影片
更多
2021-04-19
23 瀏覽
呢日收工行經長沙灣嘅街市，本來諗住買啲生果先返屋企，點知發現呢度有間燒味舖，個名都幾搞笑，哈哈。不過望落舖頭都衛生企理，而且亦都有唔少街坊幫襯斬料，所以今日都斬啲料返屋企，幫輕下阿媽手。一共買咗半隻滷水鴨，半斤叉燒，一盒海蜇胡麻手撕雞，四隻蜜汁雞翼，雖然每樣少少地買，但夾埋原來都幾重幾足料。一返到屋企開箱，完全冇走樣，開心！滷水鴨既滷水香料味好夠，唔會太鹹，肉質結實但唔會太肥！另外讚一讚附送嘅醋，調味剛剛好，唔會太酸！叉燒有燶邊，非常香口，不過唔記得叫半肥瘦，老竇覺得瘦咗少少，我覺得都ok，因為肉質都唔錯，雖然瘦但唔會鞋口。海蜇胡麻手撕雞，買嗰陣店員好貼心幫我包好烏麻醬另上，拎返屋企都好企理，佢仲話手撕雞採用白羽雞，特別好食。而我食落就覺得比平時一般嘅雞結實有彈性，食落好似走地雞嘅質感，冇乜肥膏，女仔幾啱食！至於蜜汁燒雞翼都好香口，甜甜地又有啲燒烤味，價錢又平，都幾抵食！
不過望落舖頭都衛生企理，而且亦都有唔少街坊幫襯斬料，所以今日都斬啲料返屋企，幫輕下阿媽手。
一共買咗半隻滷水鴨，半斤叉燒，一盒海蜇胡麻手撕雞，四隻蜜汁雞翼，雖然每樣少少地買，但夾埋原來都幾重幾足料。
一返到屋企開箱，完全冇走樣，開心！
滷水鴨既滷水香料味好夠，唔會太鹹，肉質結實但唔會太肥！另外讚一讚附送嘅醋，調味剛剛好，唔會太酸！
叉燒有燶邊，非常香口，不過唔記得叫半肥瘦，老竇覺得瘦咗少少，我覺得都ok，因為肉質都唔錯，雖然瘦但唔會鞋口。
海蜇胡麻手撕雞，買嗰陣店員好貼心幫我包好烏麻醬另上，拎返屋企都好企理，佢仲話手撕雞採用白羽雞，特別好食。而我食落就覺得比平時一般嘅雞結實有彈性，食落好似走地雞嘅質感，冇乜肥膏，女仔幾啱食！
至於蜜汁燒雞翼都好香口，甜甜地又有啲燒烤味，價錢又平，都幾抵食！
張貼
