爆丼屋 (已搬遷) 新店位置

自從爆丼屋被雜誌大力一推後，餐廳總是有長長的人龍等候著。難得這次經過（大約下午二時多），看見沒有太多人等候就決定一戰。入座前看一看ｍｅｎｕ，午餐來說算是十分昂貴，普遍要百多元一個丼。（註：額外加一服務費）雖然確實有點貴，但賣相確是很贊。既然有朋友讚過，雜誌也有報道，就決定＂豪氣＂一個午餐。本想試是爆的三色海膽盛丼，可惜友人不喜海膽所以唯有試—特選刺身夀司定食　及　饅魚盛丼特選刺身壽司定食，價錢可以接受（＄８５）賣相其實算是中上，拍出來的話也可以騙人很好吃的模樣但刺身不太新鮮（蝦還算可以），其餘感覺真的好一般，沒有質素可言。但沒有＂霉＂的感覺。只是明顯不太新鮮。另外一試的是最愛的饅魚飯，這裡叫饅魚盛丼。最便宜的丼＄８５。可能本身大愛饅魚，對此要求亦較高。這個饅魚盛丼的感覺是—饅魚夠肉，鮮嫰但是配上的饅魚汁是敗筆，像是帶有微微苦味的濃濃甜豉油　（難以形容，總之味道確是很怪）而飯的質素更是差。在香港當然不會跟日本的做法相提並論，但這個飯確是令人無奈。連一般街上的日本餐廳都比不上。飯明顯就只是像家中自己＂煲＂出來一樣，更甚是劣質米般。最好撥開汁，是好吃掉饅魚就算了。實在令人大失所望。餐廳環境—

在旺角,聽朋友講有一間餐廳最近人氣好旺盛的。 見今日放早,未夠6點,便和友人睇睇要不要排隊,幸好,因時間尚早,等了一會,就可進內。坐下,店員好快放下了兩杯熱茶。 我就隋即望下餐牌,除了丼，還有烏冬,壽司和小食。我見到餐牌有個冬日限定丼,梗要一試...北海道一番海老蟹丼 (冬季限定),這個餐廳用了很多食材,有赤牡丹蝦,鮮牡丹蝦籽,香濃龍蝦膏和松葉蟹腳這個飯只有冬季限定,一定要食啦。店員 一上,已經被兩隻牡丹蝦所吸引。還有個麵豉湯送,好清,不會太咸,味道啱晒我口味龍蝦膏份量成湯羮咁多,我唸要用上了好多隻龍蝦才有那麼多蝦膏。龍蝦膏簡直可以用罪惡感來形容,每一啖放落口都充滿著龍蝦膏嘅濃郁鮮味,和飯撈埋一起吃,就中和了蟹嘅濃郁味,咁就不知不覺可以食晒啲龍蝦膏啦松葉蟹腳我唸都有成打,份量夠晒十足,松葉蟹腳好大條,有一絲絲蟹的質感,新鮮。而牡丹蟹籽雖然不是好大粒,但見到顏色通透,一咬下去即爆,有海水的味道,唔會腥。雖然個碗不是太大,但份量十足,用料又新鮮,食完好飽牡丹蝦食落好彈牙又鮮甜,因為好大隻,,佔咗碗面的一半,可以用刀义來享用,所以放落口時同平時食的口感完全不同,好爽口。哈哈。另外仲叫了個四重

早排經過，見到大排長龍就心思思想試下，今日見人少少就去咗試啦！地方細細，但都有唔同既座位設計，單人匹馬嘅我梗係選擇坐吧枱位啦，可以慢慢食，又唔使驚尷尬。一入到去，店員就幫我上前菜，中華沙律，可以係未正式上餐前醫下肚。決定食呢間既時候，已經有明確目標，食四重火山盛丼！名副其實真係好似一座山咁高，有蟹肉、拖羅蓉、海膽同三文魚籽。蟹肉係鮮松葉蟹肉，蟹肉鮮甜；拖羅蓉就由甜蝦、劍魚腩、帆立貝等不同剌身整成，有唔同既種類同大細，所以食落好有口感；海膽係加拿大海膽，海膽一板板上，肥美新鮮；三文魚籽大大粒。隨餐仲附送一碗麵噌湯，有驚喜！以為係好似普通餐廳咁，材料得海帶同豆腐，但原來佢仲包含埋薯仔同牛肉碎，材料豐富，仲幾好飲添！

當全世界食大大碗的時候， 我叫左燒鵝肝壽司，估吾倒驚喜十足， 個鵝肝燒到入口即溶，而且有鵝肝我油份同夠曬厚， 個飯size 岩岩好, 搞到我想再食. 😘😘😘而燒鰻魚飯，價錢超值因為我鐘意食美食，但吾想肥所以我食左隻蛋。另外食鰻魚， 最後食左兩下飯！ 😂😂😍😂😂咁可以防止食太多碳水化合物😌😌😌大家可以試下 .

