燒味滷師 (安發大廈)

營業中

休息中

呢間新開張嘅燒臘店裝修好企理乾淨，玻璃廚窗掛滿各式各樣燒味，仲有一個雪櫃有一盒盒冷盤任君選擇。6點左右人頭湧湧，但勝在人手多，師傅手腳又快，兩、三分鐘就拎到。【禾田滷水鴨（半隻）】滷水鴨啖啖肉，肉偏瘦但唔會韌。半隻都幾大盒，份量好多，點埋個酸汁食好滋味！【燒味佬叉燒（1斤）】叉燒偏瘦啱我（我叫時冇指定），哈哈！蜜汁味適中，唔會蓋過豬肉味，肉質亦夠淋唔韌。【燒雞翼（4隻）】燒雞翼同叉燒個汁同樣嘅，夠入味！雞皮燒到微焦火候夠。【胡麻海蜇手撕雞 （半隻）】最有驚喜係呢盒手撕雞，雞肉嫩滑多汁亦有雞味，海蜇超爽口彈牙！配埋個胡麻醬同芝麻超惹味！舊式燒臘店成日都覺得好污糟，有時想食都想買，有間咁新式嘅店真係唔錯！食都食得放心啲！而且人流夠多，食物不停燒不停出，夠晒新鮮呀！

年頭個陣幫襯過嘅燒味店——燒味滷師，一家大細都食得好滋味，今日有嘢要過嚟長沙灣攞，於是緊係要買番幾盒走，就可以有好食嘅燒味加餸😚嚟遠行過嚟就見到呢間裝修得好新淨亮麗嘅燒味店，黃色主調嘅舖面突出顯眼，有別於一般嘅一貫普通嘅燒味舖設計，格外新式😆禾田滷水鴨(半隻) ($60)- 上次冇叫過滷水類嘅燒味，今次一於叫樣嚟試吓，食落果然冇失望，滷水鴨大隻厚身，所以食落啖啖肉，好滿足；而且滷水味道突出，鴨肉有嚼勁，但又唔會太過嗰種，非常好食😁蜜汁燒一字骨(約半斤) ($60)- 一字骨都係我常叫嘅一款燒味，鍾意香蜜甜美嘅蜜汁澆滿一字骨嘅表面，每次都食到舔舔脷☺️- 一字骨唔會燒到太過火而乾柴柴，肉質仲係保持到一定嘅嫩滑，鎖住肉嘅鮮味，好正🤤麻辣手撕雞(半隻) ($60)- 見到前面嗰個人買咗涼拌嘅麻辣手撕雞，望落去好吸引，麻辣迷嘅我緊係唔放過，麻辣香得嚟好食，辣度適中，唔會蓋過雞肉嘅鮮味，手撕雞雞種採用咗白羽雞種，肉身雪白嫩滑，好好味😋蜜汁燒雞亦(4隻) ($20)- 蜜汁燒雞翼呢款小身嚟講都整得好高質，蜜汁香濃甜美，索晒入啲雞翼入面，入面唔會話好淡，雞翼大隻厚身，食到好滿足🥰今次encore都食得

大大件 啱晒食肉獸family嘅斬料好選擇～～～呢間燒味滷師 出名大大碟 好抵食 質素都高 喺長沙灣深水埗一帶非常之出名 好耐之前 黎過附近買完之後 屋企人都讚好 所以今日過嚟見客 就順便買少少返屋企食☺️～～～今次我就買咗禾田滷水鴨 蜜汁燒排骨 胡麻海蜇手撕雞同燒雞翼 斬料師傅一如既往地好大方 斬咗大大盒 買咗一堆都唔使$200 好抵😁～～～胡麻海蜇手撕雞：爽口彈牙嘅海蜇 加埋撕得啱啱好大細嘅手撕雞 再撈埋啲麻醬 再加埋上面d香口白芝麻 食落好清新好開胃 做為我哋屋企嘅前菜就啱啱好🐔～～～燒雞翼 ：正所謂燒雞翼 我中意食 我屋企同星爺一樣都咁鍾意食燒雞翼 而且佢哋嘅雞翼燒得好juicy 唔會好乾 又唔會好油 打開之後幾分鐘已經俾我哋消滅晒🐥～～～禾田滷水鴨：禾田喺邊度我真係唔知 孤陋寡聞嘅我淨係識得食 雖然唔知係邊度 不過佢哋嘅滷水鴨真係好出色 鴨肉緊緻又夠彈牙 滷水汁又唔會太鹹 而且個鴨皮都幾滑 又係全家都讚好嘅一款滷水🦆～～～蜜汁燒排骨：家姐鍾意食甜甜地嘅嘢 所以特登叫咗呢一個燒排骨俾佢 香香甜甜嘅蜜汁 食完令人覺得好sweet 心情都好起來 而排骨亦都係啖啖肉 最鍾意就係佢哋嘅

