燒魂

營業中

休息中

之前與朋友兩個人來吃，當時還覺得不錯所以，後來帶多了幾位朋友一起來，便後悔了兩個人，一個爐五個人，還是一個爐，有無搞錯啊？邊燒得切？？？成餐飯都食得勁趕囉加左價，其實唔緊要，因為佢質素都算幾好但你加完價，成300蚊個人（舊價：258，新價：278，另外再加一）但我食唔飽，就覺得有啲過份（同台幾個都唔覺飽）我明白你們人多，但五個人比一個爐...真係諗都無諗過有個侍應姐姐長期黑口黑面 叫又唔理人...講真，任食三百蚊，可以有更好選擇anyway, 食物都唔錯既佢啲蠔幾抵讚，上幾round都keep住咁大隻咁新鮮燒完啲蠔，仲有啲蠔水係裡面，飲一啖嘩，超鮮甜蝦就蝦頭有啲霉霉地 驚會肚痛，無encore第二轉平時出面食燒肉 豬肉係比較容易癡底佢又無咩話癡底，而且，都切得幾薄易熟，我鍾意幾細心，雞翼切半隻，咁就唔會太飽，而食唔到其他野而且，佢啲肉其實醃得幾好味唔會似出面某啲鋪頭咁, 啲醃肉全部一樣味牛，另一個驚喜位，出面某啲任食啲牛叫多兩轉，第三轉就好明顯變差但佢係上左幾轉，都幾係比返呢啲樣既牛特別係佢個和牛粒，好嫩口我好鍾意燒菜、燒菇，今次當然亦都唔例外啲菇同翠肉瓜都好脆口香口菠蘿輕輕燙一燙，酸

數數手指, 第一次光顧燒魂一已經是4、5年前的事了.相隔多年再次重遊拍拖的餐廳, 地點依舊, 但餐廳環境改變了不少. 無可否認, 無論裝修、食物水準及服務都比以前更進步了.放題設有時段限制，分別是6:00-8:00pm 和 8:15-10:15pm這次選擇了8:15pm的時段, 就算去到也要稍等一陣才可以入座.這裡主打燒肉, 但仍然有刺身、小食或熟食供選擇.在點餐紙內的都是熱門款式, 每一樣都相當吸引.餐廳座位都算多, 環境及裝修都很有格調.座位間距離比較寛, 不會有局促的感覺.這裡是採用網燒, 而抽風系統超好, 由爐邊的細孔抽走油煙, 所以整間餐廳都沒有油煙味飲品不是任飲的, 每位只奉送飲品一罐, 感覺確實不夠呀!!先來一客刺身熱熱身, 有三文魚、鮑片、北寄貝、八爪魚等每款都很鮮甜, 以北寄貝爽口彈牙最為美味, 三文魚也甘香美味, 刺身算很不錯.另外最欣賞的是蕃薯沙律, 冰涼爽脆口感, 配上芝麻牆汁十分開胃直接入正題, 就是燒牛吧!很欣賞這裡的牛肉款式相當多,單是牛巳經有9款, 而且也十分新鮮.我們分別點了黑毛霜降和牛、蔥蒜醬油牛肋肉、汁燒安格斯一口牛、熊本一口和牛跟牛裡肌等等….特

用咗open rice咁耐。。。從來都懶得去打食評只會去睇人哋留嘅食評.但今次真係嬲到我都忍唔住要特登去打😡琴晚10點幾同男朋友去咗呢到食韓燒.一去到話無位要同人哋搭枱就已經唔想食.但一諗到特登黎到冇理由就咁走所以算啦！坐到埋去原來計埋我有三對互不相識嘅情侶坐埋同一張枱，個情況都幾尷尬下😒好彩嘢食黎到無耐就有人幫我地調去第2張枱(枱號：v2)另外果兩對情侶都同時安排左調枱.其中一對又咁岩調左同我地調既同一張，換言之我同男朋友加埋嗰對情侶4個人又再同一張枱.不過今次張枱放嘢食方便好多，所以我哋兩對情侶都覺得無所謂！本來啲食物睇落都好吸引味道又唔錯.直到黎左碗「麻醬豆腐沙律」。。。我食食吓竟然發現左粒長身既螺絲直徑大概有＄5銀嘅長度，第一時間梗係叫服務員過嚟，佢睇到果刻第一個反應都嘩咗聲，之後剩係講左句唔好意思幫你換過碟就收左碗野，對吾住都無句！連任何表示都無！連同枱隔離唔識既果對情侶都話離晒譜！最衰就係佢收得太快，當下又吾記得影相！最後買單兩個人加埋任飲，總數＄590！食到一肚氣！完全吾值呢個價！！👎🏻👎🏻👎🏻無下次！