新年流流要盡興，一於去食返個平時大排長龍又懶得去排嘅爆丼。三文魚刺身($38): 三文魚刺身有三片，都算新鮮但冇乜特別。藍鰭吞拿魚腩($128): 吞拿魚腩有三片，每片再薄切。魚腩被雪到冰左，偏硬身。黎張大合照先。每個丼都會跟一碗麵豉湯。湯會有一至兩粒肉粒，有啲白蘿蔔。三色海膽盛丼($238): 齋睇個樣都已經夠曬霸氣，海膽舖滿整個飯面。表面嘅海膽用火槍燒過，可以增加香氣。海膽口感好rich。每啖飯都有海膽伴食。三文魚火山盛丼($128): 三文魚切得好厚身，新鮮。極上拖羅盛丼($228): 一上枱真係嘩嘩聲。拖羅量多，又厚身。

千呼萬喚 應該有好多朋友同我一樣想食左好耐 事關佢個樣實在太正太呃like了 成日網上睇啲相好靚 加本身我好愛日本野 所以就覺得點都要試下聽朋友講佢上次食既野麻麻地 我就完全避開左佢講既地雷 希望我係有往正確既方向行走吧 其實覬覦左個牛丼好耐了 就嗌左同朋友兩份分一開始仲有前菜 有啲野咬下等個丼泥Mega爆盛慢燒牛肉丼 $188勁多牛肉 有成400g 所以兩個人分係ok的 食極都食吾晒既牛 一塊都好長好大塊面頭有啲沙律醬甘既物體都幾夾個味 而我地最愛係撈飯既燒汁 吾夠仲可以叫店員拎 吾食魚生既食依個熱食既慢燒牛肉丼都幾好

每次經過爆丼屋都好想試, 奈何太多人, 排幾十個號碼, 所以放棄。前日邊行街邊等, 終於等到喇, 45min。係門口認真望左眼餐牌, 想像唔到係咁貴 😅😅 咁。。。都試下啦～座位好迫, 都明既, 要做生意嘛！叫左個遠近馳名既三色海膽飯 + 火灸 ×× 飯, 失憶添, 又唔記得個名。😂😂 無叫小食喇, 因為。。。試下馳名野先嘛！三色海膽飯~ 同伴話都好新鮮, 三色都唔同味, 第一啖好開心, 第五啖都幾好, 但第十啖已經...都係咁, 同埋好頂住, 所以食淨左啲飯 !火灸 ×× 飯~ 刺身就...都係咁, 但我非常喜歡個隻生蛋撈飯, 隻蛋甜甜的。啲飯好香醋味, 我食哂啲飯架。望望左邊同右邊既女仔, 佢地都食淨哂啲飯, 同伴又食淨, 其實我係咪咁大食呢？😫😫 結賬後, 我話同伴食淨野, 咁貴都唔食哂, 浪費食物, 浪費金錢, 我真係有啲嬲架。😁😁 太變態喇我~總括:試過就夠喇, 埋單每人 $205, 呢個價錢, 其實可以食到唔同款既刺身, 而唔係單一食一碗刺身飯。🍱當然未食過, 可以試下既~ 影下相~ 叫試過囉！

