爆丼屋 (已搬遷) 新店位置

今晚我們行過旺角豉油街見到有間新開嘅「爆丼屋」有好多人排隊，同埋睇到店外嘅廣告燈箱播出嚟嘅圖片好吸引，所以我們就決定喺度食晚飯！我們叫咗三色海膽盛丼、爆盛慢燒牛肉丼「大」、重量級燒牛扒盛丼同燒鰻魚盛丼！三色海膽丼其中兩款海膽都幾鮮甜，但另一款嘅海膽就有啲啲臭嘅味道！爆盛慢燒牛肉丼「大」係將啲牛肉燒至半熟，所以肉質相當嫩滑，配埋芝麻醬一齊食，感覺唔會好膩！重量級燒牛扒盛丼嘅牛扒燒得有啲過熟，令到肉質比較硬實！燒鰻魚盛丼嘅鰻魚肉質都幾軟滑彈牙，鰻魚汁嘅味道唔會好鹹！總括：幾款丼嘅擺設賣相非常精緻吸引，份量超多，都幾抵食，但有啲嘅味道就唔係想像中咁好，有啲名大於實嘅感覺！

今次和朋友試咗三色海膽盛丼 ($238)和四重火山盛丼($258)。 三色海膽盛丼丼分別有三種海膽（北海道，加拿大，韓國）。海膽下面全部是飯，份量足夠一個男仔食到飽，建議可和朋友分享便可試下更多款式。海膽算新鮮，北海道較濃味，僅次是加拿大，韓國（味道較淡而無味）。四重火山盛丼材料算新鮮但海膽飯比較抵食，冇乜特別可以不用試。去食這間要有預備，因為排對較耐，7點去攞飛到坐低足足要等1小時15分鐘，幸好在旺角實有野行住等。座位尚算舒適，服務也不錯。（注意：該餐廳有收加一服務費）自己給評分：7/10，試一次貪新鮮就夠

十一點出到旺角，路過見到仲燈火通明，又頗多人等緊，咁咪諗住入去試下囉⋯點知就咁樣中咗伏喇睇餐牌見到拖羅飯個樣幾吸引，於是就叫咗一客拖羅飯同一客海膽飯，仲有一客三文魚腩刺身。拖羅飯落單無耐就嚟到，一睇個樣個樣一睇就唔係我認識嘅拖羅，充其量佢都只係不知名嘅吞拿魚，而且一定唔係腩。食落去仲要超油，係油唔係肥，好似每塊都浸過喺油裏面再拎返出嚟咁，你明明食到係瘦肉，但佢上面就係有陣油喺度，極可怕。魚生嘅份量亦好少，只係盡量密鋪平面，而飯量就好多，即係話呢座係一座飯山，而唔係拖羅山。重點：我係食 Wasabi 撈飯，最後先不情願地抱住唔好浪費食物嘅態度，食埋佢啲「拖羅」。呢碗「拖羅（？）飯」賣二百幾蚊⋯⋯跟住到三文魚腩，又食到火起 食落去根本就係一般三文魚，只係切得厚啲咁解。真心接受唔到呢個等級咁稱佢就腩，條三文魚係喺邊度養先可以咁瘦都叫做腩⋯⋯?以上兩樣嘢食晒之後，同桌嘅海膽飯都仲未上，於是我地就問佢幾時有，佢先如夢初醒咁話整緊，擺明係漏單啦，隔嚟兩位遲入過我地成個字啲嘢都上齊，唔好同我講佢個飯要燒都簡單過舀海膽掛海膽飯交返比同桌親自評述，總評：呢間嘢，絕對唔會再幫襯多次！！！

不知為什麼，今年興起了吃丼飯的熱潮，不管是魚生飯，還是牛肉飯等，總之，只要份量夠多，體積夠大，賣相夠爆，就能吸引人們蜂湧而至。2016下半年，這家主打丼飯的日式餐廳絕對是集人氣、人龍與熱鬧於一身的打卡點。餐廳位於旺角鬧市，人來人往，佔盡地利；鑑於食物賣相吸引而創新，在同行競爭者中可說「先拔頭籌」，引來不少「相機先食」的博客登門造訪，繁忙時段更出現人龍。在熙來攘往的旺角街道上，難得有一家餐廳可令人們甘願站立等上一個多小時，這不就是人氣吧？ 既然如此厲害，哪有不試的道理？這個熱點，即使等上2小時，也要在2016年內打個卡吧！ 週六的晚上，早已預計會人多，於是5時多便到達，取籌等位，待人齊入座，最後於7時前成功入座。 餐牌圖文說明清晰，值得一提的是，這裡除了丼飯外，還有其他食物的，如手卷、沙律、串燒、壽司和刺身等。不想吃太多飯的話，這些食物也是另外的好選擇。 饞嘴的一家出動了！ 四重火山盛丼 ($298) 這個甚麼都有的魚生丼就最適合大胃王朋友了。這個魚生飯的顏色十分奪目，樣子吸引。 飯上不但有很多飽滿大粒的三文魚籽，還有加拿大海膽和松葉蟹肉。最花工夫的就是中間那座用了不同配料混入

