爆丼屋 (已搬遷) 新店位置

今日嚟到人氣爆燈嘅爆丼屋 係下午茶時間三四點終於唔使排隊就有得食雖然一直已經久仰大名但其實我係唔食生嘢㗎所以呢到都只係乖乖咁叫咗個鰻魚丼但其實我都係個鰻魚迷，所以大家唔需要登我傷心鰻魚真係鋪得滿滿，其而且係唔只一層添鰻魚都頗有厚度，絕對唔係薄薄的 亦因為鋪得太滿嘅關係，開頭好難起動要將鰻魚放係一邊先 撈左鰻魚汁嘅飯，真係就咁食已經好好味再加上鰻魚簡直係人生一大快事 仲有種感覺係，食極都仲有鰻魚等緊我呢到既鰻魚飯價格都只係中上 因為出面隨便食餐鰻魚飯其實都差唔多100蚊呢度大約100蚊嘅價錢，對比起出面既份量，簡直係超值

星期三搵食記 早兩日經過爆丼屋時媽媽問我啲人到底係度排咩 點解咁把閉於是今日趁早收工 帶左佢去食6點去到已經爆場⋯不過好彩好快有得食最出名嘅牛扒盛丼 我地係無叫嘅！最尾㨂左鰻魚丼同四重火山盛丼等左10分鐘左右 鰻魚丼黎到好多鰻魚 而且睇落好好味 重有溫泉蛋拮穿蛋黃 慢慢流入飯中 加埋鰻魚汁令個飯更加入味 鰻魚方面 一層疊一層厚肉到不得了 口感一流 不知不覺 成碗啪晒另外四重火山黎到 超誇張的 大量魚籽+蟹肉+海膽+小山丘嘅吞拿魚蓉完全唔知由邊度開始入手好食落除左鮮味就係鮮味 難怪長期爆場

因為見到也多人排隊等候，抱住一試心態，等了杽个小時才入座，90分鐘用餐時間，叫了沙律68元，好多好多魚子，青瓜絲在裡，撥開自己撈在一起，味道清新的，可以接受。另外叫了大牛肉飯，大的份量確實不少，要二百幾元，比小的好像貴五六十元，牛肉好生，我不太會食。另叫三文魚吞拿魚飯，不錯，三文魚吞拿魚多，飯量也不少，128元，喜歡食魚生者一試。

經過各路英雄喺各大媒體嘅宣傳之後，其實已經心癢癢想食呢間好耐，完全係相機食先嘅好地方！ 第一次黎緊係要揀招牌嘅四重火山盛丼啦！$298係有少少貴，不過一試無妨每人都有一個中華沙律做前菜。叫咗個丼之後仲有呢個味噌湯， 味噌湯反而係一個驚喜！入面有幾舊牛肉，味道幾香。個湯有幾多薯仔，同平時飲既湯味道唔係好同，我覺得幾好飲。終於都到主角出場喇！ 上面除咗有拖羅，仲有三條好靚嘅海膽，三文魚籽，仲有松葉蟹！ 其實個size無想像中咁大，不過都已經覺得好夠食。拖羅蓉嘅味道好鮮，d魚生有大有細嘅size，增加左個口感。 平時都係食魚生，一塊塊。第一次試咁樣去到食魚生蓉，幾特别。松葉蟹好鮮甜，最鍾意唔使拆殼嘅蟹㗎啦！呢條加拿大海膽真係好長！好耐冇試過食咁大舊嘅海膽！一啖咬落去真係覺得好滿足海膽充滿喺口裏嘅感覺真係好神奇！ 餐廳好貼心咁配左紫菜。其實都幾得意，係我哋平時細細個食一包三塊嗰紫菜，不過食落又覺得幾夾喎，外脆內軟幾有味道！P.S.由坐低到出嚟嘅時候出邊都仲係有好多人排隊，果然香港人都仲係好喜歡新鮮既！ 餐廳豐儉由人，50幾蚊～2百幾蚊嘅丼飯都有！ 難得嘅係服務仲keep到！

