燒味滷師 (安發大廈)

營業中

休息中

今晚返屋企想食好啲，又唔想煮，於是想斬料加餸經過呢一間滷味舖，門面乾淨，一條條叉燒吊住好似好好味咁，就好想試下買左4盒野🤪分別有禾田滷水鴨（半隻）、原味手撕雞（半隻）、燒味老叉燒（1斤）&燒雞翼（4隻）一打開色香味俱全，流晒口水先講下佢嘅滷水鴨，件件多肉，醬汁唔會好咸，岩岩好，有肥有瘦，任君家人選擇🤣叉燒個汁調味好好，油脂分布平均，咬落都唔痴牙，想再翻兜手撕雞就咁食係無咩味，但原來附送嘅甜酸汁係畫龍點睛嘅地方，將雞味一齊帶出，又唔會喧賓奪主雞翼都甜甜地幾好味

長沙灣呢間燒味滷味專門店日日都大排長龍😫，之前行過幾次都買唔到手撕雞。今次終於排到喇🤪。至尊燒鵝（半隻）$180燒鵝好大隻。表皮燒得有光澤，皮脆好味，鵝肉結實唔多肥膏。燒味佬叉燒（半斤）$50表面帶少少焦香，肉質仲好軟腍。豬肉吸收散蜜汁，味道好香甜，但又唔會太鹹😋。原味手撕雞（半隻）$60半隻雞去骨去皮後放滿成大個飯盒， 分量驚人，十分抵食。雞肉撕成細條，方便易食。肉質唔嚡，仲有好香麻油味。佢哋仲有麻辣味㗎。

話說食開果間燒果店摺左，之後媽咪去左另一間買，發覺幾好味，所以今次自己去買，原來呢間店好出名，要排隊，不過好彩吾算排太耐店面^_^都算平，幾抵食仲有手撕雞，有幾隻味出開去一次過買幾盒先走4盒加埋吾洗$200 ，好抵叉燒好淋，肉質都幾軟身，少少燶邊燒雞翼超好味，甜甜地，又多又大隻$20 一大盒，超值之選半隻滷水鴨，又係勁抵，$60 d肉二d都吾鞋，皮又吾肥醬油同醬汁好夠味，讚胡麻手撕雞，$65仲有海哲，不過個醬太少，雞肉都多

哩度既燒味係親自明爐燒製㗎😍所以樣樣都特別好食架😜仲要平靚正！份量多，是少有良心的食店呢👅每日在店內即場燒製明爐燒味，金牌燒鵝是亮點，肥瘦適中的頂級鵝，做出皮脆肉嫩、肉汁豐富的燒鵝，超香嫩多汁的邪惡美味🤩重點燒鵝的鵝肉味濃，整個口腔充滿油香👅👅明爐蜜汁叉燒是選用美女梅頭豬肉，所以脂肪分佈均勻，肉質鮮嫩腍滑，故然Juicy好味😋 特別喜歡吃燶邊叉燒，燒至焦燶特別惹味❤️天氣開始熱起來了，涼拌手撕雞一定是你的最佳選擇🥰手撕雞，有原味同麻辣汁兩種口味，肉質鮮美、富有軟嫩嚼勁👍份量勁多👅

今日咁啱去朋友屋企食飯就斬咗啲外賣去食，因為我哋全部都好鍾意食燒味滷水嗰啲，就嚟咗而家好出名食燒味滷水嘅餐廳叫外賣。今次就叫咗和田滷水鴨半隻，燒味老叉燒，麻辣手撕雞半隻同埋四隻燒雞翼！去到朋友屋企都見到每個餸嘅份量都好多，自己最鍾意食係麻辣手撕雞，佢喺手撕雞面頭沈落咗好多芝麻醬碎好香！而且手絲雞好幼細而且肉質又唔銀🤤至於嗰半隻滷水鴨都好入味，而且啲鴨肉都好嫩滑。而且佢份量真係每一盒都咁多！在燒味佬叉燒，如果鍾意食叉燒嘅朋友就試吓，叉燒外層淋上的叉燒蜜汁，令到叉燒甜甜地非常好味！而且叉燒係半肥瘦唔會好銀又唔會好濃。最後仲叫咗四隻燒雞翼，真係鍾意食！燒雞翼甜甜地又有燒烤味，都幾香口！價錢適宜 20蚊就有四隻！

上次食過覺得抵食而且又好耐無食過燒味咁啱過開呢邊做啲嘢所以今次順便試下其他野點知中島想食嘅海蜇麻醬手撕雞已經賣晒😔見麻辣手撕雞都幾靚仔$50一盒有半隻雞份量勁大盒 少麻中帶辣又夠香加上白雪雪嘅白羽雞肉令本身唔鍾意麻辣嘅中島都表示食得好過癮涼浸浸食仲好消暑添燒鵝依然大份夾抵食啖啖肉今次仲送咗個鵝頭😂叉燒保持水準微燶邊滿滿嘅蜜汁軟腍嘅肉質三七比例嘅肥瘦程度真係食過番尋味呀如果有下次真係好想試下麻醬手撕雞—————————————————————.♣︎ 至尊燒鵝半隻 $180♣︎ 麻辣手撕雞半隻 $50♣︎ 叉燒 $50