收工斬料搵滷師：「滷師」老師你好嘢👏 👍講到食燒味，又要平又要靚「滷師」就最正，每次去都排長龍，有乜秘訣，皆因平靚正⋯⋯—————————-🟫滷水鴨：佐酒一流的滷水鴨，講到飲酒又再口水流😂滷水味道適中又不會太咸，吃落的滷水又香又夠味，再點D甜甜酸酸的白醋，配上味道更加一流⋯⋯餸飯同餸酒都咁正⋯⋯——————————🟧招牌手撕雞：惹味兼又麻又辣的手撕雞，吃一口就愛上的味道😋麻辣夠香又夠椒又麻又辣輕飄飄吃到辣嘢定愛吃唔吃辣吃另一隻........鹽焗雞—————————🟥燒排骨：燒排骨，夠惹味佐酒餸飯都合適————————🟨大紅腸：食滷水又點小得大紅腸，大人細佬仔都鍾意食————————做得咁出色，原因係前酒店師傅主理，食得夠椒又出色嘅「滷師」老師食得開心🥳⋯⋯就係咁簡單————————

當想不到晚餐食什麼的時候，燒味店總是一個good idea。.見到燒味滷師掛出來的燒味靚，於是斬料回家。.禾田滷水鴨（半隻）$60 - 好耐無食鴨了，滷水汁分開放，味道甘香，肉質踏實。特登叫師傅揀一個偏瘦的鴨，更健康，啖啖肉。師傅斬件整齊，好功夫哈！胡麻海蜇手撕雞 $65 - 意想不到地好食，雞肉超香滑，嫩嫩的。人食手撕雞的好處是方便，去皮去骨，塊塊肉都好入味。海蜇爽脆，伴上胡麻醬更正。叉燒、雞翼 - 男女老少都喜歡，必次食燒味必備。

之前幫襯過長沙灣呢間燒味店，真係好抵食，今日諗唔到煮咩餸，最好梗係食燒味啦。 我最鍾意食燒鵝，一定要揀，熱辣辣嘅燒鵝，倒埋啲燒鵝汁落去更加美味，皮脆肉嫩又多汁。 燒味佬叉燒有燶邊，蜜汁香甜。 燒腩仔個皮卜卜脆，又唔會太肥，正呀！ 仲有店員介紹最新推出嘅手撕雞，有3種味，原味、麻辣同埋海蜇胡麻，店員話最多人揀海蜇胡麻，所以我都試咗呢個，凍冰冰嘅手撕雞同爽脆嘅海蜇，加埋胡麻醬一齊食，非常滋味。 不得不提呢度嘅單雙拼飯盒都只係賣22蚊咋，絕對係平到喊！唔怪之得成日都咁多人排隊啦。

之前去過長沙灣【燒味滷師】買燒味返屋企食，今次專誠再嚟試埋佢哋嘅滷水燒鵝。今次買咗禾田滷水鴨(半隻)、燒味佬叉燒(約半斤)、海蜇胡麻手撕雞(半隻)、 蜜汁燒雞翼(4隻)， 返屋企同屋企人開心share。禾田滷水鴨肉質好柔嫩，最緊要滷水味滲曬入d鴨肉入面，鍾意食滷水嘅我食到停唔到口。燒味佬叉燒肥瘦分佈平均，再加上特製嘅蜜汁，無論大人小朋友都食到舐舐脷。海蜇胡麻手撕雞嘅雞種係用咗白羽雞種，所以雞肉特別嫩滑同埋有雞鮮味，海蜇就爽口兼彈牙，加上胡麻提味，做前菜一流。蜜汁雞翼就燒得好平均，再搽上蜜汁鎖住雞汁，所以食落超惹味。燒味滷師無論燒味鹵水同樣出色。