上網見到某飲食雜誌專頁介紹呢間好似好正咁, 二話不說就book左試一試。食品種類繁多,刺除左肉類之外刺身熟食樣樣俱全, 肉類質素唔錯, 牛脷同牛柳粒都好好食, 海鮮方面蠔真係幾正, 叫左幾輪每一輪都係大大隻好肥美, 蔬菜我幾鐘意個白蘑菇, 大粒得黎夠香, 侍應都幾好人, 會主動教你點燒先好味, 呢點抵讚但呢間野亦有缺點, 雞翼雖然有多款味道選擇, 但每款都近乎一樣, 淡而無味, 有款龍脷柳叫左幾次都冇黎, 野飲亦唔係任飲, 佢只包一罐野飲 , 散叫的話好貴,亦冇提供水及茶, 但整體黎講都回哂本

放工後與友人到The One影完小丸子後便到金馬倫廣場食燒烤放題補充體力～門外人頭湧湧，即使訂了位都要靜待一陣才可入座。環境算寬敞舒適，油煙亦不太攻鼻。服務態度不錯，會主動講解燒的步驟及幫忙燒。漏單情況亦近乎零，值得一讚。每位食客都有一罐自選飲品，不過我個人覺得一罐有點不夠喉～而且飲品種類可以更加多元化。翡翠檸檬綠茶飲落似檸檬茶的味道，酸酸甜甜，而蘋果梳打飲完很爽朗舒服，不過蘋果味卻欠奉。食物選擇十分多，有牛、豬、雞、海鮮、炸物、鍋物、刺身、壽司、燒物、野菜、沙律。唯獨欠缺了甜品.....刺身 - 三文魚厚切肥美，甜蝦清甜爽口，吞拿魚就差了點，食落像啫喱的質感。岩鹽青檸雞中翼 - 食落酸酸味味，雞翼預先經過處理變成單骨，食落更加方便。黑椒雞腿肉 - 肉質厚而嫩滑，食落口感不錯！滲上黑椒味道更為香濃惹味～汁燒安格斯一口牛 - 食落較韌，肉味都還可以～熊本一口和牛 - 食落軟身肉味香濃，紋理分佈得平均。個人十分喜歡，不停encore.....帆立貝其實是沒有的，改以宮城蠔取代。店員告知燒3分鐘便可以，食落很重海水味沒有沙，不腥。必食之選！菇類經燒烤後香口多汁～菠蘿味道清甜爽口！天婦羅炸粉不

其實去之前已經知得一罐野飲，但諗住佢水都有比人呱?或者再叫野飲唔會好貴。但sorry佢一滴水都冇同埋所有野都要加錢仲要係海洋公園價錢。18蚊一罐野飲，5蚊一杯冰，30蚊換個網，依個價我可以去其他地方食差唔多質素嘅燒肉放題仲要有埋野飲。同埋啲汁好怪，有一個係普通燒肉汁但點極都冇味所以我寧願點豉油，然後其餘果兩個汁係泰色汁，九唔搭八，我都冇用過。食物：都有好多種類，燒嘅有牛，豬，雞，海鮮同菜。其餘都係放題會見到嘅野，雪條做做馬要like佢地個page又要share又留言先有得食。壽司，小食同熟食我地叫得唔多，但我地叫左雞軟骨，炒雜菜，凍豆腐；壽司叫左燒和牛，黑松露帶子，有海膽果個唔知咩。雞軟骨同豆腐冇咩特別；炒雜菜好食同好香，有好多木魚係面頭；以上3款壽司都好食，壽司啲飯唔大舊，唔會係塞飽你果啲。刺身：三文魚：都ok，唔可以話好好食但夠厚；甜蝦：有我隻中指咁粗，好鮮甜燒：肉類我地淨係食左牛同豬(有雞肉)牛：牛肉粒好靚，但要燒得啱啱好先好食；牛舌唔係厚切，但都好食好重牛肉味；薄果啲牛肉(唔記得咩名)睇就靚但有筋，同埋因為未解雪所以燒左之後啲肉汁比啲雪水沖淡左啲。豬：薄果隻豬肉(又唔記得叫咩s