最近係網上見到呢間舖頭 已經覺得好吸引😍晏就放左學就過泥試下👍🏻一點幾去到 離遠望 已經有好多人企係門口等緊雖然張飛個number 好後但係得兩個人 所以5分鐘左右已經入得😆入到已經放好曬熱茶 同 中華沙律點完餐 就會比埋跟餐既味噌湯😋我就嗌左 三文魚火山盛丼($108)👍🏻份量極多 十分足料😉厚切三文魚 好新鮮 好有口感仲有 拖羅蓉😍 睇落好少 食上泥都幾多下亦都好新鮮中意食三文魚 又中意拖羅既朋友 可以嗌呢個試下😍😍👍🏻我食晒成碗 真係食到「爆」肚😂而我朋友係海膽迷 就嗌左 三色海膽盛丼($238)👍🏻三色海膽 分別係韓國、北海道、加拿大海膽真係滿到瀉💦連吾中意食海膽既我 都覺得呢個好好食😋😋作為海膽迷既佢佢都讚呢度既海膽好出色呢😆不過食到最後 就有啲膩🙁值得一讚 staff會主動埋泥再添茶❤️👍🏻

熱潮淡卻 終於約左個朋友去一試 加上係附近諗食啲咩 最想食就係依間丼屋 我地就等過左最busy既lunch hour先去食 恰巧吾算太餓 過左lunch時間吾洗排隊係爽既 坐左係2人桌 不過見到人流量都多 出完又入客 一坐底就睇menu 為食貓hahalunch無4重丼 秉以我就點左主menu既四重火山盛丼 雖然貴左啲 但食一次係ok既但lunch menu個啲都抵好多 下次要試佢既火焰丼 lunch價$82我嗌左既四重火山盛丼 $298 到了前面後面4種食材包括三文魚籽、加拿大海膽、蟹肉及吞拿魚蓉 魚生既量都係好多 我ko吾晒成碗 仲剩3分一 4種食材意外地我最鍾意係海膽 好鮮甜 早知嗌海膽丼 得3片吾夠喉啊~ 吞拿魚蓉方面就帶少少筋 但正在佢係用好多種食物去做吞拿魚蓉 帆立貝赤身三文魚籽生蝦等等仲有麵豉湯 入面好多料啊 有牛肉 豆腐 昆布等等 牛幾香口同埋吾嚡口 同埋一開始既中華沙律食最後仲見到佢地年30晚開到好夜 我諗岩晒啲人行完年宵吧~

最近人氣爆燈排長龍嘅爆丼屋今日就試吓佢有咩過人之處錢財係中華沙律 味道尚可三文魚火山盛丼 $128 名副其實 d料真係滿瀉到爆炸😱而且出奇地新鮮👏🏻👏🏻三文魚粒厚切 非常有口感吞拿魚茸亦都好鮮甜再配埋三文魚子真係鮮味十足壽司飯亦都做得恰到好處酸度適中 整體真係very good 😍鮮嫩可口既鰻魚鋪滿成隻碗件件都肥美可口🐷仲有一隻令人垂涎欲滴既溫泉蛋餅粒沾滿香濃既醬汁熱騰騰 香噴噴 超正！終於都明白點解咁大受歡迎

由於餐廳唔大，閑日六點半黎到，都要排一個鐘左右，所以最好等位時睇定menu，入到去即刻落單。食物款式唔太多，最抵讚係每款丼飯都附圖講解有咩材料👍🙆三色海膽盛丼 $238 海膽痴一定食呢個盛丼，有北海道、韓國同加拿大三款海膽，但我個丼無左北海島海膽 (開頭都唔係太肯定，但食完後上網睇返啲相先知伏左😫) 韓國海膽火槍燒過，味道更有層次。加拿大海膽較實身，但味道較濃。整體上，海膽都好新鮮，無腥味，而且真係好多，食極都有。不過飯略嫌放多左醋，酸左少少。🙆 燒鰻魚盛丼 $138 每件鰻魚都相當厚肉肥美，肉質彈牙，但間中有一兩舊有小骨。醬汁味道濃郁卻偏鹹，食完都幾口喝。 放係中間既溫泉蛋，上枱時已經穿左，蛋黄流到碗邊都係。如果經過唔洗排隊，可以一試！但如果排一個鐘 只為呢個鰻魚丼就免了🤔🙆 三文魚火山盛丼 $128 相比起海膽丼同鰻魚丼，呢個丼明顯較遜色。雖然刺身款式多，有三文魚、魚籽、吞拿魚蓉、八爪魚同玉子，但刺身唔夠凍，而且三文魚同吞拿魚蓉都唔夠肥美，油脂香較弱😶