禾田滷水鴨。大大隻滷水鴨，即使只要半隻份量已經好足夠。鴨皮一啲都唔肥，肉質均勻，厚實得嚟又唔會好鞋。而且好入味，滷水汁相當惹味，唔使蘸任何醬汁食已經好好味。燒味佬叉燒。叉燒肉質雖然偏瘦，但好軟腍。外層焦香微脆，蜜汁味香甜可口。燒雞翼。都話燒雞翼我自細鍾意食，外皮燒到焦香，蜜汁香甜，味道適中，中規中矩。客家鹽焗雞。雞皮嫩滑爽口，話係鹽焗雞，但其實唔會太鹹，鹽焗嘅淡淡嘅鹹香味滲入雞肉裡面，雞肉唔會太腍，有嚼口同雞味。

燒味滷師今日有朋友黎食飯 所以去左屋企附近買料加餸招呼客人舖頭新開張 見到大排長龍 透明櫥窗掛上剛出爐燒味，叉燒、燒肉、燒鴨、燒鵝各樣燒味依次排開 任君選擇由於人客數目眾多 所以要揀多幾款燒味招呼朋友燒味佬叉燒半肥瘦叉燒，皮脆帶有一點點的焦香，食起來鬆軟而唔會太乾身 一大班朋友食份量啱啱好禾味紅腸每次斬料都要加條紅腸 外皮夠脆 味道唔會太鹹 胡麻海蜇手撕雞另外再買多一盒手撕雞 麻醬用個膠兜仔裝住 自行調配分量 麻醬加手撕雞絕對係最佳組合 手撕雞份量十足 啖啖都係肉 唔會好似其他鋪頭咁畀咁多骨 連埋海蜇一齊食 開胃小菜之一 禾田鹵水鴨師傅刀工精湛 唔會砌到啲肉散哂 鹵水汁香濃入味唔會過份死鹹  鴨肉鮮嫩 大人小朋友都好鍾意食

有親戚黎屋企玩，於是我去咗加料。買左禾田滷水鴨，胡麻海蜇手撕雞，禾味紅腸同燒味佬叉燒。~~禾田滷水鴨買咗半隻，半隻分量都好多，裝滿咗一盒。滷水味好香，唔會太鹼。d鴨肉好重滷水味，好正，鴨肉肉質嫩滑。~~胡麻海蜇手撕雞份量好多。雞好新鮮同嫩滑，又有芝麻香，加埋麻醬味道好夾，海蜇好爽脆。~~禾味紅腸D紅腸好入味。有好重既滷水味。正~~燒味佬叉燒叉燒已經係第2次買，冇退步。依然係好好味。叉燒半肥瘦，肉質好軟熟，食落好juicy。加埋蜜汁，味道岩岩好。

禾田滷水鴨（半隻） $60鴨肉偏瘦 咬落唔會韌 亦唔會有羶味🤩 點酸辣汁一齊食更加美味☺️胡麻海蜇手撕雞（半隻） $65海蜇口感同一般平時食到嘅有啲唔同 佢更加爽口彈牙有煙韌感👍🏻我哋反而更加鍾意呢個嘅海蜇口感！ 佢地既胡麻醬比較輕盈 所以食晒成包都唔會好膩☺️ 雞肉比較韌少少🤓蜜汁燒排骨 $50燒排骨味道ok 甜甜既燒汁味道 排骨已經切好一條條 方便進食🙈 燒雞翼 $20雞翼已經切件 價錢幾抵～ 味道正常 唔會有雪藏味！ 雞翼皮超蜜汁😍👅