大胃王朋友今晚想食燒肉，便不其然想起尖沙咀的燒魂一。燒魂一已在漆咸道屹立多年，數數手指由最第一次光顧到現在，大大話話也超過6至7年了，當年放題的選擇當然沒有現時的多。說燒魂一是香港日式燒肉放題的元老級絕對是當之無愧放題有兩個時段，分別是6:00-8:00pm 或 8:15-10:15pm和朋友訂了8:15時段，當晚早了10分鐘到達也要輪候一會8:15準時入閘，一入門口便看到大大個燒魂一招牌，好搶眼燒魂一最特別之處，就是不單止燒肉類，就連其他剌身熱食也可order，一個價錢幾種享受，你懂的吃放題最怕忘記枱號。在燒魂一無需擔心，抬頭往上看便找到枱號了晚飯時段每位會奉送飲品一罐先來一盆sashimi熱下身。三文魚尚算肥美，呷下油滋滲出，甜蝦也是新鮮貨色，放題來說不過不失海鮮點了生蠔、蜆類、鮮蝦、魷魚仔、鯖魚。另外大部分肉類也有order。事不宜遲立即開動吧！🔥開始燒海鮮時，店員還會主動走過來解說一番，令我們增進不少燒肉知識最要注意是生蠔，每邊最多只能烤3分鐘，不然會消乾水分，而且蠔殻有機會爆裂比較危險。生蠔燒完還是大大隻，脹卜卜。保留了海水的咸味，真的回味無窮吃過第一轉後已急不及待追加燒豬腩

呢晚去咗尖沙咀燒魂一食日式燒肉刺身放題，當日未計加一$268一位。晌出面等咗陣先入得，佢哋有唔同顏色嘅點餐紙，細分咗幾個類別：牛、豚肉、海鮮、地雞、蔬菜、刺身、壽司卷物、火灸壽司、食事、潮燒、唐揚、一品、沙律等等，第一輪就每款畫少少嚟試試。所有食物都係任點任食，不過罐裝汽水就限每人一罐。每人有份秘製三色醬汁，我哋覺得中間嗰隻酸酸辣辣咁比較惹味。先嚟嘅係刺身，我哋畫咗大甜蝦、吞拿魚、三文魚、劍魚腩同玉子燒，大甜蝦頗鮮甜、三文魚夠肥美，但吞拿魚同劍魚腩較多筋。食完刺身就食日式燒肉，我哋畫咗牛類：黑毛霜降和牛、汁燒安格斯一口牛、黑椒一口牛肋肉、青檸蒜味牛舌、薄切牛舌、蔥蒜醬油牛肋肉、厚切牛舌、熊本一口和牛、牛裡肌。可能因為開初我哋掛住傾偈，無好好睇住同留意啲燒烤時間，令到其中某啲一口系列比較韌。隨後燒嘅牛舌就幾爽口，質素唔錯。中途就食啲蔬菜平衡下，畫咗雞髀菇、翠肉瓜、紅洋蔥、日本南瓜。佢哋將雞髀菇切開，再晌中間搽牛油，好邪惡但幾好味。海鮮類以日本宮城蠔最驚喜，連殼（較平嗰面向下）燒大約三分鐘。燒好先將蠔殼打開，蠔肉飽滿，食落味鮮滑溜，以放題嚟講質素唔錯。最後食埋有機甜菠蘿。當日心情麻麻，我自