呢間最近hit爆既爆丼屋，以其海膽飯作招牌吸引左好多人去潮聖，有幾次夜晚經過但都要排隊，所以幾次朋友提議去食都落空，不過我依然無放棄，黑洞精神嚟架嘛，今次揀咗平日嘅下午茶時段去，希望可以小人啲，不過估唔到下午茶都要等到五六個，大概等左15分鐘就有得入。雖然餐牌款式好多，而且午餐時段有好多套餐都平，例如雞肉丼五十幾蚊好抵，不過我一心係黎試佢嘅招牌，咁當然唔會改變目標啦一坐低就有既中華沙律 , 唔錯既前菜 ! 食完好想添但唔敢問個侍應哥哥XD 蒲燒鰻魚丼$128日本食物來講我最鍾意係鰻魚，不過香港嘅鰻魚好多到底質素，可以好平但質素真係好差有時都會自己係日本超市度買返屋企食，但通常都好唔新鮮。呢個鰻魚丼真係有史以來係街過最多鰻魚既！！鰻魚切件鋪到好似朵花咁未食已經好開心啦連鰻魚飯都可以相機食先睇落真係好澎湃，幫佢多角度拍左好多寫真唔捨得食囉講番啲鰻魚先呀，呢種鰻魚係屬於肥脂好多果種，食得鰻魚當然係想要肥美果種！呢到每一啖都感受到魚既油脂，本身嘅魚肉已經好鬆化，加埋油脂相輔相成，令鰻魚非常滑口，而本身鰻魚嘅燒汁調味都唔會過濃，配埋半熟蛋用黎撈飯一流呀不過如果啲燒汁可以多啲就好啦，因為飯嘅量實在

同朋友去到見到個人龍已經唔想等 要等40個no. 但朋友本身想試好耐 決定周圍兜下 兜左個幾鐘番到黎終於到我地 一入去啲位已經超迫 都算喇 環境唔係我first priority 我就點左火炙飯 朋友叫左海膽飯 黎到見到都算幾大碗 但拎起啲刺身 全部薄切 左口魚得2小片 其他刺身約三片 但無咩味 唔知係唔新鮮定燒過 成碗野完全無驚起 個味噌湯怪怪地 唔似傳統果隻 唔識形容 朋友果個海膽還可以 但唔驚喜 一致認為有點搵笨 同埋一定唔會有下次 老老實實 元x果啲質素仲高 埋單我果個飯150蚊 因為要加一 朋友果個好似成250蚊 我地兩個加埋400蚊 可以食到放題咁濟 呢間都算幾搶錢 寧願加多少少錢食貴啲好過 啲刺身質素完全唔高

試卷完成但尚未到時繼而早走的我，與友人來到旺角剛好是 ５時左右的時間，過了午餐及下午茶時段，又碰巧未到晚餐時份。故決意來爆丼屋看看，還記得前兩次前來拿號碼要等近七十多人，今次前來，快衝去拿號碼後發覺只須要等七個人，又巧遇有人在做街頭表演，時間過得很快，等了十五分鐘左右就能入坐。安置後，竟出現了看了良久亦下不了手的情況，看著這個已去到近五時半仍然是午市的餐牌滿佈三文魚的蹤影。而對三文魚不大感興趣的我，當然是無視了它們。另一邊廂，對海膽有著情迷的我又怕質素未如理想會是極度失望。最後保守起建，點了餐牌內一個極不起眼的赤蝦海鮮盛丼。裡面有本人最愛最致命的赤海蝦、帆立貝、三文魚及三文魚子。下單後等了十分鐘左近，丼與一碗麵鼓湯一同呈上。在開動丼前，我們首先一嚐麵鼓湯的味。不像一般用麵鼓湯磚沖出來的料，內裡像韓式肉湯那樣，加入了牛肉粒慢煮。所以湯裡多了鮮甜的味道。品嘗丼我們從左到右開始吃，首先是三文魚夾雜三文魚子再加一口壽司飯。三文魚的質量完全是吃平價放題刺身任食的種，是魚中比較不討好的部位，吃下去當然與吃放題的無異。到了帆立貝，味道是可以進口但並沒有鮮味可言，程度是剛剛好合格吧。而到了整個丼的重點

因為學習日文的學校在旺角的關係，這陣子都在旺角流連每次約同學們在上課前的集合點都剛巧在這間爆丼屋旁，每個晚上看到一條超長的人龍每次都在想，上百元的一個丼飯，到底是香港人瘋了還是香港人富起來了？連時間就是金錢也一併揮灑出去，用上一小時來吃一個飯？於是特意選個下午，趁人潮比較少的時候來一試究竟。△刻意選個閒日的下午，店內仍然是座無虛席。△中華沙律，每位食客附上的前菜。比起平時在平價日本餐廳吃到的更好吃，爽脆粗身，沒有死實的醬油味和雪味。▲蒲燒鰻魚丼★★★★★：原本是被店內鎮店的Mega燒牛肉丼吸引進店，然而看到隔離檯點後的份量卻步了，因為真的很巨量，自問自己不想浪費，也沒這麼大胃，就放棄了。不過在Menu上看到有蒲燒鰻魚丼，也是另一樣吸引到我的菜式。因為不算太多日本餐廳會供應鰻魚，一來成本高，二來難處理得好，既然這裡有賣，就當然要一試龍鳳。△與後面的汽水罐比較，丼飯真的很有份量，我吃完一個已經飽得不行。這裡的蒲燒鰻魚丼比起我在日本吃過的當然地缺少了一份我最愛的炭烤味，不過在香港這個價位也就算合理的事。鰻魚肉吃著鮮嫩帶少許彈牙，完全沒有雪味，最重要是幾近無骨，對於吃魚者來說是一大福音，因為不