前排幾乎係FACEBOOK被人洗版真係人多到爆,6點30到已經要排隊好彩6點鐘到,岩岩好唔洗排隊一於食個最大份既,可以一次過試咁多款魚生朋友就叫左個三色海膽飯有三款海膽,全部都好鮮味三色海膽分別是北海道﹑韓國及加拿大海膽上有生蛋黃多到滿瀉, 北海道海膽最好味,味道鮮甜易入口韓國海膽個味就比較濃三文魚籽、鮮松葉蟹肉、拖羅蓉、加拿大海膽多到爆,大大粒,色澤均勻,晶瑩剔透三文魚籽鹹味較重加拿大海膽顏色較深,味道濃郁,口感creamy360度都咁多魚生,太多,超飽根本食唔晒魚生多過飯,全部都好新鮮飯比較普通,無咩醋味魚生比較優勝好開心好滿足,

呢間野成日都在ig見到作為魚生壽司的愛好者我終於試到呢間咁出名的鋪頭了!在平日的夜晚，七點左右攞飛，等左兩個鐘頭終於有位可惜等左咁耐換黎的係失望我好鍾意食三文魚飯但呢個飯卻鍾意唔到三文魚質素一般，鮮味麻麻唯一好處係大舊仲有唔知點解個飯撈左d甜甜地的八爪魚肉呢陣甜味撈埋落d三文魚度搞到好怪另外，中間個拖羅蓉冇咩味我見佢完全冇吞拿魚味Check番先知佢話係幾種魚生撈埋所以咩味都食唔出碗白飯好大碗(因為要整到個面好似好多魚生咁)女仔冇可能食得晒如果有得叫少飯就好了另外呢個飯係朋友食佢話覺得一般而且魚籽數量係冇menu上的咁澎湃$168相對我個$128飯似乎性價比較低總結黎講，呢度d飯睇就好睇食就麻麻再加上超耐的排隊時間去d連鎖店食壽司仲滿足

見到有fd去食慕名而來，等左大半個鐘，期間門口個叫號妹妹出錯比左過號既入先，有等緊既客上去理論，好佩服個服務員，雖然係佢出錯但俾人話都無黑面，而且承擔責任，反而係隔離睇嘅男同事無了解又唔幫拖得個望。食物方面你問我好唔好味，我只可以答壽司同送分開咁解，呢個價錢呢個份量普通，d海膽有d雪藏既味，最後食剩大半碗飯，食唔曬又浪費，如果同日本比我記得係日本食個雜錦魚生飯又係好飽先50幾，呢餐食左四舊水，所以都係試一次就夠啦。ps：我見到廚房忽飯個職員無戴手套，整嘢食都無帶帽/口罩

個人認為話好食人應該真係好日都唔食一次魚生。真係好難食。睇過我其他食評都知總括黎講我通常都係贊，就算無咩特別都會比下個價位，話過得去。但係呢間真係好唔掂。質素係0, 我會寧願食爭鮮。我以下會用啲平嘅餐廳去形容比大家知佢個質素係咩位。坐得差(同香港站嗰間添好運一樣咁排排坐)、環境預左無，唔緊要。好似茶餐廳咁同款一齊整都唔緊要(等左成廿幾分鐘，因為佢要同款有幾個人叫就一齊整)，呢啲都唔緊要，我當你賣點係平。但係連最簡單嘅三文魚飯都整得咁難食，收百幾蚊？啲魚好明顯係cheap野，比百幾蚊，我無特別要求，但都唔係咁嘅質素呀嘛。個感覺係真係似漢和韓式燒烤嗰啲任食三文魚厚切。芥末(?)八爪魚同三文魚籽、三文魚同拖羅根本唔夾，擺埋一齊唔知做乜。帶子同魚背仲難食過板長同元氣。成碗野同爭鮮三十幾蚊魚生飯無分別，但係收你百幾蚊。請廣告啲錢攞黎諗下點整野食整得好食啲好過啦。如果你話佢賣點係海膽同牛，我無食唔應該彈佢。咁我會話佢其他野係難食到一個點係應該直情唔好賣其他野。呢個月我有食過深水埗同灣仔魚生飯，好味同有心思得多。價位差不多，唔係話最好食，但起碼無食完覺得要寫篇野話比大家聽唔好比啲廣告同毫無誠意嘅餐廳