見到甘多好評，點知令我甘失望，漏單情況嚴重，第一round order既食物last order先黎，上食物都比較慢，食物冇驚喜，我覺得宮崎更好食，起碼我會再光顧真係好失望一定冇下次

食日式燒肉晚市放題第一輪未到六點，門口已經企滿人排隊等入位位於金馬倫道的日式燒肉放題餐廳入面環境寛闊坐位不會太擠逼先睇睇點菜紙真的眼花撩亂！ 好多款肉類選擇搞到我呢個貪心鬼樣樣都想試作為牛魔王的我 當然係不停叫牛食最驚喜既係和牛都係幾款你揀！例如黑毛霜降和牛、安格斯和牛，熊本和牛仲有牛舌😍😍😍 我特別喜歡青檸香蒜牛舌！青檸減低牛舌油膩感，青新既口感令人不禁要食多幾塊而圖中右手邊係原味牛舌牛舌切得薄薄的😊😊特別快熟，而且又唔韌牛肉肉色鮮嫩，沒有雪味！我喜歡一口和牛， 肉味會比較濃一點刺身反為失色一點而甜蝦鮮味不足因此叫左第一輪已經無叫了再來豬肉類和雞肉類雞翼都有幾款口味嫁店家好細心，雞翼弄成單骨，快熟之餘又方便食👍🏻👍🏻👍🏻當然不少得燒海鮮當日沒有帆立貝改為生蠔估唔到有驚喜！ 店員建議每邊燒三分鐘而且海鮮放爐中央燒一打開隻蠔，燒完都係脹卜卜嫁，無縮到水而且食唔到沙，同腥味！👍🏻👍🏻所以蠔非常新鮮我叫左幾round 😋😋生蠔有成半隻手掌咁大嫁！而海蝦亦是厚身多肉熟食方面我喜歡蟹粥以石鍋奉上入面好多配料，昆布同粟米仲有半隻蟹，用來提升蟹味香蒜雞軟骨炸得好香脆👍🏻而且大大粒我同朋友食到飽飽由開

放假前梗係要食餐好既所以黎食放題又有得燒又有得食壽司又真係第一次由於我地假期前夕去, 所以就$298一位一坐底見到點餐紙盒入面都有成十二張依次我同朋友兩個人食又怕會食唔晒, 所以揀我地想點既朋友鍾意食牛所以點左黑毛霜降和牛、汁燒安格斯一口牛、青檸蒜味牛舌當然燒既過程要自己控制呢小妹建議霜降和牛不宜燒太耐，否則無咁Juicy汁燒安格斯一口牛脂肪幾充沛，燒果時見到肉汁係咁流出黎特別推介係青檸蒜味牛舌，燒久了都夠稔，而且夠味值得番焯豬我地就點左極上黑豚肉、血池赤豚小排薄薄的黑豚肉燒起黎都幾搶火，因為較薄身，所以要睇火，否則都幾快燶血池赤豚小排，排得靚靚咁上碟最初以為都幾辣，好彩都唔係而熟食我地點左田舍大根牛舌同佢點餐紙個樣有啲唔同理想與現實，哈不過都好好味既蘿蔔好入味，牛舌都好稔另外都有叫到生蠔燒不過唔好燒太耐，店員話三分鐘好將個蠔反一反，咁就食得除左依啲仲有點刺身壽司，壽司刺身唔算大件所以要點多少少先可以食多啲整體上菜都好快而且不時都有店員開咪廣播話LIKE 佢地FACEBOOK就有雪條送，都幾有趣而佢野飲每人就有一罐，如果任飲就好了不過佢啲野飲係街外真係無點見過個蘋果梳打幾好味

見到某飲食網站介紹 以好好食點知中伏了 我地一行4人專攻牛類 刺身 石譹牛有6種 牛舌 和牛 等等 我地叫哂禁多種 黎到睇係幾靚 但食落 唔值呢個價錢 只有牛舌有牛味 但不juicy 提供的醬汁都格格不入...刺身 尚可接受 三文魚入口沒有入口溶的感覺 北寄貝好食 山檺都好食 值得一讚 另外要注意既係飲品只包一罐 之後再叫就18蚊一罐 同酒店叫既價錢差不多 另外換網要加$30 換醬油要另收$18 其實 330既價錢 整體係低過我期望的 。。。

