牛大人都好想試而家終於放寬了不用二人一枱所以就同朋友來擦翻餐今次揀咗旺角荷里活商業中心分店呢度位置真係好大坐得好舒服 今次特別想讚一下服務食過好多仼食火鍋雖然岀得快 但未必收碟快但牛大人員工真係好有禮貌同好快手每次經過都會問下有無吉碟？需唔需要加湯？啲野齊嘛？等等仲有特別為小朋友而設嘅餐具店員仲好窩心地幫我先用熱水滾一滾細心指數爆燈👍🏻仼食分三種🐮精選嫩牛吃到飽 $138/位🐮 特級安格斯吃到飽 $168/位🐮 極上和牛吃到飽 $198/位 （星期六日及假日加$10）食物質素仲係非常高質牛肉嘅紋路好靚薄身但油脂分佈平均完全無雪藏過度好新鮮又有肉味其實除咗肉類仲有好多種食材可選擇有手機點單亦有自助區域真係多到試唔哂自助區位恆溫非常好每種食材都有蓋好乾淨得黎 食物品質有保證想特別推介 台式滷牛肉飯肉汁豐富 囡囡食咗兩碗飯🤭最後如果follow 社交平台 就可以有黑糖珍珠奶茶珍珠好軟熟奶茶亦唔會太甜🧋私～心～推～介

台式火鍋吃到飽近年晌香港開咗好多間，今次去咗有幾間分店的牛大人，試下香港的台式火鍋係咪咁正先！入座先量體溫及填紙仔，入口處有職員帶領我地入座，今次安排卡座比我地，感覺很貼心！職員介紹用手機點餐，飲品及配菜可以到外面自取，放題式點餐我最著重有無漏單，牛大人完全沒有遺漏，做得唔錯！火鍋有3款選擇，我地點最多食品的極上和牛吃到飽，入座時間限食90分鐘，湯底點咗台灣鳳梨雞鍋，有半隻雞、花甲、魚干，以鳳梨配搭苦瓜，湯頭酸甜開胃，飲咗好溫暖！必食澳洲M5牛肩卷入口即溶又有牛味，食完2碟再點都係比返一樣的靚牛我地，而豬肉類係西班牙豬腩片，都好有豬味，當然食牛先係重中之重啦！其餘點菜有台式鴨血、秘制滷牛根、蟹籽墨汁漿等等，而外面自己的汁醬及食物全部有蓋封住，符合衛生夠晒乾淨！飲品除左有汽水之外，仲有4款台式冷泡茶，我最喜歡桂花烏龍，桂花清香順喉！最後當然要試埋豆腐雪糕，淡淡的豆腐香滑味美，為今次的台式吃到飽劃上完美的句號！

尋日系大年初七🧧，人日快樂。老公為左補償番情人節餐飯就帶左我去lunch打邊爐仲要係我一路都好想食既＃牛大人～ 而家暫時放寬左除左量體溫仲要嘟埋安心出行先安排入座。店員帶位後, 會介紹下個流程。先揀湯底, 再用QR CODE落單,另外出面有醬料區同自助食品/飲品區。 我地點左個【極上和牛吃到飽】套餐限時90分鐘（1.5小時）。上菜時間都好快。湯底都個個都好吸引, 我地就揀左【牛大人紅燒牛骨鍋】。非常入味,醬油都慳返,而且鍋入面真係有幾舊牛骨架! 由於食物方面款式比較多, 以下係我地重點推介比較好食既:⭐安格斯特選牛板腱、澳洲和牛M5牛肩卷油花分佈好平均，牛肉味濃。入口即化⭐章魚珍珠漿同蟹籽墨汁漿，彈牙爽口，咬落去有粒粒章魚架～系極上和牛吃到飽套餐先有⭐滷肉飯同出面食既好唔同，轉用左牛肉做，味道非常濃⭐魚香皮蛋豆腐上面佈滿木魚絲，皮蛋連豆腐配埋佢個醬一齊好有層次⭐鬼馬老油條向鍋到浸一，兩下咬落脆卜卜...😋⭐凍豆腐，萵荀索晒火鍋底既汁好好味⭐牛大人 自家豆腐味雪糕豆味香濃，口感幼滑。 （建議早少少去拎比啲時間攤軟）飲品方面都好特別，有一樽樽入好左既冷泡茶，味道都有幾款（菊花普洱、白桃烏龍