邊鬼個話新鮮，食完想嘔（反胃），完全失望。我個人本身都鍾意食日本野，今次又俾新假期呃過去試，一入到去，員工心散吹水不在話下，長枱設計叫兩個人明明坐對面都好似分隔好遠咁。好彩風口位又涷又唔舒服忍唔住叫換位先有個卡位，如果唔係就有人係我地食緊野期間做paper work數紙仔。一睇餐牌，午市同本身個menu一毛樣，價錢又相同，都唔明套咩餐。唉，一野算照落單，一個三號火山丼一個六號三色海膽丼加多份燒魷魚。一坐低個所謂沙律，求其俾佳寶質素既碟仔中華沙律就算。一黎，火山丼，中間個吞拿魚蓉好似免治豬肉咁，口感其怪，我都知尼個價想條吞拿魚有幾靚，之後，我都知三文魚存放得耐，都唔好俾我覺得你係咁落孖七同出哂魚油。仲唔知放兩包四洲紫菜係度唔知做咩，完全低成本。個白味噌湯唔洗講木魚水都同你慳返，打個雜菜湯加吸水豆腐粒，尼樣已經係算正常既野。再黎，海膽丼，三款海膽，由小到大，紫海膽已經怪怪地少少臭既餘韻，馬糞海膽都叫接受到清得黎少甜，到個加拿大海膽就真係臭到想嘔，一夾就散又爛，一搬開就已經溶係飯度，新鮮？算吧啦。佢隻蛋啲蛋白又抽唔哂，個飯不知所謂。個丼底，啲飯醋，唉。係享受完地獄之後，理所當然地個燒魷魚係未

出名排大長龍的一間丼屋，不禁要試一下新意思，等了段時間終於到我們了，餐廳的面積不太，所以大家都坐得迫迫的（證明生意很不錯呢）。點餐後會送上跟餐的味噌湯，清清的味道，驚喜的是有不同的材料，比起一般的味噌湯優勝得多呢。帆立貝三文魚䰵盛丼——這個丼太驚人了吧，厚厚的帆立貝加上滿滿的三文魚䰵，（先抱歉，這次相片真質素不太好，沒有把全個丼拍好），因為在碟邊上也有滿滿的魚䰵，從上面照片可以見到一絲絲的，是滿瀉的感覺，超幸福咧哈哈。而每個飯都會配上wasabi味的四洲紫菜，配搭不錯。帆立貝很新鮮，雖然沒有海水的味道哈哈，但厚厚的質感還是融化了那冷冰冰的感覺，至於魚䰵本來的味道較濃，配飯的感覺會較佳，當然吃魚䰵是需要「一野啪落口」，大量地在口腔裡爆炸的感覺是最扯不過吧，哈哈。三文魚火山盛丼——就這樣看上去都太誇張了吧。三文魚加上刺身碎，拌飯一流！三文魚的味道很不錯，但兩個飯對於兩個人來說也好像有點太多，很撐的感覺，最後已經吃不下所有白飯。另外一讚，雖然人很多，但當中一兩個職員依然專業，不錯不錯。

每次經過爆丼屋門口都大排長龍，所以放棄唔食。今晚同班損友唱完k，11點幾大家都有啲餓，咁夜應該少啲人，不如就去食個吸晴爆丼宵夜呃吓like啦！果然去到就入得，夜麻麻食唔到咁多飯，兩個人share一碗就剛剛好。第一次來，當然要點人氣爆燈嘅海膽飯。三色海膽盛丼$238，一碗飯食到哂加拿大，日本同韓國海膽，真係難以抗拒。吃一口加拿大海膽，並沒有平常新鮮海膽的甘味。韓國海膽近乎冇味，只係入口creamy，而日本海膽也沒有鮮甜味，實在有點失望。加上飯是剛煮熟，拿來做刺身丼的話是有點過熱了。

今晚同好友飯聚，選取了人氣極高既爆丼屋，我地七時左右去到，大約等了半小時便可入座。我地分別叫左鰻魚飯，海膽飯，吉烈𧐢，蟹子沙律同牡丹蝦刺身。海膽飯有三種海胆，其中燒過既同細size海膽都好鮮味，另一種則比較咸同有腥味。鰻魚肉好厚，但略嫌汁比較少，好彩問待應叫佢比都有比。吉列蠔個皮脆同入面個蠔好juicy,牡丹蝦刺身好厚肉另外個蟹子沙律超多蟹子。不過舖內音樂太大聲，如果想傾下偈就難d.