係九龍公園游泳池游泳後，食10點15分的一場日燒由於游水後幾肚餓，都食左好多豬肉同牛肉，可能太油，筆者同朋友都肚痾，而筆者更作嘔，建議大家千祈唔好咁急食，受苦的是腸胃。一坐底，仔仔又好百厭，侍應姐姐俾左把燒魂一出品既扇小朋友，好多謝你的細心❤️先介紹下牛肉，有安格斯牛，牛舌，薑汁牛等選擇，由於依個日燒定價為中價，所以牛肉係合格，同幾年前食既味道差不多，牛既脂肪比例正常，用慢火燒啲肥膏最好，不過都食到雪藏味，一口牛粒口味較濃郁，比一片片牛肉好食。這個牛粒很不錯！輪到介紹豚肉，餐紙有5，6款口味，個人認為舖滿辛辣粉既豚肉粒太多粉，完全食唔到豚肉味佈滿脂肪一片片既五花腩反而好香濃，好好味！介紹下海鮮，記得幾年前黎食有翡翠螺，今次食就有蜆，好重海水味，海蝦，一般，啲肉霉霉地，原本有既帆立貝就由蠔代替左，侍應仲好細心幫我地反轉，個人覺得芝士焗蠔較好味。海蝦好大隻，肉質唔夠爽口。叫左蟹粥俾小朋友食，味道較咸同濃味，蟹味一般無乜。拎左啲蝦燒烤，燒左又幾好味，刺身類有三文魚，呑拿魚，鮑片，蝦，玉子，劍魚腩，正常，呑拿魚有筋，好耐無食過依種呑拿魚，其他刺身都正常。蔬菜類叫左南瓜，菠蘿，蕃薯，菠蘿好甜，2個

真係火都黎，兩星期前打電話book枱食父親節，一早預左無優惠，諗住問下八送一仲有無，條店員覆我有囉，仲諗咁筍又好喎，比左訂金留位，留埋電話可whatsapp，呢個禮拜突然收到whatsapp confirm booking，再問多次優惠嘅野，條友覆我無，仲串串貢話呢啲日子梗係無優惠，問都多舊魚，真係火左囉，又係電話覆話有，頂，幾百蚊仲比得起，無啦啦比人串囉

是夜挑戰燒肉放題，6pm-8pm，一入座，職員便開咪說明有什麼飲料選擇，而且當晚帆立貝亦會轉為石蠔。我和朋友連忙看看下單紙，主要有前菜、壽司、刺身、創作卷物、牛豚雞肉、海鮮、蔬果、天婦羅、熟食鍋物等。我們全部項目都點了些，全晚都沒有漏單情況，而且上得快，值得一讚。點的食物很快便一一來到，食放題就是想看到碟擺滿檯面，哈哈！我們是夜最喜歡的是創作和火焰壽司和卷物，上碟時賣相已經吸引，色彩繽紛。我喜歡的花之戀也有，更有海膽三色卷，由三文魚和吞拿魚包卷，上面放上海膽，感覺很精緻，可以一口一啖！而且也有黑松露海膽壽司和黑松露吞拿魚蓉壽司，味道也不錯，黑松露香味突出。其他刺身如吞拿魚和甜蝦較一般，但三文魚很肥美，鮑片和八爪魚亦爽脆新鮮。再打主打燒肉，職員上碟時會親切提醒石蠔先中央底面燒三分鐘再開殻，牛肉放中間，其他有醬肉類要放爐邊燒，否則會很快燶。燒的時候，石蠔被我們燒到啪一聲張開一點，很活躍，嚇一跳！按職員方法，除了蠔嫩滑外，蠔汁也很多！海鮮系列推薦墨魚，口感彈牙，點泰式醬汁挺配合。牛肉方面，推薦牛舌，這裡有分厚切和薄片牛舌，兩款不同質感，但都十分出色，不同口感，但遺有牛味和juicy！美國安格