見到有很多人吃這裡的丼物飯上佈滿刺身,,用料相當豐盛於是老公帶我來潮拜爆丼屋！結果輪候了2小時才有位我點了三色海膽盛丼老公點了帆立貝‧三文魚籽盛丼另點了活赤貝2隻三色海膽盛丼,,最先上桌據餐牌介紹,,三色海膽的產地分別是北海道﹑韓國及加拿大海膽上有生蛋黃,,篤穿拌勻到飯中,,加上醬油一起吃,,正！個人最喜歡吃北海道海膽,,味道鮮甜,,口感creamy！第一口嚐這款時,,覺得超鮮味韓國海膽味比較濃,,不錯加拿大海膽size最大,,但對它最沒有感覺！味道淡之故！加拿大海膽不夠鮮甜,,海膽味又不夠韓國那款突出最大敗筆是海膽上放了薑令部分海膽吸收了薑味,,完全掩蓋海膽的味道！估計是很多人點海膽丼,,應該一早已鋪好很多碗海膽丼隨丼物附送兩包四洲wasabi味紫菜不夠包一整碗海膽啊！當我吃了差不多一半時活赤貝便上桌活赤貝的肉質很爽脆,,帶點海水味但算不上鮮甜帆立貝‧三文魚籽盛丼,,最後才上桌三文魚籽溢滿帆立貝亦很厚大,,實在吸睛三文魚籽連飯一起吃,,魚油滲出！每口飯盡是滋味！帆立貝的size很大,,惜不夠鮮甜！兩個丼物的醋飯味道調配得恰好不會掩蓋刺身的味道飯的軟硬度適中兩個丼物均附味增湯一碗味增湯

幾個月前，在旺角豉油街黃金地段某個舖位，有一間日本菜餐廳食店新開張營業，店名叫做「爆丼屋」。店名改做「爆丼屋」，當然是想告訴你，它們是一間主打日式丼飯料理的餐廳。此店相對於同樣主打日本菜，跟日式丼飯的餐廳，例如集團連鎖餐廳「丼X屋」、旺角朗豪坊附近的「大X喜」，又或者到處都有分店的「吉X家」，「爆丼屋」菜式的價錢其實並不便宜。例如強調選用不同產地不同品種海膽的「三色海膽盛丼」，中午午市套餐就盛惠二百三十八元正。價錢相對比較便宜的「香味燒雞盛丼」亦要收費五十元正，連配菜跟一碗白飯的「塩燒鯖魚定食」，價錢亦要五十二元。在定價絕不便宜，同區亦不乏競爭對手的情況，「爆丼屋」開業三個月，每日竟然仍然有不少食客排隊輪籌等候入座，「爆丼屋」肯定有它的優勝之處。我去到「爆丼屋」在豉油街的店舖，看見店外仍然有不少人在等候。拿了籌後，發現等候的號碼沒有想像中那麼遙遠，於是慢慢等候，等了大約二、三十分鐘後，終於等到有機會入座。趁未入座前，在店門口櫃檯取出一張餐牌望望。事隔三月，「爆丼屋」的價錢依然居高不下，是他們自抬身價，抑或擁有意想不到的好成績，令他們能夠以較昂貴價錢招徠到其他顧客，只有長期光顧的熟客和「

分別點了炙燒刺身和鰻魚丼，每樣價錢一百多元，賣相很好，飯暖暖地，炙燒刺身質素一般，有三文魚、帶子、左口魚、蟹柳、溫泉蛋等等。鰻魚丼有好多舊鰻魚同溫泉蛋，本來期望鰻魚燒過會比較熱，但實際上係放凍左...暖飯配凍鰻魚，鰻魚味道又嘛嘛地，唔系好夠味送飯。兩款丼都配味噌湯和紫菜。另點了玉子燒夠熱，上面有明太子醬，味道不錯。餐廳衞生,裝修不錯，晚市好多人建議早D拎飛。整體食後感係元氣set lunch仲好食啦。

