影片
更多
2017-01-13
271 瀏覽
♪( ´θ｀)ノ 今期流行，流行魚生爆丼～ 冇錯，近排最當紅嘅當然係非「爆丼屋」莫屬啦！其實，丼飯並唔係而家先出現，而且主打丼飯嘅日式餐廳為數亦不少，但點解呢間餐廳可以突圍而出，晚晚門口都大排長龍，維持住人氣爆燈嘅呢？為左要拆解自己呢個疑團，我決定約埋朋友去「爆丼屋」親身體驗一下爆丼嘅威力！因為唔想等太耐，所以約左朋友喺平日嘅晚上去食。當晚大約六點三就到達喇，先自助攞籌等位，輪到你嘅籌號時都要係人齊先可以入去架，最終我同朋友兩人等左大半個鐘之後成功入座。餐廳唔算大，座位都幾逼吓，而且好嘈，不過衛生唔錯，所以如果你係好似大部分嘅食客咁一食完就走嘅話，應該會覺得冇咩問題嘅，哈哈～餐牌圖文都清晰，呢度除左丼飯外，仲有壽司丶手卷丶刺身同其他小食等等可以選擇。不過我地今晚係沖住呢度首推嘅爆丼而黎嘅，所以最後叫左三文魚火山盛丼，火焰盛丼同埋名古屋芝麻雞翼。名古屋芝麻雞翼 ( $38 )首先上枱嘅係名古屋芝麻雞翼。一放入口，好熱好香好脆好邪惡啊！雞翼原味唔錯，配埋檸檬汁同沙津醬之後，帶少許酸甜，增添左一份清新而減輕左油膩感。不過略嫌雞翼比較細隻冇咩肉，同埋炸得太勁冇咁juicy。三文魚火山盛丼 (
因為唔想等太耐，所以約左朋友喺平日嘅晚上去食。當晚大約六點三就到達喇，先自助攞籌等位，輪到你嘅籌號時都要係人齊先可以入去架，最終我同朋友兩人等左大半個鐘之後成功入座。
餐廳唔算大，座位都幾逼吓，而且好嘈，不過衛生唔錯，所以如果你係好似大部分嘅食客咁一食完就走嘅話，應該會覺得冇咩問題嘅，哈哈～
餐牌圖文都清晰，呢度除左丼飯外，仲有壽司丶手卷丶刺身同其他小食等等可以選擇。不過我地今晚係沖住呢度首推嘅爆丼而黎嘅，所以最後叫左三文魚火山盛丼，火焰盛丼同埋名古屋芝麻雞翼。
名古屋芝麻雞翼 ( $38 )
21 瀏覽
0 讚好
0 留言
三文魚火山盛丼 ( $128 )
36 瀏覽
0 讚好
0 留言
三文魚肥厚鮮美，每一口都品嚐到濃厚嘅魚脂味，好幸福啊！至於拖羅蓉就入口即化，但味道較淡，覺得冇咁新鮮。丼飯裏仲夾雜左少許嘅三文魚子同章魚粒。三文魚子晶瑩飽滿，一咬魚油就喺口裏爆發，加埋爽口嘅章魚粒，令到丼飯嘅口感更好！
火焰盛丼 ( $135 )
35 瀏覽
0 讚好
0 留言
最後令我有驚喜嘅係呢度嘅麵豉湯唔會過咸，味道剛剛好，而且可以見到有唔同嘅湯渣，例如肉碎，蝦腳，豆腐等等，令我相信呢個湯真係有落料去煲嘅！
總括黎講，呢餐嘅出準唔錯，合乎我嘅期望，而價錢亦合理，未試過嘅人可以一試啊！至於我呢，短期內就應該唔會再幫襯喇，始終食完一個丼飯真係會好飽的，雖然仲有其他料理可以選擇，不過好多餐廳都有類似的，所以就唔特別試喇。
張貼
