燒味滷師 (安發大廈)

營業中

休息中

每年母親節，我地都會斬料加餸，因為媽媽好鍾意食燒味。🤣今年就去左人地屋企一齊慶祝，係長沙灣果頭。朋友話呢間抵食又唔錯，就介紹我去斬料。嘩，一去到，多人到不得了。門面幾靚，環境都唔錯，幾衞生，價錢又平，仲要做緊優惠！👍🤩明爐燒鴨 （半隻 $70）本身想叫燒鵝，但因為太多人幫襯，五點已經賣曬所有燒鵝😢😢唯有改叫燒鴨。不過燒鴨都超正，個皮有小小脆，好爽口，肉質又夠嫩！而且肉都幾多下，正！老師傅燒腩仔 （半斤 $64）個皮好脆，而且肉都好有質感，又唔多肥膏，真係幾正。😋燒味佬叉燒 （半斤 $50）叉燒好juicy，一d都唔乾。個汁好香甜，超好食。而且叉燒偏淋，易入口又有咬口！🤤客家鹽焗雞 （半隻 $30）雖然得半隻，但都好大隻！雞肉好滑，調味都做得好好，真係好入味！🤩

疫情都唔知幾時完，大時大節都唔係好想出去食呢個時候梗係斬料啦，我首選就係呢間啦仲要做緊優惠，好多都好抵至尊燒鵝（上庄）上庄已經幾乎成盒，抵燒鵝皮燒得香脆又唔會燶，又香口又好味鵝肉有啖啖鵝肉香，而且唔會鞋口客家鹽焗雞（半隻）超抵食，半隻都只係30蚊，平時30蚊一盒雞盒都未必有啦而且質素都唔錯食落Ｄ雞都幾嫩，而且仲有陣陣咸香燒味佬叉燒（半斤）叉燒半肥瘦，香口得黎又唔會鞋，口感亦唔會太肥膩而且最正係佢有少少燶邊但又唔會太多食落勁正脆皮燒肉（半斤）燒肉用上肥瘦適中既五花腩脂肪同肉一層疊一層口感極佳最重要係外皮燒得香脆

臨近母親節，家人不想外出用膳，唯有留家用膳，男友提意買外賣加料，免得母親大人又煮到身水身汗。放工時間到附近燒味店，每日經過都好多人幫親，今晚就來試試加料就唔好鬆手，先媽媽最愛的燒腩仔，外皮脆脆，令人一口接一口另大路的叉燒又怎少得，半肥瘦不鹹，是老爸至愛燒鵝又怎能少，有最靚既燒鵝脾，皮香肉嫩，配上冰梅醬，酸甜又開胃客家鹽焗雞半隻，有我最愛的薑蓉，點來食鹽焗雞，雞味濃皮爽肉質彈，十分推薦家人也十分滿這次加料，還說下次唔想煮飯就可以外賣加料回家。

出糧之日斬料加餸是常識吧xpppppppppp呢日放假同家中女皇大人食完晏就四圍行下，行到咁上下，見到呢間《燒味滷師》人龍不絕！！！！發現價錢都幾優惠，所以就決定斬料返去做餸xppppp我地本身左三款燒味，岩返我地不同既口味XDDD跟住見到鹽焗雞半隻都只係30蚊，所以最後都決定帶埋佢返去！！！！因為都真係幾多人買，所以都要等10分鐘左右先拎得~~~~呢四盒分別係燒鵝、燒肉、叉燒同鹽焗雞：）當中不同既醬料都係埋袋到咁多盒加埋都只係240蚊！！！！燒鵝要左上庄部位，肉香較濃：）叉燒係我至愛，帶甜既蜜汁送飯一流！！！鹽焗雞雖然特價，但味道係最有驚喜咸香惹味，肉質紮實不乾啊！！！！

蘇屋邨前面燒味滷師，價錢相宜大眾化， 簡單雙餸飯只是廿多元起有交易 ，唔怪得店員做到停唔到手， 下午時分黎晚餐外賣 ， 街坊價錢， 無論斬料/燒味飯都cp值高。 燒得通紅的燒鵝掛在窗前，行過 睇見就已經 勁吸引眼球 。燒鵝燒得深紅富又有光澤， 一格格的紋理盡在眼前。 一拎上手就知即使半鵝我都已經 重量十足 ，咬落去就知燒鵝肉貨源靚，肉味濃又餘皮脆多肉汁，抵食夾大件。斬叉燒返屋企做餸是常識吧叉燒肉質腍滑， 醃得夠味 外皮加埋蜜汁兩集美麗 咬落去肉味濃而且亦都有豬油香, 好味。手撕雞肉爽口 皮爽肉滑調味亦都適中唔會過鹹 做開胃前菜就一流, 冰冰涼涼 最重要係雞肉唔會太肥， 食多啲都ok 無問題！