話說同個朋友十一點都未食飯，就係旺角行左轉，見到呢間野成十一點都咁多人食，FACEBOOK又好似有介紹過，再加埋見到餐牌上滿滿既海膽（人的確係視覺行先，我都係），就忍唔住去左拎飛。由於已經係夜晚十一點，所以好快就有位入到去。入到去後，朋友既拖羅飯加三文魚腩刺身好快就黎左，味道唔想再提（朋友已留了食評），但已經做好左心理準備，唔會好食。而我個海膽飯等左半個鐘，朋友食晒兩樣野都未黎，於是只好催催廚房，過多一陣，個海膽飯終於出場。個樣真係好震撼，滿滿既海膽，用黎POST上FACEBOOK呃LIKE一流。但係如果講味道，我只可以話：滿滿的腥氣相信食開海膽既朋友都知，唔新鮮既海膽唔單上會唔甜，更會有腥味，二百幾蚊既海膽飯，仲有咁既量，我唔會要求佢有幾鮮甜，但係有腥味就真係頂唔順。呢款三色海膽最特別既地方，係除左有腥味，仲有另外一種臭味混埋一齊。最細粒，橙紅色果款係腥味加血味；大粒，橙紅色果款係腥味加腐臭味大粒，土黃色果款係腥味加難聞既CREAM味(相對地黎講呢款叫最少腥味，最易入口)我已經唔想計較邊款海膽係黎自邊個國家，難食的話，來自邊度都冇用。如果要我比二百幾去食碗咁既野，我寧願去Ｘ氣、板Ｘ度

自從旺角開咗呢間「爆丼屋」後, 不論午飯時候定係晚飯時段, 每次行過豉油街呢度都會發現一大班人企係呢度排隊, 為既就係一個最近好流行既日本丼. 每次行過總係好想試下, 但每次見到場面咁多人總係有點卻步... 😖今日男朋友放早關係預先黎到攞飛, 5:30已經有唔少人係度等緊, 場面認真誇張😱 晚上時間起碼要等1小時... 真係少啲耐性都食唔到爆場的氣氛真係好誇張, 雖然蛋人但職員都唔會黑面, 感覺都不錯!☺️爆丼款式總共有11款, 除此之外仲有多款小食, 刺身及壽司, 種類都幾多. 經過一輪揀選之下最後選擇左兩個飯...燒鰻魚盛丼 $138呢度嘅丼個個賣相都非常吸引, 其中叫咗一個鰻魚丼. 滿滿嘅鰻魚放滿整個飯面, 除此之外仲有一隻生雞蛋供撈飯之用 (爆丼屋用上日本雞蛋, 所以客人可以放心食用❤)因為撈蛋關係所以先將鰻魚夾出黎, 份量都算多鰻魚比一般食開既厚身, 因為鰻魚事先燒過, 比平時食開既鰻魚來得更香更美味. 底層食落帶點煙un, 富有口感的確唔錯! 鰻魚汁唔夠多, 但因為有雞蛋撈飯關係已經撇除了呢個顧慮. 四重火山盛丼 $298因為方便大家睇所以做左呢張相. 呢個爆丼真係好吸引!

爆丼屋開業以黎一直人氣高企， 所以黎得食預左一定要等。 今晚18：20黎到拎飛仔 拎果時叫到E25 ， 我果張就E95， 要等70張。 因為入面都幾細所以都叫得幾慢，好多人都等都走左。至到8點， 終於入到去， 叫左一個火炙魚生丼同一個大牛火炙魚生丼$128 有帆立貝， 三文魚， 左口魚同蟹棒，味道只屬中上水準。大牛丼d燒牛肉堆到好高， 成座山咁， 白色果d係芥未醬唔係沙律醬如果只需等三十分鐘以內，呢間就真係可以一試 但要等差不多二小時就完全不值得