朋友食左次帶我黎旺角呢間只係要極上和牛吃到飽啦都係$198😍 #麻辣湯底座位好舒服坐到唔想行去拎醬料🤣 用手機落單架，提提大定叫左湯底先啦唔係個code你掃完都無野可以叫🙌🏻😂😂趁未人多快啲衝去拎醬料個邊既野最好一次過拎左轉先人多時真係排十幾個等拎醬料🤭🤭可想而知幾咁旺場🤤 *飲酒既朋友要試下我個人極推既威士忌冬瓜茶!朋友對酒精敏感唔係都想佢試試出奇配搭到但又可以分別飲到威士忌同冬瓜茶既味道又唔會話好甜😎仲有豆腐雪糕！自己出，有心思好多😚😚😚麻辣湯底建議先小辣，因為會愈煲愈辣架麻香都做到🥰 店員個個有效率同態度呢到直頭爆場見佢地個個都忙到飛起但都無唔耐煩👍🏻👍🏻真係唔係間間做到仲要埋單兩個都係四百左右，平均一人$200咋👌🏻 食野可以咁抵價又有服務態度幾遠我都會再黎何況近既就黎多幾次😌😌我本身好憎排隊呢到訓醒黎排下我都願意～#牛大人

一早聽聞牛大人高質抵食，係最近嘅人氣火鍋之選，呢日就嚟到最近喺旺角荷李活新開嘅呢間分店！餐廳地方大，座位寬敞舒適！90分鐘午餐吃到飽有三個價錢揀，分別係$138/168/198。我地呢日就揀咗$198極上和牛吃到飽🥳多款肉類/台式小食/牛媽秘製滷物/特式魚滑/火鍋配料，都可以用QR code喺手機點餐，方便快捷之餘，亦可以查返自己點過嘅菜式。除此之外，外面仲有一個自助區，有多款火鍋配料，包括丸類，蔬菜類，部份更加係台灣直送😍醬料區方面提供多款醬料，洋蔥牛肉醬同腐乳醬都係我嘅心水，仲有王子麵/烏冬/響鈴可以拎。飲品區除咗汽水，蘋果梳打，仲有店家嘅自家製無糖冷泡茶！有洛神花茶/桂花烏龍/菊花普洱/白桃烏龍，洛神花茶酸酸地，最啱打邊爐解油解膩，桂花/白桃烏龍我地好鐘意，好清香👍🏻個樽仲要好靚，拎嚟打咭就啱哂👏🏻八款台式湯底各有特式，有辣有唔辣，仲有素鍋揀。我地對台灣鳳梨雞鍋最有興趣，未喺其他地方試過呀😍鍋底好足料，有鳳梨/苦瓜/雞/蜆，味道相當清甜。等湯底滾嘅途中，我地已經叫定啲台式小食，鹽酥雞，台式香腸食住等！肉類解凍程度剛好，冇冰冇血水，肉片間亦唔會痴實哂。我地食咗好多碟牛😂澳洲和牛M5

牛年第一餐梗係要食牛大人啦🧨😍​我食嘅係$198 Lunch set​阿嬤養生濃湯鍋🍲 呢個湯底味道唔濃無乜特別😂​值得一讚佢啲肉類真係好唔錯😋尤其係西班牙豬梅肉片 嗌左好多碟🤣豬有豬味，牛有牛味👍好嫩口，堅好食❗️​仲要係碟碟都一樣質素，第一輪同第十輪都係咁高質 抵讚👍仲有好多台式小食，絕對值得一試👍​蟹籽墨汁漿，干貝鮮魚漿...都好鬼正❗️有料又有味架，真材實料​​牛大人自家製冷泡茶有4款​而我就最欣賞菊花普洱&桂花烏龍，好清新嘅味道🍹​最後仲有佢哋自家製嘅豆腐雪糕🍨 真係唔錯架喎🤩豆腐味好濃👍​