每次經過，也總見人流不斷~而最吸引就是，價錢還是超平呀🤣🤣而且，質素又不錯啊，夠晒新鮮，可能同客人貨如輪轉就關，不停燒，不停賣，熱辣辣的燒味勁正～叉燒同燒鵝真的無得輸，必買‼️至尊燒鵝燒得金黃色的鵝皮，再可上滑嫩的燒鵝肉，斬餸加料必備～而燒味佬叉燒也是我至愛，色素不多而味道也很好，肉質鬆軟不韌，也不會乾，好味～原味手撕雞～重頭戲是手撕雞了🤣因手撕雞是無骨，吃得很舒服～用的雞也是新鮮雞，有別於平日某連鎖店買的手撕雞，不一樣的😎雞味濃郁而調味剛好不濃,感覺是在吃質素的～

當係同自己老公仔經過長沙灣佢知道我鍾意食叉燒同埋燒鵝。首先講佢哋無敵嘅燒鵝。肉汁鮮嫩而且有燒鵝味。我自己覺得出邊食唔到。尤其是佢哋燒鵝脾真係令人垂涎三尺。記得以前曾經去過北京食過田鴨，覺得味道差唔多，佢哋燒鵝同埋叉燒真係有大師級水準。最主要係能夠鎖住肉汁保持新鮮。另外自己比較鍾意係佢哋嘅手撕雞。雞肉鮮嫩無論係加飯或加落麵包都一流。我自己覺得母親節最喜歡就係畀媽咪食燒鵝加叉燒。無論地理位置都方便鄰近地鐵站五分鐘就到。😊

燒味滷師 (安發大廈)呢間好受附近街坊歡迎，經過都人頭湧湧，一於買黎試下，揀好要嘅嘢就攞籌等。燒鵝半隻買完係熱辣辣👍🏻燒鵝切得夠到大大件，無碎骨，外皮半脆無肥膏，鵝身多肉不嚡口，點埋個梅汁食岩岩好👍🏻原味手撕雞手撕雞半隻，雞絲條條嫩滑，連雞皮唔油膩，雞皮應該有處理過，成落口鹹鹹香香，做下酒茶一流蜜汁叉燒嗰日嗌左屬於偏瘦，因為小編減肥，但又好想食出奇地肉質一啲都唔柴，食落好香口，連蜜汁送飯啱啱好

位於長沙灣的燒味店燒味滷師開業大約半年，至今已經擴展至屯門及黃大仙皆有分店，除了網上好評如潮之外，當日到訪亦可見其人氣旺盛，雖然是平日但客人仍絡繹不絕。透過玻璃可見掛滿琳琅滿目的燒味，色澤油亮，下單後便可按號碼等待取餐。燒鵝、燒鴨、乳豬、叉燒、燒排骨、雞翼等應有盡有，燒味飯優惠價更只需$22，但看過評論似乎單點燒味質素較好，所以就選擇了叉燒及燒鵝這兩款正進行推廣的燒味。燒味佬叉燒 ($118/斤) 看似較瘦但入口肉質爽嫩毫不乾韌，而且色澤自然不如坊間大部分叉燒一樣用上太多化學添加色素。至尊燒鵝 ($210/隻) 可選一隻$420、半隻$210、上莊$110或下莊$120，燒鵝雖稍欠炭燒香氣但外皮香脆，鵝肉厚實而油脂豐腴，特價只需$180半隻實在比坊間大部分燒味店便宜，以此價錢而言已是無可挑剔。麻辣手撕雞 ($120/隻) 拌入大量辣油及芝麻相當惹味，半隻已經滿滿一大盒份量相當充裕，而且並沒有以大量雞骨濫竽充數，另外更有原味及胡麻海蜇手撕雞選擇。

朋友懶得諗煮乜餸,就叫我買燒味加料, 剛巧朋友家附近經開這燒味滷師。這店裝潢不錯,有玻璃格住燒味, 整潔衛生。.我目測燒味都幾靚下, 就決定買了三款加料。..【至尊燒鵝】 (半隻) $180吃入口燒鵝,鵝味香濃不俗,皮薄帶脆,中間夾著更甘香的鵝肥油,不算太肥膩,而肉質多汁嫩滑,帶煙燻甜甜焦香,回味無窮 。..【燒味佬叉燒】半斤 $50叉燒肉肥瘦適中,瘦肉香嫩可口,並有少少肥肉甘香得來不油膩,具有香濃蜜味,燒得剛剛好,仲有陣煙燻香氣。..【麻辣手撕雞】 (半隻) $60此手撕雞灑上芝麻,將雞撕成絲,走肥脂附有少量骨。加上麻辣醬汁調味,十分開胃,而雞肉保留肉汁鮮味及口感,咬起有彈性。.