一大班人返屋企食飯，費事要阿媽去街市迫，所以特登去了街市斬料，這間在蘇屋邨附近的燒味滷師，幫襯過幾次買燒味飯，$22大大盒，而且燒味質素唔錯。滷水鴨：半隻滷水鴨都是$60，大隻又多肉，滷水汁另上，唔怕浸得太咸，鴨肉結實有汁，滷得入味。燒味佬叉燒：叉燒表面帶少許焦，肉質嫩腍，有少許蜜糖香。蜜汁燒雞翼：$20/4隻全翼，真係甚少有，性價比高，雞翼juicy夠嫩滑。海蜇胡麻手撕雞：用了白羽雞種，雞肉味濃且嫩滑，加上爽脆海蜇，淋上芝麻醬，送麵一流。

今日再次嚟長沙灣做嘢，收工行經燒味滷師，聞到好香嘅燒味，於是忍唔住買幾味加餸。.店外排晒長龍，燒味師傅斬過不停，可見佢哋嘅燒味流轉快，唔會賣隔夜燒味，新鮮燒味有保證。.🐔客家鹽焗雞 (一隻) $110鹽焗雞調味均勻，皮薄肉嫩，份量唔少，而且價格只係$110，好過自己買料同烹調。.🐤禾田滷水鴨 (半隻) $60女友食燒鴨有啲悶，所以今次轉嗌滷水鴨。打開盒一睇，嘩！擺盆好靚，而且肥瘦有致，加埋佢嘅滷水汁，令鴨juicy啲之餘，味道都提升好多😻。.🐷燒味佬叉燒 (一斤) $50叉燒略嫌太瘦，口感差啲，但勝在蜜汁香甜，味道滋味。.🐷禾味紅腸 (半條) $20紅腸可謂女友最愛，半條賣廿蚊，抵呀。.高水準又經濟嘅燒味店，難怪日日咁多人幫襯，而且快速擴張啦😆。

見到呢間啲燒味幾好食 今晚梗係買啲翻屋企加餸啦😋禾田滷水鴨（半隻） $60鴨肉唔會太韌 唔會有陣騷味🥸 有滷水汁同酸辣汁俾你點黎食 有兩種唔同風味～～🤪麻辣手撕雞（半隻） $60呢個好食到我地一家都停唔到口🥰 好惹味同入味 😚 又唔算好辣 所以呢個好快就比我地清曬☺️燒味佬叉燒 $50叉燒係偏瘦個種 但又唔會太難咬開 都ok既～😌叉燒既蜜汁甜度適中😙燒雞翼 $20因為雞翼賣曬 得翻兩隻 所以師傅好好咁 比左隻雞髀我🤣 雞翼肉質較乾 蜜汁同叉燒個個汁係差唔多既～

今日出咗長沙灣去朋友屋企打邊爐，去到佢哋屋企樓下，見到呢一間燒味店，又再次吸引我眼球，因為呢間燒味店我屯門都幫襯過，見佢新張優惠所以都斬咗料上去佢哋屋企度加餸。滷水鴨$60都真係要在一次讚一讚佢哋，佢哋啲豉油同啲醬汁係分開嘅，想幾時食就幾時加落去，唔會浸住晒啲鴨，令到啲鴨變到好鹹。蜜汁燒排骨$50+紅腸$20勁勁勁勁好味！！燒排骨好入味，而且有少少嘅燶邊，食起上嚟脆脆地，更加惹野，食完一舊接一舊，停唔到口……好可惜今次只係買咗一斤，完全唔夠食，下次真係要買多啲。胡麻海蜇手撕雞$65估唔到一間燒味店，佢哋嘅手撕雞都咁好味，雖然所有嘢都好似唔需要烹調咁，但係第二間燒味店又食唔到呢個嘅水準🧐🧐🧐可能係因為啲海蜇經過調味？🧐定係啲雞醃過？再唔係唔通係啲胡麻張經過調製？🧐🧐🧐真係好難分析😫😫但係可以分析到嘅就係下一次一定要一隻手撕雞，同埋兩斤蜜汁燒排骨