男友係刺身粉絲，突然想試爆丼屋就即管挑戰下⋯（因為次次經過都見人堆喺門口㗎）今晚都唔例外⋯⋯我19:28 拎飛已經排176，吓先叫到69⋯心諗食丼反枱應該好快，行左一個鐘街反去睇只叫到88⋯痴線但男友好想食就唯有再行下，比多次機會佢今次返到去仲差十幾張，由於人人都支持唔住⋯好快就跳到我地，堅定嘅我地21:18入坐喇算直感動想喊不過啲枱真係好密，尤其Bar 枱食嘢一定手撞手呆等果時已睇好食乜Order 冇耐就到喇。。。。一放上枱三色海膽盛好靚,而且味道鮮甜，再附上埋海膽伴侶⋯紫菜好開心呀⋯⋯明顯食到味道有不同，所以相信產地也有兩種以上再到我啦帆立貝粉絲嘅我，叫帆立貝。三文魚子盛係常識吧⋯⋯多到瀉三文魚子帆立貝好甜美而且厚薄適中好滿足喔而每個丼都有足料味噌湯一男一丼啱啱好而女士就未必可以食哂啲，因為飯滿滿一碗都唔少其實再食可以，不過一定唔會揀晚市，因為人多到癲可以揀午市或宵夜，因為間嘢收2:00am , 而食材係新鮮冇雪味亦冇出水情況，不過男友覺得兩個人食兩碗丼要$440，其實食shushi 都可以，起碼可以食多啲種類，也不無道理應下潮流，一次半次，打吓卡都ok 啦

名過於實，飯的口感太爛太淋，醋味太重，加上D魚生一般，海膽無鲜味。一碗丼有咁多飯，但飯的味道差，跟本難以食哂全碗丼。如果碗丼係好味的話，餐廳的顧客就唔會食剩半碗飯。跟本唔值排成個鐘食li餐，價錢又唔吸引。個人認為可以唔駛試。(是剛食完在餐廳寫的)

林老闆話請食飯，所以大家都唔使諗，一致舉手舉腳食爆丼屋～ 個人覺得份量真係好大～ 大到可以兩個女仔share 一份！其實除左海膽，價錢真係唔貴！好抵食！山葵角切魚生飯，無論三文魚魚定係吞拿魚 都好肥美新鮮～ 火焰三色盛丼，蟹腳鮮甜美味無假蟹味～左口魚非常肥美，油脂爆盛～ 三文魚亦美非常肥美～三文魚火山盛丼，中間既拖羅蓉好creamy , 入口魚味沖足，令人難忘。加上Q彈多汁既魚籽同埋肥美新鮮既三文魚簡直停唔到口。鰻魚丼，鰻魚油香濃郁，而且邊位帶少少香脆，加上咸甜適中既鰻魚汁簡直yummy yummy~直得一提既係佢地既壽司飯，醋既比例岩岩好，balance 魚油既肥膩感，令人多食幾啖飯

終於來到星期天，星期一至五辛苦工作一輪之後，到假日當然想抖吓享受吓啦！正所謂辛苦搵來自在食嘛，美食當前就算排隊等都要食啊！一坐底，職員為我們準備了一碟中華沙律（每人一碟）前菜。服務很貼心每人一碗中華沙律，份量都唔少㗎。這碟中華沙律上面加了點芝麻，特別香口，汁亦不會太多，份量剛剛好。這碗味噌湯簡直不得了啊！因為，我除了食到海苔之外，還食到豆腐粒，蘿蔔和肉粒！證明係真材實料既味噌湯，而不是用粉開出來的。用心去做出餸菜，顧客一定能夠感受到。這碗味噌湯，我飲完之後沒有一點口渴的感覺（證明，應該無落味精）四重火山盛丼哈哈，哩個名都改得好有意思「四重」顧名思義就係有四款餸啦（拖羅蓉，三文魚籽，鮮松葉蟹肉和加拿大海膽）！真係堆到好似座火山咁高啊！拖羅蓉-口感新鮮嫩滑，因為mix埋其他材料，所以食落口唔單止拖羅魚的味道。之前都未食過mixing 既拖羅魚菜式。三文魚籽-嘩！好多粒啊！每一夥三文魚籽都大大粒㗎，好新鮮松葉蟹肉-鮮味十足，食既時候mix埋旁邊的海膽配小量白飯，味道更突出。海膽-鮮甜味這款海膽味道不太濃郁，但是份量十足！P.S. 每碗丼都會附送兩塊紫，客人可以把菜料陪紫菜一起食，食出另一番味