今日要去長沙灣家聚, 之前家人指定到燒味滷師斬料加餸, 今次我都識自動波去購買☺️。 佢真係好多捧場客, 又要排隊購買🙄⋯⋯ #燒味佬叉燒 蜜汁濃郁色澤鮮明, 味道不會死鹹, 質素保持水準! #至尊燒鵝(上庄）燒鵝皮脆有光澤, 有鵝味且肥瘦適中。肉汁多不鞋口, 配合酸梅醬食用, 甜甜酸酸很開胃。#燒肉雖然回到家一段時間才食，依然回皮脆肉香，舊豬腩肉好肥美, 家人十分喜歡😘。#客家鹽焗雞$30半隻非常抵食，雞皮滑溜有油香, 肉質嫰滑煙韌, 味道都唔會好鹹, 真係唔錯, 令人胃口大開。

這天到朋友家作客，因為不好意思兩手空空，所以便斬料加餸。我覺得食物抵食。$30半隻雞，$22一個飯盒，而半隻燒鵝只是$180，價錢親民。若果我住附近應該會常光顧。燒鵝在朋友家已經吃光，大家煮了一些麵條及蔬菜，配著燒鵝吃得高高興興！可能因為是馬上吃的關係，我覺得燒鵝亦算是皮脆肉嫩，而且燒鵝肥瘦適中，不會有厚厚的脂肪層，口感亦不會乾柴。我們沒有即時品嚐叉燒及手撕雞，但我夾了一些回家。我覺得手撕雞味道不夠濃郁，需要自己添了一些芝麻醬。而叉燒，我覺得不乾不柴不肥膩，我覺得很好！

星期日要返工，放工唔想煮，於是係屋企附近間長沙灣燒味滷師到斬料，屋企人最鍾意食佢嘅至尊燒鵝，皮脆肉嫩，加上啖啖肉，少肥肉👍，客家鹽焗雞半隻都係$30,雞皮散發出油香，雞肉咸香味剛好，再配上畀嘅沙薑汁，更加好餸飯，見到啲义燒及脆皮燒肉好靚，又做緊優惠，忍唔住都要買，燒肉外皮香脆，肉質夠鬆化，又唔會好油膩，而我個人最愛义燒，肥瘦比例剛剛好，义燒夠淋又唔鞋口， 連啲汁都夠甜，其實嚟間燒味店出名總類多，價錢大衆化，難得食物質素都唔錯，簡直可以話平靚正！難怪次次去都見有多人門口排隊購買外買回家加餸呢！

店鋪：燒味滷師 (長沙灣)地址：長沙灣長發街28號安發大廈地下D號舖我諗食燒味係香港人嘅一大至愛，尤其是平時喺屋企煮飯諗唔到煮咩餸，去街市斬返幾盒燒味嚟食就啱晒🤙長沙灣呢間燒味滷師開咗接近一年時間，佢哋嘅試食價新張優惠冇停過，而每日嚟買燒味嘅大排長龍亦同樣冇停過😎，皆因佢哋單雙拼燒味飯先賣$22咋🤑，難怪吸引到咁多人嚟幫襯至尊燒鵝半隻 $180燒鵝估唔到又真係幾大隻，叫半隻已經裝滿晒成個盒，大小尚算均勻，將熱辣辣嘅燒鵝汁即叫即淋上皮薄嘅燒鵝，入口香脆，肉質嫩滑唔嚡，未打開盒已經勁香油脂味🤤，我特別鍾意鵝髀位啖啖肉；雖然拎到返去個底已經積滿晒鵝嘅油脂，但轉咗隻碟避開啲油就好好多燒味佬叉燒半斤 $50叉燒唔會好肥，肉同脂肪8:2比，取勝在於佢哋嘅香甜蜜芽糖😋，甜而唔會好濃膩，燒焦嘅部份亦唔多，不過斬嘅手勢就有待改善🙈，有啲好大舊，有啲就好細舊原味手撕雞半隻 $60平時食手撕雞通常都只喺會比啲肉你，啲骨就會抽走晒，而燒味滷師會連骨拆肉咁比埋你，天加放心喺有半隻雞嘅份量，鍾意損骨嘅人仲可以多個享受😌，調味唔會太鹹或者太淡，加上芝麻食起上嚟就更香口

日常都喜歡斬料返屋企加餸，今晚弟弟返嚟食飯，決定食好啲。有時經過長沙灣都見到呢間燒味店人頭湧湧，特別收工時間，排晒長龍㗎，所以我想試吓佢嘅燒味。最後我買咗四款不同款式嘅燒味返屋企同屋企人開心share食。首先就是半隻原味手撕雞，就咁睇已經成盒好有份量，而且配以麻醬，還有好爽口嘅海蜇，小朋友最鍾意食一條條嘅手撕雞，啖啖肉又冇骨，食到好多雞髀肉啊。燒味佬叉燒大約有半斤，仲有好多斬好件的燒全翼，我就最喜歡吃雞翼，撈飯簡直一流，而且叉燒半肥瘦，最啱我胃口。大大盒嘅至尊燒鵝有半隻，面頭已經係雞髀件，哥哥就最鍾意凍食，但係我同媽媽就炒幾炒熱辣辣去食，原來都別有一番風味，最鍾意佢多肉少骨，而且燒鵝肉好滑嫩，正。下次會再繼續幫襯，味道真係唔錯！