燒味滷師 (安發大廈)

營業中

休息中

💖嘆完lunch去長沙灣買外賣，屋企人話呢間滷水燒味舖唔錯，叫我順路買返嚟做晚餐。1⃣️禾田滷水鴨🦆（半隻）$60💖最鍾意鴨肉！肉質嫩滑，唔會柴。鴨皮唔油膩，可以大食特食！鴨肉鹹香，滷水味重，配飯🍚一流！加埋酸甜醬就更加開胃！2⃣️燒味佬叉燒🐷 $50💖屋企人最鍾意佢哋嘅叉燒，比其他舖頭更加香甜，肥肉肥油唔會特別多，瘦肉嫩滑，識落唔會有油膩感。份量好多， $50黎講CP值好高！3⃣️燒雞翼🐔（4隻）$20💖同叉燒擺埋一齊，燒雞翼香甜，雞皮同雞肉都唔油，好味😋4⃣️胡麻海蜇手撕雞🐔（半隻）$65💖手撕雞可以配麻醬食，芝麻香味同鹹香味重。佢哋嘅海蜇好彈牙，配上芝麻醬脆嫩爽口，一啲腥味都冇！💖去到嘅時候好多街坊，排晒長龍，員工好快手，態度都幾好。價錢幾抵， CP值高，一餐晚餐應該食唔晒咁多😂下次屋企唔想煮飯再嚟呢度買燒味！💕

呢幾年啲燒味愈賣愈貴難得揾到一間咁平嘅就一定要俾返個好評俾佢半隻滷水鴨 一盒手撕雞 紅腸同叉燒 加埋都只係$190 仲要都幾好食🤤📍禾田滷水鴨簡直係超值之選 呢半隻鴨真係絶不欺場塞滿咗成個盒 一打開見到有咁多真係嚇一嚇隻鴨滷得好入味 啲肉仲係好嫩滑📍叉燒係好難得嘅半肥瘦叉靚嘅叉燒平時真係可遇不可求🤦🏻‍♀️一啲都唔柴 加上有少少肥膏食落好香口 停唔到口 送飯一流📍紅腸本來就係我至愛 呢間嘅紅腸切得勁厚身啲肉又有咬口😍😍😍見佢有好多分店 一定會再翻兜加餸！

呢日收工行經長沙灣嘅街市，本來諗住買啲生果先返屋企，點知發現呢度有間燒味舖，個名都幾搞笑，哈哈。不過望落舖頭都衛生企理，而且亦都有唔少街坊幫襯斬料，所以今日都斬啲料返屋企，幫輕下阿媽手。一共買咗半隻滷水鴨，半斤叉燒，一盒海蜇胡麻手撕雞，四隻蜜汁雞翼，雖然每樣少少地買，但夾埋原來都幾重幾足料。一返到屋企開箱，完全冇走樣，開心！滷水鴨既滷水香料味好夠，唔會太鹹，肉質結實但唔會太肥！另外讚一讚附送嘅醋，調味剛剛好，唔會太酸！叉燒有燶邊，非常香口，不過唔記得叫半肥瘦，老竇覺得瘦咗少少，我覺得都ok，因為肉質都唔錯，雖然瘦但唔會鞋口。海蜇胡麻手撕雞，買嗰陣店員好貼心幫我包好烏麻醬另上，拎返屋企都好企理，佢仲話手撕雞採用白羽雞，特別好食。而我食落就覺得比平時一般嘅雞結實有彈性，食落好似走地雞嘅質感，冇乜肥膏，女仔幾啱食！至於蜜汁燒雞翼都好香口，甜甜地又有啲燒烤味，價錢又平，都幾抵食！

「呀媽，今晚加餸呀😚」，念念不忘又去左探老師，呀應該係「滷師」先岩😆今次師傅都好佛心，碟碟都大大份，CP值好高，眼見一枱咁多，都只係$200蚊唔洗，認真抵食🤩野食方面，禾田鴨既鴨味好重，但食落唔會覺得韌，配埋個白醋汁解下油膩感就相當出色。海蜇彈牙，手撕雞雞味濃郁配埋胡麻醬幾夾。叉燒有燶邊，外面滿滿既蜜糖，一見張相你都知有番咁上下😋呀媽食完表示今次加餸好滿意，叫定我下次再加餸😋😋😋———禾田滷水鴨 (半隻) $60燒味佬叉燒 $50燒雞翼 (4隻) $20胡麻海蜇手撕雞 (半隻) $65