最近牛大人真系hit到不得了😳仲未恢復夜晚堂食，大家都不忘喺晏就搵好西食😆食牛肉放題呢個潮流向來喺香港都好流行，當然到呢家仲興緊啦。牛大人去到呢家已經有5間分店喇，可以話系勢不可擋！勁耐冇去旺角😫今次一去番就緊系試吓牛大人🤤午餐有3種價錢，我地揀咗最貴戈款$198，主角有牛五花、安格斯牛板腱同埋澳洲和牛M5牛肩卷，幾樣都好吸引🤤同時都有其他配料如蟹籽墨汁漿同埋干貝墨魚漿，加$30仲有升級海鮮🦞湯底有成8款咁多！仲有特色小食、手工水餃、丸類等等。飲品櫃勁多選擇😱平時好多放題店都有罐裝、盒裝飲品戈啲，呢度最特別嘅系有自家製冷泡茶👍🏼有幾款比食客選擇。拎咗兩支茶，桂花烏龍同埋白桃烏龍，佢啲自家製嘅冷泡茶真系沖得好清新😍濃得黎又吾會話太苦，啱曬我地呢啲架吾中想試吓茶又驚會太濃嘅人。我地叫嘅系鳳梨雞湯底，真系有成隻雞髀喺入面，好足料！鳳梨味就吾系好feel到🙊話咁快就到主角牛肉🐮主要嘅牛肉有3款，頭先都講過有牛五花、安格斯牛板腱同埋澳洲和牛M5牛肩肉。三款嘅口感都吾一樣，牛五花同埋和牛M5牛肩肉都幾似，都系幾軟稔，牛五花嘅脂肪部分較多，所以更軟稔。安格斯牛板腱原來比較結實😳干貝墨魚漿即系墨魚滑🦑

牛大人旺角已有兩間店舖，而且擴充快，必定有其熱門的原因。今次就預早訂枱到比較新的荷里活分店食火鍋lunch。首先入座後先選擇湯底，湯底的選擇也很多！最終選擇了比較有台式風味的牛肉鍋底，牛味香濃很是入味。入座時已經提供了口罩袋，非常貼心，而且看到枱面可以讚好社交平台送黑糖珍珠奶茶，感覺甚有台式風味，甜香十足，珍珠也比較彈牙。因選擇了最高級的午市任食90分鐘套餐，牛肉當然盡量點最貴的，牛脂肪分布平均，而且也有很多其他特色台灣美食，包括鹽酥雞、台式小香腸等等即食項目，好像飛了到台灣！也有豬大腸，台灣鴨血等等，台灣鴨血非常吸引，因為味道跟其他餐廳吃的很不同，調味香濃而且口感特別彈滑。十分推介！當然自取的飲品的飲品都非常值得推介，包括有桂花烏龍，洛神花茶等等，非常出味，味道不甜，原汁原味。也有各式各樣的菜，調味料也有很多不同的配搭。如果最終仍有胃口可以選擇一下甜品。

之前食過尖沙咀加拿芬道店後一試難忘，再嚟食呢間旺角新店。今次揀咗最貴嘅M8澳洲極上和牛吃到飽湯底就揀咗台灣濃香蕃茄鍋🍅我大力推介呢個湯底，番茄味非常之濃郁，有好多蕃茄肉，飲落去酸酸地好開胃，一路食都唔會覺得膩。配料方面真係好多選擇，蔬菜類，丸類，麵類（有寬粉同王子麵）都好多元化，而且每一樣都好新鮮。而主角牛肉方面，果然係澳洲極上和牛，肉質嫩滑，入口都唔油膩，牛味好濃，放入湯底大約5秒就已經剛剛好！特別想推介佢嘅墨魚滑同花枝丸，口感彈牙，夾雜埋墨魚，好好味😋來食台式火鍋，當然要食鴨血，鴨血非常之滑，完全冇腥味，同出邊食果啲唔係真嘅鴨血真係唔同！最後甜品有任食嘅豆腐雪糕豆腐味香濃，清清地唔會太甜，用來做一餐火鍋嘅收尾非常之適合最後一定要提，服務員嘅服務態度非常之抵讚，有喺台灣食嘅台式餐廳服務嘅質素，主動加湯，收食完嘅碟亦都好快。總之成餐飯都非常滿意