終於有機會來朝聖，見之前賣廣告賣得街知巷聞，打算平日午飯時間來應該能避開人潮。誰知還是要等位，幸好大概二十分鐘便能入座，提提大家一定要齊人先能安排入座呢。似是沒有限時，不過食物也來得挺快，吃一碗飯也不會坐得很久，店舖雖小，但人流快也就不用等太久。午市套餐比主菜單散叫一般便宜約二三十元，還附上中草沙律和麵豉湯，畢竟飯的size一樣，午市相對是較化算。先來牛肉丼，也是餐牌中最吸引我倆的丼。 (竟比刺身更吸引哈哈) 牛肉切得不算薄，不要看它沒肥膏，吃下去非常嫩滑不鞋口。慢燒過令牛肉看上去雖泛紅，但不會血淋淋，怕吃生牛肉血淋淋的友人，和怕吃過熟鞋口牛肉的我，慢燒過便正合我倆意。牛肉份量多，疊起並蓋過成個飯面不欺場，不會出現配料不夠撈飯的情況。旁邊的芥末沙律醬汁於我來說則略嫌太多，但喜歡吃醬的人應該會很高興，蘸著牛肉來吃很配合。下面的飯有些牛肉燒汁，拌飯吃超好吃，我會prefer有多點牛肉燒汁而少點芥末沙律醬，畢竟後者拌飯有點怪，只是用來蘸牛肉又好像有點太多。還有精華是蛋黃，跟牛肉和拌飯是超搭的，提昇了整個飯的融洽度。這座小山堆得滿滿，要轉兩邊再鳥瞰才能拍到三種刺身哈哈。這個應該是午市限定，晚市

已經食過幾次 。。 之前都係試海膽飯, 魚生飯! 今次轉一轉, 唔多食牛嘅我 。。 決定試慢熟牛盛! 賣相正 。。。 味道 👍 。。 值得一試!但唔太喜歡食生牛肉嘅人 。。。 一定唔好試啊！因為都幾生 , medium rare 啊！

身為忠實魚生迷嘅我梗係唔會錯過爆丼屋。講真如果係好食嘅魚生壽司，幾貴小弟都唔會唔捨得（雖然小弟其實好窮😔）。爆丼屋相信有稍爲留意下ig n fb嘅，都會知呢間野嘅存在。不過品嚐過後，我諗大部分理智嘅人都唔會recommend比朋友😓。小弟當日極為肚餓，大概5點幾幫襯，仲可以食佢個lunch menu。如下圖所見，小弟叫嘅唔係果啲爆丼，因為有啲擔心質素，無疑百幾至二百食一邊魚生丼對小弟嚟講仲係好多😭。連加一，索價一百大元。係屬於唔貴唔平嘅，但係係屬於會對食物質素有要求嘅價位。其實從相片已經可以見到，魚生新鮮度一般，連最基本嘅三文魚都呈現好dull嘅顏色。果兩件蝦都係咁😪。不過飯係做得唔錯👍🏻。魚生食落有淡淡嘅魚生味，但三文魚無肥美嘅感覺，蝦唔juicy😢。講真果句，小弟都知自己唔係咩expert，比啲comments好膚淺，不過好唔好食，算唔算新鮮，抵唔抵，作為一個得萬x蚊嘅又中意周圍搵野食嘅廢青，仲係分到。

♪( ´θ｀)ノ 今期流行，流行魚生爆丼～ 冇錯，近排最當紅嘅當然係非「爆丼屋」莫屬啦！其實，丼飯並唔係而家先出現，而且主打丼飯嘅日式餐廳為數亦不少，但點解呢間餐廳可以突圍而出，晚晚門口都大排長龍，維持住人氣爆燈嘅呢？為左要拆解自己呢個疑團，我決定約埋朋友去「爆丼屋」親身體驗一下爆丼嘅威力！因為唔想等太耐，所以約左朋友喺平日嘅晚上去食。當晚大約六點三就到達喇，先自助攞籌等位，輪到你嘅籌號時都要係人齊先可以入去架，最終我同朋友兩人等左大半個鐘之後成功入座。餐廳唔算大，座位都幾逼吓，而且好嘈，不過衛生唔錯，所以如果你係好似大部分嘅食客咁一食完就走嘅話，應該會覺得冇咩問題嘅，哈哈～餐牌圖文都清晰，呢度除左丼飯外，仲有壽司丶手卷丶刺身同其他小食等等可以選擇。不過我地今晚係沖住呢度首推嘅爆丼而黎嘅，所以最後叫左三文魚火山盛丼，火焰盛丼同埋名古屋芝麻雞翼。名古屋芝麻雞翼 ( $38 )首先上枱嘅係名古屋芝麻雞翼。一放入口，好熱好香好脆好邪惡啊！雞翼原味唔錯，配埋檸檬汁同沙津醬之後，帶少許酸甜，增添左一份清新而減輕左油膩感。不過略嫌雞翼比較細隻冇咩肉，同埋炸得太勁冇咁juicy。三文魚火山盛丼 (