終於去成年冇見嘅親戚度食餐飯，斬料加餸最方便！深水埗長沙灣呢頭一向多平靚正野食，經過見到呢間燒味滷師咁多人，梗係唔執輸😙門口一大塊玻璃入面掛滿燒味，幾位師傅忙不停，舖入面斬有一大個烤爐掛滿一隻隻鴨同鵝添🤩禾田滷水鴨（半隻）燒鴨食得多，滷水鴨都係第一次，滷水汁另上，油香肉嫩，唔錯！胡麻海蜇手撕雞（半隻）已起肉起皮起骨，夠方便，啖啖肉嘅手撕雞，加上香濃胡麻醬，白羽雞雞肉夠滑，海蜇爽脆，小朋友最愛！燒味佬叉燒+蜜汁燒雞翼燒雞翼～我鍾意食～半肥瘦叉燒，厚度適中，兩者好香蜜汁味😋

今日行過長沙灣，見到有一間燒臘鋪門口好多人，我就行過去睇下，原來個個都等緊外賣。睇一睇門口先廣告牌，嘩，都幾平喎，咁就決定買啲返去今晚做餸。滷水鴨半隻，嘩，佢地啲滷水鴨大大隻，半隻已經一大合。入面啖啖肉，滷水又吾會太咸，味道剛剛好，配上特製的酸汁，食到停唔到口。义燒配蜜汁雞翼，义燒我唔鍾意凍食，所以我加熱返佢。啲义燒勁好味，肥瘦適中，一啖义燒一啖飯，無得彈。蜜汁雞翼就係兒時回憶，以前媽咪買雞翼，我就飯都唔食，只食雞翼。佢地個蜜汁雞翼的味道，同我已前食嘅無分別，太好了。手撕雞，呢個係極品，我決定再去買多一次。佢個手撕雞有加一個特製嘅汁，非常好味，又啖啖肉，令到我同屋企人食到停唔到口。估唔到呢一間燒臘鋪啲嘢食咁出色，要再去幫襯多一次先得。

今日去到長沙灣順寧道街市周圍行下買餸，嗰度出名多野買同價錢平。 行行下醒起之前係到幫襯過一間燒味鋪性價比一流，就決定重遊舊地去幫襯下。鋪頭依舊掛起燒鵝、叉燒、燒肉、白切雞等等，燒味香味四溢依舊非常吸引， 就買左幾樣返屋企加餸食餐好▪️燒味佬叉燒配紅腸少少燶邊係非常好味，肉質嫩滑，肥瘦均勻， 今次再買多半條我至愛既紅腸， 兩樣都好好味▪️禾田滷水鴨屋企老人家中意食鹵水鴨，所以今次就買左半隻試下，好香鹵水味，肉質都唔錯，初頭仲驚啲肉會好鞋口，但食落比想像中軟滑▪️原味手撕雞上次食過鹽焗雞之後今次就想試下其他新款式，店員介紹就我食馳名手撕雞，有原味同麻辣味，見佢大力推介，就買左盒原味手撕雞試下，果然無介紹錯，雞肉除左好香麻油味之外，仲有其他香料撈埋，但我又食唔出咩味道，總之就好味，哈哈

今日放左工唔想煮，又再去燒味滷師斬料加餸黎到呢度，一定要試皇牌既禾田滷水鴨，鴨肉好入味，連鴨胸都嫩滑juicy，配上甜酸醋汁，好惹味又醒胃🤤🤤仲嗌左一斤叉燒，另外搭多左幾隻雞翼，叉燒好有肉味，不過叉燒醬味再濃啲更好，雞翼就略為硬同太乾，不過味道還好我見得返一盒麻辣手絲雞，所以就叫埋試下~麻辣好過癮，雞肉亦唔太孩口，無試錯☺️叫左咁多樣野食都只係$190，夠晒我一家四食飽飽，放工想抖下唔煮飯，斬料不二之選！

