燒魂

營業中

休息中

安排入座順暢， 快捷種類多元化，最可惜的是元貝轉了生蠔，服務態度良好，還會幫顧客開埋蠔，環境不錯，衛生得體，空間寛闊，希望下一次可以品嚐到鮮美的元貝及有機會品嚐到貴店的特製美食

食評真係甚少寫, 如果要我出手寫親多數都係差勁！唔知道原來食物真係可以差到咁放題價錢唔算太平, 不過呢度嘅服務態度真係好差差到好似覺得你唔食既仲有大把人幫襯🙄嘢食差既都起碼有個譜, 佢竟然可以差得過漢X苑果d放題分店, 野食味道食落冇肉味, 我屋企雪咁好耐果d肉仲好食過佢! 成餐晚飯真係食到我媽媽聲🙄🖕🏻如果唔係朋友簡呢間我諗一定唔會食!

烤肉放題，重點是肉類是否精品與新鮮，其次是價錢是否合理。這家對比上來，偶一吃之可以。牛肉有不同檔次與部位，隨客人喜歡，肉味尚可，最怕吃到那些梳打牛肉，肉味缺乏，型同嚼蠟。另外這家有烤生蠔吃已值回票價。美中不足處在於飯品不是放題，單點收費也高。其次環境也比較窄，放題餐廳通病。

張牌寫9:30後$248平日 點知比錢個刻先見到係收$31x 問點解唔係收9點半個個時段既價錢 佢話係9點半拎飛 10點半入座先係計248加一 但晏就打去問個陣完全冇提過 完全覺得呃錢 會唔會有人係拎完飛等一個鐘先入座？仲要冇職員提過 個牌係咪應該改番d字眼 唔好再欺騙消費者 野飲得兩罐都收三百幾 唔係唔好食 都ok 但呢個價可以食d更好既

好少會覺得一間任食係會差成咁之前見到食評以為幾好, 可惜食完真係好失望!!!大家唔好比食評厄左, 根本係差劣!任食既肉多雪到呢, 一大舊硬死谷谷, 燒完肉味唔好味囉! 有燒蠔, 但唔係好得, 而且漏單情況好嚴重!野食成日都出好少, 吹多兩吹時間都夠比職員吹返我地轉頭要走人第一次去任食既地方係會食得唔飽😔, 冇下次!

其實 叫野都預左一係俾多，一係俾少。但兩個鐘頭 亂俾多兩三碟野，份量又係便宜俾多多 貴價俾少少。黎野又黎得慢，價錢又貴。性價比認真唔高，希望唔好再有人中伏啦。野飲 限量，貴價難食，小心中伏。

呢間真係超級差!雖然話係任食, 但係野飲只包一罐🍹如果另外再飲就要另外加錢! 💸💸而且叫佢換過燒烤網又要加錢, 乜嘢都係錢錢錢！💸💸💸💸💸真係超厄人! 🙄而且本身話有燒蠔, 但係食多幾次就有個職員企喺我哋張枱隔離黑面, 味道唔係特別好, 相信唔係新鮮既蠔（因為頭一次燒蠔有蓋嫁！不過之後就係開晒, 似係唔新鮮既蠔咁）🤔🤔🤔平時燒烤平時都會換三至四次網喇, 呢度換親網都要收錢😅 唔通可以忍受到用個黑抆抆既網? 只好就範加錢....🙄燒肉唔太好食, 個醃味唔吸引, 一次就夠喇以後唔會再幫襯! 👎🏻👎🏻👎🏻

下午致電留位（5人），5點50到，要係門口等，6點一堆企滿門口的人開始混亂沖入，帶位帶到一張4人位比我地 吾係book5個人咩，枱上係一邊放2位，一邊放3位，但……可以換過張嘛，我地5個人喎，坐得好辛苦啫。 侍應姐:吾得喎，（指另一張）個張10幾人，（再指另一張）呢張6人，之後我地考慮後走，姐姐態度告知，吾食就bye,我地仲有大把客（侍應姐姐其實無講出來，但佢直接送我地出門口）希望佢地改善下，你地仲要個食客自己燒野架，迫到手都舉吾起，又點燒。

大家小心，呢間野無熱水同熱茶供應，野飲亦都唔係任飲上野亦都極慢，叫d牛等成四個字先到有幾張單仲走Q埋野食又唔算好食d優惠唔清唔楚，絕對唔抵食打電話問左有既優惠，去到又話冇