這天和朋友一同前往長沙灣購物 購物高校我們也要找東西吃朋友就推薦買回家一同吃也就是前往他的家他的家正正位於附近也令我十分期待我們前往了一間鹵水店購買 食物方面， 和田鹵水鴨， 這個絕對是超水準，價錢合理不在話下，最重要的就是味道， 鹹淡適中 一般我最擔心的鹵水鴨就是入口太煙韌，口感太強，完全咬不開， 但這個鹵水鴨，完全沒有這個問題。燒味鹵叉燒， 本來還有點擔心因為看到叉燒比較瘦，擔心入口口感過強，無法吞下，但沒想到叉燒需瘦，但容易咬開，老人家也可以輕易食用。燒雞翼， 我鍾意食，明明這就是一句電影的名言， 沒想到這天在我現實生活當中也說出口了， 味道當然不錯，但我最欣賞的就是師傅的功夫，雞翼的雞翼尖最容易變黑的地方，完全沒有失敗，令整隻雞翼也可以吃下去，無須擔心因為吃了過份烹調的東西，而引發的其他問題。

至尊燒鵝半隻$180 一打開盒全家都嘩左一聲，燒鵝份量實在比想像中多我地有加返熱先食嘅，翻熱過嘅燒鵝入口皮脆肉嫩，點埋個梅醬就更開胃燒味佬叉燒 $50我地呢盒叉燒係半肥瘦嘅，入口軟腍，加上蜜汁就更好味，當中有幾件叉燒仲係燶邊架，正屋企小朋友都話要添飯原味手撕雞 $60手撕雞真係高質，雞肉鮮嫩，加上芝麻就更可口下次會想試埋佢地嘅海哲胡麻手撕雞見佢地有新開張優惠，單雙拼燒味飯盒都係賣$22，都真係好抵，抵過自己煮

今日同屋企人家庭日出嚟行下經過長沙灣呢間燒味店决定斬料返屋企當加餸😋未到6點已經有條小長龍排隊買燒味可見都幾受街坊歡迎～見店面有唔少新開將優惠 都幾平幾戈算50幾蚊就有一隻鹽焗雞 豉油雞 或者貴妃雞係今次就買咗半隻燒鵝 半隻麻辣手撕雞 同 半斤叉燒😋-至尊燒鵝 (半隻)燒鵝賣相相當吸引未打開外賣盒陣燒鵝嘅香味已經撲鼻而來😻最特別嘅係 佢嘅燒鵝汁會另上所以就算外賣 燒鵝嘅皮都可以keep住咁脆卜卜燒鵝需要唔係太肥 但勝在多汁同埋燒鵝味濃郁完全就係皮脆肉嫩！！-麻辣手撕雞 (半隻)手撕雞份量十足 面頭有好多芝麻粒芝麻味好香～佢嘅辣度大概係小辣 唔會太辣微微嘅香辣味 令味道變得更惹味！雞肉肉質方面好嫩滑 唔會鞋颯颯！下次想試吓佢嘅海蜇手撕雞 相信送飯一流！😋-燒味佬叉燒 (半斤)講到斬料點會唔食叉燒🥰今次嘅叉燒偏瘦～不過好在唔會太硬身 食落幾嫩滑叉燒滷得幾入味 甜甜鹹鹹的$290買到三樣都真係好抵好平😻😻

屋企人除咗鍾意飲茶，仲好鍾意食燒味😆😎今日經過長沙灣，見到有間外賣燒味店，格局又幾企理，同埋比佢哋嘅燒味出爐味道吸引咗😂所以不如就試試呢間，買咗D外賣返屋企加餸啦😍🤤叫咗半隻燒鵝啦，半斤叉燒同埋半隻手撕雞😍😋返到屋企，燒鵝同叉燒都仲熱熱哋😍，一開盒都聞到好香😂燒鵝肉質好好，燒鵝皮亦都脆，成舊放入口真係好Juice😂😋好味！因為我比較鍾意食瘦少少嘅叉燒，呢個真係啱晒我，瘦得嚟係唔鞋，佢個蜜汁亦都做得幾好，唔會一味得個甜字😍😋好食最後個手撕雞都好有驚喜😍因為半隻原來都幾大盒😆😆手撕雞好爽口，麻油同芝麻都恰到好處🤤😋🤤推介👍🏻👍🏻👍🏻