老師定滷師？🎈燒味滷師/加料必備良藥 就系燒味滷味啦 唔好輕視佢哋嘅地位呀😇/經過呢間長沙灣新開嘅燒味舖 見到佢哋仲有試食價 就即刻買幾樣燒味滷味黎試吓啦😝玫瑰豉油雞(半隻) ($30)🐓用豉油汁煮完 雞肉入味滑嫩 仲有少少雞油慢慢喺滲出來 滑脫脫呀 點上蔥茸食落更加香滑禾田滷水鴨(半隻) ($60)半隻嘅份量拎到返屋企真係「嘩」咗一聲😲超級抵食 鴨肉厚實 食落除左滷水味仲有一陣酒香 點左甜酸醬之後零瀉開胃 禾味紅腸 (半條) ($20)平時好少食紅腸 大大嚿紅腸同樣帶有又咸又甜嘅味道 但佢嘅鹹味較為突出 鍾意食濃味嘅朋友仔就啱哂啦👀燒味佬叉燒($50)叉燒肥瘦適中 表面稍有焦香嘅脆邊 食落鹹甜鹹甜 帶有層層麥芽糖嘅味道 肉質唔會太硬身啱啱好🥰

好友新居入伙，話要請我哋去佢屋企食飯，咁當然唔可以兩手空空，老公提議嚟佢公司附近呢間「燒味滷師」斬料加餸。其實呢間燒味外賣店開咗唔係好耐，只係大約半年左右，不過真係好受附近街坊歡迎，皆因店裡嘅燒味，不但價錢便宜，而且貨真價實，所以有好多捧場客，每次經過都人頭湧湧。離遠已經見到舖頭個櫥窗掛滿各式各樣嘅燒味同滷味，琳瑯滿目，有燒鵝、燒排骨、雞翼、乳豬、滷水鴨同鹽焗雞等，樣樣都好吸引，反正有幾個人，一於買多幾款。買咗禾田滷水鴨 ($60) 同 胡麻海蜇手撕雞 ($65) 各半隻，另外再加咗一斤蜜汁燒排骨 ($50) 同 四隻燒雞翼 ($20)。禾田滷水鴨雖然只係買咗半隻，但估唔到都咁大盒，非常墜手，一打開個蓋已經聞到陣陣滷水嘅香。鴨肉滷得很入味，而且切得夠晒大件，外皮半濕嫩，肉質肥美，結實不嚡口，點埋個酸醋汁食，真係無得輸。胡麻海蜇手撕雞：手撕雞買咗半隻，裝滿一盒，非常足料。海蜇厚度適中，柔韌有彈性，口感不錯。雞絲條條都好嫩滑，咬下帶點油香，用嚟配佢個胡麻醬食，真係一流，令人胃口大開。蜜汁燒排骨：平時食嘅燒排骨，多數都係骨多肉少，不過呢度嘅骨肉比例就剛剛好，入口肉嫩多汁，而且仲帶點蜜汁嘅甜味

360元一隻外賣燒鵝是很便宜！比約500元正價，打了約75折。可能是新開店，水準不俗。說不上皮脆，鵝肉嫩而濕潤。每店的汁有不同，此店很多而偏甜。入口爆汁，不嚡。「恨」食鵝肉的香港人可試試。所以店名強調滷的功夫。買半隻最化算，180元。典型新潮燒味店，玻璃屏保障衞生。做外賣，八達通付款。其他食品都很平。22元飯盒則很一般。义燒和腩仔只是合格。強調滷，所以客家鹽焗雞有一定水平。59元價，雞當然是庸姿，沙薑汁是有泉章居水準。自行加莤更傳神。惜加索沙薑汁要收費。