午市打邊爐，好肥仔，但好開心😂之前都食過幾次覺得性價比幾高，唔算貴又選擇多。味道唔錯，唯一嘅係真係好多人😂好多時要排隊。今次湯底揀咗台中黑蒜雞，味道唔會太濃。足料有成隻小雞。飲品有多款台式茶類，菊花普洱、桂花烏龍等等。醬汁款式亦都有好多，比起平時其他打邊爐豐富！澳洲M5和牛牛肩卷一碟三塊，真係要叫多幾年先夠。每次上枱嘅時候都會有啲唔同，有幾次咁岩都偏肥。之後同店員反映，佢哋好好，拎啲冇咁肥嘅比我。因為太肥真係食唔到😂 呢隻牛有牛味，肉質唔錯。 除咗主要食牛仲有好多台式小食，揀咗鹽酥雞及甜不辣，最好佢可以自己揀份量。食少少。試吓鹽酥雞炸得幾香口，甜不辣都幾彈牙。火鍋配料仲叫咗，其他鍾意係油炸鬼夠脆。大腸、牛肚都唔錯，仲有鴨血。自助區仲有多款不同配菜，試咗佢嘅招牌滷肉飯。

無得飛去台灣食好西，但搭幾個站去旺角打番個有質素的台式火鍋總會有辦法做到。為著吃著高質的牛肉，為著有心機的台灣湯底，疫情下總要享受。講緊係牛大人，就在旺角荷里活地底，地點位置方便，絕對係約埋朋友打邊爐理想選擇。而且餐廳內裡寬敞，容納到勁多人，重要係環境唔會 烏煙瘴氣 ，好食舒適之餘更顯高級。火鍋湯底都好多選擇， 各款台式麻辣湯養生雞湯等等應有盡有 ， 我哋揀咗養生素湯， 唔好以為會好寡，湯底清甜得讓人先渴幾碗湯， 紅棗椰菜桃膠 杞子等等，潤而不燥 。不少高級食材，例如 澳洲和牛m5牛肩卷 同安格斯特選牛板腱同2西班牙豬五花片當然唔少得，叫幾多食幾多,牛肉肉味鮮嫩，肉質細緻味道鮮美，在鍋滾了幾秒，油花滿滿的味道仍然在 口裡徘徊。  各款 蟹子墨汁漿/ 乾貝鮮魚漿 ， 入口味道濃沃，彈牙又爽口 。 餃子及手打丸亦都係必食， 鱈魚丸虱目魚丸 芋頭貢丸花之丸 等等全部 都是台灣進口貨色，肉汁滿滿 超甜美的說，外面好難見到 可以又任攞飲食 。 亦都有不少即炸食品，保證新鮮， 小香腸，鹽酥雞，甜不辣，私房鴨血等等，都超吸引人。唔好唔記得飲品同雪糕都係放題形式，各種茶品冷凍茶質素都好高，無人造糖，汽

終於食到牛大人啦.早兩日去咗牛大人都食呢個澳洲極上和牛吃到飽午市套餐（$198/位)，我哋叫咗紅燒牛骨鍋做湯底，味道超濃郁，啲火鍋配料入晒味，勁正！.呢個套餐有三款牛肉，當中我自己最鍾意澳洲和牛M5牛肩，油脂分佈平均，牛味足夠。.其他配料方面，我好鍾意個麻辣鴨血（餐廳都話係必食推薦），其次就係蟹籽墨魚漿，入面真係有墨魚粒，好有咬口！😋😋.我掛住食牛，最後竟然唔記得試個豆腐味雪糕🍦，下次再黎一定要試！😭.呢家店既服務員好有禮貌，見食到差不多，佢哋就會黎收下碟，等你食得舒服整潔，要比個like👍🏻