週末約咗朋友過嚟長沙灣呢邊食壽司郎，之後順道喺附近外賣少少嘢返屋企俾媽咪加餸（因為呢邊啲物價水平比我住個區平好多😄）-呢間燒味店新開唔係好耐，已經係區內嘅人氣燒味，店舖鋪面乾淨企理，而且好光猛，望落感覺好衛生，相信係佢受歡迎嘅原因之一。-至尊燒鵝（$180）佢哋做緊新張優惠，燒鵝半隻比原價平成$30，就叫咗半隻試下，排緊隊嘅時候見到個個都叫，令人非常有期望，返到屋企試一試，燒鵝確實皮脆肉嫩，肉質彈牙有鵝味，多人叫果然係有原因嘅。-燒味佬叉燒（$50）偏偏叉燒切得厚薄均勻，淨係睇貌相已經覺得蜜汁豐腴，食落7分瘦3分肥，係我心目中最鍾意嘅叉燒肥瘦比例，加上香香甜甜，煎埋隻蛋，係屋企整個黯然銷魂飯完全冇難度。-原味手撕雞（$60）佢哋嘅手撕雞有原味同埋麻辣兩款口味，由於屋企人唔食辣嘅關係，所以我就叫咗原味，雖然係原味望落白白淨淨冇咩調味，但係其實食落去鹹度已經足夠，返到屋企媽咪再加咗少少青瓜絲撈埋一齊食，冰冰涼涼，濕潤有咬口，作為加餸嘅前菜就最適合不過。

朋友呢排推介～話抵食又份量足。今日6:30去到，門口都好多街坊排緊隊，我都唔執輸，叫左半隻燒鵝，一斤叉燒同半份手撕雞。羅到反屋企打開，發燒份量好足夠，夠一家五口食。叉燒顏色鮮艷，啖啖肉，唔會有根痴住，成舊都好林，超讚🤪燒鵝皮脆內軟，油份適中，超滿足，最緊要係多肉汁最後手撕雞，本身想試下麻辣，可惜已經賣晒😞足料，唔會好似街外墊晒啲骨係底，同埋d頭頭頸頸，雞肉夠林唔會有蘇味，帶有少少咸香，超正！經過既朋友一定要試

good morning sir! 已經係第二次幫襯呢個teacher「滷師」燒味舖lu，今次試新野所以都幫佢寫返個新食評先〜換咗堆新姐姐同埋多咗好多嘢食，今次就叫咗半條紅腸，胡麻海蜇手撕雞，半隻滷水鴨同埋蜜汁燒排骨🤤🤤呢間野真係好抵食，我買咁多嘢都唔使$200呀!!禾味紅腸 $20 and 蜜汁燒排骨 $50覺得好食過叉燒，雖然肉同埋份量都會少咗，但係嗰個味比較香。同埋好甜我鍾意, 紅腸就維持翻係呢個紅腸嘅水準！禾田滷水鴨 $60呢個就普普通通，有少少煙韌，如果淨係可以買一樣，$60都係加多$5買個手撕雞開心啲😝 胡麻海蜇手撕雞 $65啲海蜇比我想像中好食呀唔係d cheap cheap海蜇，加分😍 好似仲有麻辣味架，不過唔食辣嘅我就等大家先再同我分享啦

燒味滷師嘅選擇越嚟越多，前兩日經過見到有手撕雞呀！可惜嗰日得返辣味無買到今晚買咗燻蹄、叉燒同埋燒雞翼，其實本身都夠食，但豉油雞先至$59一隻，好抵食，咁又買埋燻蹄真係幾好味，味道唔會好鹹，肉質好爽，點埋酸甜嘅調味料非常開胃！仲有，佢肥膏嘅部份唔算好厚，成片食晒都唔會覺得好邪惡！豉油雞味道稍為淡啲，一隻嘅份量好多，豉油雞汁嘅色澤均勻，雞肉都做得幾嫩滑。如果雞皮更加爽脆就好啦燒雞翼$5隻，又係抵食。佢啲燒雞翼搽咗好厚嘅蜜糖，味道偏甜，小朋友好鍾意食！

今晚同屋企人食生日飯，煮嘢唔叻，第一時間諗到斬料上去喇~呢間小店滷水、燒、涼拌都有，好多款式呀~睇返價錢都好合理，而且塊玻璃係立立令㗎~乾淨企理，LIKE!叉燒 & 蜜汁燒雞亦(4隻)~叉燒唔會太肥/太燶，並且非常入味，雞亦蜜汁香甜，肉質唔會太淋，夠哂有咬口~全翼已經幫手分為3件，食既時候唔會太七手八腳😆原味手撕雞(半隻)  ~雞係用白羽雞，比起其他雞種較少運動，肉質鬆軟，加埋特制香料非常入味，而雞皮既薄又晶瑩，十分吸引，店家仲非常貼心，比埋雞殼以示足料，仲可以拎嚟煲湯添~禾田滷水鴨(半隻)~滷水鴨好厚肉半隻已經放滿成個大盒，本身已經好夠味，但淋上專屬既汁料，酸酸的仲開胃，而SIZE亦都恰到好處，師傅果然好有經驗~