朋友搬屋後邀約我去佢屋企食飯，人地咁客氣我都唔可以兩手空空，於是我就去斬料先上佢到。我唔係好熟依區，上網一搵就決定拜訪燒味滷師。我諗緊食乜期間都有唔少街坊幫襯，好多人都係買燒味飯，因為好平。計埋我有成六條友，所以都要買多幾款想去食，唔係唔好睇。最終我就買咗三款野上去！1️⃣禾田滷水鴨，半隻，$60滷水鴨半隻好足秤，鴨肉好大隻，一啲都唔老，所以肉質夠嫩。滷水亦好入味，但唔會鹹。基本上唔使再點汁都已經好食。有時斬半隻會好怕或多或少會偷少少，但呢到無咁的情況。2️⃣燒味佬叉燒，半斤，$503️⃣燒雞翼，四隻，$20叉燒係半肥瘦，油脂均匀，蜜汁味道甜甜的，亦唔會漏。肉質好嫩，燒得唔乾身，整體係好高質，早知要咗一斤。大人就食雞翼晦骨，師傅會將雞翼一分為二。雞翼就比較普通，正常水平。4️⃣麻辣手撕雞，半隻，$60本身我猶豫緊要麻辣定係麻醬海蜇嗰款，後者好似仲抵食因為有海蜇，但我又好想食麻辣。經姐姐介紹後佢話呢度嘅麻辣老少咸宜，於是我就試試佢。姐姐冇呃我，麻辣味香多過辣，連朋友個細仔都食到，好好味道，食到上癮。手撕雞白雪雪，無乜瘀血，原來底部墊左舊胸骨，不過整體份量都算好多，正。

<新式靚裝修燒味滷水店>#露比覓食長沙灣 #露比吃小食🌟 禾田滷水鴨 (7/10)推薦！鴨味好香，肉質唔鞋口，滷水唔太咸，鴨肥瘦適中，一啖接一啖好快食晒🤩🌟 白切雞 (5.5/10)雞有d肥，但肉質好嫩滑，調味都ok🥰🌟 燒味佬叉燒 (5.5/10)叫左瘦叉，都唔會太柴d肉質，所以算不錯😝😝🌟 禾味紅腸 (6/10)有驚喜，幾好食，口感唔錯，好快比屋企人清曬😆😆-📍 燒味滷師 (長沙灣)地址: 長沙灣長發街28號安發大廈地下D號舖

燒味滷師之前已經聽過呢間由前酒店大廚主理既燒味舖😝今次去到見到有不少街坊幫襯，而且價格親民，買燒味返去加餸都好抵😆禾田滷水鴨 (半隻) $60滷水鴨滷得幾入味，而且外皮好薄。鴨肉唔會好肥亦唔騷，肉質結實味道唔錯燒雞翼 (4隻) $20好耐無食過燒味舖既燒雞翼啦🤣5蚊隻真係好抵，又買返幾隻先☺燒雞翼外皮搽左蜜糖再燒，所以食落甜甜地味道👌🏿燒味佬叉燒 (半斤) $50半肥瘦既叉燒肉質鬆化，而且都幾有肉汁。有啲位仲有少少燶邊，好香口胡麻海蜇手撕雞 (半隻) $65估唔到呢款手撕雞淨係要左半隻啲份量都咁多🤣上面放滿彈牙既海蜇😉啖啖雞肉加埋麻醬好難唔好味既🤭

星期六同謙謙係長沙灣睇完戲，又去蘇屋公園果邊放完電已經好累，路過見到燒味滷師，謙謙叫我買料返去食，咁都好唔洗買菜煮，只買加料煲個飯又一餐。今次買左以下幾樣加餸：燒味佬叉燒， 燒雞翼半斤，禾田滷水鴨半隻和海蜇胡麻手撕雞半隻。燒得剛好的叉燒夾住蔥油送飯最正， 燒雞翼太耐冇食，童年回憶的味道， 滷水鴨超入味喎，點一點醋正呀！送啤酒岩哂。最後謙謙最愛的海蜇胡麻手撕雞，一絲絲手絲好，自己再倒胡麻醬汁， 雞絲已經有小小咸味加左胡麻汁仲好，食唔哂可以再放雪櫃。