去過日本既大都巿既朋友都唔會對燒肉陌生最熱鬧既地方加最旺既地方都一定會有陣陣燒肉香味如果我揀最可以代表日本既味道 其中一樣我會揀燒肉味!!!好耐無食 同朋友提過話想食燒肉回味一下日本的味道最終揀左呢間係尖沙咀我諗都有十幾廿年既老舖!! 重點係放題式任食 滿足下我!!好和式既字樣 好有歸屬感既呢!大大張既廣告 植入腦海 和牛放題場內場外都係和式感覺 新舊唔緊要 只要乾淨少油煙就無問題任點任食呢家野係惡 但唔知佢質素高低都係少試牛刀每樣都點少少試下穩陣黑毛霜降和牛，汁燒安格斯一口牛，熊本一口和牛，牛裡肌點完之後好快就上到枱其實無諗過佢會係既賣相 用心既擺位 鮮嫩既紅色 白紅分明既脂肪比例著實唔錯 都令到我有少少期待邊燒邊睇住啲油流出黎 肚餓既程度不斷上升牛味越黎越香 服務員走埋黎話 千祈唔好燒到熟晒呀 要留返鮮味好采提一提 因為望住望住真係唔記得左唔洗熟晒肉質唔錯 牛味香濃 而且無筋無咬唔入既情況出現 我覺得唔洗點任何調味都好食呀!!加單是常識吧!!!! 其餘既係魚生 選擇上唔係好多 但質素唔差就已經足夠喇劍魚係最令我驚喜既 好鮮美有食肉既感覺 好有質感!!!燒蠔 新鮮大隻 多汁 燒到自己

BOOKING左6點, 但居然間野6點先開門, 其他放題早就放人入去坐住等啦,搞得黎入到去都無左10分鐘, 我們10人居然安排左8人台俾我地, 迫餐死!叫左野食又漏單又等得耐,就算野黎左都勁"獨寒"甘得少少,例如我們10人叫左10塊和牛肉, 結果只有4塊!2個鐘放題就係多得又漏單又等既情況下搞到根本食吾飽, 真係神奇!!不過佢D食品既質素都算合格, 只係間野D服務真係差到吾會令人再想去,蠢左1次就算啦, 出面大把選擇

落單上菜慢又漏單，好似俾左錢你都唔應該叫野食錦。落左單，就上3份之1，之後麻煩佢跟一跟單，佢話自動幫我地cut單，要我地再落過。落左你又cut，再落又唔上，姐係點？員工特别係個呀姐好冇禮貌未夠鐘催人埋單趕人走，搞到我地7個人好sad。D刺身第一輪ok架，但係第2輪就真心差。成2個鐘呀，7個人，竟然淨係上左兩輪刺身，我地都灰左。千幾蚊大中伏既經歷。傷心💔

約咗幾個fd食野~又唔知食咩好~就開openrice睇睇有咩好野食~發現附近有間燒魂一就打算一齊黎試下啦~我地就食8:15-10:15pm嘅時段~每人288再加一~一開始就試下叫d牛食下~每款叫咗d~d牛叫幾份就有幾份~俾得好足~唔會好似其他d放題~叫4份俾2份你就算~亦都唔會hea你時間~叫完3~5分鐘就有得燒而且牛味非常之濃郁~中意食牛嘅真係值得一試~特別系霜降和牛~味道特別濃~去到每人就有2罐野飲~跟手就試下d豚肉食落去唔會太膩~油脂分佈得唔錯~再試刺身~即叫即切~三文魚入口即融~任叫唔嬲吖最特別就係燒宮城蠔~老闆親自過黎教你燒~蠔味十足~燒完無咩縮水~非常肥美~仲易食放題嘅~可以過黎試下~抵食~不過價錢方面有d調動~6:00-8:00pm $2488:15-10:15pm $288after 9:00pm $248再收加一~比之前加咗$20

中學同學請我食生日飯佢地揀左燒魂一因為我想食燒肉我地系閒日去(有book位)但去到因為人太多我地都等左15分鐘先有得入一入到去waiter會放底碟蜆同蝦相信系每枱送一碟既..之後其他都會系枱面有紙同筆任點魚生..沙律..湯..海鮮..熟食..串燒..燒肉都有好多食物可以揀我地就點左d魚生食完魚生就開始燒頭先送果碟仲有另外點左d蠔最後就食燒肉總括：食物款式算多 上食物時間算快 價錢大眾化溫馨提示：1次寫多少少比較好,因為時間過得好快..與其花時間等佢出食物不如放定系枱等燒會著數d😅

有一日，媽咪睇住電視 見到日式燒肉無啦啦同我講 好想試試而早前，朋友黎過呢到 同我講呢到食唔質素唔差款式又多 價錢又唔太貴所以我就帶我媽咪黎燒魂一一試呢到分開左三個時段6pm - 8:00pm8:15pm - 10:15pm9:30pm 打後而每段時間都係任食2小時而我就同我媽咪book 左8:15pm呢個環節由於就算book 左枱都好，放題係8:15開始我地8:05到達，都要等到準時8:15pm先會安排客人慢慢進場店既裝潢都幾時尚而冷氣都幾大..唔洗驚食完成身油煙味坐低後，侍應再過黎解釋收費以及再介紹枱面上一早準備好既醬汁味道第一款-韓式辣醬, 有D泡菜味道第二款-普通辣汁, 呢個辣汁似泰國既海鮮汁.. 我最鍾意既一款第三款-燒肉汁, 無咩太大特別我當然急不及待睇下叫咩好啦呢到有樣好處除左燒肉外仲有刺身、壽司以及其他熟食款式一D都唔少係我好認真點緊野食之際侍應哥哥好似推點心車咁令左d飲品過黎比我地簡原來我我地時段，每人係送2罐飲唔有4款比我地簡 另外，都可以加錢咁飲品就可以任飲喇點好野食過後...刺身好快就黎到而質素自覺得尚可... 海鮮款式都唔差原本係元貝升級左為蠔 虎蝦都成隻手